Lajmet
KQZ ndan 4.2 milionë euro për partitë politike në Kuvend
KQZ-ja diskutoi edhe për përgatitjet për zgjedhjet në komunat veriore të Kosovës.
Komisioni Qendror Zgjedhor ka miratuar vendimin për ndarjen e fondit për mbështetjen e subjekteve politike për vitin 2023, ku për 15 partitë politike që përfaqësohen në Kuvendin e Kosovës janë ndarë 4 milionë e 200 mijë euro.
Po në këtë mbledhje të KQZ-së, u diskutua edhe për përgatitjet për zgjedhjet në komunat veriore të Kosovës dhe rekrutimin e zyrtarëve komunalë të dorëhequr në këto komuna.
Bazuar në të dhënat, Lëvizja Vetëvendosje e cila ka numrin më të madh të deputetëve nga ky fond përfiton më shumë se 2 milionë euro. Pastaj PDK-ja me 665 mijë euro, LDK-ja me 525 mijë euro dhe AAK-ja me 280 mijë euro. E nga subjektet e komuniteteve joshumicë më së shumti përfitoi Lista Serbe, në vlerë prej 315 mijë euro.
Besnik Buzhala nga zyra për regjistrim dhe certifikim e kontroll financiar të subjekteve politike në KQZ, tha se shuma që do të ofrohet këtë vit për 15 subjektet politike që përfaqësohen në Kuvendin e Kosovës, është 4 milionë e 200 mijë euro.
“Rekomandimin për ndarjen e fondit mbështetës. Sipas kësaj tabele shuma që do të ofrohet për këtë vit për 15 subjektet politike që përfaqësohen në Kuvendin e Kosovës, është 4 milionë e 200 mijë euro”, tha ai.
Anëtari i KQZ-së nga PDK, Ilir Gashi tha se asnjë cent nuk mund t’i shkoj një subjekti politik apo kandidati, nëse ajo nuk është e përcaktuar me ligjet në fuqi apo me ndonjë vendim të gjykatave.
“Vendimmarrja juaj duhet të jetë e bazuar vetëm në ligj, asnjë udhëzues apo praktikë e mirë nuk mund të merret për t’i ndarë parat subjekteve politike por duhet ligji çka thotë, ligji dhe vendimet gjyqësore, qofshin vendime të gjykatave të rregullta apo qofshin vendime të Gjykatës Kushtetuese, vendime të gjykatave bëhen normë karshi një ligji të caktuar dhe duhet me u respektuar…Asnjë cent nuk mund t’i shkoj një subjekti politik apo kandidati poçëse ajo nuk është e përcaktuar me ligjet në fuqi apo me ndonjë vendim të gjykatave”, tha ai.
Sami Hamiti nga LDK tha se vendimi është i bazuar dhe si i tillë duhet të votohet.
“Vendimi tash është i bazuar pa marrë parasysh tek subjekti i radhës që ka hyrë edhe ajo është e përcaktuar me ligj që çdo subjekt politik që merr pjesë në Kuvend me i nda financat. Konsideroj se është në rregull”, tha ai.
E po në këtë mbledhje, Ibrahim Selmanaj, anëtari i KQZ-së nga radhët e AAK-së, pyeti se a kanë paraparë hapjen e një konkursi për zyrtarët komunal në katër komunat veriore, ku kanë dhënë dorëheqje këta zyrtarë.
“Plani i cili është i paraparë për zgjedhjet në veriun e Kosovës, a keni paraparë edhe një konkurs të shpejt sepse zyrtarët komunal i kemi të dorëhequr dhe mendoj se duhet me pas pak efikasitet në këtë drejtim se vetë fakti që duhet me u mbajt zgjedhjet, edhe duhet me pas persona që kanë me qenë përgjegjës për këtë fushë. A keni në plan, a mundemi me krye apo jo”, tha ai.
E kryeshefi ekzekutiv i sekretariatit të KQZ-së, Burim Ahmetaj tha se janë në përgatitje të planit të rekrutimit, ku prioritet do t’u jepet zgjedhjes së katër zyrtarëve komunalë.
Lajmet
Studentët e UBT-së vizitojnë agjencinë Base Agency për të mësuar mbi marketingun dhe inovacionin
Në kuadër të lëndëve Marketing Ndërkombëtar dhe Marketing Digjital, studentët e Fakultetit Menaxhment, Biznes dhe Ekonomi – Niveli Master në UBT, të udhëhequr nga prof. Gonxhe Beqiri, realizuan një vizitë studimore në agjencinë e marketingut Base Agency në Prishtinë.
Gjatë vizitës, studentët patën mundësinë të njihen me themeltarët e agjencisë, Lirak Arifaj dhe Alban Shabani, dhe të mësojnë për sfidat dhe sukseset që kanë shoqëruar zhvillimin e kompanisë deri më sot. Një pjesë e veçantë e takimit iu kushtua prezantimit të klientëve kryesorë vendorë dhe ndërkombëtarë, duke theksuar bashkëpunimet strategjike dhe fushat e ndryshme të veprimtarisë së agjencisë.
Studentët u njohën gjithashtu me procedurat e brandimit, qasjen profesionale në punën me klientët, si dhe metodologjitë e përdorura për ndërtimin dhe menaxhimin e identitetit të markave. U prezantuan edhe inovacionet më të fundit në marketing dhe komunikim, si dhe projektet e shumta të realizuara me sukses, që dëshmojnë për kreativitetin dhe kapacitetin profesional të agjencisë.
Vizita ishte interaktive, ku studentët bënë pyetje mbi strategjitë e marketingut, rëndësinë e inovacionit, zhvillimin e tregut ndërkombëtar dhe përgjegjësinë sociale të kompanisë.
100 qytetet me ushqimin më të mirë në botë
25 divorcet të shtrenjta në histori
Trump mbështet sanksione ndaj Kinës dhe Indisë për blerjen e naftës ruse
Moti sot: Borë e ngrica
Prokuroria e Prizrenit me aksion të madh në disa qytete të Kosovës
Studentët e UBT-së vizitojnë agjencinë Base Agency për të mësuar mbi marketingun dhe inovacionin
Numërohen 31.58% e votave me kusht
Kolona të gjata në magjistralen Fushë Kosovë – Prishtinë si pasojë e reshjeve të shiut
Rreziku nga përmbytjet, Komuna e Prishtinës apelon qytetarët për kujdes të shtuar
-
Aktualitet3 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Aktualitet2 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni2 months agoProfesorët e UBT-së publikojnë studim shkencor mbi cilësinë e ujërave nëntokësore në Komunën e Suharekës
-
Lajmet3 months agoProfesoresha e UBT-së, Dr. Fatbardha Qehaja Osmani boton studim ndërkombëtar në revisten prestigjioze të Quartile-it 1- Reading Psychology, Taylor & Francis- Routledge