Teknologji

​KPM kundër dezinformatave, ndalon transmetimet e mediave ruse në Kosovë

Nga ky vendim janë larguar katër media ruse.

Published

on

Agresioni rus në Ukrainë ka bërë që Komisioni i Pavarur i Mediave (KPM) të marrë vendim për largimin e përkohshëm nga transmetimi të gjitha kanalet me origjinë nga Federata Ruse në Kosovë. Kjo me qëllim që qytetarët tonë mos të bien pre e dezinformatave. E nga ky vendim janë larguar katër media ruse.

Kryeshefiekzekutiv i Komisionit të Pavarur për Media, Faruk Rexhaj, në një intervistë për KosovaPress, tregon qëllimin e largimit e përkohshëm të kanaleve ruse nga transmetimi në vendin tonë.

“Komisioni i Pavarur i Mediave ka marrë një vendim me të cilin përkohësisht ka larguar të gjitha mediat ruse ose me origjinë ruse në të gjithë operatorët e shpërndarjes në vendin tonë. Bëhet fjalë për disa kanale ruse të cilat operojnë përmes operatorëve të shpërndarjes, është Russia Today, Russia Documentary, dhe dy kanale të tjera, por ajo që është me rëndësi se operatorët e shpërndarjes i janë përmbajtur vendimit të KPM-së dhe pothuajse të gjitha operatorët i kanë larguar këto media nga transmetimi i tyre, nga platformat e tyre”, tha Rexhaj.

Për vendimin e largimit të përkohshëm të transmetimit të mediave ruse, Rexhaj thotë se edhe vendet e Evropës kanë marrë një vendim të tillë.

“Së paku sa jemi njoftuar edhe ne nga mediat, siç duket ka edhe në Evropë ka shtete të cilat e kanë ndërmarrë këtë hap duke i larguar këto media nga transmetimi i tyre, mirëpo kryesisht ka ardhur si pasojë e luftës e cila është duke u zhvilluar në mes Rusisë dhe Ukrainës, është bërë në një formë dhe jemi duke marrë masa të nevojshme që të mbrohet siguria, rendi juridik në Kosovë që të mos ketë dezinformata të cilat mund të qojnë në prishjen e çfarëdo rendi apo diçka në vendin tonë, kjo është parandaluese gjithsesi është i përkohshëm dhe në asnjë formë nuk duhet të tingëllojë si ndalim i fjalës së lirë apo diçka e tillë, thjesht është një vendim i përkohshëm, të shohin ditëve në vazhdim se si janë duke rrjedhur gjërat dhe sa duhet të qëndrojë ky ligj në fuqi”, tha ai.

Rexhaj ka thënë se të gjitha mediat të cilat transmetohen në Kosovë janë të licencuara nga Komisioni i Pavarur i Mediave.

“Operatorët e shpërndarjes marrin kanalet me licencë dhe ka kanale vendore të cilat janë të licencuara nga KPM-ja, mirëpo ka kanale edhe nga jashtë Kosovës të cilat janë të licencuara në vendin e origjinës. Në direktivën e AVM-së dhe në përgjithësi licencimi i dyfishtë nuk lejohet, pra ato media të cilat janë të licencuara në venin i origjinës nuk licencohen prapë në Kosovë, këtu operatorët e shpërndarjes kanë mundësi të marrin kanale nga dhe kanë kanale po thuajse nga të gjitha vendet e botës përfshirë Gjermaninë, Francën prej të gjitha vendeve të ciklat mbledhin kanale me marrëveshje i ofrohen marrëveshjet për ato kanale që i kanë dhe i transmetojnë”, tregon ai.

Ndërkohë ,ai foli edhe për transmetimin e mediave serbe në Kosovë, për të cilat thotë se kanë të drejtë të transmetohen në Kosovë, pasi që janë të licencuar.

“Të gjitha subjektet transmetuese të cilat transmetojnë në Kosovë kanë licencë nga KPM-ja. Këto subjekte transmetuese mund të arrin frekuencë nga radio, të cilat janë edhe televizionet me frekuencë, operatorë të shpërndarjes (operatorë kabllorë), kanë licencë në KPM, mirëpo operatorët e shpërndarjes bartin kanale edhe të Serbisë si (RTS), mirëpo kanë të drejtë, ka edhe operatorë shqiptarë që bartin kanale serbe në platformat e tyre të shpërndarjes, kjo është diçka që është në kuadër të ligjit[…]Nuk e di se si funksionon atje në Serbi licencimi i këtyre kanaleve, mirëpo mendoj se Kosova ka një pluralizëm të madh medial, kemi pothuajse televizione në të gjitha komunitet në Kosovë që veprojnë, kjo është një praktikë për tek ne qytetarët e barabartë dhe të gjitha ata që i plotësojnë kushtet në bazë të ligjit”, tha ai.

Ndërkohë KPM bën apel te mediat që të kenë kujdes gjatë transmetimit të përmbajtjeve programore me qëllim të evitimit të shpërndarjes së lajmeve propaganduese dhe të rreme, e që bëhet fjalë për ato nga Federata Ruse.

Teknologji

Një nga kompjuterët më të rrallë në histori, Apple-1 shitet për 475 mijë dollarë

Published

on

Një nga kompjuterët më të rrallë dhe më ikonik në historinë e teknologjisë, modeli Apple-1, është shitur për një shumë marramendëse prej 475 mijë dollarësh amerikanë në një ankand të mbajtur në Boston.

Ky kompjuter është pjesë e grupit të parë prej vetëm 50 njësish, të prodhuara me dorë nga bashkëthemeluesit e Apple, Steve Jobs dhe Steve Wozniak, në vitin 1976.

Sot, ekzistojnë nëntë ekzemplarë funksionalë të këtij modeli, duke e bërë të rrallë dhe të kërkuar nga koleksionistët. Modeli i shitur, i njohur si “Byte Shop Apple-1”, përfshin një kabinetë prej druri të ngurtë dhe është në gjendje të plotë pune një faktor kyç që ndikoi në çmimin përfundimtar.

Fillimisht ishte vlerësuar se do të shitej për 300 mijë dollarë, por interesi i madh dhe gjendja e shkëlqyer e pajisjes bënë që ai të shitej shumë mbi këtë pritshmëri.

Kompjuteri i njohur si “Moore Apple-1” i përkiste June Blodgett Moore, e cila është njohur si gruaja e parë që ka diplomuar në Fakultetin e Drejtësisë në Universitetin Stanford.

Apple-1 erdhi në ankand me komponentët tastierën, interfejsin për kaseta dhe softuerin Apple BASIC.

Një video demonstruese e funksionimit të tij, e realizuar një ditë para ankandit, i shtoi vlerë të konsiderueshme ofertës.

Në kohën kur u lansua, Apple-1 shitej për 666.66 dollarë, ai përfaqëson pikë kthese në historinë e kompjuterëve personalë, konsiderohet si gurthemeli mbi të cilin u ndërtua perandoria e teknologjisë. /A.Z/UBT News/

 

Continue Reading

Teknologji

Spotify surprizon përdoruesit me një risi të madhe

Published

on

Në selinë qendrore të Spotify duket se po ndodhin ndryshime të mëdha. Brenda më pak se një jave, kompania ka sjellë një tjetër lajm të mirë për përdoruesit.

Tani, dëgjuesit mund të zgjedhin dhe të dëgjojnë çdo këngë që duan, pa pagesë.

Ky ndryshim vjen pasi Spotify prezantoi përmirësime për shërbimin Premium dhe vendosi të ofrojë një avantazh të ri për përdoruesit e planit falas, pa rrezikuar humbjen e abonentëve.

Llogaritë me planin falas kanë mundësi të zgjedhin çdo këngë dhe ta dëgjojnë, një opsion që ishte i rezervuar vetëm për abonentët Premium.

Ky funksion do të jetë i disponueshëm globalisht duke filluar që sot. /A.Z/UBT News/

Continue Reading

Teknologji

Google shkaktoi kaos, gati 77 për qind e faqeve u prekën

Published

on

Në mes të shtatorit 2025, Google pa paralajmërim hoqi parametrin e URL-së “&num=100”, i cili lejonte që në një faqe kërkimi të shfaqeshin 100 rezultate njëherësh.

Edhe pse duket ndryshim teknik i vogël, ky veprim shkaktoi trazira të mëdha në komunitetin SEO, ndikoi në funksionimin e mjeteve të ndjekjes së renditjes dhe deformoi të dhënat statistikore. Mendohet se ka ndikuar në rreth 77% të faqeve.

Parametri “&num=100” ishte baza e softuerëve që monitoronin pozicionet në Google, lejon skanimin e 100 rezultateve me kërkesë të vetme.

Pas heqjes së tij, mbledhja e të dhënave u bë dhjetë herë më komplekse:

Para: 1 kërkesë = 100 rezultate

aPas: 10 kërkesa = 100 rezultate

Kjo sjell më shumë kërkesa për serverat e Google, rritje të kostove infrastrukturore dhe më shumë kompleksitet në mbledhjen e të dhënave. Pasojat përfshijnë panelet e kontrollit të prishura, të dhëna të humbura për renditjen dhe raporte të paplota të SERP-it. Disa mjete kanë kufizuar ndjekjen në 20 rezultatet kryesore për të zbutur kostot e rritura, pritet që kosto të transmetohen tek përdoruesit përmes rritjes së çmimeve të abonimeve.

Efektet në Google Search Console (GSC)

Ndryshimi ka ndikuar edhe në të dhënat e GSC-së. Shumë pronarë faqesh kanë vënë re ulje të shikimeve në desktop, pozicioni mesatar i faqeve ka pësuar rritje, se botët që ndjekin renditjen nuk mund të regjistrojnë më shikime për pozicionet 11-100 në të njëjtën faqe. Përpara, parametrin aktiv mundësonte që edhe faqet në pozicione të largëta të regjistronin shikime, duke kontaminuar të dhënat e mëparshme.

Arsyet e ndryshimit:

Google nuk ka dhënë shpjegim, por ekspertët e SEO sugjerojnë disa motive: Vështirësimi i scraping-ut: pengon mbledhjen automatike të të dhënave nga SERP. Mbrojtja e infrastrukturës: ul ngarkesën e serverave. Kontrolli i të dhënave: inkurajon përdorimin GSC e API zyrtare.

Mbrojtja ndaj konkurrencës së AI: redukton mundësitë që mjete ose modelet AI të përdorin indeksin e Google për krijimin automatik të përgjigjeve. /A.Z/UBT News/

Continue Reading

Teknologji

Apple konfirmon: iOS 26 mund të ndikojë në baterinë e iPhone

Published

on

Apple ka lëshuar një njoftim të rëndësishëm lidhur me përditësimin e fundit të sistemit operativ, iOS 26.

Kompania pranon se instalimi i versionit më të ri mund të shkaktojë një rritje të përkohshme të konsumit të baterisë, diçka që përdoruesit e kanë vënë re pas çdo përditësimi të madh.

Arsyeja kryesore është se pas instalimit, shumë procese në sfond fillojnë të funksionojnë, si indeksimi i të dhënave, shkarkimi i burimeve shtesë për funksione të reja dhe përditësimi automatik i aplikacioneve.

Apple siguron përdoruesit se kjo është normale dhe se bateria do të kthehet në performancën e saj normale brenda disa ditësh, pasi këto procese përfundojnë.

Edhe pse funksionet e reja rrisin ngarkesën mbi procesorin, ndikimi në performancë dhe konsum energjie është minimal.

Kompania këshillon përdoruesit të mos shqetësohen për ngrohjen fillestare të pajisjes dhe shpejtësinë e shtuar të konsumit të baterisë.

Për ata që janë më skeptikë, Apple sugjeron të presin përditësimet e para me rregullime gabimesh para se të instalojnë versionin e ri të iOS. /A.Z/UBT News/

Continue Reading

Të kërkuara