Lajmet

Këto janë rreziqet nga gërhitja gjatë natës

Published

4 years ago

July 1, 2021

Betim Gashi

Të gjithëve na ka ndodhur të paktën një herë të zgjohemi nga gërhitja e dikujt tjetër. Ajo ndonjëherë mund të jetë simptomë e një gjendje të rëndë shëndetësore, dhe personi që gërhit nuk është i vetëdijshëm për këtë, shkruan “Sun”.

Është apnea që besohet se nuk është diagnostikuar në 85% të pabesueshme të rasteve, sipas “British Lung Foundation”.

Studime të ndryshme kanë lidhur apnean me vdekjen e parakohshme, presionin e lartë të gjakut, sulmin në zemër dhe goditjen në tru, por edhe shumë gjendje të tjera.

Apnea është një gjendje relativisht e zakonshme për të cilën gërhitja është një shenjë tipike.

Nëse e keni, frymëmarrja juaj ndalet për rreth 10 sekonda deri në një minutë ndërsa flini, dhe kjo përsëritet gjatë natës. Kjo shkaktohet nga relaksimi i muskujve të gojës dhe fytit, shkaqet e të cilave janë të ndryshme. Sapo truri të vërejë se çfarë po ndodh, ai përpiqet të të zgjojë dhe pastaj fillon të marrësh frymë përsëri.

Pavarësisht nga fakti që përsëritet rregullisht, shumë njerëz mund të flenë gjatë gjithë natës pa e ditur se çfarë po ndodh. Por gjatë ditës, ata mund të ndjehen të lodhur pa qenë të vetëdijshëm pse.

Sigurisht, vetëm sepse gërhitni nuk do të thotë që keni apnea. Ka shumë shkaqe të mundshme, si një natë e vështirë pas konsumit të tepërt të alkoolit ose pagjumësisë, madje edhe shtatzënisë ose mbipeshës. Por sa më shumë që të jetë gërhitja, aq më të ngushta janë rrugët e frymëmarrjes, andaj një gërhitje shumë e fortë që zgjon partnerin tuaj mund të jetë një shenjë e apnesë.

Urinimi i shtuar gjatë natës mund të jetë shenjë e shumë kushteve, përfshirë apnean. Ndodh për shkak të efektit domino të zgjimit vazhdimisht natën.

Mary Umlauf nga Universiteti i Alabama zbuloi se 84 për qind e njerëzve me apnea e kanë këtë simptomë.

“Oksigjeni zvogëlohet, dyoksidi i karbonit rritet, gjaku bëhet më acidik, pulsi bie dhe enët e gjakut në mushkëri ngushtohen. Gjatë kësaj kohe, zemra sekreton një proteinë të ngjashme me një hormon që i thotë trupit të heqë qafe natriumin dhe ujin, gjë që rezulton në urinim natën ”, shpjegoi mjeku.

Megjithëse nuk mund ta kuptoni që jeni zgjuar gjatë natës, kjo mund të çojë në një ndjenjë lodhjeje gjatë ditës që mund ta bëjë më të vështirë për ju të kryeni aktivitete dhe detyra të përditshme.

Njerëzit që kanë apnea shpesh raportojnë vështirësi në përqendrim dhe probleme me kujtesën. Nëse flini keq, ka shumë mundësi që të nesërmen të jeni nervoz.

Zgjimi me dhimbje koke është një shenjë shumë e zakonshme e apnesë. Sipas një studimi të fundit, dhimbjet e kokës në mëngjes prekin deri në gjysmën e pacientëve që vuajnë nga apnea.

Studiuesit besojnë se dhimbja e kokës shkaktohet ndoshta nga vazodilatacioni, përkatësisht zgjerimi i enëve të gjakut i shkaktuar nga mungesa e oksigjenit.

Lajmet

Nuk ka konstituim të Kuvendit

Published

3 minutes ago

June 23, 2025

UBTnews

Dështoi edhe vazhdimi i 36-të i seancës konstituive të Kuvendit të Kosovës.

Sërish Lëvizja Vetëvendosje kërkoi krijimin e një komisioni ad-hoc për votim të fshehtë.

Kryesuesi i seancës konstituive Avni Dehari kërkoi nga PDK-ja, LDK-ja, AAK-ja, Nisma dhe Lista Serbe që të bëjnë propozimet e kandidatëve të tyre për komision, por këto parti nuk pranuan
dhe nuk morën pjesë në votim.

Nga 99 deputetë të pranishëm, 53 deputetë votuan për, 1 kundër dhe asnjë abstenim.

Dehari ndërpreu seancën dhe bëri të ditur se vazhdimi i saj të jetë më 25 qershor, në orën 11:00.

Lajmet

Guri: Haxhiu ishte në seancë gjyqësore për sulm ndaj Kuvendit

Published

11 minutes ago

June 23, 2025

UBTnews

Deputeti i LDK-së, Paris Guri, ka thënë se nuk pret konstituim të Kuvendit të Kosovës, as në vazhdimin e sotëm të seancës konstituive të legjislaturës së nëntë.

Madje Guri tha se kandidatja për kryetare të Kuvendit, Albulena Haxhiu, ishte sot në një seancë gjyqësore, siç tha ai për sulmin ndaj këtij institucioni.

Haxhiu ishte sot në seancë gjyqësore për rastin e hedhjes së gazit lotsjellës në hapësirat e Kuvendit të Kosovës, mirëpo që e njëjta dështoi në mungesë të akuzuarve të tjerë.

“Sot s’besoj se mund të ketë zgjidhje pasi kandidatja për kryetare të Kuvendit është në një seancë gjyqësore ku po gjykohet për sulmin që ia ka bërë këtij institucioni. Është duke u ndëshkuar Kosova dhe populli dhe fatkeqësia më e madhe është kjo. S’ka lidhje se cila parti ndëshkohet përderisa populli i Kosovës është duke u ndëshkuar prej 9 shkurtit”, tha ai.

Sot Kuvendi po tenton për herë të 36-të të konstituojë Kuvendin e Kosovës.

Lajmet

Bajrami i reagon Muratit për alarmin e humbjes së 90 milionë eurove si shkak i bllokadës në Kuvend

Published

24 minutes ago

June 23, 2025

UBTnews

Deputetja e Lidhjes Demokratike të Kosovës, Hykmete Bajrami, ka reaguar ndaj deklaratës së ministrit në detyrë të Financave, Hekuran Murati, i cili u shfaq i shqetësuar se nëse Kuvendi nuk konstituohet deri në shtator, Kosova rrezikon të humbë 90 milionë euro.

Bajrami i ka kërkuar Muratit të “mos dezinformojë”, duke thënë se bllokadën është duke e bërë Vetëvendosje.

“Hekuran, mos dezinformo! E para: Bllokuesit jeni ju. Me 48 deputetë, e keni ngujuar vetën dhe vendin politikisht rreth një kandidateje për kryetare të Kuvendit, për të cilën nuk i keni votat. Mos provo me ju hedhë të tjerëve përgjegjësinë për krizën që ju vetë e keni krijuar dhe po e zgjatni”.

Deputetja e LDK-së e kritikoi më tej ministrin Murati për mungesën e votave për ratifikimin e një kredie dhe për humbjen e granteve nga Bashkimi Evropian.

“E dyta: Para se të flasësh për koston oportune të një kredie që si ministër ke dështuar t’i bësh votat për ta ratifikuar, pse nuk flet për qindra miliona euro grante nga BE-ja, që vendi nuk mund t’i shfrytëzojë prej dy vitesh, pikërisht për shkak të masave ndëshkuese që kanë ardhur si pasojë e qeverisjes suaj arrogante dhe destruktive”.

Lajmet

Basha: Kritika deputetëve që marrin pjesë në seanca pa dhënë votën e tyre

Published

34 minutes ago

June 23, 2025

UBTnews

Deputeti i Lëvizjes Vetëvendosje, Dimal Basha, kritikoi deputetët që marrin pjesë në seanca pa dhënë votën e tyre.

“Presim ndryshim qëndrimi për shkak se është shumë e rëndësishme konstituimi i Kuvendit, për shkak se është e paarsyeshme për secilin deputet që vjen në Kuvend dhe nuk ia le shenjë. Nuk voton as për, as kundër, as abstenim. Për ne si parti përgjegjësia më e madhe na bie neve. 57 votojnë për na tregoni pse katër deputetë nuk votojnë për. Për ne është e rëndësishme kur të vish të votohet, nuk ka vërejtje për Albulena Haxhiun as prej juve, as prej qytetarëve”, shtoi ai.