Kronikë e zezë

​Kërkohet paraburgim për pesë personat që u kapën me 75 kilogramë drogë

Rreth 75 kilogramë substanca narkotike të llojit marihuanë ka sekuestruar Policia e Kosovës gjatë operacionit “Bardhoshi” në Prishtinë.

Published

4 years ago

on

Prokuroria Themelore në Prishtinë-Departamenti i Krimeve të Rënda ka kërkuar masën e paraburgimit ndaj pesë personave të cilët u kapën me drogë në Prishtinë.

“Departamenti i Krimeve të Rënda, ka paraqitur kërkesë për caktimin e masës së paraburgimit, në Gjykatën Themelore në Prishtinë, kundër të pandehurve: B.B., S.H., M.S., S.S., D.M., për shkak të dyshimit të bazuar se në bashkëkryerje kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, nga neni 267 lidhur me nenin 275 të Kodit Penal të Republikës së Kosovës”, thuhet në komunikatën për medie nga Prokuroria Themelore në Prishtinë.

Prokuroria nëpërmjet komunikatës bëri të ditur se “Sipas kërkesës, ekziston dyshimi i bazuar se më 10.11.2021, pas ndalimit nga ana e policisë, i pandehuri me inicialet M.S., me shpejtësi, me veturën e tij është nisur nga vendi i ndaljes në mënyrë që t’i shmanget arrestimit të tij, kështu duke rrezikuar jetën e zyrtarëve policor, me ç’ rast është arritur të arrestohet në fshatin Doberllukë dhe i njëjti ka sulmuar fizikisht zyrtarët policor. Me këtë rast gjatë kontrollit në bagazhin e veturës së tij janë gjetur 18 paketime të mbushura me marihuanë, me peshë prej 19 kg e 702.1 gr. I pandehuri dyshohet për kryerjen e veprave penale “Sulmi ndaj personit zyrtar” dhe “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, të parapara sipas KPRK-së”.

Tutje në komunikatë thuhet se “Për të pandehurin B.B., prokuroria ka kërkuar paraburgim për veprat penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’ dhe ‘Mbajtja në pronësi, kontroll ose posedim të paautorizuar të armëve’, si dhe për të pandehurit S.H., S.S., dhe D.S., për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, të parapara sipas KPRK-së”

Rreth 75 kilogramë substanca narkotike të llojit marihuanë ka sekuestruar Policia e Kosovës gjatë operacionit “Bardhoshi” në Prishtinë. Të mërkurën dhe të enjten arrestuar pesë të dyshuar për veprën “blerja, posedimi, shitja dhe shpërndarja e paautorizuar e narkotikëve psikotroke dhe analoge”. Me vendim të prokurorit, të dyshuarit ndodhen në ndalim.

Në një konferencë për medie të enjte, prokurorja e rastit, Ikramije Bojaxhiu tha se të dyshuarit, S. H., S. S., D. M., B. B. dhe M. S, janë dërguar në mbajtje për 48 orë. Sipas saj, ky operacion është arritur në bashkëpunim të qytetarëve me prokurorinë.

Kurse, drejtori në Departamentin për Hetime të Trafikimit Narkotik, Reshat Murseli tha se hetimet kanë nisur katër muaj më parë ku janë ndërmarrë disa veprime hetimore të cilat kanë rezultuar me arrestimin e pesë personave.

Lidhur me këtë, siç tha Murseli, Stacioni Policor në Vushtrri ka iniciuar procedura ku më pas policia ka arritur të arrestojë këtë person. Ai kishte lën veturën duke tentuar të ikte në këmbë në një fshat të Vushtrrisë.

Related Topics:
Continue Reading

Kronikë e zezë

Grabitje me armë në Prizren

Published

48 minutes ago

on

February 4, 2026

By

 


Një grabitje me armë ka ndodhur në në Prizren, ku tre persona të dyshuar u kanë marrë para dy qytetarëve nën kërcënimin e armëve. Sipas Policisë së Kosovës, viktimat një mashkull dhe një femër, shtetas të Kosovës, nuk kanë pësuar lëndime trupore, ndërsa nga ta janë grabitur para në vlerë prej rreth 40 euro.
Rasti është raportuar në se ka ndodhur në rrugën “Durak Rada”.
Pas raportimit, njësitet policore kanë dalë në vendin e ngjarjes dhe kanë nisur hetimet për zbardhjen e rastit. Lidhur me incidentin është njoftuar edhe prokurori kompetent, ndërsa rasti është iniciuar si grabitje.
Autoritetet janë në kërkim të personave të dyshuar dhe hetimet për identifikimin dhe arrestimin e tyre po vazhdojnë.

Continue Reading

Kronikë e zezë

Prizren- arrestohen dy persona për falsifikim të dokumenteve

Published

50 minutes ago

on

February 4, 2026

By

Në Prizren janë arrestuar një burrë dhe një grua për veprën penale falsifikim i dokumenteve, sipas raporti të fundit të Policisë së Kosovës.

“Pasi që të njëjtit në cilësinë e dëshmitarëve kanë tentuar t’i mundësojnë personit të tretë pajisjen kundërligjshëm me dokumente identifikuese”, siç thuhet ne Raportin e Policisë.

Policia ka konfiskuar dy letërnjoftime të Republikës së Kosovës të dyshuar si të falsifikuar, një letërnjoftim të Kroacisë i dyshuar si i falsifikuar, dhe një telefon si prova materiale.

Ndërkaq me vendim të prokurorit të rastit, të dyshuarit janë dërguar në mbajtje.

Rasti ka ndodhur me 03.02.2026 rreth orës 14:00./E.A./

Continue Reading

Kronikë e zezë

Ferizaj: Arrestohet një person për posedim të paautorizuar të narkotikëve

Published

59 minutes ago

on

February 4, 2026

By

Një person është arrestuar në Ferizaj, nën dyshimin për posedim të paautorizuar të narkotikëve.

Sipas njoftimit të Policisë së Kosovës, gjatë kontrollit të automjetit dhe më pas të shtëpisë së të dyshuarit, policia ka gjetur dhe konfiskuar 215.5 gramë substancë të dyshuar narkotike të llojit marihuanë.

Rasti ka ndodhur më 3 shkurt 2026, në oren 19:15, në rrugën “Brahim Ademi”. Si prova materiale janë konfiskuar një veturë me targa vendore dhe dy telefona mobil. I dyshuari, mashkull kosovar, është arrestuar dhe me vendim të prokurorit të shtetit është dërguar në mbajtje, ndërsa rasti mbetet nën hetime.

Continue Reading

Kronikë e zezë

Pesë raste të dhunës në familje, raportohen në Policinë e Kosovës në 24 orët e fundit

Published

3 hours ago

on

February 4, 2026

By

Në Policinë e Kosovës brenda 24 orëve të fundi janë raportuar pesë raste për dhunë në familje.

Në Prishtinë një burrë, shtetas i huaj, është arrestuar, pasi që i njëjti dyshohet se ka ushtruar dhunë fizike ndaj viktimës grua, shtetase e Kosovës.

I dyshuari me vendim të prokurorit është dërguar në mbajtje.

“Është arrestuar i dyshuari mashkull, shtetas i huaj, nën dyshimin se ka ushtuar dhunë fizike ndaj viktimës femër kosovare. Me vendim të prokurorit i dyshuari është dërguar në mbajtje”, siç thuhet ne Raportin e Policisë së Kosovës.

Sipas raportit të Policisë, rasti është regjistruar me 02.02.2026.

Ndërkaq, dy raste të tjera për dhunë në familje janë raportuar në Gjakovë,

Në rastin e parë është arrestuar një burrë, pasi i njëjti ka ushtruar dhunë  ndaj viktimës grua. Viktima dhe i dyshuari kanë pranuar tretman mjekësor, siç thuhet në raportin një ditorë të Policisë.

Ndërsa me vendim të prokurorit, i dyshuari është dërguar në mbajtje. Rasti ka ndodhur me 03.02.2026 rreth orës 10:30.

“Lidhur me rastin është arrestuar i dyshuari mashkull kosovar nën dyshimin për kryerje të veprës penale të lartcekur ndaj viktimës femër kosovare. I dyshuari dhe viktima kanë pranuar tretman mjekësor, ndërsa me vendim të prokurorit personi i dyshuar është dërguar në mbajtje”, thuhet ne Raportin e Policisë.

Ndërkaq, një person po ashtu në Gjakovë është në kërkim nga Policia e Kosovës, pasi që i njëjti dyshohet se ka kanosur një person.

“Është raportuar se viktima mashkull kosovar është kanosur nga i dyshuari mashkull kosovar i cili më pas është larguar nga vendi i ngjarjes”, behet e ditur ne raportin 24 orësh të Policisë së Kosovës.

Rasti raportohet se ka ndodhur rreth orës 17:00 me 03.02.2026.

Gjithashtu edhe një burrë është arrestuar në Klinë, pasi dyshohet se ka sulmuar fizikisht viktimën grua.

Policia njofton se viktima ka pranuar tretman mjekësor, ndërsa me vendim të prokurorit i dyshuari është dërguar në mbajtje.

Rasti ka ndodhur më 03.02.2026 rreth orës 17:55, sipas njoftimit të Policisë.

Rasti i fundit, sipas raportit 24 orësh është regjistruar në Pejë, edhe në këtë rast është arrestuar një burrë, pasi dyshohet se ka ushtruar dhunë psikike dhe fizike ndaj viktimës grua.

Ndërkaq, i dyshuari është arrestuar dhe i njëjti me vendim të prokurorit është dërguar në mbajtje.

Rasti ka ndodhur më 03.02.2026 rreth orës 14:30, siç behët e ditur nga Policia e Kosovës.

Burimi: Policia e Kosovës/UBT News

Continue Reading

Të kërkuara