Lajmet

​Kërkohet mbrojtja e fëmijëve nga përmbajtjet e dëmshme mediale

KPM kërkoi nga të gjitha personat që hasin në përmbajtje të dëmshme mediale të parashtrojnë ankesë.

Published

4 years ago

on

Me rastin e Ditës Ndërkombëtare të Fëmijëve, Komisioni i Pavarur i Mediave mbajti një tryezë diskutimi me temën “Mbrojtja e fëmijëve dhe të miturve nga përmbajtjet e papërshtatshme në media”.

KPM kërkoi nga të gjitha personat që hasin në përmbajtje të dëmshme mediale të parashtrojnë ankesë, pasi nga numri i madh i mediave është e pamundur të arrijnë t’i shikojnë të gjitha.

Ndërsa u kërkua edhe futja e lëndës “Edukimi Medial”, si lëndë obligative në shkolla. Po ashtu Këshilli i Prindërve është ankuar për legjislacionin e vjetër, sepse është shumë i tejkaluar dhe është problem me materialin që kalon në media.

Zëvendëskryeshefi ekzekutiv i KPM-së, Faruk Rexhaj tha se në bazë të monitorimeve sa i përket mbrojtjes së fëmijëve dhe të miturve kanë shqiptuar disa gjoba për subjektet transmetuese që kanë pasur shkelje të ligjit.

“Ne në vitin 2021 kemi kryer disa monitorime sa i përket mbrojtjes së fëmijëve dhe të miturve nga ato përmbajtje të dëmshme programore. Kemi nxjerrë disa vendime, disa gjoba kemi shqiptuar për gjithë subjektet transmetuese të cilat janë gjetur shkeljet. Një rëndësi jashtëzakonisht e madhe, i është dhënë edhe në vitin 2022, pothuajse kemi filluar në shumë televizione, me monitorim lidhur me rregulloren për mbrojtjen e fëmijëve dhe të miturve”, theksoi Rexhaj.

Ai shtoi se për shkak të numrit të madh të mediave, shtrirja e KPM-së në të gjitha është e pamundur, tha se është me e lehtë nëse parashtrohen ankesa për përmbajtjet që konsiderohen të dëmshme për publikun.

“Gjithë ata që janë prezentë në media duhet të sjellin më shumë ankesa në Komisionin e Pavarur të Mediave. Kemi shumë përmbajtje të dëmshme në mediat tona, por marrim pak ankesa nga publiku. Ne kemi mbi 200 media dhe shtrirja e KPM-së në të gjitha është pothuajse e pamundur. Neve na ndihmon jashtëzakonisht shumë nëse na parashtrohet një ankesë, ne vijmë më lehtë te eliminimi i përmbajtjeve që konsiderohen të dëmshme për publikun”, tha Rexha.

Këshilltari i ministres së Arsimit, Valdrin Dervishaj tha se nxitja për dhunë, bullizëm, trajtim të padenjë, kanë qenë sfida të vazhdueshme që kërkojnë ndërmarrje të veprimeve të përbashkëta kundër tyre.

“Me zhvillimin e teknologjisë vinë edhe pasojat e shumta të cilat ne tashmë i kemi të njohura si shoqëri, ku fëmijët janë ngacmuar, bullizuar, mandej të nxitur në devijime të ndryshme sociale të cilat si shoqëri duhet t’i luftojmë… MASHT-i në vazhdimësi ka qenë i interesuar të ecën me trendët e zhvillimit teknologjisë dhe këtë e ka arritur duke vendosur edukimin medial në kurrikulën e saj”, tha ai.

Ndërsa Remzie Shahin Hoxha tha se si Departament i gazetarisë ka pasur një bashkëpunim të mirë me të gjitha organizatat dhe KPM-në, ndërsa shtoi se zgjidhja më e mirë do të ishte futja e edukimit medial si lëndë obligative.

“Zgjedhja më e mirë e mundshme do të ishte futja e një lende obligative, d.m.th. futja e edukimit medial si pjesë e kurrikulës shkollore. Ne kemi synuar si departament që ta ngremë zërin për këtë çështje që nga viti 2010. Megjithatë mendoj që zgjedhja ideale do të ishte futja e lëndës së edukimit medial si pjesë obligative, pasi që do të ishim në gjendje t’i mbrojmë të rinjtë nga përmbajtjet e dëmshme”, tha ajo.

Kryetari i Këshillit të Prindërve në Prishtinë, Jeton Demi, shprehu shqetësimin e prindërve mbi përmbajtjen e platformave të ndryshme në internet, e për të cilat tha se janë vështirë për t’u kontrolluar.

“Kemi problem me legjislacionin, është shumë i vjetruar, i tejkaluar, pra më shumë se sa t’i edukojmë fëmijët si t’i qasen mediave dhe si ta trajtojnë një lajm është problem me materialin që kalon në media dhe jo më shumë me televizionin sesa me internetin. Burimi kryesor i informimit të fëmijëve është interneti, YouTube, kanale të shumta, platforma të cilat janë të pakontrolluara dhe mendoj që si përfaqësues i prindërve duhet të ketë shumë më shumë kontroll për përmbajtjen dhe çfarë mund të jepet në shtetin tonë dhe çfarë jo”, tha ai. 

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

8 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

8 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

10 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

10 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara