Lajmet

​Italia mbetet e ndarë mes të nxehtit ekstrem dhe motit të keq

Rajonet më të rrezikuara nga ngjarjet ekstreme të motit të keq janë Lombardia, Trentino Alto Adige, Veneto dhe Friuli Venezia Giulia.

Published

3 years ago

on

Italia mbeti e ndarë në dysh të hënën midis nxehtësisë intensive në qendër dhe jug, dhe stuhive të dhunshme me breshër në veri, thotë Antonio Sano në faqen e internetit www.iLMeteo.it.

Sipas parashikimeve më të fundit, rajonet më të rrezikuara nga ngjarjet ekstreme të motit të keq janë Lombardia, Trentino Alto Adige, Veneto dhe Friuli Venezia Giulia, shkruan ANSA.

Nga mbrëmja e së hënës parashikohen shtrëngata dhe veçanërisht të martën dhe të mërkurën për shkak të ardhjes së ajrit të freskët nga Evropa Veriore.

Në pjesën tjetër të vendit, anticikloni afrikan ‘Charon’ do të vazhdojë të sigurojë shumë diell dhe nxehtësi në gjysmën e parë të javës, me temperatura që arrijnë deri në 48°C në Pulia, Sardenjë, dhe Siçili.

Sistemi i presionit të lartë pritet të dobësohet që nga e enjtja, duke sjellë një rënie të temperaturës deri në 10-12 gradë.

Ndërkohë, nga Ministria italiane e Shëndetësisë thanë të hënën se si pasojë e të nxehtit, 16 qytete të mëdha do të qëndrojnë në alarm të kuq deri të martën.

Ato qytete janë Bari, Cagliari, Campobasso, Catania, Civitavecchia, Firenze, Frosinone, Latina, Massina, Napoli, Palermo, Perugia, Pescara, Reggio Calabria, Rieti dhe Roma.

Të mërkurën pritet që numri të bjerë në dy, ku do mbesin vetëm Bari dhe Catania.

Kur Ministria e Shëndetësisë vendos një qytet në alarm të kuq, kjo do të thotë se nxehtësia është aq e fortë sa që konsiderohet një kërcënim për të gjithë popullsinë, jo vetëm për të sëmurët, të moshuarit dhe fëmijët e vegjël.

Related Topics:
Continue Reading

Lajmet

Godet këmbësoren me veturë, arrestohet i dyshuari në Prishtinë

Published

9 minutes ago

on

September 23, 2026

By

Një person është arrestuar në Prishtinë pasi dyshohet se, gjatë drejtimit të veturës nga pakujdesia, ka goditur një këmbësore.

Rasti ka ndodhur më 22 shtator, rreth orës 12:50. Si pasojë e aksidentit, këmbësorja ka pësuar lëndime trupore dhe është dërguar për trajtim mjekësor në QKUK.

Në konsultim me prokurorin është iniciuar rasti, ndërsa i dyshuari është dërguar në mbajtje./A.K/

Continue Reading

Lajmet

Dy persona arrestohen në Kaçanik, dyshohet se keqpërdorën dy gra

Published

11 minutes ago

on

September 23, 2026

By

Dy persona janë arrestuar në Kaçanik, pasi dyshohet se kanë keqpërdorur dy gra.

Rasti është raportuar më 21 shtator, rreth orës 23:00. Viktimat janë intervistuar nga prokurori, i cili ka autorizuar hapjen e rastit.

Të dyshuarit janë identifikuar dhe arrestuar, ndërsa pas intervistimit, me vendim të prokurorit, janë dërguar në mbajtje./A.K/

Continue Reading

Lajmet

Shqiptarët protestojnë para OKB-së në New York kundër vendimit të Speciales

Published

14 minutes ago

on

September 23, 2026

By

Shumë shqiptarë janë mbledhur të martën para selisë së Organizatës së Kombeve të Bashkuara në New York, në protestë kundër vendimit të Gjykatës Speciale ndaj katër ish-krerëve të UÇK-së.

Protestuesit kanë mbajtur pankarta me mesazhe si “Drejtësi, jo politikë”, “Lironi heronjtë tanë” dhe “Heronj të luftës e të paqes”, duke kërkuar lirimin e Hashim Thaçit, Jakup Krasniqit, Kadri Veselit dhe Rexhep Selimit.

Protesta të ngjashme janë zhvilluar që nga 16 shtatori në Kosovë dhe në disa vende të tjera, përfshirë Kanadanë, Zvicrën, Gjermaninë dhe Austrinë.

Gjykata Speciale i dënoi Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet dhe Rexhep Selimin me 13 vjet, pas shpalljes fajtorë për vepra të lidhura me krime lufte./A.K/

Continue Reading

Lajmet

OpenAI parashikon shpenzime prej 856 miliardë dollarësh deri në vitin 2030

Published

27 minutes ago

on

September 23, 2026

By

OpenAI parashikon fluks negativ të parasë së lirë prej rreth 278 miliardë dollarësh gjatë viteve 2026–2030, ndërsa përshpejton investimet në fuqinë kompjuterike dhe infrastrukturën e nevojshme për zhvillimin e inteligjencës artificiale, raporton Financial Times.

Sipas një prezantimi të kompanisë të siguruar nga Financial Times, OpenAI planifikon të shpenzojë rreth 856 miliardë dollarë për fuqi kompjuterike dhe infrastrukturë deri në fund të vitit 2030.

Në të njëjtën periudhë, kompania pret që të ardhurat vjetore të rriten nga rreth 36 miliardë dollarë në vitin 2026 në 350 miliardë dollarë në vitin 2030, ndërsa të ardhurat kumulative pritet të arrijnë rreth 840 miliardë dollarë.

OpenAI, e cila qëndron pas ChatGPT, ka siguruar 122 miliardë dollarë kapital në mars, por parashikimet e kompanisë sugjerojnë se këto fonde mund të shterojnë deri në vitin 2028, nëse vazhdon ritmi i planifikuar i shpenzimeve.

Ndërkohë, kompania është në bisedime për një raund të ri financimi që mund ta çojë vlerësimin e saj në mbi 1.2 trilionë dollarë.

Shifrat pasqyrojnë përmasat e investimeve që kërkon gara për zhvillimin e modeleve të avancuara të inteligjencës artificiale, veçanërisht për qendrat e të dhënave, çipat dhe kapacitetin kompjuterik./A.K/

Continue Reading

Të kërkuara