Sport

Ish-klubi ia hap dyert Ronaldos për rikthim

Ronaldo do të jetë në kërkim të një klubi të ri në janar pas përplasjejes publike me Manchester United dhe trajnerin Erik ten Hag.

Published

2 years ago

November 15, 2022

Betim Gashi

Trajneri i Sporting Lisbonës, Ruben Amorim ka thënë se klubi portugez do ta mbajë derën hapur për Cristiano Ronaldon nëse ai dëshiron të rikthehet aty.

Ronaldo do të jetë në kërkim të një klubi të ri në janar pas përplasjejes publike me Manchester United dhe trajnerin Erik ten Hag. Ai tha se ndihej i tradhtuar nga klubi qëkur mbërriti në verën e vitit 2021 dhe nuk kishte asnjë respekt për trajnerin Ten Hag.

Ronaldo e filloi karrierën e tij në Sporting dhe prej kohësh është spekuluar se ai do të donte ta përfundonte karrierën e tij në këtë klub.

Nuk dihet nëse është koha që kjo të ndodh tani, por Amorim duket i lumtur që të paktën ka mundësinë për ta ofruar këtë opsion.

“Më është bërë kjo pyetje një mijë herë”, tha Amorim për mediat në Portugali kur u pyet nëse dera ishte e hapur që Ronaldo të kthehet në klubin e tij të parë.

“Ronaldo është një lojtar i Manchester United. Të gjithë në Sporting e pëlqejnë atë, nuk kam më shumë për të thënë. Ai vetë thotë se dëshiron të lihet në paqe për të vendosur të ardhmen e tij”, shtoi ai.

Ronaldo bëri historinë e Sportingut gjatë periudhës së tij në klub, pasi ai u bë lojtari i parë që luajti për ekipin U-16, U-17, U-18, ekipin B dhe ekipin e parë të klubit në të njëjtin sezon.

Ai përfundoi duke luajtur 31 ndeshje për skuadrën e Primeira Liga përpara se të shitej te Man Utd për rreth 12 milionë funte në vitin 2003.

Lajmet

Superliga e Kosovës: Ballkani barazon 1-1 me Feronikelin

Published

1 day ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

1 day ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

1 day ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.