Sport

​Infantino kërkon armëpushim mes Rusisë dhe Ukrainës gjatë zhvillimit të Botërorit

“Ju jeni liderët botërorë, keni aftësinë të ndikoni në rrjedhën e historisë” tha ai.

Publikuar

1 vit më parë

më

Shefi i organit qeverisës botëror të futbollit FIFA ka bërë një lutje të martën për një armëpushim në luftën në Ukrainë për kohën sa zgjatë Kampionati Botëror, duke u bërë thirrje të gjitha palëve që të përdorin turneun në fjalë si një arsye pozitive për të punuar drejtë një zgjidhjeje përfundimtare..

Duke folur gjatë një dreke me krerët e ekonomive kryesore të G20-shes në ishullin indonezian të Balit, presidenti i FIFA-s, Gianni Infantino tha se Kupa e Botës, e cila fillon në Katar të dielën, ofron një platformë unike për paqen.

“Lutja ime për të gjithë ju, të mendoni për një armëpushim të përkohshëm për një muaj sa zgjatë Kupa e Botës, ose të paktën zbatimin e disa korridoreve humanitare ose çdo gjë që mund të çojë në rifillimin e dialogut si hap i parë drejt paqes”, tha Infantino.

“Ju jeni liderët botërorë, keni aftësinë të ndikoni në rrjedhën e historisë. Futbolli dhe Kupa e Botës po ju ofrojnë juve dhe botës një platformë unike uniteti dhe paqeje në të gjithë botën”, ka shtuar ai.

Kupa e Botës do të zhvillohet nga 20 nëntori deri më 18 dhjetor në Katar, i cili është vendi i parë i Lindjes së Mesme që pret një ngjarje të madhe të futbollit.

Rusia arriti në çerekfinalet e Kupës së Botës në vitin 2018, por është përjashtuar nga ky turne për shkak të pushtimit të Ukrainës. Ukraina iu afrua kualifikimit për në Katar, por humbi nga Uellsi në play-off në qershor.

Infantino vuri në dukje se Rusia priti edicionin e 2018-ës dhe Ukraina po bën ofertë për të mbajtur atë të vitit 2030, ndërsa deri në 5.5 miliardë njerëz pritet të ndjekin ngjarjen e këtij viti, gjë që mund të japë një mesazh shprese.

“Ndoshta Kupa e Botës aktuale, duke filluar pas pesë ditësh mund të jetë ai shkas pozitiv” shtoi ai.

Në Katar do të garojnë 32 skuadra për titullin e më të mirit në botë.

Etiketa
Vazhdo të lexosh

Sport

Futbollisti i Benfica-s kërcënohet me vdekje nga trafikantët e drogës

Publikuar

2 orë më parë

më

2 Maj, 2024

nga

Familja e Angel Di Marias, ka marrë kërcënime me vdekje pasi që argjentinasi e pranoi se do të dëshironte ta përfundonte karrierën e tij te Rosario Central, klubi që ai bëri debutimin e tij në vitin 2005.

Di Maria, momentalisht luan për Benfican, mori kërcënimet në shtëpinë e familjes së tij në Rosario. Mesazhi kërcënues thoshte që ta paralajmërojnë Di Marian se nëse rikthehet në Rosario, një pjesëtar i familjes së tij do të vdes nga trafikantët e drogës.

Mediat lokale raportuan se disa persona në një veturë lanë një shenjë pranë Funes Hills Miraflores, vendi ku zakonisht Di Maria qëndron, duke thënë se as kryetari Maximiliano Pullaro nuk mund të garantojë për sigurinë e tij nëse ai rikthehet në qytet.

“Thuaji djalit tënd Angel që mos të rikthehet te Rosario sepse ndryshe ne do t’ia vrasim një familjar. As Pullaro nuk mund të të shpëtojë. Ne nuk hedhim letra. Ne hedhim njerëz të vdekur”, ishte mesazhi i lënë për babanë e Di Marias sipas “Infobae”.

Qyteti i Rosarios kohët e fundit ka përjetuar një rritje të dhunës, për të cilën janë përgjegjës grupet e c si “narko-terroristë”./UBTNews/

Vazhdo të lexosh

Sport

FFK publikon skuadrat e licencuara për garat evropiane

Publikuar

2 orë më parë

më

2 Maj, 2024

nga

Federata e Futbollit të Kosovës (FFK) ka publikuar shtatë skuadrat që ka licencuar për garat evropiane të UEFA-s.

Komisioni i Shkallës së Parë për Licencimin e klubeve për garat e UEFA-s ka licencuar shtatë nga tetë klubet që e kanë nisur procesin e licencimit.

Klubet e licencuara janë: Ballkani, Drita, Llapi, Malisheva, Prishtina, Gjilani dhe klubi i futbollit i femrave Mitrovica.

Ndërkaq skuadra e vetme e cila nuk është licencuar për garat e UEFA-s për edicionin 2024/25 është KF Dukagjini./UBTNews/

Vazhdo të lexosh

Sport

Skuadra nga Premier League interesohet për shërbimet e Thiago Motta-s

Publikuar

2 orë më parë

më

2 Maj, 2024

nga

Chelsea po kërkon një zëvendësues për Mauricio Pochettinon, teksa së fundmi ka shfaqur interes serioz për trajnerin e Bolongas, Thiago Motta.

Londinezët nuk kanë bërë një sezon të mirë nën drejtimin e trajnerit argjentinas, ku renditen në vendin e nëntë në tabelë me vetëm pak javë të mbetura në sezonin e Premier Ligës.

Në anën tjetër, Motta me paraqitjet e tij ka tërhequr vëmendjen e shumë skuadrave evropiane, siç janë Milan apo Juventus.

“Tuttosport” raporton se si Chelsea ka mbetur tepër i zhgënjyer nga puna dhe rezultatet e Pochettinos këtë sezon, duke kërkuar zëvendësues të mundshëm gjatë verës, duke identifikuar Thiago Mottan e Bolongas si një opsion serioz.

Juventusi ende nuk ka marrë një vendim përfundimtar për teknikun italo-brazilian, ndërsa ata shqyrtojnë mundësitë se çfarë të bëjnë me Massimiliano Allegri, i cili nuk është i gatshëm të japë dorëheqjen.

Interesi i Milanit për Thiago Motta është rritur gjithashtu pas vendimit të tyre për t’u larguar nga Julen Lopetegui, lidhjet e të cilit shkaktuan protesta nga tifozët./UBTNews/

Vazhdo të lexosh

Sport

Barcelona nis punën për sezonin tjetër, katalunasit pranë mesfushorit holandez

Publikuar

2 ditë më parë

më

30 Prill, 2024

nga

Barcelona së fundmi ka shprehur interesim për ta afruar në skuadër mesfushorin e talentuar, Xavi Simons. 21-vjeçari holandez aktualisht është i huazuar te RB Leipzig nga Paris Saint-Germain, ku edhe po kalon një sezon mjaft të mirë, me nëntë gola të shënuara dhe 13 asistime në të gjitha garat.

Sipas mediave spanjolle, bëhet e ditur se klubi katalunas ka nisur negociatat me PSG-në për të arritur një marrëveshje e cila do e shihte Simons me fanellën “blaugrana” sezonin e ardhshëm.

Çmimi i futbollistit në tregun e transferimeve arrin shifrën e 80 milionë eurove dhe kjo do të shkaktonte jo pak problem për klubin spanjoll, andaj ata po shqyrtojnë një mundësi huazimi njëvjeçar për të./UBTNews/

Vazhdo të lexosh

Të kërkuara