Aktualitet

​INDEP: Masat e Ringjalljes Ekonomike u zbatuan relativisht mirë

Donika Beqiri tha se shoqëria i ka mirëpritur këto masa të cilat janë shndërruar në politika të përhershme.

Published

3 years ago

on

Masat e Pakos së Ringjalljes Ekonomike janë zbatuar në mënyrë relativisht të mirë, ku 10 prej tyre janë zbatuar plotësisht, 9 pjesërisht, 3 në nivel të kufizuar dhe 3 masa nuk janë zbatuar fare.

Kështu u tha në tryezën përmbyllëse “Zbatimi i Pakos së Ringjalljes Ekonomike”, të organizuar nga Instituti për Politika Zhvillimore. – INDEP në kuadër të programit “Rimëkëmbje e qëndrueshme”.

Koordinatorja e këtij programi, Donika Beqiri tha se shoqëria i ka mirëpritur këto masa të cilat janë shndërruar në politika të përhershme.

“Deri tani 10 masa janë zbatuar në plotni , pra janë zbatuar në mënyrë të plotë, 9 janë zbatuar në mënyrë të pjesshme, 3 në nivel të kufizuar dhe pa zbatuar kanë mbetur 3 masa. Natyrisht, nga ky nivel i zbatueshmërisë të cilin INDEP e ka përgatitur ka mbetur jashtë masa 5 të cilën pak është folur dhe pak është prezantuar. Mund të themi se masa e 5-të është masa e cila më së paku është zbatuar gjatë kësaj periudhe. INDEP bazuar në gjithë këtë proces monitorimi dhe në gjetje të raportit të 3-të të pakos për Rimëkëmbje Ekonomike, megjithatë ka konstatuar se niveli i zbatimit ka qenë relativisht i mirë duke pas parasysh se një masë e masave janë zbatuar dhe ka pasur gjithashtu masa të cilat INDEP dhe gjithë shoqëria i ka mirëpritur të cilat jo vetëm se janë zbatuar në mënyrë të plotë po ashtu janë shndërruar në politika të përhershme të cilat kanë prekur grupet me vulnerabile të cilat nuk kanë qenë më herët të mbështetura si masa për lehonat e papuna”, u shpreh Beqiri.

Dardan Abazi nga INDEP u shpreh se projekti i tyre “Rimëkëmbja e qëndrueshme”, synonte të bëjë monitorimin se sa janë zbatuar masat për ringjallje ekonomike të ndërmarra nga Qeveria e Kosovës.

“Projekti ynë gjithashtu kishte për qëllim të shërbente si një lloj evoluimi i këtyre masave në kuptimin që të shohim se si janë përgatitur fillimisht këto masa sa janë zbatuar dhe në çfarë niveli ka shkuar zbatimi i tyre që nga fillimi deri në fund të tyre dhe se cili ishte impakti i tyre përfundimtar në rimëkëmbje ekonomike në sektor të ndryshëm. Por, edhe një komponent tjetër që INDEP syno gjithnjë ta promovojë është rimëkëmbja më e mirë apo ndërtimi më i mirë në kuptimin që a kanë ndikuar masat e rimëkëmbjes në ndryshimin dhe transformimin e sistemeve të energjisë , sistemeve të prodhimit e konsumit të energjisë e mbrojtjes së mjedisit”, theksoi ai.

Kurse, drejtori i Departamentit për Regjistrim dhe Shërbim të Tatimpaguesve në ATK, Sami Salihu tregoi se si institucion i kanë dhënë mbështetje Qeverisë për zbatimin e masës 1.1 për rikthimin në punë të personave që kanë humbur vendin e punës, 1.2 për punësim të të rinjve, dhe 1.3 për punësim të grave.

Nga këto masa sipas Salihut, përfituar gjithsej 6 mijë e 360 persona.

“Më masën 1.1 kanë aplikuar 470 biznese ku në listat e tyre kanë qenë 1 mijë e 13 të punësuar, për masën 1.2 kanë aplikuar 1 mijë e 107 punëdhënës dhe numri i të punësuarve në listat e tyre ka qenë 4 mijë e 66.Për masën 1.3 kanë aplikuar 1 mijë e 810 punëdhënës për gjithsej 4 mijë e 882 persona në listat e tyre. Po shihet që masa 1.3 ka pas më së shumti aplikime rreth punësimit të femrave nuk do të thotë se të gjithë këta kanë përfituar pasi që nuk i kanë plotësuar të gjithë kriteret….Nga masa 1.1 kanë përfituar gjithsej duke numër vetëm njëherë punëtorin 378 persona, për masën 1,2 kanë përfituar 2 mijë e 451 persona dhe masën 1.3, 3 mijë e 522 persona apo të punësuar me gjithsej pra në total 6 mijë e 360 përfitues kur flasim si individ e jo si punëdhënës”, u shpreh ai.

Lidhur me masën e fundit që ishte 100 euro për punëtorët e sektorit privat, Salihu tha se gjithsej kanë aplikuar është mbi 336 mijë persona, ku prej tyre përfitues janë mbi 232 mijë të punësuar.

Sami Salihu nga ATK, tha se janë refuzuar shumë aplikacione, pasi është konstatuar se nuk figurojnë në listat e pagave të punëdhënësve.

“Jo të gjithë kanë përfituar është një numër për neve si komision është bukur shumë shqetësuese që një numër kaq i madhe dhe nuk plotësojnë kriteret diku mbi 72 mijë persona janë të refuzuar me arsye të ndryshme. Numri më i madh i personave që nuk kanë përfituar –është se me numrin personal që kanë aplikuar nuk gjendet në listë pagesat mujore të punëdhënësve të tyre do të thotë këtë rast kjo të jep përshtypjen se një numër i madh i personave nuk është fare i deklaruar në listën mujore. Po ashtu, mund të ketë edhe gabime në numrin persona dhe të tjera që nuk i kisha quajtur si gabime…. Mbi 45 mijë është numri i këtyre personave që nuk e plotësojnë këtë kriter pastaj diku mbi 500 është numri i personave që janë refuzuar se kanë pas pagë zero të deklaruar….Refuzimet janë në një numër bukur të madh mi 6 mijë që kanë aplikuar dhe kanë pas mbi 1 mijë euro pastaj mund të jenë persona të tjera me arsye të ndryshme…16\05Në total numri i përfituesve që janë nga kjo pako janë diku mbi 232 mijë persona nga numri total që ishte 335 mijë e 251 dhe vlera totale që ishte nga 100 euro është diku 23 milionë e 260 mijë euro që kanë përfituar ”, theksoi ai.

Ndërsa, eksperti i ekonomisë, Forin Aliu konsideroi se masat për rimëkëmbje ekonomike, kanë qenë të komplikuara, prandaj kërkoi gjithëpërfshirje në rast të vendosjes për masa të tjera.

Related Topics:
Continue Reading

Aktualitet

Trump: Nuk dua luftë qytetare

Published

5 hours ago

on

June 10, 2025

By

Do të ketë shkallëzim të ri? Administrata e Trump po urdhëron dërgimin e trupave shtesë të Gardës Kombëtare e për herë të parë edhe të marinsave në Kaliforni.

Si reagim ndaj konfliktit në rritje me autoritetet lokale në Los Angeles, qeveria amerikane nën presidentin Donald Trump ka vendosur dërgimin e trupave shtesë.

Pasi një komandë rajonale përgjegjëse njoftoi për vendosjen e rreth 700 marinsave nga forcat e armatosura të rregullta në mbrëmje, Ministria e Mbrojtjes njoftoi vetëm disa orë më vonë: “se me udhëzim të presidentit, Ministria e Mbrojtjes mobilizon rreth 2000 pjesëtarë shtesë të Gardës Kombëtare kaliforniane”.

Trump justifikon dërgimin e Gardës Kombëtare

Trupat shtesë të Gardës Kombëtare do të dislokohen për të mbështetur Agjencinë e Imigracionit dhe Doganave (ICE) dhe për t’u mundësuar oficerëve federalë të kryejnë detyrat e tyre në mënyrë të sigurt, thuhet nga Ministria e Mbrojtjes.

Marinsat dislokohen për të mbështetur forcat e Gardës Kombëtare të mobilizuara e për të mbrojtur personelin dhe pronën federale. Trump bëri përgjegjës “agjitatorë profesionistë dhe kryengritës” për përplasjet në kuadër të demonstratave.

Trump tha se “janë njerëz të këqinj, ata duhet të jenë në burg”.

Më tej shtoi, se demonstruesit pështynë para ushtarëve. Nëse do të vazhdonin kështu, do të “goditeshin më fort se kurrë më parë”. Një mungesë respekti e tillë nuk do të tolerohet, tha Trump.

Presidenti amerikan u tërhoq dhe tha vetëm, se nuk do ta quante “kryengritje, por mund të kishte çuar në një kryengritje”.

Lidhur me pyetjen e një gazetari, Trump u përgjigj se “nuk dua luftë qytetare”. Aktualisht po zien edhe pak, po jo më aq shumë, u shpreh presidenti amerikan.

Pse u mobilizuan ushtarët?

Gjatë fundjavës, Presidenti i SHBA-së Trump kishte mobilizuar 2,000 trupa të Gardës Kombëtare kundër dëshirave të Guvernatorit të Kalifornisë, Gavin Newsom. Vendosja e Marinës si një ushtri e rregullt brenda vendit përfaqëson një përshkallëzim serioz të protestave kundër veprimeve të autoritetit amerikan të imigracionit ICE në zonën e Los Angeles.

Garda Kombëtare është njësi rezervë ushtarake e pjesë e forcave të armatosura të SHBA-së. Detyra e ushtarëve është të stërviten për operacione ushtarake e luftë, jo detyra policore si kontrolli i protestave në qytetet e brendshme amerikane.

Vendosja e ushtarëve kundër rezistencës së guvernatorit shiet si një shfaqje shumë e pazakontë e pushtetit nga qeveria.

Operacionet e shtuara nga autoritetet amerikane të imigracionit (ICE) shkaktuan protestat e para në zonën e Los Angeles në fund të javës së kaluar. Sipas autoriteteve, dhjetëra njerëz u arrestuan në këto kontrolle. Kritikët akuzojnë qeverinë amerikane për nxitje të qëllimshme të frikës me masa në dukje ushtarake. /DW/

Continue Reading

Aktualitet

TikTok rikthehet sërish në Shqipëri

Published

1 day ago

on

June 9, 2025

By

TikTok klikohet dhe hapet në Shqipëri, raporton “A2NewsCNN”. Platforma TikTok, e bllokuar nga qeveria shqiptare, ka filluar të funksionojë sërish.

Ndonëse ndalesa është ende në fuqi, qasja në të mund të kryhet lehtësisht edhe pa VPN, shkruan mediumi shqiptare.

Qeveria e Shqipërisë në mars kishte marrë vendim për ta ndaluar për një vit TikTok-un.

Lëvizja erdhi pas vrasjes me thikë në Tiranë të 14-vjeçarit Martin Cani nga një bashkëmoshatar, pas një sherri të nisur në rrjetet sociale.

Kryeministri Edi Rama, njoftoi këtë nismë të qeverisë dhe më pas ajo u hodh për konsultim me prindërit nëpër shkolla në dhjetor të vitit 2024. Rama tha në atë kohë se mbyllja e kësaj platforme do të bëhej në javët e para të janar, ndërsa vendimi u mor në mars.

“Periudha zgjedhore duket se nuk ka lodhur vetëm politikën por edhe sistemet online të shtetit. Zotimi i qeverisë për të mbyllur një vit TikTok nuk zgjati më shumë se një muaj pasi me përfundimin e procesit elektoral, aksesi në këtë platformë, de facto është lehtësuar sërish”, ka shkruar “A2newsCNN”.

 

Continue Reading

Bota

Putin nënshkruan strategjinë Detare të Rusisë deri në vitin 2050

Published

1 day ago

on

June 9, 2025

By

Presidenti rus Vladimir Putin nënshkroi strategjinë për zhvillimin e Marinës Ruse për periudhën deri në vitin 2050 në fund të muajit të kaluar, bëri të ditur ndihmësi presidencial Nikolai Patrushev.

“Drafti përfundimtar i strategjisë iu paraqit për shqyrtim kreut të shtetit dhe ai e nënshkroi më 30 maj,” tha Patrushev, i cili është edhe kryetar i Bordit Detar. Ai kujtoi se vendimi për përgatitjen e kësaj strategjie ishte marrë në një takim në Kremlin në korrik 2024.

“Me udhëzimet e presidentit, Ministria e Mbrojtjes përgatiti draftin e strategjisë, i cili më pas u finalizua nga Bordi Detar, duke marrë parasysh propozimet e agjencive dhe organizatave federale,” shtoi ai.

Continue Reading

Bota

Los Angeles: 10 protestues arrestohen gjatë përleshjeve me policinë

Published

1 day ago

on

June 9, 2025

By

Dhjetë protestues janë arrestuar gjatë përleshjeve me policinë në qendër të Los Angeles, gjatë protestave kundër bastisjeve të imigracionit që kanë përfshirë Kaliforninë gjatë fundjavës, njoftoi shefi i policisë së qytetit, Jim McDonnell, në një konferencë për shtyp të dielën vonë.

Policia përdori gaz lotsjellës dhe flakadanë për të shpërndarë turmat gjatë ditës së djeshme. Sipas CNN, forcat e rendit goditën dhe shtynë protestuesit gjatë kryerjes së arrestimeve.

Departamenti i Policisë së Los Angeles (LAPD) njoftoi se e gjithë zona qendrore e qytetit është shpallur “zonë e paligjshme për tubim”, duke zgjeruar kështu urdhrin e mëparshëm për shpalljen e tubimit jashtë Qendrës së Paraburgimit Metropolitan si të paligjshëm.

Rreth 300 anëtarë të Gardës Kombëtare të Kalifornisë janë angazhuar në Los Anxhelos, sipas zyrës së Guvernatorit Gavin Newsom. Guvernatori i kërkoi administratës së Trump të anulojë vendosjen e forcave federale, të cilën e cilësoi “të paligjshme”, dhe të lejojë autoritetet lokale të ruajnë rendin publik.

Për më tepër, rreth 500 marinarë në detyrë aktive janë në “status të përgatitur për t’u vendosur” dhe mund të dërgohen nga qendra e luftimeve në Twentynine Palms, Kaliforni, nëse trazirat vazhdojnë. Sekretari i Mbrojtjes, Pete Hegseth, kishte paralajmëruar të shtunën për këtë mundësi.

Gjatë ditës ka pasur ndërprerje të trafikut në disa rrugë kryesore, përfshirë autostradën US 101, që lidh Los Anxhelosin me qytete të tjera të Kalifornisë si San Francisko. Autostrada u mbyll për rreth 90 minuta në pasdite pasi qindra protestues hynë në rrugë. Më pas, korsitë në drejtim të jugut u mbyllën përsëri për shkak të protestuesve që hodhën sende mbi automjetet e policisë.

Continue Reading

Të kërkuara