

Lajmet
Hovenier: Ta hedhim poshtë narrativen që përjashton personat me aftësi të kufizuara
Hovenier në këtë kongres tha se ShBA ka për qëllim t’i ndihmojë personat me aftësi të kufizuara në Kosovë.
Published
2 years agoon
By
Betim GashiAmbasador i Shteteve të Bashkuara të Amerikës në Kosovë, Jeff Hovenier në Kongresin Botëror për Personat me Aftësi të Kufizuara, ka deklaruar se organet qeveritare duhet të përfshijnë edhe shqetësimet e personave me aftësi të kufizuar.
Hovenier në këtë kongres tha se ShBA ka për qëllim t’i ndihmojë personat me aftësi të kufizuara në Kosovë.
“ShBA me vite të tëra është përpjekur që ta promovojë vlera të caktuara të mundësive të barabarta. Nuk mund të them se kemi qenë shumë të suksesshëm por mund të them se ato janë vlera të cilat i inspirojmë. Edhe ne kemi këtë qëllim për t’i ndihmuar personat me aftësi të kufizuar në Kosovë që ta jetojnë jetën me dinjitet. Është mirë që t’i kemi ligjet por është e rëndësishme që të zbatohen ligjet, ne jemi të zotuar për ngritjen e kapaciteteve, jemi të përkushtuar edhe për avancimin e të drejtave. Qeveritë në gjithë botën duhet të kenë reforma që janë përfshirëse në këtë aspekt. Organet qeveritare duhet të përfshijnë edhe shqetësimet e personave me aftësi të kufizuar. Duhet ta hedhim poshtë narrativen që përjashton personat me aftësi të kufizuara, të shmanim ato narrativat që mund të jenë të keqardhjes që nënvlerësojnë kolegët”, tha Hovenier.
Ambasadorja e Vullnetit të Mirë për Kosovën në IHRC, Elvana Shala, nën patronatin e së cilës po mbahet Kongresi Botëror për Personat me Aftësi të Kufizuara, “Bashkë për gjithpërfshirje dhe prosperitet”, është shprehur e lumtur që në këtë kongres po marrin pjesë 31 delegacione nga të gjitha vendet e botës.
“Në cilësinë e Ambasadores në Komisionin Ndërkombëtar kam udhëtuar në çdo cep të botës dhe jam jashtëzakonisht e lumtur që në çdo vend jam pritur mirë duke treguar historinë e Kosovës. Këtë vit doja që jo vetëm unë të isha pjesë e botës por bota të ishte pjesë e Kosovës”, tha Shala.
Shala tha se qëllimi i udhëtimeve që ka bërë ka qenë të marrë ide nga vendet më të zhvilluara të botës dhe t’i praktikojë në Kosovë.
“Ideja kryesore e gjithë këtij kongresi ka qenë të marrim praktika nga vendet me të zhvilluara në botë dhe t’i sjellim në Kosovë që t’i mundësojmë personave me aftësi të kufizuara një jetë të drejtë. Ndoshta dikujt mund t’i duket sfiduese ta sjellim botën më Kosovë, mirëpo nuk kam lenë gurë pa lëvizur që kjo ngjarje të ndodhë”, shtoi Shala.
Kryetari Kuvendit të Kosovës, Glauk Konjucfa këtë ngjarje e ka vlerësuar si formën më të mirë për ta mbyllur këtë vit.
Konjufca tha se sfidat e përditshme të personave me aftësi të kufizuar kërkojnë adresim dhe zgjidhje institucionale në shumë fusha.
“Kjo ngjarje është forma më e mirë për ta mbyllur këtë vit i cili është shpallur vit për personat e kufizuar. Sfidat e përditshme kërkojnë adresim dhe zgjidhje institucionale në shumë fusha, në fushën e të drejtave të tyre, qasshmëri në infrastrukturë, barazi në punësim, sigurim social dhe kujdes shëndetësor. Kurse një aspekt esencial që duhet luftojmë së bashku është t’i ndalim paragjykimet për personat me aftësi të kufizuar”, tha Konjufca.
Ai shtoi se ligjet që janë për personat me aftësi të kufizuara nuk zbatohen në praktikë, derisa kërkoi që të gjitha ligjet për këta persona të respektohen.
“Shumë shpesh na rastësisht të dëgjojmë se në Kosovë ka ligje të mira por në praktikë hasim në vështirësi për t’i zbatuar dhe kjo është e vërtetë, këtë e konfirmon edhe raporti i fundit i Komisionit Evropian, dhe jam i bindur që numri i të punëtorëve nuk është në përputhje me numrin e ligjit që e kemi në fuqi”, shtoi Konjufca.
Ministrja e Punëve të Jashtme dhe Diasporës, Donika Gërvalla-Schwarz në emër të kryeministrit të vendit, Albin Kurti ka përshëndetur gjithë të pranishmit, duke thënë se për shkak se nuk ndodhet në vend, nuk ka pasur mundësi të marrë pjesë në këtë kongres.
Schwarz para të pranishmëve premtoi se përkushtimi në këtë fushë nuk do të dobësohet por do të forcohet më shumë.
“Në secilin segment duhet të shtojmë më shumë përpjekje tona dhe një gjë të tillë duhet ta bëjmë. Është e drejta e familjeve dhe detyra jonë se jo vetëm si qeveri por si shoqëri të bëjmë çfarë të mundemi t’i ndihmojmë çdo njeri që ka nevojë për kujdes të veçantë. Mund të premtojë se përkushtimi ynë në këtë fushë nuk do të dobësohet por do të forcohet”, tha Schwarz.
You may like
Lajmet
Eva Longoria pozon pranë yllit në Hollywood Walk of Fame, para premierës së filmit të ri
Published
2 hours agoon
March 29, 2025
Eva Longoria, 50 vjeçe, shkëlqeu teksa pozoi pranë yllit të saj në Hollywood Walk of Fame të mërkurën, pak para premierës së filmit të saj të ri “Alexander And The Terrible, Horrible, No Good, Very Bad Road Trip”, që transmetohet në Disney+ të premten.
Aktorja e “Desperate Housewives” u shfaq elegante me një fustan jeshil ulliri pa rripa, të kombinuar me taka të bardha.
Dukej natyrale me flokët e lëshuar me onde dhe një grim të butë kafe, shkruan DailyMail.
Më pas, Eva mori pjesë në premierën e filmit në Teatrin El Capitan, duke festuar komedinë e saj të re familjare.
Një ditë më parë, ajo u takua me shoqen e saj Lauren Sanchez, e cila pritet të martohet me miliarderin Jeff Bezos këtë verë.
Gjatë një interviste promovuese, Eva ndau kujtime nga fëmijëria e saj në një fermë në Teksas dhe rrëfeu se, si më e vogla e katër motrave, shpesh e konsideronte veten “rosën e shëmtuar”, ndaj vendosi të shquhej për humorin dhe zgjuarsinë e saj.
Në filmin e ri, Longoria luan Val Garcian, një nënë që niset në një udhëtim të çmendur familjar në Kaliforni, duke sjellë në ekran një histori të ngrohtë dhe plot aventura.
Lajmet
Presidenca kundërshton propozimin për shtrenjtim të rrymës
Published
19 hours agoon
March 28, 2025By
UBTNews
Presidenca e Kosovës ka kundërshtuar propozimin për rritjen e çmimit të energjisë elektrike.
Në komentin dërguar Zyrës së Rregullatorit të Energjisë në kuadër të procesit të shqyrtimit të tarifave, Presidenca ka propozuar disa rekomandime për të parandaluar shtrenjtimin e energjisë elektrike.
Propozimi i ZRRE-së ka qenë që rryma të shtrenjtohet për 15 për qind nga prilli.
Megjithatë, sipas komentit të Presidencës, një shtrenjtim i tillë do të sillte barrë të madhe për qytetarët. Presidenca ka thënë se “ky veprim do të mund të shkaktonte valë të re inflacioni në vend dhe të ndikonte drejtpërdrejt në rënien e fuqisë blerëse të qytetarëve”.
“Rritja e çmimit të energjisë ka një efekt të drejtpërdrejtë dhe shumë të rëndësishëm në ekonominë e një vendi. Çmimi i energjisë është i lidhur ngushtë me inflacionin, si dhe me koston e jetesës. Prandaj, shprehim shqetësimin tonë për faktin se një rritje e tillë e çmimit të energjisë do të kishte një ndikim të drejtpërdrejtë në jetën e përditshme të qytetarëve, duke rritur barrën e tyre financiare. Kjo do të përfshinte edhe rritjen e çmimeve të produkteve ushqimore dhe shërbimeve të tjera thelbësore”, thuhet në komentin e dërguar nga Presidenca.
Në komente, Presidenca ka propozuar që si masa të menjëhershme të jenë: Mirëmenaxhimi i shpenzimeve dhe humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, largimi i ose reduktimi i përkohshëm i TVSH-së për energjinë elektrike, dizajnimi dhe prezantimi i programit të shtyrjes së pagesave.
Si masa më afatmesme Presidenca ka rekomanduar: Menaxhimin efikas të KEK-ut dhe planifikimin e burimeve energjetike, rritje të efikasitetit të furnizimit me energji dhe vazhdim të programeve të efiçiencës.
Si masa afatgjata, Presidenca ka rekomanduar: Ndërtimin e kapaciteteve të reja gjeneruese të energjisë elektrike në vend dhe marrëveshje për tregtinë ndërkufitare me shtete aleate.
Pos Presidencës, në ditën e fundit të mundësisë për komentim, këtë e kanë bërë edhe INDEP-i, KEDS-i, KOSTT-i dhe KESCO.
Lajmet
Agjencisë së Menaxhimit Emergjent i shtohen edhe 51 zjarrfikës
Published
19 hours agoon
March 28, 2025By
UBTNews
Në Akademinë e Kosovës për Siguri Publike – Agjencia e Menaxhimit Emergjent u organizua sot ceremonia e përfundimit të trajnimit bazik për 51 zjarrfikës të rinj.
Trajnimi kishte për qëllim përgatitjen profesionale të pjesëtarëve të Njësive Profesionale të Zjarrfikjes dhe Shpëtimit, në mënyrë që ata të jenë të gatshëm të përballen me sfidat e këtij profesioni dhe të kontribuojnë në strukturat profesionale të zjarrfikjes dhe shpëtimit.
Gjatë trajnimit, pjesëtarët e zjarrfikjes dhe shpëtimit u njohën me teknikat e avancuara të shuarjes së zjarreve, procedurat operative dhe përdorimin e pajisjeve të specializuara.
Përveç aftësive teknike, ata mësuan rëndësinë e disiplinës, bashkëpunimit në ekip dhe elementeve kyçe për suksesin e një zjarrfikësi shpëtues.
Drejtori Ekzekutiv i AME-së, Genc Metaj, vlerësoi punën dhe përkushtimin e zjarrfikësve të rinj, të cilët tashmë janë të gatshëm të shërbejnë me përgjegjësi dhe guxim në mbrojtje të jetës dhe pronës së qytetarëve.
Ai theksoi se ky është një hap i rëndësishëm në ndërtimin e kapaciteteve të shërbimit zjarrfikës në vendin tonë.
Bota
Macron: Izraeli nuk ka asnjë arsye që të sulmojë Libanin
Published
19 hours agoon
March 28, 2025By
UBT NEWS
Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.
Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.
Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Divorci i prindërve, flet vajza e “Mr. Bean”: Ditët më të errëta

Microsoft prezantoi ekranin Xbox-PC

Kundër shëndoshjes së fytyrës! Çfarë duhet të bëni?

Eva Longoria pozon pranë yllit në Hollywood Walk of Fame, para premierës së filmit të ri

Si të ruani funksionet mendore gjatë moshës së shtyrë?

Dani Alves shpallet i pafajshëm

Katër ushtrimet që duhet t’i bëni çdo mëngjes

Fundjavë me shi, ja parashikimi i motit për sot

Presidenca kundërshton propozimin për shtrenjtim të rrymës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë