Lajmet

​Hoti në Gjilan: Në këtë fushatë përballë kam ata që duan të ndërtojnë njeriun e ri

Published

4 years ago

on

Edhe në Gjilan, kandidati për kryeministër i LDK-së, Avdullah Hoti ka deklaruar se kjo garë zgjedhore është për fitoren e demokracisë apo të autokratëve me shamia të kuqe. Bartësi i listës, Avdullah Hoti ka deklaruar se në fushatën për zgjedhjet e 14 shkurtit, ka përballë ata të cilët janë duke tentuar regjimin totalitor, i cili ka për qëllim ndërtimin e njeriut të ri.

Edhe në ditën e tetë të fushatës zgjedhore, ai u shpreh i bindur se do të fitojnë në këtë garë zgjedhore.

“Në këtë fushatë po duhet të kthehemi në bazament, në fundament të ndërtimit të shoqërisë demokratike, sepse përballë i kemi këta që Luta i përshkroi me shamia të kuqe, të cilat përpara i kanë lidhur në qafë dhe janë regjim totalitar, që duan të ndërtojnë njeriun e ri. Për të ndërtuar njeriun e ri duhet me zhbërë shpirtin e tij, me ia humb besimin që ka. E mandej me tentua me ndërtua njeriun e ri. Po krejt këto eksperimente shoqërore kudo nëpër botë kanë dështuar dhe do të dështojnë edhe në Kosovë këtë të diele”, ka deklaruar ai.

Tutje, derisa ka bërë thirrje për mbështetje masive, ai tha se të dielën është garë se a do të fitojë demokracia apo autokratët me shamia të kuqe.

“Gjithmonë i kemi pasur në rrugë, në çdo gurë themel të shtetit të Kosovës, Lidhja Demokratike bashkë me aleatët e saj, që mendojnë si LDK, siç është AKR dhe plot partnerë të tjerë. Gjithmonë i kemi pasur në rrugë, por gjithmonë kemi ditur me evitu, me ndërru rrugën, me i lënë anash. Njësoj kemi bërë në gjashtë muajt e fundit, nuk kemi pasur asnjë dyshim që marrëveshja e Uashingtonit duhet të nënshkruhet. Edhe pse partneri jonë i koalicionit ka dalë nga qeveria 1 orë para se të nënshkruhet marrëveshja në Uashington. Këto janë të vërtetat edhe nuk kam pasur asnjë dyshim që të shkoj të nënshkruaj këtë marrëveshje. Nuk kemi pasur dyshime, se në Shtëpinë e Bardhë nënshkruhen vetëm marrëveshje të mira”, ka shtuar Hoti.

Ai tha se kundërshtarët e tij politikë nuk kanë guxim të debatojnë me të, sepse po synojnë të fitojnë me shamia të kuqe. Për këto të fundit ka folur edhe kryetari i Komunës së Gjilanit, Lutfi Haziri, i cili tha se nuk mund të lejojnë që e diela e 14 shkurtit të bëhet e errët, duke u lejuar të tjerëve ri-themelim të Republikës së Kosovës duke rrënuar gjithçka.

“Mos të lejojmë që ata që po marshojnë rrugëve dhe marshi i kuq i tyre po ju mungon kënga e Partizanit. Nuk kanë nevojë me fsheh, nuk kanë nevojë me këndua nën hundë, kanë nevojë me tregu sikur edhe për punë tjera, që ajo ideologji dhe ajo kastë politike në Kosovë, kundërshtuese e gjitha proceseve politike, kundërshtuese edhe kësaj Republike dhe kësaj qeverie edhe të kaluar, po donë në emër të popullit me ri-themelua Republikën tonë. Por, nuk mund të ri-themelohet diçka pa u rrënu. Nuk mund të ndërtohet diçka që është e ndërtuar, nuk mund të funksionalizohet diçka që është një jetë”, ka deklaruar Haziri.

Ai tha se nuk mund të lejojnë që Republika e Kosovës t’i nënshtrohet “Zanës së Maleve”, e as thirrjeve për rithemelim. Haziri tha se ky popull shpresat i ka në zhvillim, e jo në rrënim.

“I ka në betim, e në flamur, e në komb e jo në ideologji e në shamia të kuqe. Që po i lidhin për drunjë dhe për trupa të pemëve. Le të harrojnë që mund t’i lidhin në qafa të njerëzve, sepse janë të papranueshme”, ka theksuar ai.

Tutje, sipas tij, themelet e Republikës së Kosovës janë larë me gjak, e jo me shamia të kuqe.

Për më tepër, partneri i koalicionit, Behgjet Pacolli theksoi se nga e hëna qyteti ka nevojë për pastrim nga këto shamia të cilat janë lidhur në pemë dhe rrugëve të qytetit.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

2 hours ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

2 hours ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

3 hours ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

3 hours ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara