

Lajmet
Gjetja e mbetjeve mortore në Gjakovë, do të bëhen sërish gërmime në lagjen Brekoc
Published
4 years agoon
By
Betim GashiMbetje mortore janë gjetur sot në varrezat e qytetit të Gjakovës, të cilat janë me lokacion në lagjen e Brekocit ku janë të varrosur dëshmorët e luftës së fundit në Kosovë. Në afërsi të këtyre mbetjeve sipas Policisë së Kosovës, Drejtoria Rajonale në Gjakovë, është gjetur edhe një uniformë ushtarake me emblemën e Ushtrisë Çlirimtare të Kosovës.
Në varrezat e qytetit në lagjen e Brekocit në Gjakovë ishte gërmuar edhe më herët, e nga Komisioni Qeveritar për të Pagjeturit është konfirmuar se në këtë lokacion do të kryhen sërish gërmime.
Komandanti i stacionit policor në Gjakovë, major Milazim Lumi, ka dhënë detaje se si është ardhur deri te gjetja e këtyre mbetjeve mortore. Ai bëri të ditur se mbetjet mortore janë gjetur nga mirëmbajtësit e varrezave, të cilët kanë qenë duke hapur një varr e që më pastaj kanë njoftuar Policinë e Kosovës. Lumi tha se në afërsi të mbetjeve mortore është gjetur një uniformë ushtarake me emblemën e Ushtrisë Çlirimtare të Kosovës.
“Sot rreth orës 10:30 punëtorët e kompanisë Çabrati këtu në varrezat e qytetit në Gjakovë, konkretisht në afërsi të varrezave të dëshmorëve gjatë hapjes së një varri për një rast të vdekjes së një qytetari të Gjakovës kanë hasur në mbetje mortore, të cilët menjëherë posa kanë hasur në ato mbetje mortore kanë njoftuar policinë. Ne pastaj kemi ardhur me shpejtësi në vend të ngjarjes, fillimisht kemi pa vendin e ngjarjes dhe kemi vendosur shiritat dhe kemi lokalizuar vendin e ngjarjes, pastaj kemi njoftuar ekipet relevante të cilat do të merren më tutje. Realisht, këtu kemi të bëjmë me mbetje mortore, të cilat llogaritet të jenë të kohës së pasluftës ose të luftës dhe kemi një mbetje mortore, në afërsi të kësaj mbetje mortore është një uniformë ushtarake me emblemën e UÇK-së”, tha ai.
Gjithashtu, ai bëri të ditur se mbetjet mortore nuk janë dëmtuar gjatë hapjes së varrit nga mirëmbajtësit e varrezave.
Kushtrim Gara, nga Komisioni Qeveritar për të Pagjeturit, ka thënë për KosovaPress se në këtë lokacion është gërmuar edhe më herët dhe se në të njëjtin lokacion do të kthehen sërish për të kryer gërmime.
“Lokacioni në fjalë është një nga lokacionet e trajtuar edhe më parë. E kam fjalën për varrezat e Brekocit në Gjakovë. Ky lokacion është trajtuar edhe më parë. Sigurisht që është pjesë e agjendës dhe ne besojmë që do të kthehemi në këtë lokacion për të proceduar tutje në kuptimin e gërmimit vlerësues dhe zhvarrosjes së eshtrave që mund të jenë në këtë lokacion. Ajo që është me rëndësi të theksohet për momentin është që informata është ndarë nga qytetari, përkatësisht nga mirëmbajtësi që ka hasur në eshtra”, tha ai.
Pas marrjes së informacioneve se në këtë vend janë gjetur mbetje mortore, ekipi i Institutit të Mjekësisë Ligjore është nisur për të kryer ekzaminimet e nevojshme.
Drejtori i Institutit të Mjekësisë Ligjore, Arsim Gërxhaliu, tha se presin tërheqjen e trupit dhe sjelljen e tij në Institutin e Mjekësisë ligjore ku më pas do të vazhdojnë me procedura të tjera deri tek identifikimi i atyre mbetjeve mortore.
“Bëhet fjalë për gjetje të rastësishme të pjesëve kockore me një trup të veshur me uniformë. Ashtu siç ka deklaruar Policia e Gjakovës. Edhe presim tërheqjen e trupit dhe sjelljen e tij në Institutin e Mjekësisë Ligjore, ku pastaj do t’i bëhet edhe ekzaminimi antropologjik dhe më pas edhe identifikimi përmes ADN-së”, tha ai.
Kushtrim Gara nga Komisioni Qeveritar për të Pagjeturit, ka një lutje për të gjithë qytetarët e vendit, të cilët mund të hasin në mbetje mortore.
“Për të gjithë qytetarët që mund të hasin në eshtra, që mund të jenë me rroba, me veshmbathje ose me artefakte të mos i prekin, të mos i lëvizin, por t’i njoftojnë institucionet kompetente, në këtë rast Komisionin Qeveritar si dhe sektorin e Policisë për krime lufte. Sigurisht që ne si institucione do të veprojmë kuptohet duke bërë përpjekje që këto raste të trajtohen me prioritet të veçantë, duke e pasur parasysh edhe atë pritjen, ankthin e familjes dhe përpjekjen e vazhdueshme institucionale që këto familje të dinë sa më parë fatin e më të dashurve të tyre”, tha ai.
Lajmet
Presidenti i Malit të Zi nuk e dekreton ligjin për Plazhin e Madh të Ulqinit
Published
16 hours agoon
April 29, 2025By
UBTnews
Presidenti i Malit të Zi, Jakov Millatoviq, ia ka kthyer Kuvendit për rishqyrtim njërën nga dy marrëveshjet që Qeveria e Malit të Zi i kishte nënshkruar me Emiratet e Bashkuara Arabe – atë që i hapte rrugë dhënies me qira të Plazhit të Madh në Ulqin.
Sipas asaj marrëveshjeje, Mali i Zi do t’ia jepte Plazhin e Madh me qira për 99 vjet kompanisë Emmar të biznesmenit arab, Mohamed Alabbarit, që do të ndërtonte një kompleks megaturistik në Ulqin.
Alabbar ka marrë pjesë edhe në projekte rajonale në Kroaci, Shqipëri dhe në “Beogradin mbi ujë” në Serbi.
Por, Millatoviq, i cili dekretoi Ligjin për ratifikimin e Marrëveshjes për bashkëpunim ekonomik, nuk e bëri të njëjtën edhe për Ligjin për ratifikimin e Marrëveshjes për bashkëpunim në fushën e turizmit dhe zhvillimit të pasurive të paluajtshme. Këtë të fundit ai ua ktheu deputetëve për ta votuar sërish.
Që marrëveshjet e nënshkruara nga kryeministri Millojko Spajiq në fund të marsit me zyrtarët e Emirateve të hyjnë në fuqi, Kuvendi i Malit të Zi i miratoi dy ligjet me procedurë të përshpejtuar më 23 prill, me propozim të Qeverisë.
Ato u mbështetën nga deputetët e shumicës parlamentare – lëvizja e Spajiqit “Evropa tani”, partia “Demokracia e Re Serbe” e kryetarit të Kuvendit, Andrija Mandiq, Demokratët dhe Partia Boshnjake.
Ditëve para miratimit, Millatoviq dhe një pjesë e sektorit joqeveritar paralajmëruan se me miratimin e Marrëveshjes për bashkëpunim në turizëm dhe zhvillim të pasurive të paluajtshme po pezullohet Kushtetuta dhe një pjesë e ligjeve të Malit të Zi.
Kthimi i këtij ligji nga Millatoviq e detyron Kuvendin që të votojë sërish për të. Nëse ligji miratohet përsëri, ai do t’i dërgohet sërish Millatoviqit për nënshkrim. Sipas Kushtetutës, në atë rast ai është i detyruar ta nënshkruajë, dhe ligji hyn në fuqi./REL/
Lajmet
Rama: Buxheti për vitin 2025 po sabotohet, kërkojmë zgjidhje alternative
Published
18 hours agoon
April 29, 2025By
UBTnews
Kryetari i Prishtinës, Përparim Rama, pas dështimit të seancës së Kuvendit Komunal, ka deklaruar se buxheti i kryeqytetit për vitin 2025 po përballet me pengesa serioze.
Sipas tij, ndonëse buxheti është votuar që në dhjetor 2024 dhe është planifikuar për projektet madhore të qytetit, Parlamenti i Kosovës ende nuk ka miratuar atë.
Rama akuzoi institucionet për shmangie të vazhdueshme dhe tentim sabotimi. “Do të vazhdojmë të punojmë me projekte të reja dhe të kërkojmë fonde nga instanca të tjera”, u shpreh ai.
“Buxhetin e dini që ne e kemi votuar në dhjetor të vitit 2024, i cili është planifikuar për të gjitha projektet madhore të kryeqytetit. Kemi kërkuar që atëherë që Parlamenti i Kosovës ta miratojë, por asnjëherë nuk është ftuar seanca. Tani kemi një çështje tjetër që ende nuk është konstituar. Ne kemi shqyrtuar në mënyrë ligjore se si Ministria e Financave të kërkojë buxhetin, e kemi kërkuar tashmë dy herë, por është shmangur. Tani ne duhet të gjendemi në mënyra të ndryshme, duhet t’i gjejmë fondet përmes projekteve të reja. Është tentuar të sabotohet edhe buxheti, por ne kemi arritur që të bëhet. Nuk po shfrytëzohet mundësia që buxheti i vitit 2025 të aprovohet. Ne vazhdojmë me projektet, nuk do të ndalemi dhe do të vazhdojmë të kërkojmë instanca të tjera”, tha Rama.
Lajmet
Emërohet ambasadori i ri i Italisë në Kosovë
Published
18 hours agoon
April 29, 2025By
UBTnews
Maurizio Antonini do të jetë ambasadori i ri i Italisë në Kosovë. Këtë e ka bërë të ditur ambasada e Italisë në Kosovë.
Lajmi është bërë i ditur nëpërmjet një njoftimi në rrjetin social “X”.
“I nderuar që të marr detyrën e Ambasadorit të Italisë në Kosovë. I vendosur që të fuqizoj lidhjet mes dy shteteve në të gjitha fushat e bashkëpunimit, duke përfshirë edhe për hir të perspektivës së Prishtinës për integrim evropian”, citohet se ka thënë ai.
Lajmet
Murati: Bllokada e Kuvendit po pengon dorëzimin e Kornizës Afatmesme të Shpenzimeve dhe ndarjen e granteve komunale
Published
19 hours agoon
April 29, 2025By
UBTnews
Ministri në detyrë i Financave, Hekuran Murati, ka thënë se moskonstituimi i kuvendit ka pasoja edhe në procese tjera.
Sipas tij në mungesë të një kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.
“Në mungesë të një Kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.”
Murati ka përmendur edhe komisionin për Grante Komunale.
“Ngjashëm është puna edhe me Komisionin për Grante Komunale, ku ligji e kërkon pjesëmarrjen edhe të Kryetarit të Komisionit Parlamentar për Buxhet – në mungesë të Kuvendit funksional, nuk ka as Komision për Buxhet dhe s’ka kush të marrë pjesë në Komisionin e Granteve, gjë që e vonon edhe ndarjen e granteve komunale.”
Murati thotë se është e domosdoshme që opozita “të heqë dorë nga bllokada”.
”Prandaj është e domosdoshme që partitë opozitare të heqin dorë nga bllokada dhe të ndihmojnë konstituimin e Kuvendit sa më parë.”

Si ndikon ambienti ynë në qetësinë e mendjes dhe fuqinë e shpirtit?

30 prilli, Dita Ndërkombëtare e Muzikës Xhaz

Parashikimi i motit për ditën e fundit të prillit

U tall me udhëtimin e Katy Perry në hapësirë, Lily Allen i kërkon falje

Një tjetër gjigant dëshiron të blejë Google Chrome

Ushqimet e shumëpërpunuara mund të lidhen me vdekjet e hershme

Laboratori për Testimin e Performancës së Sportistëve, flet profesori Milaim Berisha

Eurovision habit me ndryshimin: Flamujt palestinezë do të lejohen në publik

Presidenti i Malit të Zi nuk e dekreton ligjin për Plazhin e Madh të Ulqinit
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur