Sport

​Giresse flet për vendimin e Kurtulus: Jam i zhgënjyer

Trajneri i Kombëtares së Kosovës nuk e fshehu zhgënjimin kur komentoi edhe vendimin e fundit të Kurtulus.

Published

4 years ago

on

Trajneri i Kombëtares së Kosovës, Alain Giresse, ka mbajtur sot konferencën për media pas grumbullimit të ekipit për ndeshjet e muajit qershor, të vlefshme këto për Ligën e Kombeve. Ai u shpreh optimist për të katër ndeshjet ndërsa konfirmoi se të gjithë lojtarët e ftuar janë të gatshëm për paraqitje.

Konferenca nisi me njoftimin se futbollisti i Hammarbyt, Edvin Kurtulus, i cili më parë ishte kapiten i Kombëtares U21 dhe që së fundmi ishte në listën e Alain Giresse për ndeshjet e qershorit, e ka njoftuar FFK-në se ka bërë zgjedhjen e tij, duke vendosur të luajë për Suedinë.

Trajneri i Kombëtares së Kosovës nuk e fshehu zhgënjimin kur komentoi edhe vendimin e fundit të Kurtulus.

“Padyshim jam i zhgënjyer, mirëpo çfarë të bëj unë. Nuk mund të shkoj në Suedi dhe t’i them atij eja luaj për Kosovën. Ai ishte kapiten i Kombëtares U21. I kam bisedat, ai ishte i kënaqur për vendimin që e ka marrë dhe vendimi i takon atij. Fakti që ne e kemi ftuar të luajë për Kosovën nuk do të thotë se do të kishte meodomos minutazh”, tha ai.

Duke iu rikthyer sfidave të qershorit, Giresse deklaroi se për të arritur objektivat për këto katër ndeshje kërkohet që skuadra të bëjë një paraqitje sa më të mirë dhe të respektojë në maksimum kundërshtarët në fushën e lojën.

“Qëllimi ynë, për t’iu përgjigjur pyetjes, është që në të kemi performancë sa më të mirë në këto katër lojë, do të thotë dy lojë jashtë dhe dy lojë brenda. Qëllimi ynë është të përgatitemi sa më mirë për këto lojë, do të thotë lojë pas loje të përgatitemi sa më mirë në mënyrë që ti arrijmë ato pritshmëritë tona”, tha Giresse.

Kosova ndeshjen e parë e luan si mysafire kundër Qipros, më 2 qershor, derisa më pas dy ndeshje i luan në shtëpi kundër Greqisë dhe Irlandës së Veriut, për ta përmbyllur këtë grumbullim me ndeshjen si mysafire kundër Greqisë, më 12 qershor.

I pyetur se cilën ndeshje e cilëson më të vështirë, përgjigja e Giresse ishte se të gjitha ndeshjet janë të rëndësishme dhe nuk janë të lehta, dhe nëse skuadra fillon të nënvlerësojë kundërshtarët, atëherë kjo do të jetë pikënisje drejt dështimit.

“Unë do të përgjigjesha ndryshe, do të thosha që nuk ka ndeshje të lehtë, sepse nëse nisemi me mendimin që për neve ekziston një lojë e lehtë, atëherë kjo është ndoshta nisja drejt dështimit, nuk guxojmë t’i konsiderojmë kështu ndeshjet. Në futboll duhet modesti. Të trajtohet secila lojë veç e veç dhe për secilën lojë ta japim maksimumin dhe jo të hyjmë me idenë se kjo lojë është e vështirë e kjo lojë është e lehtë”, tha Giresse.

Më tej, trajneri francez foli edhe për gjasat që Kosova të jetë lider i grupit, ku pavarësisht hezimit për të premtuar ndonjë sukses të tillë, u shpreh optimist se ky objektiv mund të arrihet.

“Pse jo, pse mos të jemi në vendin e parë. Nuk dëshiroj të diskutoj se a i kemi mundësitë apo nuk i kemi. Nuk dëshirojmë të vendosim objektiva ose të premtojmë diçka para lojës. Do të futemi, do ta marrim secilën lojë veç e veç, dhe pse jo në fund të fundit të jemi lider i grupit, mirëpo të shohim”, tha Giresse.

Sa i përket mungesës së Rashanit dhe Hadërgjonajt, ai ka thënë se lojtarët kërkuan që të mos përfshihen në këto ndeshje për shkaqe personale.

Related Topics:
Continue Reading

Sport

Fanella e Michael Jordan shitet për 14 milionë dollarë në ankand

Published

17 hours ago

on

October 13, 2026

By

Një fanellë e legjendës së basketbollit, Michael Jordan, e veshur gjatë finaleve të NBA-së në vitin 1998, është shitur në ankand për 14 milionë dollarë.

Bëhet fjalë për fanellën që Jordan e kishte veshur në ndeshjen e dytë finale ndaj Utah Jazz, në sezonin e njohur si “The Last Dance”, kur Chicago Bulls siguruan titullin e gjashtë në histori.

Ankandi u organizua nga shtëpia “Hunt Auctions”, ndërsa fanella u ble nga një investitor i pasurive të paluajtshme nga Miami.

Në finalet e vitit 1998, Jordan regjistroi mesatarisht 33.5 pikë për ndeshje dhe u shpall lojtari më i vlefshëm i serisë finale, duke udhëhequr Chicagon drejt titullit.

Pavarësisht shumës së lartë, fanella nuk e ka thyer rekordin për artikullin sportiv më të shtrenjtë të shitur në ankand. Ky rekord vazhdon të mbahet nga fanella e legjendës së bejsbollit, Babe Ruth, e shitur për 24.12 milionë dollarë në vitin 2024.

Kjo është fanella e tretë e Jordanit nga finalet e vitit 1998 që shitet për mbi 10 milionë dollarë, duke konfirmuar vlerën historike të trashëgimisë së tij në basketboll.

D.L

Continue Reading

Sport

Osmani dhe Gashi titullarë në humbjen e Bayernit U19

Published

17 hours ago

on

October 13, 2026

By

Dy mesfushorët, Erblin Osmani dhe Yll Gashi, ishin titullarë në humbjen 2:0 të Bayern Munichut U19 ndaj Vikingut U19, në kuadër të xhiros së dytë të fazës së ligës në UEFA Youth League.

Në takimin e zhvilluar të hënën, Osmani qëndroi në fushë deri në minutën e 87-të, ndërsa Gashi u zëvendësua në minutën e 70-të.

Osmani, i cili është pjesë e grupmoshave të reja të Bayernit, muajin e kaluar regjistroi edhe debutimin me Përfaqësuesen A të Kosovës.

Mesfushori u aktivizua për tre minuta në fitoren 1:0 të “Dardanëve” ndaj Irlandës, në kuadër të Ligës së Kombeve.

D.L

Continue Reading

Sport

Genc Nuza delegohet gjyqtar kryesor në Ligën e Konferencës

Published

21 hours ago

on

October 13, 2026

By

Gjyqtari kosovar Genc Nuza është deleguar nga UEFA për të drejtuar ndeshjen ndërmjet Twentes dhe Thunit, në kuadër të fazës së ligës në UEFA Conference League.

Takimi do të zhvillohet më 15 tetor, në Enschede të Holandës, ndërsa Nuza do të jetë gjyqtari kryesor i kësaj përballjeje.

Atij do t’i asistojnë Granit Hyseni dhe Fatmir Sekiraqa, ndërsa gjyqtar i katërt do të jetë Mentor Ajeti. Rolin e ndihmësit të gjyqtarit në VAR (AVAR) do ta ketë Alban Shala.

Lajmin e ka bërë të ditur Federata e Futbollit e Kosovës, e cila e ka vlerësuar këtë delegim si një tjetër sukses për gjyqtarët kosovarë në arenën ndërkombëtare.

Sipas FFK-së, angazhimi i Nuzës dhe ekipit të tij në garat evropiane dëshmon profesionalizmin dhe përparimin e gjyqtarëve të Kosovës në futbollin ndërkombëtar.

D.L

Continue Reading

Sport

Getafe zyrtarizon transferimin e Dani Carvajal

Published

21 hours ago

on

October 13, 2026

By

Klubi spanjoll Getafe ka njoftuar arritjen e marrëveshjes me mbrojtësin me përvojë, Dani Carvajal, i cili ka nënshkruar kontratë deri më 30 qershor 2027.

Ish-kapiteni i Real Madridit i bashkohet skuadrës së re pas një karriere të suksesshme me klubin madrilen, ku regjistroi 451 paraqitje, 14 gola dhe 66 asistime.

Gjatë periudhës së tij te Real Madridi, Carvajal fitoi gjithsej 27 trofe, përfshirë gjashtë tituj të Ligës së Kampionëve dhe katër të La Ligës.

Sipas raportimeve, transferimi ishte vonuar për shkak të mosmarrëveshjeve financiare, pasi oferta fillestare prej 400 mijë eurosh ishte konsideruar e ulët në krahasim me pagën e tij të mëparshme te Real Madridi, që arrinte deri në 10 milionë euro në vit.

Me këtë transferim, Getafe synon të përforcojë repartin defensiv dhe të përfitojë nga përvoja e madhe e mbrojtësit spanjoll.

D.L

Continue Reading

Të kërkuara