Lajmet

​Gërvalla optimiste që gjatë vitit 2023 Kosova do të bëhet pjesë e Partneritetit për Paqe

Ajo ka përmendur edhe aplikimin e Kosovës në Bashkimin Evropian.

Published

3 years ago

on

Ministrja e Punëve të Jashtme dhe Diasporës, Donika Gërvalla është shprehur optimiste se gjatë vitit 2023 Kosova do të bëhet pjesë e Partneritet për Paqe, që është parakusht për anëtarësim në NATO.

Gjatë raportimit para deputetëve të Komisionit për Punë të Jashtme, ajo ka përmendur edhe aplikimin e Kosovës në Bashkimin Evropian për çka ka thënë se ky proces bart sfida të mëdha por ka shtuar se një veprim i tillë është ndërmarrë pas konsultimeve të mira me aleatët e shtetit.

“Sa i përket organizatës Partneriteti për Paqe, nuk është që është ide origjinale e vetëm e jona, por është edhe rekomandim i partnerëve tanë ndërkombëtar, i cili po ashtu bartë sfida sepse si në Bashkimin Evropian ashtu edhe në Partneritetin për Paqe por edhe në Këshillin e Evropës kemi shtete që nuk e kanë njohur shtetësinë e Kosovës dhe secila prej fazave kërkon lobim të jashtëzakonshëm, kërkon shumë punë dhe kërkon shumëfish më tepër punë që u është dashur shteteve fqinjëve në të njëjtën rrugë kur kanë vendosur ta ndjekin. Personalisht jam shumë optimiste për vitin 2023 dhe Partneritetin për Paqe pa dashur të them më shumë fjalë sesa që do të mund t’i mbaja në fund, ne do të punojmë me po kaq përkushtim edhe në këtë sferë sa kemi punuar edhe për anëtarësime të tjera dhe shpresojmë që fundi i vitit 2023 Kosovën ta zërë si anëtare e Partneritetit për Paqe, me qëllim që të jetë edhe më e qartë rruga që Kosova do të ndjek rreth anëtarësimit në NATO”, ka thënë Gërvalla.

Para deputetëve, Gërvalla ka folur edhe për aplikimin në Këshillin e Evropës që sipas saj ekziston përkrahje e madhe politike.

“Sa i përket anëtarësimit në Këshillin e Evropës, po them shumë shkurt, kemi kaluar disa etapa të rëndësishme sa i përket anëtarësimit në Këshillin e Evropës, është opinioni ligjor i cili është miratuar në vjeshtën e këtij viti, ka një raport rreth situatës së të drejtave të njeriut nga komisioni përkatës në Këshillin e Evropës, është duke u përgatitur raporti vjetor për Kosovën nga ana e raportueses, prandaj faza kur Kosova do të kalojë nga këshilli ministror në Asamblenë Paralajmëtare të Këshillin e Evropës është afruar shumë, ne po shpresojmë që në takimet e ardhshme do të jetë në agjendë, të vihet në agjendë çështja e Kosovës me qëllim që më në fund asambleja parlamentare e këshillit të Evropës të fillojë të merret me çështjen tonë. Të dimë edhe ne saktë cilat janë pritjet, cilat janë obligimet të cilat duhet t’i përmbushim me qëllim që Kosova të anëtarësohet në Këshillin e Evropës, aty ku e ka vendin. Përkrahja politike është e madhe, votat janë siguruar, kështu që shpresojmë që ky hapi teknik që duhet të ndodh të ndodh sa më shpejtë meqenëse nuk ka çfarë të pritet më në atë drejtim”, ka thënë ajo.

Ndërsa lidhur me faktin që nuk është arritur të sigurohet asnjë njohje e re, Gërvalla ka thënë se qeveria ka punuar në këtë drejtim por është përqendruar më shumë në sigurimin e njohjeve nga vendet e Bashkimit Evropian që ende nuk e kanë pranuar Kosovën. Ajo ka theksuar se fushata e Serbisë për çnjohje nuk ka pasur sukses.

“Sa i përket njohjeve të reja, natyrisht që në aspektin teknik nuk kemi asnjë njohje të re në tavolinë por kemi lëvizje të shumta me shtete të ndryshme me të cilat nuk ka pasur asnjë lloj bashkëpunimi me republikën e Kosovës, nuk kam nevojë këtu publikisht t’i shpërfaq hapat të cilët ndjekim sepse jam e sigurt që ju jeni gjatë në politikën e Kosovës dhe i njohin ofertat që mund të bëjmë, edhe ofertat për bashkëpunim që nuk janë patjetër njohje por janë mundësi të tjera bashkëpunimi në fusha të ndryshme. Ka pasur një fushatë nga ana e Serbisë për çnjohje por nuk kemi asnjë informacion që kjo fushatë të ketë pasur sukses në ndonjërin nga shtetet të cilat janë adresuar nga Serbia. Përpjekjet kanë qenë të shumta duke filluar nga dhënia e armatimit rus, nga vaksinat, nga produktet të ndryshëm ushqimore, ndihma humanitare e të tjerë, ne kemi kontaktuar secilin prej shteteve të cilët kemi supozuar që mund të jenë në atë listë dhe rezultati është që ajo fushatë ka qenë e pasuksesshme”, ka thënë ajo.

Mbledhja e komisionit po vazhdon me pyetjet e deputetëve për ministren e Jashtme.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

19 minutes ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIn dhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Vendi

Maqedonci: Serbia mbetet rreziku kryesor, AKI-ja ia goditi rrjetin e spiunazhit

Published

53 minutes ago

on

June 12, 2026

By

Kosova vazhdon të përballet me rreziqe serioze, ku kërcënimi kryesor ushtarak mbetet Serbia. Kështu deklaroi Ministri i Mbrojtjes, Ejup Maqedonci, në Podcastin e Media Grupit të UBT-së. Ai sqaroi se ky rrezik vjen nga politika hegjemoniste e Beogradit dhe armatosja e saj e shpejtë me sisteme të rrezikshme nga Rusia dhe Kina.

Ministri vuri në dukje se ushtria është gjithmonë zbatuese e politikave shtetërore. Për sa kohë që Serbia synon të dominojë rajonin dhe refuzon integrimin euroatlantik, ajo përbën kërcënim për të gjithë fqinjët. Megjithatë, Maqedonci siguroi se institucionet e Kosovës janë plotësisht të gatshme për t’u përgjigjur.

“Kërcënimi i vetëm i madh konvencional mbetet Serbia. Rreziku dhe kërcënimi për Kosovën qëndron pikërisht në faktin që Serbia nuk e ka ndryshuar politikën hegjemoniste në raport jo vetëm me Kosovën, por edhe me të tjerët në Ballkan”, tha Maqedonci.

Për të përballuar luftën hibride, Kosova ka zhvilluar kapacitete të larta profesionale. Ministri përmendi sukseset e fundit të Agjencisë Kosovare të Inteligjencës (AKI) dhe Policisë së Kosovës. Ai mori si shembull parandalimin e akteve të sabotazhit dhe reagimin e shpejtë ndaj grupeve terroriste në rastet si Banjska apo sulmi në Ibër-Lepenc.

“Kemi qenë dëshmitarë të goditjes së rrjetit të spiunazhit serb në Kosovë. Spiunazhi është element kyç i luftës hibride. Kanë dashur të destabilizojnë vendin dhe të përlyejnë historinë e UÇK-së”, potencoi ministri.

Në fund, Maqedonci u shpreh se Forca e Sigurisë së Kosovës (FSK) sot është krejt ndryshe nga ditët e çlirimit. Ajo po fuqizohet me armatime moderne dhe po trajnohet sipas standardeve më të larta të NATO-s. Sipas tij, një ushtri e fortë është garancia më e mirë, pasi forca e dekurajon gjithmonë kundërshtarin dhe shmang luftën.

“Kemi një ushtri që është shembull për gjithë rajonin. Ajo vlerësohet nga të gjitha vendet e NATO-s si ushtri shumë profesionale”, përfundoi Ministri i Mbrojtjes. /E.A/

Continue Reading

Vendi

Koncert festiv “Liria na Bashkon” në Gjakovë për Ditën e Çlirimit

Published

2 hours ago

on

June 12, 2026

By

Në shënim të Ditës së Çlirimit, tre ansamble kombëtare shqiptare do të bashkohen në koncertin festiv “Liria na Bashkon”, duke sjellë një mbrëmje me këngë, valle dhe interpretime nga kultura shqiptare.

Në këtë ngjarje do të marrin pjesë Ansambli Kombëtar i Këngëve dhe Valleve “Shota” nga Kosova, Ansambli i Këngëve dhe Valleve Popullore nga Shqipëria, si dhe Ansambli Nacional i Këngëve dhe Valleve Popullore Shqiptare në Maqedoninë e Veriut.

Koncerti do të mbahet në Shtëpinë e Kulturës “Asim Vokshi” në Gjakovë, më 12 qershor 2026 në ora 19:00. /A.K/

Continue Reading

Lajmet

Maqedonci: UÇK hyri në Prishtinë dy ditë para NATO-s për të parandaluar masakrat serbe

Published

2 hours ago

on

June 12, 2026

By

Ministri i Mbrojtjes, Ejup Maqedonci, ka zbuluar detaje të panjohura nga ditët e çlirimit në Podcastin e Media Grupit të UBT-së. Ai tregoi se më 10 Qershor 1999, një pjesë e njësive të UÇK-së nga Zona Operative e Llapit morën urdhër të futeshin urgjentisht në kryeqytet. Ky mision synonte mbrojtjen e popullatës civile nga trupat serbe para tërheqjes së tyre.

Sipas ministrit, informacionet e kohës tregonin se forcat serbe në largim e sipër do të tentonin të bënin masakra të tjera dhe të plaçkitnin shtëpitë e shqiptarëve. Pjesë e këtij operacioni të rrezikshëm ishte edhe vetë Maqedonci. Ai kujton se ngritën flamujt në dy pika strategjike, në Kodrën e Trimave për të dhënë shenjën se UÇK-ja ishte në Prishtinë.

“Kemi ngritur flamujt si shenjë që Ushtria Çlirimtare e Kosovës është në Prishtinë. Ishim në uniforma dhe kishim vendosur pozicionet tona në mënyrë që të mos lejohej ndonjë masakër”, kujton ministri emocionet e asaj dite.

Gjatë intervistës, Maqedonci foli edhe për rrugëtimin e tij personal si 20 vjeçar, i cili nisi në vitin 1998, kur i’u bashkua UÇK-së nga Zvicra. Ai tregoi se stërvitjen teorike ushtarake në Shqipëri e kishte marrë nga Heroi i Kombit, Agim Ramadani. Pas një marshimi të vështirë 12-orësh nëpër borën e maleve të Pashtrikut, ai depërtoi në Kosovë për t’u angazhuar në zona të ndryshme operative.

“Ëndrra ime e parë ishte vetëm të kaloja kufirin, të prekja tokën e Kosovës, dhe çfarëdo që të ndodhte më pas nuk kishte rëndësi”, u shpreh Maqedonci për fillimet e tij në luftë.

Sot, si Ministër i Mbrojtjes, ai thotë se pasqyrimi i FSK-së është përmbushje e ëndrrës së dëshmorëve. Ai vuri në dukje investimet e mëdha prej 460 milionë eurosh në armatim gjatë katër viteve të fundit. Për Maqedoncin, modernizimi i ushtrisë sipas standardeve të NATO-s është garancia kryesore për të ruajtur paqen në vend.

“Kur përgatitesh për luftë, në fakt përgatitesh për ta shmangur luftën, sepse forca e dekurajon kundërshtarin”, potencoi në fund ministri Maqedonci. /E.A/

Continue Reading

Të kërkuara