Lajmet

​Gashi: Mospërgjigjet e Kurtit janë shkelje e Kushtetutës

Sipas tij, sjellja e sotme e qeverisë është “gur i keq” për demokracinë e vendit.

Published

2 years ago

on

Shefi i deputetëve të Lidhjes Demokratike të Kosovës, Arben Gashi ka reaguar pasi kryeministri i vendit, Albin Kurti nuk iu është përgjigjur pyetjeve të opozitës, pasi këta të fundit nuk po i votojnë marrëveshjet ndërkombëtare.

Gashi tha se veprimet e Kurtit janë shkelje e Kushtetutës. Sipas tij, sjellja e sotme e qeverisë është “gur i keq” për demokracinë e vendit.

“Sjellja e sotme e qeverisë është momentum i ri dhe një gur i keq për demokracinë në Kosovë… Për ne kjo është e papranueshme, është cenim i demokracisë, dhe është shkelje e rëndë, është rrezik i paparë deri më sot në Kosovë. Prandaj, ne vlerësojmë se kjo që po bënë sot kryeministri është një nivel i ri i rrezikimit të demokracisë në Kosovë, ne nuk mund ta tolerojmë një sjellje të tillë”, tha Gashi.

I pyetur nëse do të marr pjesë në seancat tjera, Gashi tha se deputetët do të jenë aty ku e kanë vendin, porse kjo e sotit ishte për shkak të sjelljes arrogante të qeverisë. Gashi ka ritheksuar sërish që qeveria nuk i ka numrat të qeverisë, dhe sa më parë duhet të gjejë një zgjidhje për këtë.

“Patjetër se do të marrim pjesë. Parlamenti është aty ku kanë vendin deputetët, është sot në formë demonstrimit, me sjelljen arrogante të qeverisë… Qeveria nuk i ka numrat të qeverisë dhe që katër seanca nuk mund të kalojë asnjë vendim. E ka për detyrë qeveria të qeverisë, nuk e ka për detyrë opozita ta rrezojë qeverinë. Qeveria e ka për detyrë të qeverisë vendin, të nxjerrë ligje, të marrë dhe të aprovojë vendime. Problemi që ka sot Kosova është se Qeveria e paaftë të qeverisë, prej 69 deputeteve sa ka pas, sot s’ka as 61, ky është problemi”, shtoi Gashi.

Mes tjerash, Gashi tha se është çështje e qeverisë nëse e zgjerojnë koalicionin për të gjetur zgjidhje nëse duan të qeverisin.

“Dje kam thënë, vendi është në krizë me dy situata të vërteta. E para është se Qeveria nuk i ka numrat për të qeverise dhe është shumë vështirë. I duhen muaj të tërë për t’i mbledhë 61 deputetë të votojnë pastaj 50 gjana, që nuk është zhvillim normal demokratik. Opozita nuk i ka numrat të rrezojë qeverinë… Ose të gjejnë zgjidhje si të qeverisin, është çështje e tyre a e zgjerojnë koalicionin, ose ulet me partitë politike dhe i diskuton disa tema që janë në interes nacional dhe duhet të votohet”, tha Gashi.

Ai ka komentuar edhe deklaratën e kryeministrit Kurti kur pati thënë se nëse vendi shkon në zgjidhje, zhduket opozita.

“Ani more le të zhduket. Nëse vullneti i qytetarëve të Kosovës është që të zhduket dikush nga skena politike, le të zhduket. Kjo është demokracia, por problemi është tek mentaliteti, mënyra e të menduarit e kryeministrit Kurti. Pra, ai në vetëdijen e tij e ka zhdukjen e kundërshtarit, kjo nuk i duhet Kosovës. Sot i ka bërë katër vjet qeverisje, cili është rezultati i këtij pushteti”, përfundoi Gashi.

Sot gjatë seancës, kryeministri Albin Kurti ka refuzuar të përgjigjet në pyetjet parlamentare të deputetëve të opozitës. Kurti i ka thënë opozitës që nëse duan përgjigje nga ai, duhet t’i votojnë marrëveshjet ndërkombëtare të cilat janë duke u bartur nga seanca në seancë.

Related Topics:
Continue Reading

Aktualitet

Përfundon Seminari për Trajnerët e Basketbollit

Published

17 minutes ago

on

September 8, 2025

By

Ka përfunduar Seminari për Trajnerët e Basketbollit për grupmosha të reja që filloi ditën e premte dhe vazhdoi gjatë fundjavës është organizuar nga Federata e Basketbollit e Kosovës në bashkëpunim me Shoqatën e Trajnerëve të Basketbollit të Kosovës dhe Komitetin Olimpik të Kosovës (KOK).

Seminari është përkrahur nga Solidariteti Olimpik, fondacioni më i madh në kuadër të Komitetit Olimpik Ndërkombëtar (KON), për zhvillim të sportit në vende të ndryshme të botës e po ashtu edhe nga FIBA, shtëpia e basketbollit botëror.

Në ditën e parë ka ligjëruar eksperti i njohur i basketbollit ndërkombëtar, Arik Shivek.

Ai ka treguar për përvojën e madhe në basketbollin evropian dhe këtë përvojë ta bart te trajnerët e Kosovës, për ta zbatuar në basketbollin e Kosovës.

Vlora Braha, SPOC Person për Integritet në FBK dhe nga Safeguardin dhe Future ka folur rastet që mund t’i paraqesin trajnerët për abuzime dhe ngacmime në basketboll dhe si mund të drejtohen për këto raste në FBK. Ndërkohë, psikologia Vjollca Zymberi Devaja ka ligjëruar me temën Përgatitja Mendore për Fëmijët.

Në ditën e dytë dhe të tretë, kanë ligjëruar eksperti i njohur ndërkombëtar i basketbollit, Arik Shivek, si dhe trajneri kondicional Agron Haliti.

Të dy kanë ligjëruar për tema të rëndësishme për trajnerët që punojnë me grupmosha të reja, veçanërisht për U14 e më të rinj.

Në fund, Diellza Kelmendi, Koordinatore e Vlerave Olimpike në Akademinë Olimpike në Komitetin Olimpik të Kosovës së bashku me Granit Rugovën, Drejtor i Projekteve dhe Programeve Zhvillimore në Federatën e Basketbollit të Kosovës kanë nderuar me mirënjohje Arik Shivek dhe Agron Haliti, ndërsa trajnerët pjesëmarrës janë pajisur me certifikatën e pjesëmarrjes./S.K/KP/

Continue Reading

Aktualitet

Tifozët letonezë fishkëllejnë kundër serbëve pas thirrjeve “Kosova është Serbi”

Published

1 hour ago

on

September 8, 2025

By

Edhe në arenat sportive, Serbia vazhdon të përdorë çdo formë për të sulmuar dhe provokuar Kosovën. Kjo u dëshmua sërish të shtunën, në orën 15:00, gjatë ndeshjes kualifikuese për Kupën e Botës mes Letonisë dhe Serbisë, e zhvilluar në stadiumin e Rigës.

Autoritetet letone nuk toleruan sjelljet provokuese të tifozëve serbë, dhe organizatorët e ndeshjes kualifikuese të Kupës së Botës midis Letonisë dhe Serbisë, nuk lejuan që tifozët mysafirë të sillnin në stadium asnjë simbol serb.

Policia ndaloi ekspozimin e flamujve serbë, simboleve nacionaliste dhe sloganeve anti-Kosovë.

Tifozët serbë u detyruan të heqin rrobat që mbanin mesazhe kundër Kosovës, ndërsa sendet e ndaluara iu konfiskuan në hyrje të stadiumit.

Përpjekjet e tyre për të kënduar korin famëkeq “Kosova është Serbi” u pritën me fishkëllima nga tifozët letonë, duke treguar se publiku evropian nuk e mbështet më propagandën e vjetër serbe.

Pas golit të Dušan Vlahović në minutën e 12-të të ndeshjes, tifozët serbë shpërthyen në brohoritje dhe brohoritën: “Kosova është Serbi”.

Kjo nuk është hera e parë që Serbia përdor ngjarjet sportive për të çuar përpara mesazhe nacionaliste dhe provokuese ndaj Kosovës. Në shumë ndeshje të mëparshme, Serbia ka shfrytëzuar minutazhin sportiv për të bërë thirrje politike, për të afishuar parulla ofenduese dhe për të provokuar me flamuj apo simbole që nxisin urrejtje./S.K/EO/Pamfleti/

Continue Reading

Aktualitet

Kosova mësoi rivalët e parakualifikimeve për FIBA EuroBasket 2029

Published

1 hour ago

on

September 8, 2025

By

Për FIBA ​​EuroBasket 2029 që mbahet në kryeqytetin letonez, Riga, sot nga ora 10:30 është zhvilluar shorti i Raundit të Parë të Parakualifikimeve. në kryeqytetin letonez, Riga.

Ceremonia do të transmetohet drejtpërdrejt në kanalin zyrtar të FIBA-s në YouTube.

10 kombëtare janë të ndara në katër vazo nga FIBA sipas renditjes botërore dhe një grup do të përbëhet nga katër shtete dhe dy grupet e tjera do të përbëhen nga tre shtete.

Kosova është në vazon e dytë dhe sot do të mësojë kundërshtarët.

Raundi i Parë i Parakualifikimeve do të luhet në tre dritare: nëntor 2025, shkurt 2026 dhe qershor-korrik 2026.

Katër kombëtare – tre fitueset e grupeve dhe vendi i dytë më i mirë do të kualifikohen në Raundin e Dytë.

Vazo 2: Kosova, Norvegjia, Irlanda./S.K/KP/

Continue Reading

Lajmet

​Punimet ndërtimore për projektin Solar4Kosovo I – Centrali Fotovoltaik, KEK jep sqarime

Published

1 hour ago

on

September 8, 2025

By

Korporata Energjetike e Kosovës (KEK) njofton për procesin e fillimit të punimeve ndërtimore të projektit Solar4Kosovo I – Centrali Fotovoltaik, i cili financohet nga Bashkimi Evropian / Korniza e Investimeve për Ballkanin Perëndimor (ËBIF), Qeveria Gjermane përmes KfË si institucioni kryesor financiar ndërkombëtar, Banka Evropiane për Investime (BEI) dhe Korporata Energjetike e Kosovës.

“Ky projekt përfaqëson një hap të rëndësishëm në tranzicionin energjetik të Kosovës, duke kontribuar në rritjen e prodhimit nga burime të qëndrueshme dhe të ripërtëritshme të energjisë”, thuhet në njoftim.

Sipas njoftimit, punimet ndërtimore do të zhvillohen në zonën afër Termocentralit Kosova A, që shtrihet në komunën e Obiliqit dhe Fushë Kosovës. Këto punime kryesisht lidhen me banorët e Kryshevcit (Dardhishtë) dhe lagjes Mërlak në fshatin Kryshevc, komuna e Obiliqit.

“KEK sqaron se deri më tani nuk ka ndërmarrë masa ndaj përdorimit të paautorizuar të tokës, pasi nuk ka ekzistuar një plan konkret zhvillimor për atë zonë. Për më tepër, në përputhje me përgjegjësitë e saj si kompani publike dhe në kuadër të politikave të Përgjegjësisë Shoqërore Korporative (CSR), KEK ka treguar mirëkuptim dhe ka toleruar këtë shfrytëzim të përkohshëm nga komuniteti lokal”, thuhet në komunikatë.

“Prandaj, është e rëndësishme të informohen të gjithë përdoruesit e paautorizuar të tokës se: Toka në fjalë është pronë e KEK-ut; KEK është në përgatitje për punimet e ardhshme ndërtimore të projektit solar; Sezoni bujqësor i vitit 2025 (gusht 2025) paraqet sezonin e fundit kur janë zhvilluar aktivitete bujqësore në këto toka; Pas kësaj periudhe, nuk do të lejohet më asnjë përdorim i tokës nga persona të paautorizuar”, thuhet në njoftim.

Më tej thuhet se ky njoftim bëhet për të siguruar transparencë dhe informim të drejtë për të gjithë përdoruesit e pa autorizuar të tokës, përveç njoftimeve zyrtare dhe tabelave paralajmëruese që do të vendosen në perimetrin e zonës së projektit, e cila do të jetë e rrethuar me gardh sigurie.

KEK fton të gjithë përdoruesit e tokës dhe personat e prekur nga ky vendim që, për çdo sqarim ose informacion shtesë, të kontaktojnë përfaqësuesit e kësaj kompanie. /D.B/KP

Continue Reading

Të kërkuara