Lajmet

​Filluan punimet e projektit të unazës në qendër, pritet shkarkimi i trafikut

Rama, tha se ky është projekti më i rëndësishëm në dhjetë vitet e fundit.

Published

on

Kanë filluar sot punimet e projektit të unazës qendër në lagjen Arbëria, për të cilin kryetari i Prishtinës, Përparim Rama, tha se është më i rëndësishmi në dhjetë vitet e fundit.

Rama theksoi se me këtë projekt do të mundësohet lëvizja më e mirë e trafikut dhe lidhja e Arbërisë me pjesët tjera të qytetit, pa krijuar kolona. Ai tha se projekti pritet të përfundojë brenda tre muajve dhe se faza e parë i ka kushtuar kryeqytetit mbi një milion euro.

“Kemi filluar më një projekt që mund te them që është projekti me rëndësinë më të madhe gjatë 10 viteve të fundit për Prishtinën. Është projekti që krijon lidhje të mirëfilltë me lagjen Arbëria me dy rrethrrotullimet të cilat mundësojnë edhe shkarkimin e madh të trafikut dhe mundësojnë edhe lëvizje shumë më të mirë edhe më të lirë edhe për transport alternativ: biçikleta, trotinete dhe këmbësorë… Këtë po e bëjmë të mundur dhe është një projekt madhor, ku faza e parë është 700 metra dhe është 1 milion e 141 mijë euro. Vitin tjetër vazhdojmë me këtë projekt edhe me fazën e dytë që ndërlidh rrethrrotullimin e madh, i cili e lidhë Prishtinën me Fushë Kosovën dhe Mitrovicën… Ka me qenë një projekt i cili përkundër madhësisë së tij pretendojmë ta kryejmë brenda 90 ditëve pune. Tash jeni më fund të nëntorit kështu që do të kemi problem me kohën, shpresoj jo shumë, mirëpo ky është plani dinamik të cilit do të mundohemi t’i përmbahemi me përpikmëri”, tha Rama.

Ndërkaq drejtori i Investimeve Kapitale në komunën e Prishtinës, Krenar Xhaferri tha se me këtë projekt synohet të gjendet zgjidhja për këmbësorët që kalojnë këtë rrugë. Po ashtu, ai tha se pritet të ndërtohet një tunel i cili mundëson kalimin e hekurudhave pa u penguar nga varrezat.

“Kemi menduar edhe pjesën e kalimit të këmbësoreve që në 2023 e kemi të planifikuar te stacioni i trenit me kalimin me Arbërinë dhe kemi kalimet e përkohshme tek pjesa e parë të cilën këmbësorët të mos të kalojnë në këtë formë. Jemi në koordinim të plotë edhe me të gjitha institucionet dhe nuk kemi diçka që na pengon… Kemi marrë një detyrë projektuese dhe kemi menduar që kalimi i hekurudhave të jetë me një formë të tunelit për t’iu shmangur varrezave të cilat e kanë penguar lidhjen e kësaj. Jemi duke punuar me projektin, deri në fund të vitit do të përfundojë dhe në fillimvit do të nisim punimet për këtë pjesën e ndërlidhjes së këtyre dy rreth rrotullimeve të cilat do të mundësojnë një komunikacion njëkahorë do të thotë pjesa e rrugës e cila është ekzistuese do të jetë njëdrejtimëshe ndërsa rruga të cilën jemi duke punuar do të ketë një drejtim tjetër që kjo mundëson një lehtësim jashtëzakonisht të mirë të komunikacionit”, tha ai.

Aktualitet

UBT hap thirrjen për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025)

Published

on

UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-së.

Kjo konferencë synon të bashkojë profesionistë, studiues, praktikues dhe studentë të psikologjisë, vendorë dhe ndërkombëtarë, për të ndarë përvoja, njohuri dhe ekspertizë mbi faktorët që ndikojnë në përmirësimin e shëndetit mendor, duke kontribuar si në komunitetin akademik ashtu edhe në praktikën profesionale.

Konferenca Ndërkombëtare mbi Shëndetin Mendor dhe Mirëqenien do të mbahet më 23, 24 dhe 25 tetor 2025, ndërsa tema kryesore e këtij viti është: “Shëndeti Mendor dhe Mirëqenia”. Ajo ka për qëllim të bashkojë studiues, edukatorë dhe profesionistë nga fusha të ndryshme, për të eksploruar dhe shkëmbyer ide mbi lidhjen mes shëndetit mendor dhe proceseve të rezistencës që mbështesin qëndrueshmërinë, inovacionin dhe mirëqenien mendore.

UBT mirëpret abstrakte që lidhen (por jo vetëm) me fushat e mëposhtme:

  • Aftësitë e rezistencës në komunitetet e margjinalizuara
  • Avancimet në kërkimin mbi sjelljen
  • Shëndeti mendor dixhital dhe epoka dixhitale
  • Baza biologjike e sjelljes njerëzore
  • Shëndeti mendor dhe pabarazia
  • Strategjitë e përballimit të stresit
  • Ndërgjegjësimi për shëndetin mendor

Konferenca do të mbahet në format hibrid, duke u lejuar pjesëmarrësve të marrin pjesë fizikisht në Kampusin e UBT-së ose online, duke ofruar fleksibilitet për kontribuesit vendorë dhe ndërkombëtarë. Pjesëmarrës në këtë ngjarje do të jenë hulumtues shkencorë nga SHBA-ja, Republika Çeke, Turqia, Shqipëria dhe Maqedonia e Veriut.

Datat e rëndësishme:

  • Dorëzimi i abstrakteve: 10 tetor 2025
  • Njoftimi për pranimin e abstrakteve: 17 tetor 2025
  • Dorëzimi i punimeve: 14 nëntor 2025
  • Procesi i rishikimit: 17 tetor 2025
  • Regjistrimi i hershëm: 17 tetor 2025
  • Regjistrimi i vonë: 20 tetor 2025
  • Datat e konferencës: 23–25 tetor 2025

Koordinatorët e konferencës:

Dr. Fatbardh Qehaja Osmani & Dr. Elona Krasniqi

Continue Reading

Lajmet

Shqipëria pa Marash Kumbullën në ndeshjen me Serbinë

Published

on

Marash Kumbulla do të qëndrojë rreth një muaj jashtë fushës sipas raportimeve të fundit nga Spanja, e që tregojnë se mbrojtësi do të jetë sërish i gatshëm për Majorkën pas pushimit të kombëtareve.

25-vjeçari pësoi një dëmtim muskulor në sfidën e fundit të 21 shtatorit, që Majorka luajti përballë Atletiko Madrid.

Kumbulla la fushën e lojës në minutën e 36-të dhe vendin e tij e mori Pablo Torre.

Ndeshjet e radhës që Majorka do të luajë pa Kumbullën do të jenë me Real Sociedad, Alavesh dhe Atletik Bilbaon. Nëse gjithçka shkon sipas planit, rikthimi do të jetë ndaj Seviljes, më 18 tetor.

Kumbulla do të qëndrojë kështu jashtë listës së Silvinjos edhe për sfidat e tetorit.

Kombëtarja do të sfidojë Serbinë në transfertë për kualifikueset e Botërorit 2026 dhe më pas Jordaninë në miqësore./S.K/EO/

Continue Reading

Lajmet

​Trajneri personal i Zhegrovës jep detaje rreth rikthimit të tij në fushë

Published

on

Edon Zhegrova është rikthyer pas një mungese nëntëmujore, duke kaluar një proces të gjatë transformimi fizik dhe mendor për t’u rikthyer në formë.

Ardian Sallahu, trajner atletik që ka tre vite pranë tij, ka qenë figura kyçe në këtë rrugëtim.

Ai hartoi planin e rikuperimit, duke filluar nga një dietë e personalizuar dhe stërvitjet e dedikuara në fushë e palestër.

“E ndihmova të përballonte stuhinë dhe të kthehej më i fortë. Ai është ndryshe nga më parë, i transformuar,” u shpreh Sallahu.

Së bashku me Benet Tolaj, Sallahu u kujdes jo vetëm për aspektin fizik, por edhe për atë psikologjik, duke e motivuar dhe duke nxitur energji pozitive.

“Ne nuk kërkojmë vetëm rezultate, por edhe zhvillim personal e profesional. Durimi, disiplinimi dhe pasioni janë çelësi i suksesit afatgjatë,” theksoi trajneri personal.

Sa i përket gjendjes aktuale, Sallahu dha sinjale optimiste për debutimin e Zhegrovës me Juventusin.

“Edoni është plotësisht i aftë të luajë 90 minuta pa asnjë problem”, shtoi ai./S.K/KP/TuttoSport/

Continue Reading

Lajmet

​Nisen të gjithë zarfet me fletëvotime për votim jashtë Kosovës

Published

on

By

Për herë të parë Komisioni Qendror i Zgjedhjeve i ka dhënë vetës detyrë që votuesve të regjistruar jashtë Kosovës t’ua dërgojë përmes postës pakot me fletëvotime për të votuar në Zgjedhjet Lokale.

Ky shërbim pritet të realizohet për 43 mijë e 933 shtetasit e Kosovë, të cilët aplikuan dhe u regjistruan për të votuar përmes postës në Zgjedhjet për Kryetarë të Komunave dhe për Kuvende Komunale.

Në mbledhjen e mbajtur sot nga KQZ, u prezantua raporti për dërgimin e pakove me fletëvotime për votuesit e regjistruar jashtë Kosovës, për votim me postë për Zgjedhjet Lokale. Sipas raportit, KQZ ka nisur përmes postës rreth 44,000 pako me fletëvotime për votuesit e regjistruar në disa shtete dhe shërbimet postare po i përcjellin te votuesit e regjistruar në adresat e dhëna prej tyre gjatë procesit të regjistrimit.

Nga ky numër i përgjithshëm, rreth 41,879 pako janë dorëzuar në bashkëpunim me Postën e Kosovës dhe 2,050 të tjera përmes postës së shpejtë. Zarfi i cili i dërgohet votuesit, përmban: fletëvotimet; zarfin e fshehtësisë; udhëzuesin me informacione se si plotësohen fletëvotimet dhe si realizohet votimi përmes postës; zarfin kthyes dhe shiritin mbyllës.

Në votimin jashtë Kosovës për votim me postë në Zgjedhjet Lokale, detyrë e votuesit është që pakon me fletëvotime ta dërgojë në ndonjërën nga kutitë postare të KQZ-së. Në shumicën e këtyre zarfeve, KQZ ka shënuar paraprakisht adresën e kutisë postare në shtetin përkatës të votuesit të regjistruar. Në rastet kur adresa nuk është shënuar nga KQZ, votuesi duhet ta shënojë njërën nga adresat e kutive postare të KQZ.

Besnik Buzhala, Drejtor i Zyrës për Regjistrim, Certifikim dhe Kontrollin Financiar të Subjekteve Politike tha se të gjitha zarfet me fletëvotime tashmë gjinden jashtë territorit të Kosovës.

Raporti shpjegon gjithë procesin që është realizuar me qëllim të dërgimit të pakove me fletëvotime i cili ka filluar me datën 15 shtator dhe ka përfunduar në vikendin e kaluar. Gjithashtu në këtë raport janë paraqitur edhe të dhënat e përgjithshme lidhur me numrin e zarfeve që ka pranuar Posta e Kosovës nga sekretariati i KQZ-së, ku tashmë të gjithë zarfet me fletëvotime gjinden jashtë territorit të Kosovës, një pjesë dërrmuese e tyre kanë arritur në shtetet e caktuara… Po ashtu janë dorëzuar 2050 zarfe të kompletuara të cilat do të dërgohen me postën e shpejtë në shtetet si Australi, Kanadë, Islandë, Indonezi, Irlandë, Izrael e të tjera. Do të thotë shtetet që bëjnë pjesë jashtë kontinentit të Evropës.

Po ashtu, në këtë mbledhje, KQZ mori vendim për akreditimin e 18,041 vëzhguesve të 51 subjekteve politike të certifikuara për pjesëmarrje në Zgjedhjet Lokale 2025.

Periudha e votimit përmes postës, e cila ka filluar më 17 shtator dhe do të përfundojë më 11 tetor 2025, vlenë vetëm për 43,933 shtetasit që janë regjistruar suksesshëm si votues jashtë Kosovës./D.B/KP

Continue Reading

Të kërkuara