

Kulturë
”Europa Nostra” i përgjigjet Osmanit e Kurtit për Manastirin e Deçanit
Published
4 years agoon
By
Betim GashiOrganizata “Europa Nostra” i është përgjigjur letrës së presidentes së Kosovës, Vjosa Osmani dhe kryeministrit Albin Kurti lidhur me Manastirin e Deçanit, meqë kjo organizatë e ka futur atë në listën sivjetme të “Shtatë monumenteve më të rrezikuara në Evropë”.
Kjo organizatë përmes një letre iu përgjigj Kurtit dhe Osmanit se do t’i shqyrtojnë argumentet e ofruara, megjithëkëtë theksojnë se ata veprojnë si katalizatorë për ndryshim pozitiv dhe dialog të kthyer nga e ardhmja i cili është i rëndësishëm për mbrojtjen e trashëgimisë së rrezikuar të Evropës.
“Dëshirojmë t’ju sigurojmë se i kemi shqyrtuar me kujdes pikëpamjet tuaja sa i përket Manastirit të Deçanit i cili është pjesë e Listës së Monumenteve Botërore në Rrezik dhe i cili ka hyrë në listën tonë të ngushtë të “Shtatë monumenteve më të rrezikuara në Evropë për vitin 2021. Ju lutemi të keni parasysh se lista jonë e sivjetme e “Shtatë monumenteve më të rrezikuara në Evropë do të bëhet publike më 8 prill 2021. Dëshirojmë të kujtojmë se duke bërë publike një listë të tillë vit pas viti, Europa Nostra dhe partneri ynë, Instituti i Bankës së Investimeve Europiane, angazhohemi të veprojmë si katalizatorë për ndryshim pozitiv dhe dialog të kthyer nga e ardhmja i cili është i rëndësishëm për mbrojtjen e trashëgimisë së rrezikuar të Europës”, thuhet në letrën e tyre drejtuar Osmanit dhe Kurtit.
Ndërkohë që Hermann Parzinger, president ekzekutiv i kësaj organizate i ka sugjeruar Osmanit e Kurtit që të mbajnë një videokonferencë të përbashkët.
Kulturë
“Streha e Nemun” një shfaqje nga Kosova në Teatrin Eksperimental të Tiranës
Published
1 hour agoon
April 2, 2025By
UBT NEWS
Pas suksesit të saj në Teatrin Kombëtar të Kosovës, shfaqja “Streha e Nemun” do të vijë për publikun e Tiranës, duke u shfaqur në Teatrin Eksperimental “Kujtim Spahivogli”. Ky projekt, i cili ka ngjallur diskutime dhe ka tërhequr vëmendjen e artdashësve, është realizuar nën regjinë e Ilir Bokshit dhe premton një përvojë artistike që do të mbajë shikuesin të lidhur me përmbajtjen dhe tematikat që ngre.
“Streha e Nemun” e vendos në qendër figurën e gruas dhe përballjet e saj me sfidat e jetës në një shoqëri që shpesh i vendos kufizime. Shfaqja synon të sjellë një qasje të thellë dhe bashkëkohore artistike, ku minimalizmi skenik dhe simbolika përdoren si mjete për të thelluar përjetimin e emocioneve dhe mesazheve që transmetohen përmes saj. Në një kombinim të humorit dhe tragjedisë, kjo vepër e fuqishme i fton shikuesit të reflektojë mbi zgjedhjet dhe vendimet e jetës, duke hapur një dialog të rëndësishëm mbi sfidat emocionale dhe psikologjike me të cilat përballet individi në shoqërinë moderne.
Në këtë shfaqje, artdashësit do të kenë mundësinë të shijojnë performancat e aktorëve të talentuar si Albulena Kryeziu, Ledion Zoi dhe Adrian Morina, të cilët do të interpretojnë me ndjenjë dhe intensitet personazhet e kësaj drame të fuqishme.
E bazuar në veprën e njohur “Liza në Maj”, “Streha e Nemun” rrëfen historinë e Lajzelotës, një infermiere 35-vjeçare, që është protagoniste e këtij rrëfimi të thellë dhe të ndjerë. Ajo është një grua që kërkon dashuri dhe përmbushje emocionale, por përpjekjet e saj për të arritur këtë qëllim janë të shoqëruara me sfida dhe zhgënjime. Shfaqja, përmes peripecive të saj, nxit një reflektim të thellë mbi natyrën e marrëdhënieve njerëzore dhe ndërlikimet që lindin në përpjekjet për të ndërtuar lidhje të vërteta dhe të qëndrueshme.
Shfaqja do të vihet në skenë në datat 3 dhe 4 prill në Teatrin Eksperimental “Kujtim Spahivogli”, duke ofruar një mundësi të shkëlqyer për artdashësit e Tiranës për të përjetuar një vepër që adreson tema universale dhe që ka ngjallur shumë diskutime në Kosovë./UBTNews/
Magazinë
Konfirmohet data, Parashqevi Simaku do të mbajë koncert në Tiranë
Published
2 hours agoon
April 2, 2025
Që prej muajit dhjetor të vitit të kaluar, jeta e Parashqevi Simakut ka pësuar ndryshime të mëdha. Pasi u rikuperua tashmë diva e viteve 80 është rikthyer në muzikë.
Pas lansimit të këngës në anglisht, duket se këngëtarja do të vijë dhe në Tiranë. “Panorama”, zbuloi që në javët e para të vitit, se grupi që po punon me të është duke përgatitur rikthimin e saj në skenën shqiptare.
Duket se gjithçka është vendosur e Simaku do të mbajë koncert në Tiranë në muajin shtator. Ka qenë Elton Ilirjani që e ka konfirmuar një fakt të tillë, duke pranuar se gjithçka po përgatitet për koncertin e saj.
Biznesmeni Ilirjani, ka rrëfyer në një intervistë arsyen pse këngëtarja Parashqevi Simaku, e cila para pak muajsh u gjet e pastrehë dhe në gjende jo të mirë shëndetësore, dështoi në karrierë pasi shkoi të jetonte në SHBA.
Elton rrëfen se ëndrrat e ikonës së muzikës për Hollywood-in ishin të mëdha por u shuan pasi ajo nuk zgjodhi të ishte një punonjëse seksi.
“Ajo dështoi sepse ajo nuk zgjodhi që të ishte një “punonjëse seksi” siç janë shumë artistë të tjerë dhe në skandalet që keni parë në SHBA. Parashqevi Simaku është një person shumë i pastër, shumë i dashur, që ka besim të madh te Zoti. Ajo e rrezaton këtë. Kur ka shkuar në Holliwood, jo vetëm që nuk ka pasur mbështetjen e askujt nga shqiptarët, por edhe është goditur. Është goditur që në hapat e saj në Hollywood,” u shpreh biznesmeni në “Opionion”.
Sipas Ilirjanit, Simaku ka qenë një divë dhe ky status ka pasur të mirat dhe të këqijat e veta. Ai mohoi thashethemet se Simaku ka përdorur drogë apo se ka qenë e alkoolizuar.
“Ka pasur të mirat ky status, por ka pasur dhe të këqijat që është goditja e madhe që i është dhënë vetë nga bashkatdhetarët e saj në fushën e artit. Parashqevi Simaku ëndërronte të ishte yll në Hollivud dhe i kishte të gjitha kriteret. Problemi që ka hasur ajo ka qenë që është person që vjen nga një familje e varfër me norma dhe rregulla. Është folur shumë për jetën e saj private sikur bënte drogë, sikur është e alkoolizuar. Asnjë nga këto nuk është e vërtetë”, tha ai.
Ndër të tjera Elton theksoi se di shumë gjëra për Parashqevinë, por sipas tij, jo të gjitha thuhen.
“Unë di shumë gjëra për Parashqevi Simakun. Jo të gjitha thuhen. Nuk thuhen për arsye se ka persona publikë në Shqipëri që janë përpjekur t’i shkatërrojnë karrierën dhe e kanë përndjekur atë dhe në jetën private me familjen e saj”, u shpreh ai.
Magazinë
Divorci i prindërve, flet vajza e “Mr. Bean”: Ditët më të errëta
Published
4 hours agoon
April 2, 2025
Vajza e Rowan Atkinson ka folur për herë të parë rreth divorcit të prindërve. Lily Sastry është fëmija i vogël i aktorit të njohur kryesisht si Mr. Bean dhe ish-gruas së tij, Sunetra Sastry.
“Kalova shumë kaos dhe vetmi në të njëzetat e mia. Tani që jam 30 vjeçe, mund ta shoh qartë se ku isha dhe çfarë po ndodhte brenda meje gjatë ditëve më të errëta. Isha e humbur dhe nisa të ndihesha disi normale në të njëzetat e vona. Kam qenë gjithnjë e ngecur mes dy botësh, nuk e kam vendin këtu, por as atje.
Është e vështirë të zbulosh kush je kur nuk ke miq, një familje të përçarë dhe nuk di si t’ia dalësh të krijosh muzikë dhe të përpiqesh ta kuptosh botën. Më janë dashur vite të zgjidh problemet e mia dhe të kuptoj kush jam, si dhe të bëhem personi më i mirë që mund të jem. Kam bërë gabime të panumërta, jam lënduar, kam qenë e humbur dhe vetëm shumë herë. Arti ishte drita ime udhërrëfyese. Gjëja që e bëri vuajtjen të kishte vlerë, teksa unë punoja drejt një qëllimi, një ëndrre”.
Rowan Atkinson dhe Sunetra Sastry janë prindër edhe të një djali, Benjamin Atkinson, 31 vjeç.
Kulturë
Përvjetori i lindjes së aktorit Aleksandër Moisiu
Published
5 hours agoon
April 2, 2025By
UBT NEWS
Më 2 prill 2025, kujtohet përvjetori i lindjes së aktorit të njohur Aleksandër Moisiu, i cili lindi në vitin 1879 në Trieste, me origjinë shqiptare. Ai është një nga emrat më të shquar në historinë e teatrit dhe kinemasë evropiane, i njohur për interpretimin e tij të paharrueshëm të disa nga rollet më të mëdha të letërsisë evropiane, nga tragjeditë antike greke deri tek krijimet bashkëkohore.
Karriera e tij nisi në moshën 19 vjeçare, kur u angazhua për herë të parë si “kompars” në skenën e Burgtheatër në Vjenë. Më vonë, ai vazhdoi karrierën e tij në teatrot e Pragës dhe Berlinit, ku u dallua për talentin e tij të jashtëzakonshëm, sidomos në rolet e Edipit Mbreti dhe Hamletit. Puna e tij në këto role e shndërroi në një figurë të njohur në skenat teatrale të Evropës dhe Amerikës Veriore.
Në vitin 1935, në perëndim të jetës së tij, Moisiu kërkoi shtetësinë italiane, e cila iu dha, ndërsa gjithashtu kërkoi edhe shtetësinë shqiptare, që mbeti i paplotësuar. Aleksandër Moisiu ndërroi jetë më 23 mars 1935 në Vjenë, duke lënë pas një trashëgimi të pasur artistike që vazhdon të nderohet edhe sot.
Karriera dhe jeta e tij ishin një dëshmi e pasionit dhe përkushtimit të tij për artin dhe kulturën, dhe ai mbetet një nga emrat më të mëdhenj të teatrit evropian./UBTNews/

Autoritetet turke dënojnë thirrjen për bojkot të dyqaneve dhe shërbimeve si “sabotim”

‘Finale para finales’, Hansi Flick për sfidën e kthimit të Kupës së Mbretit, Atletico-Barça

Dy burra sulmojnë seksualisht një grua në Shtime

Sekuestrohet kanabis me vlerë 2.2 milion euro në një qark të Irlandës

Është miratuar një ligj që mundëson kthimin e TVSH-së në pasurinë e parë të paluajtshme në Bosnje dhe Hercegovinë

Sveçla: Vrasja e policit Lika, sulm ndaj institucioneve të Kosovës

Kallas për REL-in: Dialogu Kosovë–Serbi ka ngecur, po shqyrtojmë mjete të tjera për normalizim

“Streha e Nemun” një shfaqje nga Kosova në Teatrin Eksperimental të Tiranës

Zyrtare: Bylbyl Sokoli sërish kryetrajner i Drenicës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë