Lajmet

​Ekzekutohen pagat, ndërpritet greva e minatorëve në “Trepçë”

Abdurrahmani ka konfirmuar se në mesditë kanë ekzekutuar pagat e muajt korrik për të gjithë minatorët e minierës së Trepçës.

Published

on

Dhjetëra minatorë të ndërmarrjes “Trepça” edhe të enjten paradite në Stantërgë ishin në grevë shkaku i mosrealizimit të pagave për muajin korrik.

Ndërkohë u.d. i kryeshefit ekzekutiv të ndërmarrjes “Trepça”, Enis Abdurrahmani ka konfirmuar se në mesditë kanë ekzekutuar pagat e muajt korrik për të gjithë minatorët e minierës së Trepçës.

Kryetari i Sindikatës së minatorëve të Trepcës, Ibrahim Januzi, ka thënë për KosovaPress se minatorët gjenden në kushte shumë të rënda financiare, andaj po grevojnë për shkak të vonesës së pagave.

“Për shkak të mosrealizimit të pagave të minatorëve, ata po shprehin pakënaqësi përmes kësaj greve…Minatorët janë në kushte shumë të rënda për shkak të obligimeve ndaj institucioneve bankare, obligimeve familjare, planifikimeve të jetës së përditshme”, ka thënë Januzi.

Minatori Miftar Mehmeti theksoi se ka qenë i detyruar të krijojë raport me një bankë komerciale dhe tani për shkak të vonesës së pagesës së këstit mujor iu kanë paraqitur probleme. Ai shpreh hallin e tij se banka komerciale i ka dërguar disa herë mesazhe telefonike për të paguar këstin mujor.

“Është duke më ardhur mesazhi që tre herë prej banke për kredi”, u shpreh ai.

Në anën tjetër, Enis Abdurrahmani, u.d. i kryeshefit ekzekutiv të ndërmarrjes “Trepça” ka konfirmuar për KosovaPress se sot gjatë ditës, siç u shpreh ai falë subvencioneve të ndara nga qeveria, kanë ekzekutuar pagat për të gjithë minatorët e “Trepçës”.

Abdurrahmani thekson se ndërmarrja ka pasur disa kriza financiare si rezultat i rënies së çmimit të metaleve në bursë, kursit të paritetit mes dollarit dhe euros, si dhe disa problemeve tjera, të cilat, sic thekson ai, kanë ndikuar drejtëpërdrejt në vonesë të pagave.

“Sot janë ekzekuruar pagat për të gjithë punëtorët e ndërmarrjes “Trepça” Sh. A. Pagat janë ekzekutuar falë subvencioneve të ndara nga Qeveria e Kosovës dhe falë angazhimit të madh të Ministrisë së Ekonomisë….Kemi pasur disa kriza si rezultat i disa faktorëve të jashtëm të cilat janë të pa menaxhueshme nga ana jonë, siç janë rënia e çmimit të metaleve në bursë, kursi i paritetit të dollarit dhe euros, edhe shumë probleme tjera që kanë qenë si rezultat i krizës së energjisë… Të gjithë këta faktorë kanë prekur në formë direkte të hyrat e ndërmarrjes, ndërsa kjo është shoqëruar me rënie të produktivitetit, si shkak i vjetërsisë dhe zhvlerësimit të makinave produktive në miniera dhe flotacione”, u shpreh Abdurrahmani.

Minatorët kanë nis protestën një javë më parë shkaku i mosekzekutimit të pagave të muajit korrik.

Minatorët në Mitrovicë patën hyrë në grevë edhe një muaj më parë, në korrik për mos ekzekutimin e pagave të muajit qershor.

Lajmet

Ambasadori britanik: Kosovës i duhet urgjentisht një kuvend dhe qeveri funksionale

Published

on

By

Ambasadori i Britanisë së Madhe në Kosovë, Jonathan Hargreaves, ka theksuar nevojën urgjente për krijimin e institucioneve funksionale pas zgjedhjeve të fundit parlamentare.

“Më shumë se dy muaj që prej kur populli i Kosovës votoi në zgjedhje, Kosova urgjentisht ka nevojë për një kuvend dhe qeveri funksionale. Populli ka të drejtë të presë që liderët e tyre politikë të punojnë së bashku në interes kombëtar”, ka shkruar Hargreaves në platformën X.

Ndërkohë, sot ka vazhduar seanca konstituive e Kuvendit të Kosovës, e cila ishte ndërprerë të hënën. Kryesuesi i saj, Avni Dehari, ftoi në konsultime përfaqësuesit e partive politike, mirëpo pas takimit ai deklaroi se nuk është arritur konsensus për vazhdimin e punimeve.

Si rezultat, Dehari njoftoi se seanca konstituive do të vazhdojë më 19 prill, në orën 12:00.

Continue Reading

Lajmet

KDI kritikon ndërprerjen e seancës: Mungesë transparence dhe shkelje procedurale

Published

on

By

Pas ndërprerjes së seancës konstituive të Kuvendit të Kosovës, Eugen Cakolli nga Instituti Demokratik i Kosovës (KDI) ka shprehur shqetësim për mënyrën e menaxhimit të procesit dhe shkeljet procedurale që, sipas tij, e kanë shoqëruar atë.

Cakolli tha se ndërprerja e seancës, pa votim formal dhe pa trajtuar të gjitha pikat e rendit të ditës, përbën një shkelje të rregullave parlamentare. Ai shtoi se mungesa e votimit për raportin e komisionit për verifikimin e mandateve ka krijuar një vakum juridik, duke pamundësuar ecjen përpara të Kuvendit.

Sipas tij, bllokimi institucional po ndodh si rezultat i mosdorëheqjes së kryeministrit dhe ministrave në detyrë që kanë fituar mandate deputetësh. Cakolli theksoi se dorëheqja e tyre është një obligim ligjor dhe se ajo do t’i hapte rrugë konstituimit të Kuvendit.

“Tashmë është e qartë se situata është e bllokuar për shkak të mosofrimit të dorëheqjeve, obligim ligjor ky për kryeministrin dhe 15 ministrat tjerë në detyrë të cilët kanë fituar mandat të deputetit. Ne i bëjmë thirrje kryeministrit në detyrë dhe gjithë ministrave që, në funksion të zhbllokimit të punës së kuvendit, të dorëzojnë dorëheqjet e tyre formale, siç ua kërkon ligji për qeverinë që është miratuar po nga legjislatura e kaluar, në mënyrë që t’i hapet rrugë konstituimit të Kuvendit dhe të evitohen bllokada të panevojshme,””, tha ai.

Cakolli gjithashtu kritikoi qasjen e kryesuesit të seancës, Avni Dehari, duke thënë se nuk janë ndërmarrë hapat e nevojshëm për të siguruar një proces transparent dhe ligjërisht të qëndrueshëm.

Continue Reading

Lajmet

Kurti shmang pyetjet për votat dhe dështimin e seancës

Published

on

By

Kryeministri në detyrë, Albin Kurti, nuk ka dhënë përgjigje në lidhje me dështimin e vazhdimit të seancës konstituive të Kuvendit të Kosovës.

Kurti u shmang pyetjeve të gazetarëve, përfshirë ato që lidhen me përpjekjet e Lëvizjes Vetëvendosje për sigurimin e votave të nevojshme për formimin e institucioneve të reja.

Përballë interesimit të mediave, Kurti nuk dha asnjë koment, ndërsa mbetet e paqartë nëse shumica parlamentare do të sigurohet deri në seancën e radhës të paralajmëruar për 19 prill.

Continue Reading

Lajmet

Kusari – Lila: Dialogu mes partive politike, opsion për tejkalimin e bllokadës në Kuvend

Published

on

By

Deputetja e zgjedhur në listën e Lëvizjes Vetëvendosje, Mimoza Kusari – Lila, ka kritikuar partitë PDK, LDK dhe AAK për bllokimin e procesit të formimit të institucioneve të reja, duke e konsideruar përgjegjësinë e këtyre partive në këtë bllokadë.

Kusari – Lila ka theksuar se, nëse vazhdon dështimi i konstituimit të Kuvendit, duhet shqyrtuar mundësia e një dialogu mes partive politike, përfshirë ftesën për diskutimin e veprimeve të ardhshme.

Ajo e cilësoi të pakuptimtë që partitë që ishin në opozitë gjatë mandatit të kaluar po hezitojnë të pranojnë mandatet që fituan në zgjedhjet e 9 shkurtit.

Continue Reading

Të kërkuara