Lajmet

​Edhe mbi 150 vendvotime do të rinumërohen plotësisht

Ahmetaj tha se më datën 9 dhe 10 kanë pranuar vendimet e PZAP-së për rinumërim.

Published

on

Komisioni Qendror i Zgjedhjeve (KQZ) ka vendosur për rinumërimin e plotë edhe të mbi 150 vendvotime tjera të Zgjedhjeve për Kuvende Komunale bazuar në vendimet e Panelit Zgjedhor për Ankesa dhe Parashtresa (PZAP). Këto vendvotime u takojnë komunave si Drenas, Viti, Istog, Shtime, Vushtrri, Klinë, Prishtinë, Pejë, Lipjan, Prizren, Gjilan, Malishevë, Deçan, Skenderaj, Kaçanik dhe Fushë Kosovë.

Në mbledhjen e sotme të KQZ u bë e ditur se tashmë kanë arritur në Kosovë fletëvotime për raundin e dytë të zgjedhjeve lokale që do mbahen më 14 nëntor.

Kryeshefi i Sekretariatit të KQZ-së, Burim Ahmetaj tha se më datën 9 dhe 10 kanë pranuar vendimet e Panelit Zgjedhor të Ankesave dhe Parashtresa për rinumërim të 155 vendvotimeve.

“KQZ me datën 9 dhe 10 dhjetor ka pranuar disa vendvotime të tjera disa vendime tjera nga PZAP që aprovohen kërkesat enjë numri të caktuar të kandidatëve për Kuvendi Komunal.Në bazë të vendimeve të PZAP-së kërkohet nga KQZ që të bëjë rinumërimin apo fletëvotimit apo kandidatëve në një numër të caktuar. Sipas listës të cilën e kemi para vetës kërkohet që KQZ dhe numri i vendvotimeve të rregullta që do rinumërohen është rreth 155 vendvotime të cilat u takojnë vendvotimeve të komunave të ndryshme të ndryshme, po ashtu PZAP ka vendosur edhe për rinumërimin e 10 kutive të votave përmes postës. Lidhur me këtë rekomandojmë me qëllim të zbatimit të vendimeve të PZAP dhe saktësisë së votave të gjithë kandidatëve në ato vendvotime rekomandohet KQZ që të bëhet rinumërim I plotë për të gjitha vendvotimet sipas listës të ardhura nga PZAP me datën 9 dhe 10”, tha ai.

Ahmetaj ka treguar po ashtu se nuk dihet ende se sa do të zgjas procesi i rinumërimit, por shtoi se do ketë pushim të rinumërimit në ditën e diel kur do të pranohet materiali I ndjeshëm në QNR.

“Numri I përgjithshëm I të gjitha vendvotimeve që PZAP I ka sjell për t’i rinumëruar më datën 8 janë gjithsej 437 vendvotime të rregullta përfshirë edhe votat me kusht dhe me postë që bëhen 467 kuti të votimit që duhet të rinumërohen sipas vendimeve të datës 8, më datën 9 nëntor kanë ardhur 138 kërkesa për rinumërim të vendvotimeve të rregullta dhe janë 11 kuti të votimit të votave me postë, më datën 10 nëntor janë gjithsej 14 vendvotime që në total bëjnë 578 vendvotime të rregullta dhe duke përfshirë edhe 23 kuti të votave me postë dhe 18 kuti të votave me kusht dhe gjithsej bëjnë 630 kuti[…]Për kohën është pak vështirë të themi se kur pritet meqenëse në raport deri më datën 9 nëntorit deri në mesnatë nga 467 vendvotime janë rinumëruar 168 vendvotime apo 35% prej tyre që mesatarja e vendvotimeve që numërohen brenda një ndërrimi është 55 kuti[…]Nuk e pengojnë pranimin e materialeve të ndjeshme sepse do të mund ta shndërrojmë të njëjtën hapësirë të dielën pasdite për ta pranuar materialin e ndjeshëm ku do të ndërprehet procesi i rinumërimit gjatë ditës së diel dhe do vazhdoj pasi të kryhet procesi i pranimit të materialit të ndjeshëm”, tha ai.

Kryeshefi i Sekretariatit të KQZ-së në mbledhjen e sotme të KQZ-së u shpreh se 2 tubime publike kanë shkelur rregullat zgjedhore dhe vendimet e Qeverisë së Kosovës për masat anti-COVID.

Ndërsa, shtoi se nga e hëna kur ka nisur fushata zgjedhore për balotazhin në 21 komuna janë mbajtur 26 tubime.

“Sipas raporteve që i kemi deri më tani 2 tubime publike janë mbajtur pa i përmbajtur rregullat zgjedhore dhe vendimin e qeverisë e Kosovës për masat mbrojtëse ndaj COVID, dhe dy tubime tjera janë paralajmëruar dhe nuk janë mbajtur, prej tyre 26 tubime tani janë mbajtur”, tha ai.

Anëtari I KQZ-së nga Lëvizja Vetëvendosje, Sami Kurteshi ka kërkuar që numrat personal të atyre që kanë asistuar për votë jashtë doracakut të dërgohen në Prokurori.

Ndërsa, ritheksoi se fotografimi I votës është I ndaluar dhe se kjo tregon se kemi shit-blerje të votës.

“Të gjithë personat që kanë asistuar jashtë doracakut të nxjerrën numrat personal dhe tu dërgohen Prokurorisë, e dyta është tek përdorimi i telefonit për përdorimin e fotografisë disa trajner iu thonë se keni të drejtë disa thonë nuk keni të drejtë, fotografimi i votës edhe në ato pllakatat që i kemi tek dera është i ndaluar rreptësishtë nuk ka të drejtë një trajner me shit mend kur e ka doracakun…Sepse fotografimi është faturë për shitblerje të votës, nuk ka asnjë arsye tjetër rrallë kam parë që lavdërohen se e kam votuar këtë ata janë nga diaspora”, theksoi ai.

Raport të qartë për personat që kanë asistuar për të votuar ka kërkuar edhe Arianit Elshani anëtari i KQZ-së nga PDK.

“Këto duhet të regjistrohen sa më parë që të kemi një pasqyrë sa më të qartë që të shohim në raport edhe me komunat se në cilin komunë ka pasur më shumë asistencë dhe arsyet a është çështje presioni apo mosdije për ata persona për të mos votuar. Edhe fotografimi i votës do e kemi një mesazh që të ndalohet më kjo dukuri dhe pra të njoftohen”, u shpreh Elshani.

Në mbledhjen e sotme të KQZ-së u bë e ditur se sot dhe nesër do të shpërndahet materiali jo I ndjeshëm zgjedhor në komunat që janë në balotazh, ndërsa materiali I ndjeshëm do bëhet më 13 nëntor.

Lajmet

Kurti bën homazhe pranë varrit të veprimtarit Adem Demaçi në shtatëvjetorin e vdekjes së tij

Published

on

By

Kryeministri në detyrë, Albin Kurti, së bashku me anëtarë të kabinetit qeveritar, bënë homazhe në mëngjesin e sotëm pranë varrit të veprimtarit të shquar Adem Demaçi, në përvjetorin e shtatë të vdekjes së tij.

Me lule dhe nderime, Kurti përkujtoi figurën e Demaçit, duke e cilësuar atë si një simbol të rrallë të përkushtimit për çështjen kombëtare.

Gazetar e shkrimtar, veprimtar e intelektual, i përndjekur dhe i burgosur politik, i lauruar për paqe, përfaqësues politik i luftëtarëve të lirisë, mendimtar dhe kritik, Adem Demaçi ishte mishërim i çështjes kombëtare shqiptare,” tha Kurti.

Ai e përshkroi Demaçin si një personalitet unik, të dalluar për gjuhën, mendimin dhe vetëmohimin e tij.

Lavdi jetës dhe veprës së Adem Demaçit!”, përfundoi ai.

Adem Demaçi, mbetet një nga figurat më të fuqishme të rezistencës politike dhe intelektuale në historinë moderne të shqiptarëve.

Continue Reading

Lajmet

Kurti viziton familjen e rreshterit Afrim Bunjaku

Published

on

By

Në Ditën Memoriale të zyrtarëve policorë të rënë në krye të detyrës, kryeministri në detyrë, Albin Kurti bashkë me një pjesë të kabinetit qeveritar bënë homazhe pranë varrit të Heroit Afrim Bunjaku. Ata vizituan edhe familjen e tij, si shenjë respekti për sakrificën e tij në mbrojtje të rendit dhe sigurisë në vend.

Gjatë vizitës, Kurti iu tha familjarëve se heroi Afrim Bunjaku është busullë se si duhet mbrojtur shteti.

Ndërkaq, pas vizitës së varrit të Bunjakut, kryeministri në detyrë, Albin Kurti derisa kujtoi se në shtator mbushen dy vjet nga rënia e tij, theksoi se çdo polic që ia kushton jetën mbrojtjes së Kosovës dhe qytetarëve të saj meriton respekt të përhershëm.

Kurti tha se ndonëse Bunjaku mbante gradën e rreshterit në Polici, sot ai mban gradën më të lartë që Republika mund t’i japë një qytetari, atë të Heroit të Kosovës, gradë nga e cila “s’ka degradim”, sipas tij.

Ne erdhëm tek varri i Afrim Bunjakut që të bëjmë homazhe, të takojmë familjen e tij. Te rreshteri i cili ra heroikisht në Banjskë të Zveçanit e pas dy muajve bëhen dy vjet të rënies së tij heroike. Të gjithë këta policë që ia kushtuan jetën e tyre shërbimit për Kosovën dhe qytetarët e saj dhe u sakrifikuan në mbrojtje të vendit tonë të paqes e sigurisë meritojnë gjithë respektin tonë dhe duhet t’i kujtojmë e përkujtojmë vazhdimisht. Afrim Bunjaku kishte gradën rreshter në Policinë e Kosovës por sot ai e ka gradën hero i Kosovës. Grada hero është grada më e lartë që mund ta ketë një qytetar i Republikës dhe një zyrtar i shtetit. Është e vetmja gradë nga e cila nuk mund të degradohesh. Heroi i Kosovës Afrim Bunjaku sot kujtohet nga mbarë populli ynë, nga secili zyrtar i shtetit në nderim e kujtim të flijimit të tij për Republikën e Kosovës, integritetin territorial, sovranitetin e shtetit”, tha Kurti.

Ndërkaq, ministri në detyrë i Punëve të Brendshme, Xhelal Sveçla, tha se këto vizita përkujtimore sjellin emocione të rënda, veçanërisht për familjet e të rënëve, por edhe për Policinë e Kosovës. Megjithatë, sipas tij, ato janë edhe momente krenarie, pasi falë sakrificës së pjesëtarëve të Policisë së Kosovës, janë arritur suksese që dikur dukeshin të paimagjinueshme.

Sveçla theksoi se kjo sakrificë duhet të mbrohet me çdo kusht dhe çdo çmim.

Këto vizita na kujtojnë momente shumë të rënda, së pari për familje dhe për të gjithë ne dhe Policinë e Kosovës. Mbi të gjitha janë momente krenarie, për shkak se me sakrificën e gjithë pjesëtarëve të Policisë së Kosovës, të gjithë qytetarëve të Republikës së Kosovës ne po arrijmë suksese të cilat më herët kanë qenë të paimagjinueshme. Lirisht mund të themi që kjo sakrificë ia ka vlejtur dhe këtë sakrificë duhet ta mbrojmë me çdo kusht dhe çdo çmim”, tha Sveçla.

Në nderim të 14-vjetorit të rënies së Heroit Enver Zymeri dhe kësaj dite përkujtimore, Ministria e Punëve të Brendshme dhe Policia e Kosovës kanë organizuar homazhe shtetërore te Lapidari i Policëve të rënë në detyrë.

Sot, përfaqësues të institucioneve shtetërore kanë vizituar edhe familjen e zyrtarit policor Muhamed Lika, i cili humbi jetën në krye të detyrës.

Po gjatë ditës, janë paraparë edhe homazhe pranë varrit të Heroit Enver Zymeri, vizitë në familjen e tij si dhe nderime pranë lapidarit në vendin e rënies së tij.

Ceremonitë përkujtimore do të përmbyllen në orën 17:00 me pritjen zyrtare të marshuesve në Qendrën për Trajnim për Kërkim-Shpëtim “Berim” në Zubin Potok – Ujman.

Continue Reading

Lajmet

Haradinaj për masën: Kushtetuesja konstaton se situata përbën rrezik real

Published

on

By

Kryetari i Aleancës për Ardhmërinë e Kosovës (AAK), Ramush Haradinaj, thekson se masa e përkohshme e Gjykatës Kushtetuese është shumë e shkurtër, vetëm dy javë.

Deputeti Haradinaj ka shkruar se në Facebook ku thekson se pret që brenda kësaj kohe të ketë një vendim final të Kushtetueses.

Sipas tij, Në aktgjykimin e fundit, Gjykata konstaton se situata përbën rrezik real për rendin kushtetues, por megjithatë nuk kishte vendosur masën e kërkuar nga AAK

Vendimi i fundit i Gjykatës Kushtetuese konfirmon se gjendja aktuale në vend përbën rrezik serioz për funksionimin kushtetues dhe institucional të shtetit. Pikërisht këtë e kishte theksuar edhe AAK në kërkesën e saj të parë drejtuar Gjykatës. Fatkeqësisht, atëherë Gjykata nuk e shqiptoi masën e përkohshme, ndonëse kushtet ishin pothuajse identike me ato që vetë i ka pranuar tani. Në aktgjykimin e fundit, Gjykata konstaton se situata përbën rrezik real për rendin kushtetues, por megjithatë nuk kishte vendosur masën e kërkuar nga AAK”, shkruan ai.

Sipas Haradinajt, kjo vonesë e pajustifikueshme vetëm sa ka shtuar paqartësinë dhe krizën kushtetuese në vend.

Sot ekziston frika reale se ndërhyrja e Gjykatës mund të ketë ardhur tepër vonë për të parandaluar pasojat që mund të ishin shmangur në kohë, sikur ajo të kishte vepruar me përgjegjësi në momentin kur u paraqit kërkesa jonë”, shkruan ai.

Deputetët e zgjedhor do t’iu drejtohen sërish sot ulëseve të tyre në përpjekjen e radhës, e pesëdhjetë e treta, për të konstituuar legjislaturën e nëntë, të dalë nga zgjedhjet e 9 shkurtit.

Vazhdimi i radhës mbahet nga ora katërmbëdhjetë, për herë të parë në më pak se dyzetetetë orë pasi Gjykata Kushtetuese ka vendosur masë të përkohshme ndaj seancave të Kuvendit, që nga e diela 27 korrik deri më 8 gusht.

Continue Reading

Lajmet

Kurti: Enver Zymberi e Afrim Bunjaku dhanë jetën duke mbrojtur sovranitetin shtetëror

Published

on

By

Në nderim të 14-vjetorit të rënies së Heroit Enver Zymeri dhe Ditës Memoriale të zyrtarëve policor të rënë në krye të detyrës, kryeministri në detyrë, Albin Kurti bashkë me disa nga ministrat në detyrë bëri homazhe pranë Lapidarit të Policëve të rënë në detyrë.

Me këtë rast, Kurti tha se sot u bënë nderime pranë lapidarit të policëve të rënë në krye të detyrës, 24 gjithsej në Kosovën e pasluftës, që nga Lazim Rexhepi në vitin 2001, e deri te Muhamet Lika në vitin 2025.

Kurti, për rënien heroike të Enver Zymberit dhe Afrim Bunjakut, tha se dhanë jetën duke mbrojtur sovranitetin shtetëror, integritetin territorial, rendin, ligjin, paqen dhe sigurinë në veri të vendit.

Sipas Kurtit, Dita Memoriale është e lidhur ngushtë edhe me rënien e Enver Zymberit më 26 korrik 2011.

Kurti tha se kjo datë sjell dhimbje dhe pikëllim, por njëkohësisht edhe krenari, sepse Policia e Kosovës, me mbi 10 mijë pjesëtarë, vazhdon të jetë në shërbim të Republikës së Kosovës.

“Bëmë nderime këtu te lapidari i policëve të rënë në detyrë 24 gjithsej ne Kosovën e pasluftës, duke filluar nga Lazim Rexhepi në vitin 2001 e deri së fundmi te Muhamet Lika në vitin 2025. Me këtë rast dua të theksoi heroin tonë Enver Zymberin dhe po ashtu Afrim Bunjakun që ranë në krye të detyrës duke mbrojtur sovranitetin shtetëror, integritetin territorial, rendin, ligjin, paqen dhe sigurinë në veri të Kosovës. Dita Memroriale është e lidhur pikërisht me rënien heroike të Enver Zymberit në vitin 2011, më 26 korrik, me ç’rast kemi dhimbje e pikëllim, kemi shumë mall por në të njëjtën kohë kemi edhe krenari, sepse Policia e Kosovës është një forcë prej 10 mijë pjesëtarëve të cilët i dalin zot Republikës sonë”, tha Kurti.

Kryeministri në detyrë, Albin Kurti tha se Policia e Kosovës është një forcë multietnike, e cila, ndonëse është sulmuar shpesh, ka dalë gjithmonë fitimtare dhe profesionale.

Ai rikujtoi se një nga sfidat më të mëdha për strukturën e saj që ndodhi në nëntor të vitit 2022, kur 541 policë të uniformuar nga komuniteti serb dhanë dorëheqje kolektive.

Megjithatë, Kurti theksoi se procesi i rikthimit dhe përfshirjes ka vazhduar, me kadetë të rinj nga gjenerata në gjeneratë që po i bashkohen Policisë së Kosovës.

Policia e Kosovës është një forcë multietnike e cila u sulmua shpesh, mirëpo gjithnjë doli fitimtare. E një nder sulmet strukturore që ka përjetuar ka qenë në nëntor të vitit 2022 ku kishim 541 policë në uniformë nga komuniteti serb që dhanë dorëheqje kolektivisht. Në vazhdimësi kemi kadetë të rinj nga gjenetara në gjeneratë të cilët po shtohen. Vetëm nga komuniteti serb kemi rreth 200 pjesëtarë që nga dorëheqjet e tyre që i janë bashkëngjitur Policisë së Kosovës dhe krah për krah me shqiptarët të uniformuar dhe të tjerë që i shërbejnë vendit tonë dhe qytetarëve tanë.”, tha Kurti.

Bashkë me Kurtin për homazhe ishin ministrat në detyrë i Punëve të Brendshme, Xhelal Svecla, ministrja e Drejtësisë, Albulena Haxhiu, ministri i Kulturës, Hajrullah Ceku dhe ministrja e Arsimit, Arbërie Nagavci.

Homazhe bënë edhe drejtori i Përgjithshëm i Policisë së Kosovës, Gazmend Hoxha bashkë me pjesëtarë të tjerë të lartë të Policisë së Kosovës.

Continue Reading

Të kërkuara