Aktualitet

​Drejtori i ri i doganës merr detyrën

Published

on

Agron Llugaliu në një ceremoni rasti ka pranuar detyrën e drejtorit të ri të Doganës së Kosovës, sipas vendimit të Qeverisë së Republikës së Kosovës.

Ushtruesi i detyrë së drejtorit të përgjithshëm, Bajram Rexha uroi drejtorin e ri në këtë pozitë, nga ana tjetër drejtori i sapo zgjedhur Agron Llugaliu theksoi se kjo detyrë është privilegj, por përgjegjësi e madhe.

“Synoj që të reformojmë dhe modernizojmë strukturën dhe proceset e punës, me qëllim të orientimit të Doganës së Kosovës në shërbim të qytetarit dhe bizneseve të vendit, në veçanti për nxitje të eksportit dhe favorizim të investimeve të huaja, përmes sundimit të mirëfilltë të ligjit dhe ofrimit të shërbimeve të avancuara të zhdoganimit. Në anën tjetër do të jemi të përkushtuar në evitimin e praktikave jo-profesionale dhe në luftimin e ekonomisë jo-formale”, thuhet në njoftimin e doganës.

Me këtë rast, Llugaliu theksoj se është i njohur me pritjet për Doganën e Kosovës dhe premtoi qasje strategjike për t’i përmbushur këto pritje, duke përfshirë edhe rëndësinë që ka bashkëpunimi me institucionet tjera në këtë rrugëtim.

Bota

​Avioni luftarak merr flakë pas ngritjes në Malajzi

Published

on

Një avion luftarak i Malajzisë është përfshirë nga flakët pas ngritjes nga pista në shtetin Pahang. 

Forcat Ajrore Mbretërore të Malajzisë kanë konfirmuar se një incident që përfshin një nga avionët e tyre luftarakë F/A-18D Hornet ndodhi në orën 21:05 sipas orës lokale (13:05 GMT) në Aeroportin Sultan Ahmad Shah në Kuantan, sipas gazetës lokale Star, duke cituar një deklaratë.

“Po ndërmarrim veprime të menjëhershme dhe do të përditësojmë mbi zhvillimet e fundit”, thanë forca ajrore.

Continue Reading

Bota

​Shpërthim në Pakistan, të paktën 34 të plagosur

Published

on

Të paktën 34 persona u plagosën në një shpërthim masiv në një depo fishekzjarrësh në Karaçi të Pakistanit, thanë policia dhe zyrtarët.

Sipas zyrtarëve të shpëtimit, dyshohet se një qark i shkurtër shkaktoi një zjarr në depo, duke rezultuar në shpërthimin e madh për shkak të pranisë së materialit shumë të ndezshëm.

Depoja ndodhet pranë Kompleksit Taj në Rrugën MA Jinnah në zonën Saddar të Karaçit. Intensiteti i shpërthimit dëmtoi automjetet aty pranë dhe theu dritaret e ndërtesave përreth.

Policia tha se të plagosurit u dërguan në spitalet Jinnah dhe Civil, me shumicën e tyre që pësuan lëndime nga xhamat e thyer.

Asad Raza, një zyrtar i lartë i policisë së Karaçit, tha gjithashtu se raportet paraprake sugjerojnë se një shkëndijë elektrike shkaktoi zjarrin. Ai shtoi se një incident i ngjashëm ndodhi rreth dy vjet më parë në të njëjtin ambient.

Aksidentet industriale janë të zakonshme në Karaçi, kryesisht për shkak të standardeve të pamjaftueshme të sigurisë, infrastrukturës së dobët dhe neglizhencës.

Continue Reading

Bota

​Bosnja ka shënuar 33-vjetorin e masakrës së 224 viktimave

Published

on

Një ceremoni përkujtimore u mbajt në Bosnjë dhe Hercegovinë të enjten për të nderuar 224 civilë boshnjakë dhe kroatë të vrarë 33 vjet më parë në shkëmbinjtë e Koricanit gjatë luftës 1992-1995.

Viktimat ishin mbajtur në kampe paraburgimi përpara se të ekzekutoheshin nga forcat serbe në shkëmbinjtë Koricani në Bosnjën qendrore, raporton Anadollu.

Të afërmit e viktimave, së bashku me zyrtarë dhe përfaqësues të shoqatave të të mbijetuarve, u mblodhën në vend për të bërë homazhe. Si pjesë e përkujtimit, 224 trëndafila u hodhën nga shkëmbinjtë 300 metra të lartë dhe u ofruan lutje.

Seid Omeroviq, president i Shoqatës së Kampeve të Paraburgimit në Bosnjë-Hercegovinë, tha se viktimat u qëlluan fillimisht në shpinë, pastaj u hodhën nga shkëmbinjtë dhe në fund u bombarduan. Ai paralajmëroi se mizori të ngjashme vazhdojnë të kryhen në pjesë të tjera të botës sot.

Masakra ndodhi pasi të paraburgosurit u transportuan nga kampi i paraburgimit Trnopole në Prijedor në qytetin qendror boshnjak të Travnikut, ku u ndanë dhe u ekzekutuan nga forcat serbe në shkëmbinj më 21 gusht 1992.

Tribunali Ndërkombëtar Penal për ish-Jugosllavinë më vonë dënoi 11 autorë me një total prej 200 vjetësh burg për rolet e tyre në masakër.

Continue Reading

Aktualitet

Ryshfet me patentë-shoferë, ndalohen dy persona zyrtar

Published

on

Prokuroria Themelore në Prishtinë, Departamenti për Krime të Rënda- Njësiti kundër Krimit Ekonomik dhe Korrupsionit ka ndaluar me vendim të Prokurorit dy persona për shkak të veprave penale marrja e ryshfetit dhe keqpërdorimi i detyrës apo autoritetit zyrtar.

Personat e ndaluar janë zyrtarë publikë, të cilët dyshohet se me qëllim të përfitimit të kundërligjshëm të dobisë pasurore për vete, nga i dëmtuari kanë kërkuar dhe pranuar një shumë të caktuar të të hollave, në atë mënyrë që i dëmtuari ta kalojë testin teorik për patentë shofer, me çka pas dhënies së shumës të caktuar të parave në formë të ryshfetit, i njëjti e ka kaluar testin teorik.

Ndaj të dyshuarve është caktuar masa e ndalimit prej 48 orësh, ndërsa brenda afateve ligjore Prokurori i Shtetit do të ndërmerr veprimet e nevojshme procedurale.

Continue Reading

Të kërkuara