Lajmet

​“Drejtësia Sot” evidenton mangësi të shumta në aktakuzat e Prokurorisë Speciale

Published

on

Platforma “Drejtësia Sot”, nga Grupi për Studime Juridike dhe Politike (GLPS) ka evidentuar një varg mangësish në disa nga aktakuzat e Prokurorisë Speciale dhe Prokurorive Themelore, lidhur me veprat penale korruptive.

Rreze Hoxha-Zhuja nga GLPS tha se në bazë të analizimit të rasteve “Toka 1 dhe Toka 2”, rasti “Veteranët” dhe rasti “Pronto”, janë gjetur mangësitë në identifikimin e veprimeve inkriminuese të të akuzuarve, në mospërcaktimin e saktë të vlerës së dëmit (mungesës së ekspertizave financiare) dhe në mos precizimin e palës së dëmtuar.

“Në kuadër të Prokurorisë Speciale janë analizuar gjithsej pesë aktakuza ku janë vërejtur disa mangësi në elementet e domosdoshme të tyre. Këto mangësi kryesisht kanë të bëjnë me mos përcaktimin e saktë të vlerës së dëmit. Pra mungesës së ekspertizës financiare, pastaj mungesa e precizimit të palës së dëmtuar dhe paqartësi në paraqitjen e saktë të veprimeve inkriminuese të të akuzuarave. Këto dhe disa mangësi të tjera janë analizuar konkretisht në aktakuzën e rasteve si “Toka 1” dhe “Toka 2” si dhe rastin “Veteranët”, rasti “Pronto”, tha ajo përmes një konference për medie gjatë ditës sotme.

Krahas kësaj “Drejtësia Sot” ka analizuar edhe disa raste në kuadër të Prokurorive Themelore, ku sipas Rreze Hoxha-Zhuja, gjetjet janë të njëjta sikur në Prokurorinë Speciale.

“Ndërsa në kuadër të prokurorive themelore të Kosovës, “Drejtësia Sot” ka analizuar shtatë aktakuza në të cilat janë hasur të njëjtat mangësi sikur tek aktakuzat e Prokurorisë Speciale. Nga analizimi i tyre kemi gjetur se në tri nga aktakuzat e analizuara vërehet mungesa e kualifikimit të saktë të veprës penale. Një problem i tillë vlerësohet të krijojë paqartësi dhe huti juridike në aspektin e saktësisë së veprës penale dhe ndërlidhjes së sajë me veprimet që dyshohet të jenë veprime kriminale. Së dyti në katër nga aktakuzat e analizuara vërehet mungesa e përcaktimit të palës së dëmtuar dhe dëmit të shkaktuar. Një praktikë e tillë shkakton dy lloje të problemeve. Së pari përcaktimi sa ekziston dënimi dhe së dyti nëse ekziston dëmi, atëherë kush është palë e dëmtuar. Së treti në dy aktakuzat e analizuara është vërejtur mungesa e ekspertizave financiare që lidhet me dëmin e shkaktuar”, u shpreh ajo.

Për të gjitha këto gjetje, Grupi për Studime Juridike dhe Politike paraqiti edhe disa rekomandime për sistemin e drejtësisë.

“Rekomandojmë që prokurorët me rastin e ngritjes së aktakuzave të përcaktojnë saktë gjendjen faktike, përkatësisht të bëhet kualifikimi i saktë ligjor i veprës penale duke iu referuar dispozitave të kodit penal. Së dyti prokurorët me rastin e ngritjes së aktakuzave të bëjnë prezicimin e dëmit në bazë të ekspertizave financiare kur kemi të bëjmë me veprat penale të kësaj natyre. Së treti rekomandojmë prokurorët të bëjnë precizimin e palës së dëmtuar me rastin e ngritjes së aktakuzave të kësaj natyre në mënyrë që të dihet kush është palë e dëmtuar. Së katërti rekomandojmë prokurorët të rekomandojnë saktë veprimet inkreminuese të të pandehurve”, tha jo.

Ky hulumtim i GLPS-së është në kuadër të platformës “Drejtësia Sot” në projektin “Monitorimi i sistemit gjyqësor dhe prokurorial në Kosovë”.

Lajmet

Irlanda e Veriut triumfon ndaj Maltës në kualifikuese të Botërorit 2026

Published

on

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Continue Reading

Lajmet

​Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Published

on

By

Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.

Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.

Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.

Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.

Pas sulmit, të dyshuarit janë larguar nga vendi i ngjarjes me motoçikleta.

Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.

Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP

Continue Reading

Lajmet

​Lautaro tejkalon Maradonën me gola për Argjentinën

Published

on

Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.

Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.

Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.

Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/

Continue Reading

Lajmet

Gjykata Kushtetuese vendos masë të përkohshme, s’ka mandatar për Qeverinë deri më 30 shtator

Published

on

By

Gjykata Kushtetuese ka nxjerrur aktgjykimin në lëndën e parashtuar nga deputetës e Listës Serbe për ‘masë të përkoheshme’ rreth veprimeve të mëtejme të Kuvendit të Kosovës.

Gjykata vlerëson se kjo ndërhyrje është e nevojshme për të shmangur “rreziqe ose pasoja të pariparueshme” dhe se miratimi i saj është në “interes publik”.

Po ashtu, Gjykata thekson se kjo masë nuk paragjykon përmbajtjen përfundimtare të çështjes që është ende në shqyrtim.

VENDIMI I GJYKATËS:

Gjykata Kushtetuese e Republikës së Kosovës, në mbështetje të nenit 116 (2) të Kushtetutës, të nenit 27 të Ligjit dhe rregullat 44, 45, 46 (2) dhe 48 (1) (d) të Rregullores së punës, më 4 shtator 2025, njëzëri

VENDOS

I. TË CAKTOJË ex officio dhe sipas kërkesës së parashtruesve masën e përkohshme përmes të cilës ndalohet çdo veprim i deputetëve të zgjedhur të Kuvendit të Republikës së Kosovës, si dhe çdo procedurë për formimin e Qeverisë;

II. TË URDHËROJË që masa e përkohshme hyn në fuqi më 5 shtator 2025, në kohëzgjatje deri më 30 shtator 2025;

III. T’U’A KUMTOJË këtë Vendim palëve;

IV. TË PUBLIKOJË këtë Vendim në Gazetën Zyrtare, në pajtim me paragrafin 4 të nenit 20 të Ligjit;

V. Ky Vendim hyn në fuqi më 5 shtator 2025./D.B/EO

Continue Reading

Të kërkuara