Lajmet

​Disa kryetarë komunash shkelin ligjin me ndërhyrjen në punën e zyrtarëve të prokurimit

Kjo ndërhyrje ka ndodhur nga kryetarët e komunave të Deçanit, Gjakovës, Klinës, Mitrovicës së Veriut, Podujevës, Prizrenit dhe Suharekës.

Published

4 years ago

on

Disa kryetarë të komunave ndërhyjnë në punën e zyrtarëve të prokurimit, respektivisht gjatë fazës së implementimit të planit të prokurimit.

Kjo ndërhyrje ka ndodhur nga kryetarët e komunave të Deçanit, Gjakovës, Klinës, Mitrovicës së Veriut, Podujevës, Prizrenit dhe Suharekës.

Veprimi i këtyre kryetarëve, po konsiderohet ndërhyrje flagrante dhe jo ligjore nga Iniciativa për Progres (INPO)

Qëndrim Arifi, hulumtues i lartë në Iniciativa për Progres (INPO) gjatë publikimit të raportit “Planifikimi i prokurimit në mes të formalitetit dhe profesionalizmit”, theksoi se rezultatet e hulumtimit tregojnë se asnjëra nga komunat e monitoruara nuk e ka planifikimin e prokurimit konform kërkesave ligjore, përkatësisht planin e prokurimit nuk e kanë hartuar me të dhënat e nevojshme dhe të sakta lidhur me aktivitetet e planifikuara.

“Për pyetjen e parë pohojnë që ka pasur kërkesë të tillë komuna e Deçanit, Gjakovës, Klinës, Mitrovica e Veriut, Podujeva, edhe Prizreni. Pra kanë pohuar zyrtarë e prokurimit që megjithatë kryetari i komunës ka kërkuar që një aktivitet I prokurimit të zhvillohet në kundërshtim me afatin kohor. Pra, këto janë përgjigje të zyrtarëve të prokurimit. Edhe tek pyetja e dytë se a ka pasur raste kur ekzekutivi ka kërkuar me u hequr ose me u larguar një aktivitet i prokurimit, në komunën e Deçanit kanë thënë që po, në Klinë po ashtu, në Podujevë, Prizren dhe komuna e Suharekës. Kryetari megjithëse është zyrtar kryesor administrativ brenda komunës, pra janë procedurat të tjera ku mund të kërkohet, por jo me do e mos me vendim të kryetarit kërkohet që të përjashtohet plani i prokurimit. Në raport shihet që ka referenca ku me vendimet e kryetarëve është vendosur që të anulohet një aktivitet i prokurimit, krejt në mënyrë flagrante, duke përjashtuar procedurat e prokurimit. Pra, shihet qartë që kryetarët e komunave ndërhyjnë në mënyrë flagrante dhe jo ligjore tek zyrat e prokurimit”, thotë Arifi.

Hulumtuesi Arifi po ashtu ka komentuar edhe dështimin e Kuvendit për emërimin e Bordit të Organit Shqyrtues të Prokurimit (OShP), i cili theksoi se vonesat e emërimit të Bordit të OSHP-së janë të dëmshme.

“Vonesat në votimin ose për krijimin e Bordit të OSHP-së janë shumë të dëmshme për autoritetet kontraktuese, qoftë për komunat ose për ministritë. Kjo është për të ardhur keq se si është neglizhuar qe sa muaj, kur po bëhen gati një vit ku ky institucion ose kjo gjykatë e tenderëve është pa bord. Kjo është fatkeqësi dhe këtë ne po e shohim çdo ditë. Është pengesë e jashtëzakonshme edhe për komunat, sepse komunat i paraqet prapa sfidës. Kjo është rrethana më e keqe e mundshme është që do të vonohen projektet e komunave dhe në një aspekt kjo I shtynë komunat që të veprojnë kundërligjshëm, sepse komunat duhet të funksionojnë”, theksoi Arifi.

Në raportin e monitorimit në 20 komuna, thuhet po ashtu se asnjëra nga komunat e monitoruara nuk ka vendosur sasitë, njësitë dhe artikujt tek aktivitetet për furnizim, respektivisht të dhënat e paraqitura nuk janë të sakta.

Related Topics:
Continue Reading

Lajmet

​Bellingham dhe Foden rikthehen në kombëtaren e Anglisë

Published

8 hours ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Lajmet

Vdes në moshën 24 vjeçare lojtari i Cowboys, Marshawn Kneeland

Published

9 hours ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

9 hours ago

on

November 7, 2025

By

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.

Continue Reading

Lajmet

Kosova e publikon listën e të ftuarve për ndeshjet vendimtare ndaj Sllovenisë dhe Zvicrës

Published

9 hours ago

on

November 7, 2025

By

Kombëtarja e Kosovës e ka publikuar listën për dy ndeshjet e muajit nëntor ndaj Sllovenisë dhe Zvicrës.

Kapiteni Amir Rrahmani është rikthyer pasi mungoi në muajin tetor, së bashku me Baton Zabergjën. Ndërkohë, në listën rezervë kanë rënë Florent Hadërgjonaj e Florian Haxha.

Lista e plotë e Kosovës:

Portierë: Arijanet Muric, Amir Saipi, Visar Bekaj, Faton Maloku

Mbrojtësit: Amir Rrahmani, Mërgim Vojvoda, Lumbardh Dellova, Fidan Aliti, Ilir Krasniqi, Albian Hajdari, Kreshnik Hajrizi, Dion Gallapeni, Leard Sadriu

Mesfushorët dhe sulmuesit: Valon Berisha, Elvis Rexhbecaj, Leon Abdullahu, Veldin Hoxha, Lindon Emërllahu, Meriton Korenica, Ermal Krasniqi, Baton Zabërgja, Edon Zhegrova, Milot Rashica, Florent Muslija, Fisnik Asllani, Vedat Muriqi./S.K/EO/

Continue Reading

Të kërkuara