Lajmet

ZKA: Ndryshimi i projektit të rrugës Deçan-Mal i Zi shkaktoi dëme 830 mijë euro

Spanca ka folur për projektin e rrugës Deçan-Mal i Zi, e cila tha se ka pësuar ndryshime substanciale.

Published

3 years ago

on

Zyra Kombëtare e Auditimit (ZKA) ka publikuar të mërkurën rezultatet e tri raporteve të auditimit, atë për prokurimet e negociuara pa publikim të njoftimit për kontratë në Ministrinë e Infrastrukturës për vitin 2021, mbështetja e ndërmarrjeve të vogla dhe të mesme nga MINT dhe sistemet e Informacionit në Kompaninë e Ujësjellësit Rajonal “Prishtina”.

Me rastin e fillimit të publikimit të raporteve të auditimit për sezonin auditues 2022/23, Auditorja e Përgjithshme në ZKA, Vlora Spanca ka folur për projektin e rrugës Deçan-Mal i Zi, e cila tha se ka pësuar ndryshime substanciale, dhe rrjedhimisht ka dëmtuar ekonominë e projektit mbi 830 mijë euro.

Sa i përket Ministrisë së Infrastrukturës, Spanca tha se vetëm në vitin 2021 kjo ministri kishte kontraktuar afër gjashtë milion euro për 26 kontrata aneks, me procedurë të negociuar pa publikim të njoftimit për kontratë. Prej tyre, ZKA ka audituar 13 kontrata vlera e të cilave është mbi 4 milion euro apo afër 70% e vlerës së kontratave të lidhura gjatë vitit me këtë procedurë.

Ajo tha se vlera e parashikuar për njërin nga këto projekte (Auto-udha A7.1) është një milion euro, që tanimë është tenderuar, ndërsa për projektin Dollc-Gjakovë vlera e përllogaritur është mbi 640,000 euro dhe për projektin Deçan-Kufiri me Malin e Zi vlera e përllogaritur arrin mbi 2.6 milion euro, bazuar në çmimet e kontratës aktuale.

Spanca në konferencën për media theksoi se prandaj përdorimi i procedurës së negociuar, në rastet e lartcekura nuk ishte i arsyeshëm pasi që Ministria kishte ditur se katër nga 13 kontratat aneks nuk mbulonin plotësisht kostot e projekteve në fjalë. Ministria në këto raste do të duhej që të shmangte përdorimin e procedurës së negociuar, dhe për këto katër projekte do të duhej të zbatonte procedurën e hapur.

“Një projekt i cili kishte pësuar ndryshime substanciale është projekti për rrugën Deçan-Mali i Zi. Kërkesa ishte që gjerësia e rrugës nga 6 metra të bëhet 7, rrjedhimisht ky ndryshim kishte dëmtuar ekonominë e projektit për afër 830 mijë euro. Në dy projekte, atë të autostradës në Gjilan dhe Rrugës “Dragash – Brod”, Ministria, gjegjësisht projektuesi, nuk i kishte identifikuar dhe përfshirë në projekt të gjitha objektet që preken nga projekti rrugor. Mungesa e vizitës në punishte para lidhjes së kontratës, nga ana e Ministrisë, ka ndikuar në mos përfshirjen e të gjitha objekteve në projektin kryesor”, thekson Spanca.

Auditimi tjetër “Mbështetja e ndërmarrjeve të vogla dhe të mesme nga Ministria e Industrisë, Ndërmarrësisë dhe Tregtisë /KIESA”, tregon se MINT KIESA nuk ka arritur efektet e duhura në përkrahjen dhe ngritjen e kapaciteteve të NMVM-ve dhe Zonave Ekonomike. Sipas Spancës, Qeveria nuk ka arritur t’i funksionalizojë zonat e lira në Mitrovicë, Gjakovë, Prizren dhe zonën e veçantë Amerikane.

“Rezultatet e auditimit tregojnë se MINT-i/KIESA nuk ka arritur efektet e duhura në përkrahjen dhe ngritjen e kapaciteteve të NMVM-ve dhe Zonave Ekonomike. Zonat Ekonomike të themeluara nuk arrijnë t’i përmbushin nevojat e ndërmarrjeve në vend, duke i lënë investitorët të presin me vite për zgjerimin e hapësirave të biznesit dhe rritje të prodhimit dhe të punësimit. Qeveria nuk ka arritur ti funksionalizojë zonat e lira në Mitrovicë, Gjakovë, Prizren dhe zonën e veçantë Amerikane edhe pse i kishte themeluar me vendime direkte. Mos funksionalizimi i këtyre zonave ka ndodhur si pasojë që Qeveria nuk i ka paraprirë me analizimin e nevojave dhe me hartimin e planit të fizibilitetit për të vlerësuar dhe argumentuar nëse ja vlen të themelohen këto zona”, theksoi ajo.

Po ashtu Spanca ka thënë se MINT-i nuk ka zhvilluar ndonjë strategji të veçantë dhe politika për zhvillimin e NMVM-ve.

“Gjetjet e tjera që ndërlidhen me mbështetjen e ndërmarrjeve të vogla dhe të mesme nga MINT/KIESA” janë: MINT-i nuk ka zhvilluar ndonjë strategji të veçantë dhe politika për zhvillimin e Ndërmarrjve Mikro, të Vogla dhe të Mesme dhe orientimin e tyre drejt transformimit dhe ngritjes së cilësisë dhe eksportit të produkteve të tyre drejt tregjeve të BE-së. Nga viti 2005 deri në kohën kur kemi zhvilluar auditimin (në dhjetor 2022) janë të themeluara dhjetë (10) ZE prej të cilave vetëm katër funksionojnë: Parku i Biznesit Drenas, Parku i Biznesit Mitrovicë, Parku Teknologjik Shtime dhe Parku Industrial Suharekë. Ne kemi vërejtur se në vitin 2021 dhe 2022 ka pasur realizim më të vogël të investimeve në ZE edhe pse nevoja e bizneseve për hapësira në zona ekonomike ishte e lartë. Ne vitin 2022, investimet e bëra janë vetëm 8.3% të buxhetit të planifikuar, përderisa buxheti i shpenzuar për investime për vitin 2021 ka qenë 58%”, theksoi ajo.

Si e gjetur tjetër në Zonën Ekonomike “Parku i Biznesit në Drenas”, auditori ka vërejtur se shumë bizneseve ju mungonin kushtet elementare siç është furnizimi me ujë, ku për pasojë bizneset kishin hapur puse me të cilët zhvilloni aktivitetet e tyre.

Spanca ka thënë se një nga dy përfituesit në kategorinë e ndërmarrjeve të mesme nuk kategorizohet si ndërmarrje e mesme.

“Nga mostrat e testuara kemi vërejtur se një nga dy përfituesit në kategorinë e ndërmarrjeve të mesme nuk kategorizohet si ndërmarrje e mesme sipas numrit të punonjësve. Ndërmarrja në fjalë kishte deklaruar në aplikacion 1,009 punonjës, numër ky që tejkalon limitin prej 249 punonjësve për t’u klasifikuar si ndërmarrje e mesme për mbi 300%. Kjo ndërmarrje ka përfituar 50,000 euro për blerje të makinerisë për një nga njësitë e saj, ndërsa pjesën tjetër prej 100 mijë euro kishte deklaruar që do ta mbulonte nga burimet e veta. Përkundër përfitimeve nga mbështetja e MINT, Kompanitë përfituese nuk kanë pas afarizëm te mirë që tregon se investimet e bëra nuk kanë qenë efektive”, theksoi Spanca.

Deri më 30 qershor ZKA planifikon të publikojë të gjitha raportet e auditimeve financiare. Ndërsa, përgjatë këtij muaji do të publikohen një numër i raporteve të auditimit të Pasqyrave Financiare të Organizatave Buxhetore dhe Ndërmarrjeve Publike, ndër të cilat janë: Ministria e Drejtësisë; Universiteti i Prishtinës; Komuna e Prishtinës; Komuna e Deqanit, Komuna e Vushtrrisë; Komuna e Ferizajit; Ndërmarrja Publike “Trainkos”; NP “Uniteti” – Mitrovicë; dhe Institucione tjera të nivelit qendror, nivelit lokal dhe Institucione të Pavarura.

Related Topics:
Continue Reading

Lajmet

Aksidenti në rrugën Strumicë – Novo Sellë, MPB: Ka humbur jetën një 19-vjeçare

Published

8 minutes ago

on

August 14, 2026

By

Ministria e Brendshme njoftoi se është ndaluar një banor i Strumicës, i cili, duke drejtuar një automjet nën ndikimin e alkoolit në gjak prej 1.75 promil, mori pjesë në një aksident trafiku në të cilën humbi jetën një 19-vjeçare me në një motoçikletë.

“Më 13.08.2026, në SPB Strumicë u raportua se rreth orës 23:30 në rrugën kryesore të pikës kufitare Strumicë – Novo Sellë, në zonën e fshatit Tërnovë, ka ndodhur një aksident trafiku midis një automjeti pasagjerësh “Seat Leon” me targa të Strumicës, të drejtuar nga S.B. (29) nga Strumica dhe një motoçiklete pa targa, të drejtuar nga A.D. (19) nga fshati Ilovicë.

Në aksident, 19-vjeçarja K.J., pasagjere në motoçikletë, vdiq në vendngjarje nga lëndimet e marra, ndërsa vdekja u konfirmua nga një mjek nga Shërbimi i Ndihmës së Shpejtë Mjekësore. Ndërsa, drejtuesi i motoçikletës, A.D., pësoi lëndime trupore, të cilat u konfirmuan në Qendrën Mjekësore të Strumicës”, njoftojnë nga policia.

Shoferit të automjetit “Seat” i është bërë testi i alkoolit dhe është konstatuar se ai ka qenë nën ndikimin e alkoolit, përkatësisht i janë matur 1.75 promil alkool në gjak dhe është privuar nga liria. Gjithashtu është konstatuar se shoferi i motoçikletës, A.D., drejtonte një motoçikletë të paregjistruar dhe pa leje drejtimi.

Trafiku në autostradën Strumicë-GSH Novo Sellë, pranë Turnovës, është ndërprerë në të dy drejtimet në periudhën nga ora 00:00 deri në orën 02:30. Me urdhër të prokurorit publik, trupi i të ndjerës është dërguar për autopsi./Telegrafi/A.K/

Continue Reading

Lajmet

Aksident me fatalitet në rrugën Shtime-Lipjan, një i vdekur dhe një grua e lënduar rëndë

Published

10 minutes ago

on

August 14, 2026

By

Një person ka humbur jetën dhe dy të tjerë kanë mbetur të lënduar si pasojë e një aksidenti trafiku në rrugën Shtime-Lipjan.

Mësohet se aksidenti ka ndodhur të enjten, rreth orës 10:00, në fshatin Grackë e Vogël, ku janë përfshirë dy vetura.

Siç raportojnë mediat, si pasojë e përplasjes, personi që ka humbur jetën është një 72-vjeçar, ndërsa një grua është lënduar rëndë, transmeton KosovaPress.

Në vendin e ngjarjes kanë dalë ekipet kompetente, ndërsa me autorizim të prokurorit janë ndërmarrë veprimet e nevojshme hetimore.

Trupi i viktimës është dërguar për obduksion në Institutin e Mjekësisë Ligjore. /A.K/

Continue Reading

Lajmet

Kërkohet një muaj paraburgim për të dyshuarin për bashkëpunim me BIA-n, Fehim Sali

Published

16 minutes ago

on

August 14, 2026

By

Prokuroria Speciale ka kërkuar nga Gjykata që t’ia caktojë masën e paraburgimit prej një muaji Fehim Salit, i dyshuar për veprën penale “Spiunazhi”.

Seanca dëgjimore ndaj Salit ka nisur në orën 09:00. Ai ishte arrestuar të enjten në mëngjes në pikën kufitare në Merdar, teksa dyshohet se po tentonte të kalonte në drejtim të Serbisë.

Sali dyshohet se për një periudhë të gjatë ka bashkëpunuar me Agjencinë serbe të Inteligjencës (BIA) dhe se ka mbajtur kontakte me zyrtarë të kësaj agjencie.

Pas arrestimit të tij, Policia e Kosovës dhe Prokuroria Speciale kanë bastisur shtëpinë e të dyshuarit në Dragash, ku, sipas autoriteteve, janë gjetur dhe sekuestruar prova materiale.

Sali punonte si arsimtar në shkollën serbe “9 Maji” në fshatin Rapçë të Dragashit. Më herët, ai kishte qenë i angazhuar për dy mandate në Këshillin Konsultativ për Komunitete pranë Presidencës së Kosovës, nga i cili ishte shkarkuar në vitin 2024.

Gjykata pritet të vendosë lidhur me kërkesën e Prokurorisë Speciale për caktimin e masës së paraburgimit./A.K/

Continue Reading

Lajmet

Ditari: Lajmet kryesore që shënuan datën 14 gusht 1993-1998?

Published

46 minutes ago

on

August 14, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

Foto: Mitrovica

14 gusht 1993

Dyshohet se forcat serbe plagosën e vranë shqiptarë në Mitrovicë

Sot, në Ditën e Tregut, duke filluar nga ora 12,30, rreth 600 policë e ushtarë serbë, bllokuan qytetin e Mitrovicës.

Njoftohet për një ndërhyrje brutale dhe të përgjakshme të forcave serbe mbi qytetarët shqiptarë. Janë bllokuar kuartet ku bëhet tregtia, si Tregu I dhe II, Tregu i Bagëtive, Stacioni i Autobusëve, Stacioni i Trenit, si dhe ka ndërhyrje nëpër lokalet private të shqiptarëve.

Informatat e para bëjnë me dije se forcat serbe, kanë shtënë me revole dhe pushkë automatike në qytetarë.

Njoftohet për shumë persona të plagosur. Dyshohet se ka edhe të vrarë.

Policia po rrah këdo që po zë rrugëve të Mitrovicës.

Dega e LDK-së në Mitrovicë, nuk mundi të japë asnjë supozim se me çfarë preteksti e ndërmorën këtë ekspeditë forcat ushtarake e policore serbe.

Situata në Mitrovicë është tepër e tensionuar.

Në këtë qytet, policia serbe edhe mbrëmë ndërhyri në mënyrë barbare kundër më se 60 pjesëmarrësve të një manifestimi kulturor.

 

14 gusht 1995

Refugjatët vendosen me dhunë në banesat e shqiptarëve

Në banesën e Mustafë Morinës nga Vitia, ish-punëtor i “Vineksit”, pasi ajo u thye nga persona të panjohur, u vendos me dhunë një familje refugjate nga Kraina, njofton Komisioni për Informim i Degës së LDK-së në Viti.

Në njoftim thuhet se Mustafë Morina, në këtë banesë jeton që nga viti 1979, ndërsa në momentin e vendosjes së familjes refugjate nuk ndodhej në banesën e tij.

Tash atij në banesë i kanë mbetur të gjitha orenditë, ndërsa “banuesit e rinj” në derë kanë vendosur kyçje të re.

Duke iu referuar një shkrimi të gazetës “Jedinstvo” të ditës së shtunë për vendosjen në komunën e Vitisë të 300 refugjatëve serbe, KI i Degës së LDK-së në këtë komunë njofton se si lokacione ku do të vendosen refugjatët më së shumti përmenden “Agromorava”, “Gornja Morava”, “Banja e Kllokotit”, por edhe objekti i Qendrës shkollore, nga e cila në vititn 1991 u dëbuan nxënësit shqiptarë.

 

 14 gusht 1997

Vazhdon largimi i shqiptarëve nga vendet e tyre të punës

Katër shqiptare, punëtore të Entit të sigurimit social të komunës së Prishtinës, u pushuan nga puna më 11 gushti, me justifikim se për punën e tyre më “nuk ka nevojë”.

Zejnepe Ismajli, Fexhrije Rexhepi, Jeta Neziri e Lida Visoka, që kanë stazh pune prej 12-18 vjet, u ankuan në vendimet për largim nga puna, por morën përgjigje negative.

Këto punëtore u larguan vetëm pse janë shqiptare. Thuhet se në vendet e tyre të punës u pranuan punëtorë serbë.

 

14 gusht 1998

Gjatë dy ditëve në komunën e Deçanit forcat serbe kanë vrarë 12 dhe kanë plagosur mbi 50 shqiptarë

Më 11 e 12 gusht të këtij viti, forcat e ushtrisë, policisë dhe paramilitarëve serbe në komunën e Deçanit kanë vrarë 12 dhe kanë plagosur mbi 50 shqiptarë, njofton Osman Cacaj, kryetar i KI të Degës së LDK-së në Deçan.

Bëhet e ditur se gjatë këtyre dy ditëve janë vrarë, Nexhat Humaj nga Baballoçi, Enver H. Halilaj nga Gllogjani, Orhan L. Halilaj nga Gllogjani, Naim M. Nimanaj nga Gllogjani, Xheladin Mushkolaj nga Gramaçeli, Gëzim Dërvishaj nga Irzniqi, Maxhun Malë Çekaj nga Irzniqi, Naser Idrizaj nga Kodralia, Artan I. Hasani nga Dubrava, Arben Lan Ahmetaj nga Gllogjani, Malë Avdyl Zenaj nga Irzniqi dhe një shqiptar edne i paidentifikuar në fshatin Shaptej.

I njëjti burim njofton se gjatë këtyre dy ditëve, forcat serbe kanë plagosur edhe mbi 50 shqiptarë.

 

 

Continue Reading

Të kërkuara