Kronika e zezë

Digjen dy shtëpi në Hade të Obiliqit, banorët thonë flaka erdhi rryma

Sipas pronarëve të shtëpive zjarri erdhi si pasojë e sistemit elektrik në lagje.

Published

3 years ago

March 14, 2022

UBT news

Dy shtëpi janë përfshirë nga flaka në mëngjesin e sotëm në fshatin Hade të Obiliqit, por për fat të mirë nuk ka persona të lënduar.

Sipas pronarëve të shtëpive në rrugën “Izet Grajqevci”, në këtë fshat, zjarri erdhi si pasojë e sistemit elektrik në lagje.

Besniku Grajqevci, tha për KP se një shtëpi është djegur e tëra dhe një tjetër pjesërisht, gjë që ka bërë të jetë e pabanueshme.

“Shtëpia e djegur është e Skender Grajqevci, ku si pasojë kanë mbetur pa stre familja 4 anëtareshe. Shtëpi tjetër është e imja, iu është djegur kulmi dhe një dhomë, por që është e pabanueshme”, tha ai, duke shtuar se fatmirësisht nuk ka të lënduar.

Ai shtoi se në vendin e ngjarjes kanë dal policia, hetuesit dhe zjarrëfikësit.

“Sipas raportit është konstatuar është vërtetuar që ka pas lidhje të shkurt në lagje dhe pastaj ka dhënë sinjal në shtëpi duke dhënë edhe krijimin e flakës”, tha ai.

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.