Kuriozitete

​Çka janë aftësitë hulumtuese dhe si t’i zhvilloni ato?

Shkathtësitë hulumtuese janë aftësitë dhe mundësitë të gjeni përgjigje për pyetje të ndryshme.

Published

3 years ago

on

Punëdhënësit i vlerësojnë aftësitë e hulumtimit, sepse e ndihmojnë kompaninë të zhvillojnë produkte dhe shërbime të reja, t’i identifikojnë nevojat dhe dëshirat e konsumatorëve si dhe të qëndrojnë në hap me ndryshimet e industrisë dhe të mos përjashtohen nga gara e konkurrentëve.

Çka janë shkathtësitë hulumtuese?

Shkathtësitë hulumtuese janë aftësitë dhe mundësitë të gjeni përgjigje për pyetje të ndryshme ose të arrini të gjeni zgjidhje për problemet. Ata që e kanë këtë aftësi janë në gjendje të shikojnë informacione, t’i analizojnë si dhe t’i interpretojnë ato në një mënyrë që çon te zgjidhja.

Duke qenë një shkathtësi shumë e kërkuar nga kompanitë, kjo ju ndihmon shumë të arrini në karrierë.

Cilat janë aftësitë e hulumtimit?

Kërkimi i informacioneve

Të gjithë hulumtuesit janë në kërkim të të dhënave, të cilat mund t’i analizojnë në mënyrë që t’i përdorin ato për ta gjetur zgjidhjen.

Vëmendje ndaj detajeve

Detyrat e punës tuaj mund të kërkojnë po ashtu të tregoni vëmendje ndaj informacioneve që klientët i japin, kështu që mund të bëni shitje ose t’ua zgjidhni klientëve ndonjë çështje.

Shënimet

Të dini si të merrni shënime të mira ju ndihmon në një gamë të gjërë momentesh gjatë karrierës. Do t’ju duhet të merrni shënime efikase gjatë takimeve dhe trajnimeve, e sidomos gjatë intervistave nëse jeni intervistuesi.

Menaxhimi i kohës

Aftësia e menaxhimit të kohës përfshin vendosjen e qëllimeve, planifikimin, organizimin, delegimin dhe detyrat e rëndësishme. Nëse e keni këtë aftësi atëherë do t’i arrini gjithmonë afatet e vendosura, t’i arrini qëllimet si dhe të avanconi në karrierë.

Si ta zhvilloni shkathtësinë e hulumtimit?

Bëni një skicë

Gjëja e parë që duhet të bëni përpara se të hulumtoni diçka, është të krijoni një skicë. Kjo do të thotë të bëni pyetje për ato gjëra që po ju duhen. Përmes tyre do të dini si dhe cilat burime t’i vizitoni.

Njihni burimet tuaja

Interneti ka bërë që të merrni infomacione më të shpejta, por jo githçka aty është e besueshme. Është shumë e rëndësishme t’i gjeni dhe t’i njihni burimet që janë të sakta dhe të besueshme. Për ta shmangur grackën e burimeve të pasakta, duhet të jeni në gjendje që t’i verifikoni të njëjtat informacione në burime të ndryshme.

Përdorni teknika të avancuara të hulumtimit

Kur e përdorni internetin për kërkime, shumica e motorëve të kërkimit ju lejojnë të ndiqni preferenca më të avancuara gjatë kërkimit tuaj.

Praktikoni

Mënyra më e mirë për ta zhvilluar këtë shkathtësi është praktika. Si ta bëni këtë? Duke krijuar projekte të vogla të hulumtimit. Shembull, nëse jeni duke planifikuar t’i shfrytëzoni pushimet, mund të hulumtoni për ta planifikuar atë, që prej transportit deri te hoteli dhe aktivitete të tjera. /Akademi Pune

Related Topics:
Continue Reading

Kuriozitete

Teleskopi gjen shenja jete në planetin e largët

Published

16 hours ago

on

April 17, 2025

By

Shkencëtarët kanë gjetur prova të reja, por paraprake, se një botë e largët që rrotullohet rreth një ylli tjetër mund të jetë shtëpia e jetës.

Një ekip i Kembrixhit që studion atmosferën e planetit të quajtur K2-18b ka zbuluar shenja të molekulave që në Tokë prodhohen nga organizma të thjeshtë.

Rezultatet janë pikasur nga teleskopi hapësinor James Webb i NASA-s, por ekipi dhe astronomët e pavarur theksojnë se nevojiten më shumë të dhëna për të konfirmuar këtë gjë.

Studiuesi, Prof Nikku Madhusudhan, tha në laboratorin e tij në Institutin e Astronomisë të Universitetit të Kembrixhit se shpreson të marrë provat kryesore.

“Kjo është prova më e fortë. Ende që ka gjasa të ketë jetë atje. Mund të them realisht se ne mund ta konfirmojmë këtë sinjal brenda dy vitesh”.

K2-18b është dy herë e gjysmë më i madh se Toka dhe është shtatëqind trilionë milje larg nesh.

 

Continue Reading

Kuriozitete

Studimi: Fëmijët e dytë kanë më shumë gjasa të shfaqin probleme sjelljeje

Published

18 hours ago

on

April 17, 2025

By

Një studim nga MIT zbuloi se fëmijët e dytë të familjes – veçanërisht djemtë kanë më shumë gjasa të shfaqin sjellje problematike krahasuar me vëllezërit apo motrat më të mëdha.

Duke analizuar të dhëna nga familje në SHBA dhe Danimarkë, studiuesit zbuluan se djemtë e lindur të dytë kanë 20% deri në 40% më shumë gjasa të kenë probleme në shkollë apo me ligjin.

Një nga arsyet mund të jetë fakti që fëmijët e parë përfitojnë vëmendje të plotë nga prindërit dhe kanë si shembull modele më të pjekura, ndërsa fëmijët e dytë shpesh marrin si shembull vëllezërit e motrat e tyre që janë ende duke u zhvilluar.

Megjithatë, kjo nuk është një rregull që vlen për të gjithë, pasi sjellja ndikohet edhe nga mënyra e rritjes, dinamika familjare dhe personaliteti i fëmijës.

 

Continue Reading

Kuriozitete

Diamanti blu ne ankand/ Guri i çmuar, pjesë e trashëgimisë mbretërore të Indisë

Published

3 days ago

on

April 15, 2025

By

Një diamant blu i rrallë nga Golconda mbi 23 karat do të dalë në ankand në Christie’s.

Guri i çmuar dikur zotërohej nga Maharajt e Indorit ëdhe është diamanti blu më i rëndësishëm që është nxjerrë ndonjëherë në ankand.


Diamanti u zbulua në minierat legjendare Golconda në Indinë jug-qendrore, e njohur për prodhimin e disa prej diamanteve më të famshëm në botë, duke përfshirë Diamantin Hope.

Ajo që është unike është se guri nuk ka ndryshuar në më shumë se 100 vjet, 23.24 karat dhe nuk ka ndryshuar formë, peshë apo madhësi.

Grui i çmuar ishte një pjesë e trashëgimisë mbretërore të Indisë dhe dikur zotërohej nga Maharajt e Indorit.  Diamantet Golconda janë gurët më të mirë transparentë dhe të rrallë në botë.

Shitja pritet të shënojë një rekord. Vlerësimet shkojnë nga 35 deri në 50 milionë dollarë.

Me 45,52 karat, Diamanti Hope është diamanti më i madh blu që është zbuluar ndonjëherë.

 

Continue Reading

Kuriozitete

Ekspertët sugjerojnë tri lloje ushqimesh që do të na ndihmojnë të jetojmë më gjatë

Published

3 days ago

on

April 15, 2025

By

Një ekspert u ka kërkuar njerëzve që të hanë “të paktën” tre lloje ushqimesh në ditë për të jetuar më gjatë. Këshilla bazohet në dietat e njerëzve që jetojnë në Zonat Blu, zona të botës me nivele më të ulëta të sëmundjeve kronike dhe jetëgjatësi më të gjatë.

Pesë Zonat Blu origjinale të identifikuara nga studiuesit janë Okinawa në Japoni, Sardenja në Itali, Gadishulli Nicoya në Kosta Rika, Ikaria në Greqi dhe Loma Linda në Kaliforni. Dietat në secilën zonë ndryshojnë, ka disa ngjashmëri që ekspertët besojnë se kontribuojnë në jetëgjatësinë e popullatës. Kjo përfshin ngrënien e “ushqimeve të shëndetshme, të pasura me lëndë ushqyese dhe fibra”, të tilla si bimë, bishtajore dhe yndyrna të shëndetshme, duke minimizuar marrjen e sheqerit dhe ushqimet e përpunuara.

Në një fragment nga libri i recetave të Dan Buettner “The Blue Zones Kitchen”, i shpërndarë në faqen e internetit BlueZones.com, ai shpjegon mënyrën se si hanë ata që kanë kohë të gjatë.

“Asnjë nga njëqindvjeçarët e Zonës Blu që kam takuar nuk është përpjekur të jetojë deri në 100,” thotë ai. “Askush nuk ka thënë në moshën 50-vjeçare, “E dini çfarë, unë do të vendos veten në këtë dietë jetëgjatësi dhe do të jetoj edhe 50 vjet të tjera! Ata nuk numërojnë kalori, nuk marrin vitamina, peshojnë gram proteina, madje as lexojnë etiketa. Ata nuk kufizojnë marrjen e ushqimit, të gjithë festojnë me ushqim.”

Ndër udhëzimet është një listë me “ushqime super blu”. Dan rekomandoi të hani “të paktën” tre nga këto në ditë për t’u siguruar që po merrni shumë ushqime ushqyese:

Fasule – të gjitha llojet: fasule të zeza, fasule pinto, fasule garbanzo, bizele syzeza, thjerrëza

Perimet jeshile – spinaqi, lakra jeshile, chard, majat e panxharit, majat e kopër

Patate të ëmbla

Arra – të gjitha llojet: bajame, kikirikë, arra, fara luledielli, arra braziliane, shqeme

Vaji i ullirit – jeshil, ekstra i virgjër është zakonisht më i miri (vini re se vaji i ullirit prishet shpejt, kështu që blini jo më shumë se furnizim për një muaj në të njëjtën kohë)

Tërshëra – Tërshëra irlandeze është më e mira, e gatuar ngadalë ose e prerë në feta

Elbi – në supa, si drithëra e nxehtë ose bluar për bukë

Fruta – të gjitha llojet

Çajra jeshilë ose bimorë

Shafran i Indisë – si erëz ose çaj.

“Rezultatet e marra përfaqësojnë një studim afatgjatë, statistikor dhe shkencërisht të shëndoshë. Ne kishim nevojë për informacion që nuk ishte thjesht anekdotik ose i bazuar në intervista, vizita në kuzhinë ose vakte të përbashkëta me njëqindvjeçarë individualë,” tha Buehner.

Continue Reading

Të kërkuara