Lajmet

​Bloomberg tregon skenarët në të cilët Putin mund të përdorë armët bërthamore

Presidenti rus e ka bërë të qartë se jeta njerëzore për të nuk vlen asgjë, përveç nëse bëhet fjalë për veten e tij, shkruan Bloomberg.

Published

on

Shumë besojnë se një njeri si Vladimir Putin është i aftë për çdo gjë, madje edhe përdorimin e armëve bërthamore. Presidenti rus e ka bërë të qartë se jeta njerëzore për të nuk vlen asgjë, përveç nëse bëhet fjalë për veten e tij, shkruan Bloomberg.

Ka skenarë në të cilët ai mund të dalë me një llogaritje katastrofike që tregon se lëshimi i një ose më shumë bombave bërthamore mund ta mbajë Putinin në pushtet. Kjo ndodh sepse tani bota jonë, në aspektin strategjik, i ngjan më shumë Evropës në vitet e para të paqëndrueshme të Luftës së Ftohtë sesa gjatë periudhës së saj të mëvonshme relativisht të qëndrueshme.

Shkatërrim i Garantuar Reciprokisht – MAD

Pas Luftës së Dytë Botërore, ShBA e dinte se forcat e saja në Evropën Perëndimore ishin inferiore ndaj atyre të Bashkimit Sovjetik dhe ndoshta nuk do t’i bënin ballë sulmit të tij, andaj amerikanët vendosën koka bërthamore më të dobëta në territorin e aleatëve evropianë. Ata donin t’u dërgonin një mesazh rusëve – në rast të një sulmi sovjetik, NATO mund të lëshonte disa prej tyre në fushën e betejës dhe t’i shpëtonte anëtarët e saj nga disfata.

Por ndërsa gara e armëve bërthamore përparonte, Bashkimi Sovjetik u kap me Shtetet e Bashkuara në armatimet strategjike dhe filloi të përdorte bomba bërthamore që mund të lëshoheshin në raketa me rreze të gjatë veprimi nga një vend në tjetrin, duke shkatërruar qytete të tëra.

Sado apokaliptike që mund të tingëllojë, ky ekuilibër i fuqive na ka mbajtur nga lufta bërthamore deri më tani. Ne mund të shohim Perëndimin dhe Lindjen si dy burra në një dhomë, të zhytur në benzinë deri në bel. Secili ka një numër të caktuar ndeshjesh, por asnjëri nuk dëshiron t’i përdorë ato sepse kjo do të thotë që të dy do të marrin flakë. Ky pozicion mori edhe emrin e duhur – MAD (Mutual Assured Destruction).

Putin dhe “vija e tij e kuqe”

Megjithatë, pas dy dekadash të sundimit të Putin-it në Rusi, ka pasur një ndryshim strategjik në situatë. Në një farë mënyre, u kthyem në periudhën menjëherë pas Luftës së Dytë Botërore, me role të përmbysura.

Tani është Rusia ajo që dyshon se është inferiore ndaj NATO-s në luftën konvencionale, andaj Putin e kompenson këtë mangësi me kërcënime me armë bërthamore në rast se pushtimi i Ukrainës nuk shkon sipas planit të tij. Kjo qasje quhet – përshkallëzim në de-përshkallëzim.

Kështu, Rusia, e cila është afërsisht e barabartë me Shtetet e Bashkuara në armët bërthamore strategjike, fitoi një avantazh të madh në taktikë, relativisht të shkurtër. Rusia ka rreth 2000 armë bërthamore taktike, dhe SHBA-ja vetëm rreth 200, gjysma e të cilave janë të stacionuara në Evropë.

Putin ka lënë të kuptohet tashmë disa herë se ai mund të rrëmbejë arsenalin e tij ushtarak nëse NATO kalon “vijën e kuqe”. Dhe duke qenë se ai ngatërron fatin e tij me fatin e vendit të tij, ai tenton të interpretojë çdo poshtërim të mundshëm personal apo ndryshim regjimi në Moskë si një kalim në “zonën e kuqe”.

Le të themi se ukrainasit, të cilët po luftojnë heroikisht kundër pushtuesve rusë çuditërisht të paaftë, i afrohen fitores ose që një raketë hipersonike ruse endet drejt Polonisë, një anëtare e NATO-s ose që Perëndimi i dërgon Ukrainës armë që mund të ndryshojnë drejtimin e luftës – secila prej këtyre kthesave mund ta detyrojë Putin-in përpara një muri dhe të çojë në një përshkallëzim, shkruan Bloomberg.

Bomba e parë mund të përfundojë në pyll

Reagimi i tij i parë me siguri do të jetë shfaqja e dhëmbëve. Ndoshta ai do të hedhë bombën e parë në ndonjë zonë të pyllëzuar të pabanuar ose në det, vetëm për të treguar se është serioz. Bomba tjetër bërthamore mund të shkatërrojë një depo armësh armike, një bazë ushtarake, por jo të gjithë qytetin. Armët taktike bërthamore mundësojnë këtë lloj “loje bërthamore” precize.

Putin do të tregonte kështu vendosmërinë e tij, gatishmërinë e tij për “të shkuar deri në fund”, duke shpresuar se Perëndimi nuk do të hakmerret me të njëjtën masë. SHBA dhe Evropa, pra NATO, duhet të fillojnë të mendojnë tani për një përgjigje të mundshme ndaj bombës së parë të hedhur. A duhet që Perëndimi të lëshojë atëherë një bombë bërthamore me fuqi të ulët për të treguar se është gati të hyjë në ring? Atëherë, cili do të ishte hapi i ardhshëm i Putin-it?

Sapo fillon lëshimi i kokave bërthamore, arma më vdekjeprurëse në historinë njerëzore, pavarësisht nga forca e tyre, rritet rreziku i keqkuptimeve dhe lëvizjeve të gabuara. Një goditje e vogël nga njëra anë mund të duket ende katastrofike për tjetrën. Dhe raketat fluturojnë aq shpejt sa çdo vend ka vetëm disa minuta për t’u përgjigjur. Është shumë e lehtë të tundohesh për të shtypur “butonin e kuq”.

Lajmet

​Përplasje PDK-LVV në KQZ për buxhetin shtesë të zgjedhjeve lokale

Published

on

By

Në mbledhjen e Komisionit Qendror të Zgjedhjeve pati përplasje mes anëtarëve të Partisë Demokratike të Kosovës dhe Lëvizjes Vetëvendosje lidhur me miratimin e buxhetit shtesë për zgjedhjet lokale.

Anëtari i KQZ-së nga Partia Demokratike e Kosovës, Ilir Gashi, tha se mungesa e miratimit të buxhetit nga Qeveria mund të ndikojë negativisht në organizimin e zgjedhjeve.

“E kam një pyetje për ju kryetar, po shkon koha dhe buxheti akoma nuk është i miratuar sa i përket zgjedhjeve nga ana e qeverisë dhe mendoj që ju do të duhej që jeni në komunikim direkt sepse mosmiratimi i shpejtë i buxhetit rrezikon disa operacione zgjedhore, kryesisht operacione të cilat tashmë janë të reja të futura në rregulloret zgjedhore të cilat janë në shërbim të procesit, sidomos sa i përket votimit të diasporës. Mos ndarja e buxhetit me kohë mund të rrezikoj realizmin e këtyre operacioneve”, tha Gashi.

Ndërkaq, anëtari i KQZ-së nga Lëvizja Vetëvendosje, Alban Krasniqi iu kundërpërgjigj Gashit duke thënë se nuk është e vërtetë që qeveria nuk e ka ndarë buxhetin. Sipas tij, çështja qëndron te kërkesat shtesë buxhetore.

“Nuk është e vërtetë që qeveria nuk ka ndarë buxhet. Për të gjitha kërkesat që kemi pasur qeveria i ka ndarë. Buxheti për këto zgjedhjeve është tashmë i ndarë. Çështja është për kërkesat shtesë buxhetore që i kemi pasur. Për kërkesat shtesë buxhetore ne e dimë kur e kemi bërë një kërkesë të tillë, nuk e di nëse i ka një javë apo 10 ditë. Duhet mbajtur institucioni jonë në komunikim për kërkesat shtesë buxhetore, të cilat ne vetë si institucion nuk i kemi planifikuar”, tha Krasniqi.

Pas kësaj, Gashi iu drejtua Krasniqit duke i thënë se “nuk je zëdhënës i qeverisë”.

“Dorën në zemër unë Hekuran Muratit si bëra pyetje këtu. Po e trajtoj si shqetësim në kuadër të këtij institucioni sepse ky buxhet. Ta kryej unë pastaj mund ta marrësh fjalën. Vetëm ta përfundoj. Shqetësimi është real…Nuk je zëdhënës i qeverisë”, tha Gashi.

Në anën tjetër, Krasniqi iu referua Gashit duke i thënë se po e dezinformon publikun.

“Thatë që nuk ka ndarë qeveria buxhet, nuk është e vërtetë. Pranoje dezinformimin që e bëre. Duhet të pranosh se dezinformove publikun. Nuk është e vërtetë çfarë the. Qeveria ka ndarë që vitin e kaluar këtë buxhet. Ne kemi të drejtë ta shpenzojmë…Me mediat të caktuara që i keni dezinformuar opinionin”, tha tutje Krasniqi.

Përveç kësaj, në mbledhjen e KQZ-së u vendim për emërimin e 216 anëtarëve të Komisioneve Komunale të Zgjedhjeve në 38 komunat e Republikës së Kosovës, të cilët përfaqësojnë subjektet e ndryshme politike.

Anëtari i KQZ-së Arianit Elshani, bëri të ditur se për këtë proces të gjithë anëtaret kanë kaluar procedurat ligjore.

“Këshilli për operacione zgjedhore ka shqyrtuar kërkesën për emërimet e anëtarëve të komisioneve komunale të zgjedhjeve që nga nominimet që kanë ardhur nga subjektet politike. Nga 222 vende të përcaktuara sipas formulës të miratuar nga KQZ-ja, 216 vende janë plotësuar nga këto nominime të ardhura nga subjektet politike. Personat të cilët i kanë kaluar të gjithë filtrat ligjor të KQZ-së dhe mekanizmave të jashtëm me të cilët KQZ-ja i dërgon për verifikim”, tha Elshani.

Në mbledhje u potencua se për zgjedhjet lokale të 12 tetorit janë deklaruar dy koalicione, ndërsa pesë parti janë tërhequr nga gara.

“Koalicija Vakat”, i përbërë nga partitë politike Demokratska Stranka Bošnjaka (DSB) dhe Demokratska Stranka Vatan (DSV) dhe Koaliconi “SDU-NASA (NASA SDU)”, i përbërë nga partitë politike Socijaldemokratska Unija dhe Nasa Inicijativa, i formuar vetëm për komunën e Prizrenit.

Ndërsa, partitë politike të cilat nuk do të garojnë në zgjedhjet e 12 tetorit janë Organizata Balli Kombëtar Demokrat, Partia Demokratike e Diasporës, Partia e Drejtësisë, Kosovaki Nevi Romani Partia, Partia Balliste.

Continue Reading

Lajmet

Sërish tërmet në Shqipëri

Published

on

By

Një tjetër tërmet sapo ka goditur Shqiërinë, pas lëkundjeve të mëngjesit.

Tërmeti ishte me magnitudë 3.3 ballë, me epiqendër 11 km në veri-perëndim të Tiranës, teksa thellësia fokale ishte 10 km.

Kujtojmë se mëngjesin e sotëm, Shqipëria u godit nga një tërmet me magnitudë 4.4 e shkallës Rihter, në orën 05:04 minuta. Tërmeti ka pasur epiqendrën e tij pranë Kamzës dhe Krujës me një thellësi prej 5 kilometrash.

Continue Reading

Lajmet

Gjykata vendos masën e sigurimit ndaj vendimit të ZRrE-së

Published

on

By

Për herë të parë në Kosovë, një biznes ka arritur të marrë masën e sigurimit ndaj njoftimit të Zyrës së Rregullatorit për Energji (ZRrE) lidhur me liberalizimin e tregut të energjisë elektrike.

Vendimi është marrë nga Gjykata Komerciale e Kosovës, Departamenti për Çështje Administrative më 19 qershor 2025.

Ankesa në Gjykatë ishte dorëzuar nga avokati Agron Selimaj nga Prishtina.

KosovaPress ka siguruar edhe aktvendimin e Gjykatës, në të cilën thuhet se sipas aktvendimit të datës 19 qershor 2025, Gjykata Komerciale, Departamenti për Çështje Administrative, ka miratuar kërkesën e paditësit, duke aprovuar masën e sigurisë për shtyrjen e ekzekutimit të njoftimit të ZRRE-së të datës 03.06.2025. Ky njoftim ndalonte paditësin të shfrytëzonte furnizimin nga shërbimi universal.

Gjykata, ka vendosur që ekzekutimi i këtij njoftimi të pezullohet deri në marrjen e vendimit përfundimtar gjyqësor.

Përveç këtij rasti, kundërshtime ndaj vendimit të ZRrE-së kanë bërë edhe Dhoma e Tregtisë dhe Industrisë e Kosovës (DhTIK), Oda Ekonomike e Kosovës, si dhe disa biznese të tjera.

Kujtojmë se Zyra e Rregullatorit për Energji kishte njoftuar përmes një komunikate se bordi ka caktuar subjektin juridik KEK – si Furnizues të Mundësisë së Fundit për periudhë gjashtë mujore, nga 31.08.2025 deri më 31.01.2026.

ZRrE ka shtyer afatin për lidhjen e kontratave pas protestave të bizneseve të Kosovës që kundërshtuan liberalizimin e tregut energjetik, transmeton KosovaPress.

Bizneset e Kosovës kishin organizuar protestë kundër vendimit të ZRrE, pasi sipas përfaqësuesve të bizneseve një veprim i tillë do të krijonte një ekonomi të rënduar në Kosovë.

Pjesë e shqyrtimit nga Bordi kanë qenë edhe ankesat e konsumatorëve dhe çështje të tjera që lidhen me funksionimin e Zyrës së Rregullatorit për Energji./kosovapress/

Continue Reading

Lajmet

Presidentja Osmani pret të dërguarin norvegjez për Ballkanin Perëndimor

Published

on

By

Presidentja e Republikës së Kosovës, Vjosa Osmani, zhvilloi sot një takim me të dërguarin e posaçëm të Mbretërisë së Norvegjisë për Ballkanin Perëndimor, z. Eirik Nestås Mathisen.

Në qendër të bisedës ishin zhvillimet e fundit në Kosovë dhe në rajon, marrëdhëniet bilaterale ndërmjet dy vendeve, si dhe roli i mbështetjes norvegjeze në rrugën e Kosovës drejt integrimeve euroatlantike.

Presidentja Osmani shprehu mirënjohje për ndihmën e vazhdueshme të Norvegjisë në procesin e shtetndërtimit të Kosovës, duke theksuar se kjo përkrahje ka qenë dhe mbetet thelbësore për avancimin e vendit drejt strukturave euroatlantike.

Ajo nënvizoi po ashtu rëndësinë që Kosova të anëtarësohet sa më shpejt në Këshillin e Evropës dhe të ecë me hapa të sigurt në rrugën e integrimit.

Gjatë takimit u trajtuan edhe çështje të tjera me interes të përbashkët, ndërsa të dy palët riafirmuan vullnetin për të forcuar më tej partneritetin mes Kosovës dhe Norvegjisë.

Continue Reading

Të kërkuara