Sport

​Berisha: Lewan e ndalim si skuadër, Reja: Broja më i mirë kur inkuadrohet nga banka

Si Reja ashtu edhe Berisha kanë kërkuar që te këtë një përqendrim të madh nga skuadra në këtë takim.

Publikuar

3 vjet më parë

më

Në prag të ndeshjes shumë të rëndësishme për kualifikimet për në Kampionatin Botëror “Katar 2022” kundër Polonisë, e cila zhvillohet të martën me fillim nga ora 20:45 në stadiumin “Air Albania” në Tiranë, trajneri i Shqipërisë Eduardo Reja dhe kapiteni i skuadrës Etrit Berisha kanë folur në një konferencë për media ku e kanë analizuar ndeshjen e nesërme.

Si Reja ashtu edhe Berisha kanë kërkuar që te këtë një përqendrim të madh nga skuadra në këtë takim.

Berisha ka deklaruar se një fitore ndaj Polonisë e dërgon skuadrën në barazh derisa ka shtuar se janë të vetëdijshme që kjo do të ishte një arritje e madhe për kuqezinjtë.

“Jemi të vetëdijshëm për situatën në të cilën jemi tani, mund të them që kjo varet edhe nga ndeshja e nesërme pasi që nëse fitojmë nesër shkojmë në barazh kështu që ende nuk është që kemi bërë diçka dhe me siguri atmosfera është e mirë, gjithë çunat janë të vetëdijshëm me situatën… Me siguri jemi të vetëdijshëm për këtë situatë, që mund të bëjmë një gjë të madhe që nuk është arritur më herët dhe me siguro se çdo lojë që fitohet, rrugëtimi do të jetë edhe më i vështirë…. Ndeshja e nesërme ka një domethënie shumë të madhe për të gjithë çunat dhe shpresojë që ta interpretojmë në mënyrën më të mirë të mundshme”, tha Berisha.

Më tutje Berisha ka thënë se Berat Gjimshti do të jetë një mungesë e madhe për këtë ndeshje, derisa ka shtuar se duhet të punojnë si skuadër për ta ndalur Robert Lewandowskin

“Me siguri është një mungesë e madhe për skuadrën tonë. Dihet që Berati është një ndër lojtarë kyç të kombëtares që disa vite është duke bërë shumë mirë si në kombëtare edhe te ekipi ku luan kështu që është një fatkeqësi që na ka ndodhur në ndeshjen e fundit…Me siguri është në ndër sulmuesit më të mirë që janë në futboll tani për tani kështu që jemi të vetëdijshëm për atë dhe duhet të mundohemi që ta ndalojmë si skuadër dhe nëse mund ta neutralizojmë për ne do të jetë një sukses”, theksoi Berisha.

Duke e vlerësuar lartë lojën që e bënë Polonia, trajneri i kuqezinjve ka kërkuar që skuadra e tij ta ketë kontrollin e lojës ndaj tyre në mënyrë që të merret një rezultat pozitiv

“Sigurisht duhet të kemi iniciativën tonë që të marrësh rezultat sepse përndryshe nëse ne nuk kemi iniciativë që të kontrollojmë lojën është e pamundur të marrësh rezultatin…për mua është shumë e rëndësishme që ekipi jo vetëm të bëjë një lojë të mirë por të mos qëndrojë në mbrojtje , te marrë iniciativën, të sulmojë dhe të tentojë të mbajë gjithmonë kontrollin e lojës”, theksoi Reja

Në fund Reja ka folur edhe për sulmuesin në top formë Armando Broja për të cilin ka thënë se ende nuk ka vendosur nëse do të luajë nga fillimi.

“Akoma nuk e kam vendosur. Nuk është ndonjë çudi apo nuk është ndonjë ndryshim shumë i madh nëse Broja do të luajë nga fillimi por duhet të keni parasysh që unë e kamë aktivizuar Brojën në ndeshjet e kaluara, e kemi parë si titullarë dhe rendimenti i tij nuk ka qenë njësoj siç ka qenë kur ai futet në fushë gjatë lojës”, ka thënë Reja.

Në grupin I Anglia kryeson me 19 pikë, Shqipëria e dyta me 15 kurse Polonia në vendin e tretë me 14 pikë.

Etiketa
Vazhdo të lexosh

Sport

​Ylli italian e humb Kampionatin Evropianin Euro 2024

Publikuar

3 ditë më parë

më

26 Prill, 2024

nga

Trajneri i Tottenhamit, Ange Postecoglou e ka konfirmuar se mbrojtësi i krahut, Destiny Udogie do të mungojë në Kampionatin Evropian Euro 2024.

Javën e kaluar u bë e ditur se Udogie nuk do të mund ta ndihmojë Kombëtaren e Italisë në Euro 2024 si pasojë e lëndimit, ndërsa ky lajm u konfirmua sot.

Postecoglou e konfirmoi se Udogie do të mungojë në Euro 2024, dhe plani i Tottenhamit për të është që ai të rikthehet në stërvitje në muajin korrik.

Vazhdo të lexosh

Sport

​Ky është presidenti i ri i Federatës Spanjolle të Futbollit

Publikuar

3 ditë më parë

më

26 Prill, 2024

nga

Federata Spanjolle e Futbollit emëroi sot Pedro Rocha-n si president të saj, pasi ish-shefi i turpëruar Luis Rubiales dha dorëheqjen shtatorin e kaluar.

Rocha, aktualisht nën hetim si pjesë e një rasti korrupsioni që përfshin federatën, kishte përmbushur rolin në një bazë të përkohshme dhe u la si kandidati i vetëm për zgjedhjet që do të mbaheshin në muajin maj.

Këtë javë Qeveria e Spanjës vendosi të mbikëqyr organizatën e goditur nga skandali në përgjigje të krizës së federatës.

“Pedro Rocha është shpallur sot presidenti i ri i Federatës Mbretërore të Futbollit Spanjoll (RFEF), pasi ka marrë mbështetjen e shumicës së anëtarëve të asamblesë së këtij institucioni që drejton futbollin spanjoll. Kjo është rënë dakord nga komisioni zgjedhor, i cili është mbledhur mëngjesin e sotëm”, thuhet në njoftimin e federatës.

Kur Këshilli Kombëtar i Sporteve (CSD) i qeverisë spanjolle u mblodh të enjten, duke vendosur të krijojë një komitet për të mbikëqyrur federatën, ata nuk e pezulluan Rocha, gjë që lejoi RFEF të emëronte 69-vjeçarin si shef.

Gjykata kryesore sportive e Spanjës kishte lëshuar një raport duke thënë se RFEF, e udhëhequr nga Rocha në një bazë të përkohshme pasi Rubiales dha dorëheqjen, kishte marrë vendime përtej kompetencave të saj në atë periudhë.

Ishte raporti i gjykatës sportive që çoi në vendimin e CSD të së enjtes për të mbikëqyrur federatën. Organet drejtuese të futbollit botëror dhe evropian, FIFA dhe UEFA lëshuan një deklaratë të enjten duke shprehur “shqetësim të madh” për situatën rreth RFEF.

“FIFA dhe UEFA do të kërkojnë informacion shtesë për të vlerësuar shkallën në të cilën emërimi (i komitetit) nga CSD… mund të ndikojë në detyrimin e RFEF për të menaxhuar punët e saj në mënyrë të pavarur dhe pa ndërhyrje të panevojshme të qeverisë”, thanë ata.

Spanja do të jetë nikoqire e Kupës së Botës 2030 së bashku me Portugalinë dhe Marokun.

Ish-presidenti i RFEF-it, Rubiales përfundimisht u largua nga posti i tij vitin e kaluar pasi puthja e tij me forcë në buzët e fitueses së Kupës së Botës për femra, Jenni Hermoso, shkaktoi zemërim në mbarë botën.

Rubiales dhe ish-zëvendëspresidenti i tij Rocha po hetohen të dy në hetimin e korrupsionit.

Vazhdo të lexosh

Sport

​Peticioni arrin mbi 10 mijë nënshkrime, tifozët e Bayernit i kërkojnë klubit ta mbajë Tuchelin

Një peticion i titulluar “Ne duam Juppel (Tuchel) dhe jo (Ralf) Rangnick!” ka më shumë se 10 mijë nënshkrime, peticion ky që filloi të martën.

Publikuar

3 ditë më parë

më

26 Prill, 2024

nga

“The Telegraph” bën të ditur se tifozët e Bayern Munichut i kanë kërkuar klubit që të mbajë Thomas Tuchel si trajner të tyre për sezonin e ardhshëm, duke thënë se kandidatët e tjerë nuk i afrohen 50-vjeçarit.

Një peticion i titulluar “Ne duam Juppel (Tuchel) dhe jo (Ralf) Rangnick!” ka më shumë se 10 mijë nënshkrime, peticion ky që filloi të martën.

Trajneri i Austrisë, Ralf Rangnick e konfirmoi në fillim të kësaj jave se ishte në bisedime me Bayernin për zëvendësimin e Tuchel. Trajneri fitues i titullit të Bayer Leverkusen, Xabi Alonso, kishte qenë më parë favorit për të marrë drejtimin përpara se të njoftonte muajin e kaluar se do të mbetet me klubin e tij aktual sezonin e ardhshëm dhe trajneri i Gjermanisë, Julian Nagelsmann refuzoi mundësinë për t’u kthyer në Bayern dhe zgjodhi të vazhdojë me kombëtaren javën e kaluar.

Bayerni njoftoi se Tuchel do të largohej nga klubi në fund të sezonit në shkurt, pas diskutimit konstruktiv midis shefit ekzekutiv të klubit Jan-Christian Dreesen dhe Tuchel.

“Pavarësisht mbulimit negativ të medias që e rrethon atë dhe situatës së personelit me ekipin e Munihut të dëmtuar nga lëndimet, fituesi i Ligës së Kampionëve e çoi ekipin e tij në gjysmëfinale të Ligës së Kampionëve”, thuhet në peticion.

“Me gjithë respektin e duhur për kandidatët si (trajneri i Aston Villas, Unai Emery apo Rangnick), këta trajnerë nuk mund t’i afrohen ‘Juppel’ (Tuchel). Duke marrë parasysh që ‘Finale Dahoam’ (finalja e Ligës së Kampionëve në Allianz Arena) do të zhvillohet sezonin e ardhshëm, Bayern Munich në fakt duhet të jetë i lumtur që ka një trajner kaq të jashtëzakonshëm të Ligës së Kampionëve si TT (Tuchel)”, shkruhej më tej në peticion.

Vazhdo të lexosh

Sport

​Akil Gjakova e nis me fitore Evropianin e xhudos në Zagreb

Në kuadër të kategorisë deri në 73 kilogramë, Gjakova në raundin e parë e mposhti xhudistin slloven, Martin Hojak.

Publikuar

3 ditë më parë

më

26 Prill, 2024

nga

Xhudisti Akil Gjakova e ka nisur me fitore Kampionatin Evropian të xhudos për Senior, që po mbahet në Zagreb të Kroacisë.

Në kuadër të kategorisë deri në 73 kilogramë, Gjakova në raundin e parë e mposhti xhudistin slloven, Martin Hojak.

Tani në raundin e dytë Akili do të përballet me xhudistin nga Bullgaria, Mark Hristov.

Vazhdo të lexosh

Të kërkuara