Lajmet

​BE: Irani të ndalojë shqiptimin dhe ekzekutimin e dënimeve me vdekje

BE-ja i bën thirrje Iranit të ndjekë një politikë të qëndrueshme drejt heqjes së dënimit me vdekje.

Published

3 years ago

on

Bashkimi Evropian u bëri thirrje sot autoriteteve të Iranit që të ndalojnë menjëherë shqiptimin dhe ekzekutimin e dënimeve me vdekje ndaj protestuesve, si dhe të anulojnë menjëherë dënimet e fundit me vdekje që janë shqiptuar tashmë në kuadër të protestave në vazhdim dhe të sigurojnë një gjykim i drejtë për të gjithë të paraburgosurit.

Në një deklaratë, BE-ja i bën thirrje Iranit të ndjekë një politikë të qëndrueshme drejt heqjes së dënimit me vdekje.

Ministrat e Jashtëm të BE-së sot mbështetën aspiratën e popullit iranian “për një të ardhme në të cilën të drejtat e tij universale të njeriut dhe liritë themelore të respektohen, mbrohen dhe përmbushen”.

Në këtë kontekst, BE-ja “njeh rolin udhëheqës të grave dhe të rinjve në thirrjen për mbrojtjen e këtyre normave dhe vlerave” dhe dënon fuqishëm “përdorimin e përhapur, brutal dhe joproporcional të forcës nga autoritetet iraniane kundër protestuesve paqësorë, duke përfshirë gratë dhe fëmijë, e cila ka çuar në humbjen e qindra jetëve, që është një shkelje e qartë e parimeve bazë që përmban të drejtën ndërkombëtare”.

BE i bën thirrje Iranit të sigurojë të drejtën për tubim paqësor dhe dënon kufizimet në komunikim, duke përfshirë mbylljen e internetit, dhe i bën thirrje Iranit të sigurojë të drejtën e lirisë së shprehjes.

Takimi i ministrave të BE-së i dërgoi një apel Iranit që të ndalojë “arrestimet arbitrare si një mjet për të heshtur zërat kritikë dhe të lirojë të gjithë ata që janë arrestuar padrejtësisht në lidhje me ushtrimin e të drejtës për tubim paqësor dhe lirinë e shprehjes, duke përfshirë edhe protestuesit e arrestuar së fundmi, si fëmijë, gazetarë dhe mbrojtës të të drejtave të njeriut”.

BE-ja gjithashtu dënon fuqishëm “përdorimin e gjerë të torturës, trajtimin mizor, çnjerëzor dhe degradues të të burgosurve në burgjet iraniane”.

BE i kujton Iranit detyrimet e tij ndërkombëtare sipas Konventave të Vjenës për Marrëdhëniet Diplomatike dhe Konsullore dhe refuzon “praktikën e Iranit të ndalimit arbitrar të shtetasve të huaj, duke përfshirë personat me shtetësi të dyfishtë”, dhe i bën thirrje Iranit t’i japë fund praktikës shqetësuese të “ndalimit të të huajve të pafajshëm”.

Në një deklaratë, BE-ja dënon dhe e konsideron të papranueshme çdo formë të mbështetjes ushtarake iraniane, përfshirë dërgimin e dronëve në Rusi.

BE përsërit gjithashtu vendosmërinë e saj të qartë se Irani nuk duhet të zhvillojë ose të fitojë kurrë armë bërthamore dhe rikujton detyrimet ndërkombëtare të Iranit.

Related Topics:
Continue Reading

Lajmet

Zjarret në Gramsh, shpëtohet kurora e gjelbër e zonës së mbrojtur në Liqenin e Dushkut

Published

4 minutes ago

on

August 14, 2025

By

Shpëtohet kurora e gjelbër e zonës së mbrojtur në Liqenin e Dushkut në Gramsh.

Zjarri në këtë pjesë është fikur falë angazhimit maksimal edhe të punonjësve të Administratës së Zonave të Mbrojtura. Aktualisht vatër aktive më e madhe është ajo në malin e Komjanit.

Qarku Elbasan është një ndër më të prekurit nga zjarret në vendin tonë.

Sot që në orët e para të mëngjesit ka vijuar puna për shuarjen e zjarrit të rënë në fshatin Kullollas, njësia administrative Skënderbegas, bashkia Gramsh, në një zonë pyjore.

Në terren u angazhuan: 30 forca zjarrfikëse me 11 automjete të MZSH-ve Gramsh, Elbasan, Cërrik dhe Librazhd; 60 forca bashkiake; 80 forca vullnetare dhe 70 efektivë të FA me 2 mjete zjarrfikëse. Në operacionet ajrore morën pjesë 2 helikopterë (çek dhe sllovak).

Operacioni vazhdon me angazhimin e forcave vendore. Ka vijuar puna për shuarjen e zjarrit të rënë në fshatin Kodovjat, afër fshatit Posnovisht, njësia administrative Kodovjat, bashkia Gramsh. Pas punës së forcave në terren u arrit të izolohet zjarri dhe gjatë natës është mbajtur në monitorim.

Vijon të jetë i pranishëm zjarri i rënë në fshatin Mukaj dhe fshatin Sojnik, njësia administrative Kukur, bashkia Gramsh, në sipërfaqe me shkurre dhe ferra. Deri më tani banesat nuk kanë qenë të rrezikuara.

Continue Reading

Lajmet

Mentor Hyseni emërohet Drejtor i ri i ATK-së

Published

5 minutes ago

on

August 14, 2025

By

Në një ceremoni zyrtare të mbajtur sot në Administratën Tatimore të Kosovës, u bë pranim–dorëzimi i detyrës së Drejtorit të Përgjithshëm.

Pas përfundimit të mandatit, Ilir Murtezaj ia dorëzoi detyrën Mentor Hysenit, i cili u përzgjodh pas një procedure të rregullt rekrutimi.

Ministri i Financave, Hekuran Murati, falënderoi Murtezajn për kontributin dhe uroi Hysenin për detyrën e re, duke i ofruar mbështetjen e ministrisë.

Drejtori i ri, Hyseni, u zotua për profesionalizëm, transparencë dhe përmirësim të shërbimeve ndaj tatimpaguesve.

Continue Reading

Lajmet

Një muaj paraburgim për të dyshuarin për krime lufte në Burim, Ramadan Morina

Published

1 hour ago

on

August 14, 2025

By

Gjykata Themelore në Prishtinë ka caktuar masën e paraburgimit prej një muaji ndaj Ramadan Morinës, i cili dyshohet për krime lufte gjatë luftës së fundit në Kosovë.

Sipas zëdhënëses së gjykatës, Mirlinda Gashi, Morina akuzohet se në periudhën 29–31 mars 1999, në bashkëkryerje me forcat policore dhe ushtarake serbe, ka marrë pjesë në masakrën e 34 civilëve shqiptarë në fshatin Burim, Komuna e Malishevës.

Continue Reading

Lajmet

Haradinaj takon deputetin gjerman Peter Beyer: Mirënjohës për mbështetjen e tij të vazhdueshme për Kosovën

Published

2 hours ago

on

August 14, 2025

By

Kryetari i AAK-së, Ramush Haradinaj është takuar me deputetin e Bundestagut gjerman, Peter Beyer.

I pari i kësaj partie është shprehur mirënjohës për mbështetjen e Beyer ndaj Kosovës.

‘‘Kënaqësi të takoj dhe të bisedoj me mikun e madh të shqiptarëve, deputetin e Bundestagut gjerman, Peter Beyer. Mirënjohës për mbështetjen e tij të vazhdueshme për Kosovën!’’, ka shkruar ai.

Continue Reading

Të kërkuara