Lajmet

​Bashkëpunimi me Iowa, Mehaj: Kosova ofron mundësi për investime edhe në industrinë e mbrojtjes

Kryetari i Pejës, Gazmend Muhaxheri ka thënë se binjakëzimi i Pejës me qytetin Johnston, është bërë tash e nëntë vjet.

Published

3 years ago

on

Në konferencën me temë “Bashkëpunimi ndërkomunal mes Republikës së Kosovës dhe Iowa-s”, zëvendëskryeministrja Emilija Rexhepi ka inkurajuar komunat e vendit tonë që të bashkërendojnë prioritetet me qytetet e Iowa-s edhe në fushën e ekonomisë për një zhvillim më të qëndrueshëm ekonomik.

Derisa ministri Mbrojtjes, Armend Muja në këtë konferencë ka thënë se Kosova ofron mundësi të shumta për investime edhe në industrinë e mbrojtjes.

Zëvendëskryeministrja, Rexhepi theksoi se përveç përkrahjes profesionale nga Iowa për ushtrinë e dhe Policinë e Kosovës, vendi ynë ka nevojë për mbështetje edhe në aspektin ekonomik.

“Komunat tona duhet të punojnë më shumë në qëndrimin ekonomik dhe kemi çka t’iu tregojmë edhe juve, kështu që bashkëpunimi në aspektin ekonomik të jetë I bashkërenditur me ju së bashku. Ajo çka është me rëndësi për ne dhe për ju nga Amerika, se populli amerikan është numër një për ne këtu në Kosovë, është popull mik I yni, dëshirojë që kjo miqësi të jetë në bashkëpunim më të mirë ndërmjet Qytetarëve të Iowa-s, Amerikës dhe qytetarëve të Kosovës. Përveç përkrahjes profesionale që i jepni ushtrisë tonë, policisë tonë për zhvillimin e detyrave të tyre, keni shumë çka të na tregoni dhe ne mësojnë nga aspekti ekonomik nga ju. Kryetarët e komunave tona duhet të bashkëpunojnë me ju dhe në këtë drejtim e keni përkrahjen e Qeverisë së Kosovës”, theksoi ajo.

Ministri i Mbrojtjes, Armend Mehaj ka thënë se pozita gjeografike të Kosovës edhe në raport me NATO-n ofron mundësi për investime, veçanërisht në industrinë e mbrojtjes, sepse siç theksoi ai duhet të ndërtohet edhe ky sektor.

“Urat që I keni ndërtuar ju, jo vetëm në Forcat e Armatosura të Kosovës, por edhe në komunitete, dhe tani edhe me kryetarë të komunave, kjo po e fuqizon edhe më shumë partneritetin për siguri dhe ekonomi. Duke marrë parasysh pozitën gjeografike të Kosovës edhe në raport me NATO-n, ofron mundësi për investime, veçanërisht në industrinë e mbrojtjes, sepse duhet ta ndërtojmë edhe këtë. Pra, rritja e investimeve të huaja direkte, ka të bëjë jo vetëm me sigurinë, por edhe në zhvillimin e ekonomisë”, theksoi Mehaj.

Ndërsa, major-gjenerali në pension i ushtrisë amerikane, Tim Orr theksoi se ndërtimi i raporteve dhe marrëdhënieve mes Kosovës dhe Iowa-s ka nis vite më parë dhe kjo është një diplomaci qytetare.

“Tema e sotme “Ndërtimi i raporteve dhe marrëdhënieve”, për këtë kemi qenë të suksesshëm për shumë vite, por kjo ka të bëjë për hapin tjetër ku duhet të lëvizim, dhe këtë ne e quajmë diplomaci qytetare”, theksoi ai.

Ndërsa, ministrja e Industrisë, Ndërmarrësisë dhe Tregtisë, Rozeta Hajdari ka folur për trendët e rritjes ekonomike në qeverinë Kurti dhe premtoi më shumë siguri për investime të huaja, të cilat do të kenë ndikim në rritjen e punësimit në Kosovë.

“Për të siguruar qëndrueshmërinë e investimeve, kemi filluar me rishikimin e Ligjit për investime strategjike, për Investimet e Huaja Direkte, për Zonat ekonomike, për turizëm. Kosova ka qenë vendi me performancë më të lartë në indeksin e krimit të organizuar në Botë, ndërsa tani për 17 vende jemi rritur në aspektin e luftimit krimit të organizuar”, theksoi ajo

Kryetari i Pejës, Gazmend Muhaxheri ka thënë se binjakëzimi i Pejës me qytetin Johnston, është bërë tash e nëntë vjet dhe është një shembull pozitiv i bashkëpunimit. Ai shpreson se ky bashkëpunim do të vazhdojë edhe më tej dhe do të jetë një shembull i mirë i bashkëpunimit.

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

10 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

11 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

11 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

11 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara