Sport

​Allegri mund të rikthehet tek Juventusi, por ka disa kushte

Published

on

Massimiliano Allegri është duke u lidhur me një rikthim të mundshëm tek Juventusi, pasi ky i fundit nuk është duke pasur rezultate pozitive nën urdhrat e Andrea Pirlos.

Ish-trajneri Allegri gjatë kohës sa ishte në krye të “Zonjës së Vjetër”, ishte trajneri më i suksesshëm i tyre në 10 vjetët e fundit, ndërsa në vitin 2019 befasisht u lirua nga detyra, raporton “Calciomercato”.

Që nga shkarkimi i tij, Juventusi ka emëruar dy trajnerë deri tani, por asnjëri nuk arriti që të ketë sukses siç ka pasur Allegri.

Ai ka fituar pesë herë titullin e ligës, dhe e kishte prekur dy herë finalen e Ligës së Kampionëve. Zëvendësimi i tij Maurizio Sarri gjithashtu arriti që ta fitonte titullin e Serie A, por dështoi në Kupën e Italisë dhe në Ligën e Kampionëve.

Tani nën urdhrat e Andrea Pirlos, mossuksesi i Juventusit ka vazhduar, ku këtë sezon është në rrezik që të mbesë jashtë Top 4.

Raportohet se Allegri mund të rikthehet te “Zonja e Vjetër” si trajner këtë verë, por vetëm nëse i plotësohen disa kushte.

Fillimisht, duhet të shitet Cristiano Ronaldo ose alternativë tjetër është që klubi mos të influencohet vetëm nga ai, por të fokusohet më shumë në Paulo Dybalan. Më pas, gjiganti italian duhet të transferojë Manuel Locatellin, dhe të shesë dy mesfushorët Adrien Rabiot dhe Aaron Ramsey.

Kërkesa e fundit e Allegrit thuhet se është që Alvaro Morata të qëndrojë me klubin dhe të rikthejnë sulmuesin Moise Kean.

Sport

Futbollisti francez dënohet me 90 mijë euro për dhunë psikologjike ndaj bashkëshortes

Published

on

Ish-reprezentuesi i Francës, Wissam Ben Yedder, u shpall të mërkurën fajtor për dhunë psikologjike ndaj bashkëshortes së tij të ndarë dhe u urdhërua të paguajë një gjobë prej 90,000 €.

Avokatja e tij, Marie Roumiantseva, tha se 35-vjeçari nuk ishte i pranishëm në shpalljen e aktgjykimit dhe se do të apelojë vendimin.

Kjo është dënimi i dytë për Ben Yedder brenda më pak se një viti. Në nëntor, mori dënim me dy vjet burg me kusht për sulm seksual ndaj një gruaje, të kryer dy muaj më parë. Më 2023, një gjykatë spanjolle e dënoi me gjashtë muaj burg me kusht për evazion fiskal gjatë periudhës 2016–2019 te Sevilla.

Ai është nën hetim,  me vëllain e tij Sabri, për përdhunimin e dy grave më 2023, akuza të cilat të dy i mohojnë. Për çështjen e dhunës psikologjike, prokuroria franceze kishte kërkuar një dënim me tetë muaj burg me kusht dhe një gjobë prej 10,000 €.

Në vend të kësaj, gjykata e dënoi me gjobë 90,000 € dhe urdhëroi të paguajë 60,000 € të tjera – gjysmën si kompensim për bashkëshorten dhe gjysmën për shpenzime gjyqësore. Çifti është në proces divorci.

Ben Yedder, ish-kapiten i Monacos në Ligue 1, renditet i dyti në listën e golashënuesve më të mirë në historinë e klubit.

Ai është pa klub që nga një periudhë e shkurtër këtë vit te Sepahan në Iran.

Continue Reading

Lajmet

​Superkupa e Kosovës në hendboll zhvillohet në Ferizaj

Published

on

Superkupa e Kosovës në hendboll do të zhvillohet më datë 13 shtator në palestrën “Bill Clinton” në Ferizaj.

Organizimin e kësaj ngjarjeje e ka marrë përsipër Klubi i Hendbollit Kastrioti, pas marrëveshjes së nënshkruar mes presidentit të Federatës së Hendbollit të Kosovës, Edin Kolgeci, dhe kryetarit të KH Kastrioti, Fisnik Jashari.

Programi i garave nis nga ora 17:30 me përballjen e hendbollisteve mes Istogut dhe Ferizajt. Më pas, nga ora 20:00, do të zhvillohet ndeshja e meshkujve mes Rahovecit dhe Kastriotit.

Priten duele interesante, numër i madh shikuesish dhe një atmosferë festive sportive në Ferizaj.

/S.K/KP/

Continue Reading

Lajmet

​Caktohet gjyqtari i ndeshjes Zvicër-Kosovë

Published

on

UEFA ka zyrtarizuar emrat e arbitrave që do të drejtojnë përballjen mes Zvicrës dhe Kosovës, e vlefshme për kualifikueset e Botërorit 2026.

Në krye të gjyqtarëve do të jetë polaku i njohur, Szymon Marciniak, një nga më të respektuarit në futbollin botëror.

Ai do të ndihmohet nga bashkëkombësit e tij Tomasz Listkiewicz dhe Adam Kupski, ndërsa detyrën e gjyqtarit të katërt do ta mbajë Pawel Raczkowski. Për sistemin VAR është caktuar Tomasz Kwiatkowski.

Marciniak ka një CV të pasur, pasi ka gjykuar finalen e Kupës së Botës në Katar dhe finalen e Ligës së Kampionëve, çka e bën një figurë me autoritet të plotë për ndeshje të kësaj peshe.

Takimi mes Zvicrës dhe Kosovës do të zhvillohet të premten, në ora 20:45, në qytetin Basel.

/S.K/KP/The Athletic/

Continue Reading

Lajmet

Pep Guardiola përballë sfidës më të vështirë në Man City

Published

on

Brenda Manchester Cityt kishte filluar të lëkundej pushteti që sezonin e kaluar pas dy humbjeve në tri ndeshjet e para të këtij edicioni, por çarjet janë thelluar edhe më shumë.

Ajo që dikur ishte makina më dominuese e Premierligës, papritmas duket e cenueshme madje edhe pas lëvizjeve të fundit në tregun e transferimeve.

Ardhja në ditën e fundit të afatit e Gianluigi Donnarummës, i cili nënshkroi për të zëvendësuar Edersonin pas kalimit të tij te Fenerbahçe, konsideroht një shtresë e ndryshimeve. Donnarumma është portier i nivelit botëror, por jo i tipit që zakonisht lidhet me Guardiolën.

Përveç Edersonit, gjatë verës janë larguar edhe emra si Kevin De Bruyne, Kyle Walker, Jack Grealish, James McAtee, Ilkay Gundogan dhe Manuel Akanji. Pa shumë zhurmë, një nga skuadrat më të mëdha që ka parë ndonjëherë Premier League është shpërbërë.

Mesfushori dirigjent dhe fituesi i Topit të Artë 2024 ka edhe dy vite kontratë, por ende nuk e ka rinovuar. Interesimi i hershëm i Real Madridit mbetet i gjallë, dhe ndjesia është se, nëse City nuk arrin ta rivendosë veten në majë, spanjolli mund të joshet për t’u rikthyer në qytetin e tij.

Brenda Etihad-it pranojnë se ekziston shqetësim. Rodri është i pazëvendësueshëm, zemra e sistemit të Guardiolës dhe rrjeti i sigurisë që u lejon yjeve të sulmit të shkëlqejnë. Humbja e tij do të ishte më shumë se një largim tjetër i profilit të lartë.

City ka kaluar tranzicione edhe më parë, por Pep Guardiola tani gjendet përballë sfidës së tij më të vështirë në Angli.

Ai ka rindërtuar skuadra, por jo nga një pozitë kaq e brishtë. Ky grup duket më pak i sigurt, më pak i paprekshëm.

Dhe nëse Rodri fillon të dyshojë në drejtimin e klubit, përballja me një tjetër lamtumirë të dhimbshme bëhet e pashmangshme. Burimet thonë se ai me të vërtetë po e peshojnë të ardhmen e tij.

Për City-n, çështja nuk është vetëm ndjekja e një titulli tjetër, por dëshmia ndaj vetë lojtarëve se ende i përkasin majës absolute.

/S.K/EO/

Continue Reading

Të kërkuara