Lajmet

​AGK shënon Ditën Botërore të Lirisë së Shtypit nën moton “Mediat nuk janë armiku”

Aty u adresuan problemet me të cilat ballafaqohen gazetarët sot.

Published

3 years ago

on

Në kuadër të 3 majit, Dites Botërore të Lirise së Shtypit, Agjencioni i Pavarur i Gazetarëve të Kosovës (AGK) ka mbajtur tryeze diskutimi nën moton “Mediat nuk janë armiku”. Aty u adresuan problemet me të cilat ballafaqohen gazetarët sot.

Ambasadori i OSBE-së në Kosovë, Michael Davenport, përmes një videomesazhi tha se ani pse Kosova vazhdon të shënojë rezultate të larta në rajon sa i përket pluralizmit të mediave, rastet e kërcënimeve dhe sulmeve në drejtim të gazetarëve vazhdojnë të jenë prezente. Ai ka theksuar që deklaratat nga individët privatë dhe publikë të dizajnuara për të ndikuar te gazetarët që të mos publikojnë informacion janë në kundërshtim me vlerat e OSBE-së.

“Deklaratat nga individët privatë dhe publikë të dizajnuara për të ndikuar te gazetarët që të mos publikojnë informacion janë në kundërshtim me vlerat e OSBE-së si dhe parimet e saj. Siç është theksuar në vitin 2018, vendimi nga Këshilli ministror i OSBE-së për sa i përket sigurisë dhe luftimit të keqtrajtimit apo shqetësimit të gazetarëve… Në këtë rajon Reportërët pa Kufij kanë vazhduar të ngritin shqetësimet për profesionistët mediatikë që kanë qenë cak i sulmeve fizike dhe verbale. Sulmet kibernetike, shqetësimet dhe fushatat tjera, Kosova vazhdon që të rangohet relativisht lartë në rajon për sa i përket pluralizmit të mediave duke ofruar hapësirë dhe mendim kritik. Por Kosova nuk është e lirë nga këto fenomene, ende kemi raste të kërcënimeve të sulmeve ndaj gazetarëve, duke përfshirë këtu 11 incidente që nga fillimi i vitit 2022”, theksoi Davenport.

Drejtoresha e AGK-së dhe autorja e raportit, Getoarbë Mulliqi Bojaj ka thënë që viti 2021 nuk ka qenë një vit i lehtë në të gjitha sferat. Ajo tha se mediat janë një nga sektorët më te goditur nga pandemia globale e shkaktuar nga COVID-19 si dhe nga ndryshimet politike që kanë ndodhur gjatë vitit 2021 në Kosovë.

Sipas saj, vitin e kaluar nuk është se ka pasur ndonjë lëvizje në kuadër të kornizës ligjore, por ka pasur një tendencë shumë të madhe të sulmeve dhe kërcënimeve ndaj gazetarëve.

“Në vitin 2018 ne kemi pas 17 raste të sulmeve, në vitin 2019 janë raportuar 21 raste, ndërsa gjatë vitit 2020 janë regjistruar 24 raste dhe në vitin 2021, ky numër i sulmeve, kërcënimeve dhe ngacmimeve ndaj gazetarëve është rritur në 29… Për më tepër 23 nga 29 raste të regjistruara në AGK që kanë ndodhur në vitin 2021 janë raportuar në Polici, dy prej të cilave janë ende në hetim, ndërsa dy raste të tjera të cilat AGK nuk është njoftuar që gazetarët kanë zgjedhur të mbesin anonim, personat janë marrë në mbajtje për 48 orë. Fatkeqësisht trendi i kërcënimeve verbale të gjuhës denigruese nga zyrtarët publikë dhe politikanët përmes mediave sociale është rritur, është shqetësuese duke pas parasysh faktin që personat përgjegjës që duhet të respektojnë dhe promovojnë lirinë e mediave dhe sigurinë e gazetarëve janë pikërisht ata të cilët po e shkelin atë”, tha ajo.

AGK vlerëson se sulmet dhe ngacmimet e gazetarëve janë në rritje dhe nga kjo institucionet e vendit duhet të krijojnë një ambient më të mirë dhe të sigurt të të bërit gazetari.

Drejtori Ekzekutiv i Këshillit të Mediave të Shkruara të Kosovës, Imer Mushkolaj ka thënë që ka mungesë të kodeve të brendshme, ndërsa ka thënë që shqetësuese mbetet jotransparenca pasi që gazetarët e kanë të pamundur të kenë qasje në dokumente.

“Ne kemi mungesë të kodeve të brendshme, të paktën jo në formë të shkruar të mediave të shkruara, respektivisht online. Por kjo nuk nënkupton se mungon kodi i etikës. Kodi i etikës ekziston, respektohet në masë të madhe por ka edhe problemet e veta të cilat evidentohen, sidomos në ankesat të cilat vinë në Këshillin e mediave të shkruara, shqyrtohet dhe pastaj merret vendimi për to. Në kohën e fundit ka shtim të ankesave të cilat vijnë dhe kjo është një tregues i rritjes së ndërgjegjësimit edhe nga institucionet në këtë rast por edhe nga qytetarët në mënyrë që ata të sjellin ankesa dhe të kërkojnë të drejtën e tyre. Por shqetësuese mbetet ana tjetër, besoj që jo transparenca është jashtëzakonisht e theksuar, sidomos në vitin e fundit. D.m.th. ne kemi aq jo transparencë, sa që gazetarët në masë të madhe e kanë të pamundur të kenë qasjen në informacion dhe në dokumente publike, dhe kjo domosdoshmërisht që ndikon edhe në mënyrën e raportimit”, tha ai.

Ndërsa ai ka shtuar që shqetësimi shtohet kur përfaqësuesit e institucioneve nuk ndjekin rrugët e duhura në kuptimin e respektimit të legjislacionit.

Kujtojmë që Kosova është renditur në vendin e 61 në botë sa i përket lirisë së shtypit dhe qëndron më mirë krahasuar me disa vende të rajonit, dhe me vitet paraprake.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

1 day ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

1 day ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

1 day ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara