Sport

​Ademi porosit futbollistët: Prioritet ta keni Kosovën

Ai shfaqi besimin e tij duke thënë që me kualitetin që kanë ata, duhet të synojnë vendin e parë në grup.

Published

on

Në prag të fillimit të fushatës kualifikuese për Euro 2024, presidenti i FFK-së, Agim Ademi ka vizituar futbollistët e Kombëtares së Kosovës që në ditën e tyre të parë të grumbullimit për t’u dhënë mbështetjen e tij dhe të të gjithë federatës, në rrugëtimin drejt kualifikimit në Euro 2024.

Në fjalimin e mbajtur para futbollistëve, Ademi shfaqi besimin në këtë grup të lojtarëve duke thënë që me kualitetin që kanë ata, duhet të synojnë vendin e parë në grup.

“Po thuajse të gjithë ju, tashmë jeni në situata shumë stabile në klubet tuaja, keni kontrata të favorshme, shumica prej jush keni minuta të konsiderueshëm ne ekipet që po luani, prandaj kërkoj nga ju që gjatë vitit 2023, prioritetin ta keni te Kosova dhe që së bashku ta jetësojmë ëndrrën që e kemi që shumë kohë, e që është kualifikimi në Kampionatin Evropian”, ka thënë Ademi.

Ai tutje u ka thënë atyre se tashmë kanë përvojën dhe kualitete e duhura për ta realizuar ëndrrën e madhe të të gjithë Kosovës.

“Ju tashmë keni edhe përvojën sepse jeni në një moshë të pjekur dhe keni rastin ideal për të arritur këtë qëllim që do të sillte lumturi e krenari të pakrahasueshme tek gjithë populli ynë. Keni kualitet, keni përvojë, keni nivel, ajo çfarë duhet të bëni është të angazhoheni maksimalisht, të mbështeteni në forcën e grupit, të tejkaloni interesat e ngushta personale dhe të fokusoheni tek suksesi ynë i përbashkët”, ka theksuar ai.

Kosova përballet me Izraelin më 25 mars dhe pastaj me Andorrën tre ditë më vonë.

Sport

Dardanet U19 gati për sfidat kualifikuese në Evropian

Published

on

By

Albina Rrahmani ka publikuar listën e futbollisteve të ftuara për Kombëtaren U19 të Kosovës në kuadër të kualifikimeve për Kampionatin Evropian.

Dardanet e reja gjatë këtij muaji do të përballen me Moldavinë, Lituaninë dhe Ishujt Faroe.

Ndeshjet do të zhvillohen në Kaunas, në kuadër të Grupit 2 të Ligës B.

Continue Reading

Sport

Spalletti zgjat qëndrimin te Juventusi deri më 2028, e ardhmja e Zhegrovës në dyshim

Published

on

By

Juventus FC ka konfirmuar vazhdimin e bashkëpunimit me trajnerin Luciano Spalletti deri më 30 qershor 2028, duke i dhënë stabilitet projektit afatgjatë të klubit torinez.

Lajmi është bërë i ditur të premten nga drejtuesit e klubit, ku shefi ekzekutiv Damien Comolli ka theksuar rëndësinë e këtij vendimi. Sipas tij, Spalletti ka pasur ndikim të menjëhershëm pozitiv te skuadra, klubi dhe komuniteti, duke dëshmuar se është personi i duhur për të udhëhequr Juventusin drejt objektivave të mëdha. Ai shtoi se stili ambicioz i lojës dhe vlerat e trajnerit përputhen plotësisht me identitetin e klubit dhe pritjet e tifozëve.

Spalletti, një nga emrat më të njohur të futbollit italian, mori drejtimin e Juventusit më 30 tetor të vitit të kaluar, duke zëvendësuar Igor Tudor. Më herët ai ka drejtuar edhe kombëtaren e Italisë, si dhe klube të mëdha si Napoli, Inter, Roma dhe Zenit St. Petersburg, duke ndërtuar një karrierë të pasur në Itali dhe jashtë saj.

Trajneri 67-vjeçar u ka komunikuar fillimisht vendimin lojtarëve, duke theksuar se skuadrën e presin sfida të rëndësishme, por ai mbetet i bindur në potencialin e grupit për të arritur suksese. Nën drejtimin e tij, Juventusi ka regjistruar 17 fitore në 31 ndeshje, me gjashtë humbje dhe tetë barazime.

Ndërkohë, situata e Edon Zhegrova mbetet e paqartë. Sulmuesi kosovar nuk po gjen hapësirë të mjaftueshme në formacion, pasi Spalletti, ashtu si edhe paraardhësi i tij, po e lë kryesisht në stol, duke ngritur pikëpyetje për rolin e tij në të ardhmen te “Zonja e Vjetër”.

Continue Reading

Sport

Baldini merr drejtimin e përkohshëm të Italisë pas dorëheqjes së Gattusos

Published

on

By

Silvio Baldini do të marrë përkohësisht drejtimin e kombëtares së Italy national football team për ndeshjet miqësore të muajit qershor, ka njoftuar Federata Italiane e Futbollit.

Baldini, i cili aktualisht është edhe përzgjedhës i Italisë U21, është emëruar si zgjidhje e përkohshme pas dorëheqjes së Gennaro Gattuso. Largimi i Gattusos erdhi pas dështimit të Italisë për t’u kualifikuar në Kupën e Botës, pasi “Azzurrët” u mposhtën në finalen e plejofit nga Bosnjë-Hercegovina.

Italia do të zhvillojë dy ndeshje miqësore në qershor, fillimisht ndaj Luxembourg national football team më 3 qershor dhe më pas kundër Greece national football team katër ditë më vonë.

Ndërkohë, emërimi i përzgjedhësit të ri të përhershëm pritet të bëhet pas zgjedhjeve të Federatës Italiane të Futbollit, të planifikuara për 22 qershor. Kriza në futbollin italian është thelluar edhe më tej, pasi edhe presidenti i federatës, Gabriele Gravina, ka dhënë dorëheqje pas këtij dështimi të madh.

Continue Reading

Sport

Dy duele interesante në La Liga dhe Bundesliga

Published

on

By

Sot pritet të zhvillohen dy ndeshje interesante në kampionatet kryesore evropiane, me vëmendjen kryesore në La Liga dhe Bundesliga.

Në Spanjë, në La Liga, do të përballen Real Madrid dhe Girona FC, një ndeshje që pritet të sjellë intensitet të lartë, pasi Real Madrid kërkon të ruajë pozitat në garën për titull, ndërsa Girona synon të vazhdojë formën e mirë dhe të surprizojë një nga ekipet më të forta në Evropë.

Ndërkohë në Gjermani, në Bundesliga, do të luajnë FC Augsburg kundër TSG Hoffenheim, një duel ku të dy skuadrat kërkojnë pikë të rëndësishme për renditjen në tabelë, në një kampionat gjithmonë shumë konkurrues dhe me ritëm të lartë.

Continue Reading

Të kërkuara