Lifestyle

​A po punon me kolegë që krijojnë konflikte pa pasur nevojë?

Published

on

A keni dëgjuar që ka edhe konflikte të mira? Këto konflikte janë të llojit që janë të shëndetshme, sepse na shtyjnë neve që të jemi më të mirë me veten dhe shoqërinë. Kështu që, pothuajse të gjitha kompanitë kanë nevojë për konflikte të mira. Por në shumicën e herëve, konfliktet nuk janë të mira, përkundrazi e dëmtojnë besimin dhe energjinë, krijojnë “armiqësi” me njëri-tjetrin në vendet e punës dhe e devijojnë realitetin.

Çfarë i nxitë këto konflikte? Autorja e librit “High Conflict: Why We Get Trapped and How We Get Out”, thotë që ka gjetur se është prezenca e “sipërmarrësve të konflikteve”. Këta janë njerëz që nxisin konfliktet për fundin e tyre. Nganjëherë këtë e bëjnë për përfitime, por shumicën e kohës për vëmendje ose fuqi. Sipas saj, kjo nuk ekziston në secilën organizatë, por më së shpeshti është aktive në vendet e punës si spitalet, universitetet dhe grupet politike apo lobet.

Njerëzit që përballen me personalitete që nxisin konflikte përfshirë avokatët, terapistët dhe vëzhguesit e konflikteve, sugjerojnë të ndërmerren veprime me kujdes të madh me ta.

Identifikoni shpejt konfliktet

Mësoni së pari t’i identifikoni sipërmarrësit e konfliktit! Kujtoni që njerëzit mund t’ju kritikojnë, të mos pajtohen, të shkojnë të burimet njerëzore, ta udhëheqin një veprim ose nxisin ndonjë peticion pa qenë menaxherë të konfliktit. Karakteristika e një nxitësi konflikti ka të bëjë më shumë me mënyrën se si njerëzit vijnë në konflikt me kalimin e kohës, ka të bëjë me një model të përsëritur të mosfunksionimit, sjelljes ekstreme dhe fajit të përjetshëm. Ata shpesh akuzojnë shpejt, të etur për të vërtetuar çdo ankesë dhe për të artikuluar gabime të reja që askush tjetër nuk i ka menduar më herët. Ata i ndërmjetësojnë thashethemet dhe teoritë e komplotit dhe, e ndajnë botën me kujdes në të mirën kundrejt së keqes.

Është e domosdoshme që ta shihni që nxitësit e konfliktit mund të kenë trauma të pazgjidhura në të kaluarën ose të tashmen e tyre, përfshirë përvojat e neglizhimit, abuzimit dhe dhunës. Mundohuni të keni dhembshuri, pavarësisht sa e vështirë është! Mos harroni se ne të gjithë jemi të aftë të veprojmë si sipërmarrës konfliktit!

Kaloni më shumë kohë me ta

Nëse punoni me ndonjë nga kolegët që janë nxitës të konflikteve, atëherë dëgjoni dhe mundohuni që t’i kuptoni, jo gjithmonë, por mjaftueshëm sa për të krijuar lidhje, duke i përshëndetur po ashtu me fjalë të mira dhe të sjellshme.

Devijoni energjinë e tyre

Në kompani, kjo mund të nënkuptojë kanalizimin e energjisë së një nxitësi të konfliktit në diçka produktive për të cilën ju dy kujdeseni. Jepuni atyre një zgjedhje në vend të një mandati! Shpesh, stërvitja profesionale është një opsion i mire. Pra, duhet të përqendroheni në të ardhmen.

Ndërtoni barriera të përkohshme

Konflikti i mirë nuk ndodhë vetvetiu. Kërkon rituale dhe kufij e mënyra për t’u “bërë pjesë” në tension, duke mos e shmangur atë, apo ose duke u konsumuar prej tij. Kjo do të thotë që, përveç punonjësve, duhet të hartohen edhe rregulla të sjelljes me të cilat të gjithë mund të pajtohen.

Më poshtë, janë disa shembuj të konflikteve të mira që mund të përdoren si praktika në shumë organizata.

Nëse keni ndonjë problem, shkoni fillimisht te personi me të cilin keni pasur probleme. Këtë duhet që ta bëni drejtpërdrejt ose me telefon, por ë asnjë mënyrë me shkrim!Sillni zgjidhje për problemin! Bëni shumë pyetje, me kuriozitet të vërtetë, në çdo mosmarrëveshje! Reflektoni përsëri për atë që keni dëgjuar dhe kontrolloni nëse e keni bërë mirë, edhe nëse vazhdoni të mos pajtoheni! Gjeni një ndërmjetës të besuar i cili mund të lehtësojë biseda më të ashpra kur është e nevojshme. Përqendrohuni në probleme dhe jo në njerëz! Mos merrni pjesë në thashetheme ose sulme anonime! /Akademi Pune

Lifestyle

Ja filmat që ju duhen! Shtatori është muaji ku rikthehet atmosfera e kinemasë

Published

on

Shtatori është një muaj ku rikthehet atmosfera e kinemasë pas pushimeve verore. Me fillimin e sezonit të ri, në kinema dhe platformat online dalin disa prej premierave më të pritura të vitit.

Ky muaj shpesh sjell filma të zhanreve të ndryshme – nga dramat e fuqishme që synojnë çmimet prestigjioze, deri tek filmat aksion dhe aventurë që mbajnë publikun të lidhur pas ekranit.

Çfarë pritet?

Filmat artistikë dhe dramatikë: Muaji shpesh karakterizohet nga projeksione që hapin sezonin e festivaleve ndërkombëtare, ku shfaqen histori të thella dhe interpretime mbresëlënëse.

Aksion dhe thriller: Për ata që kërkojnë emocione, shtatori sjell produksione me adrenalinë, rikthime të sagave të njohura ose histori të reja plot mister.

Animacionet dhe filmat familjarë: Një zgjedhje e përsosur për fëmijët që kthehen në shkollë, duke ofruar argëtim dhe mesazhe pozitive.

Filmat horror: Me afrimin e vjeshtës, ka vend për projekte të frikshme që krijojnë atmosferën e errët dhe të pasigurt tipike për sezonin.

Pse të ndiqen filmat në shtator?

Ky muaj është një pikënisje e re për industrinë e filmit. Publiku pret surpriza të mëdha, rikthimin e aktorëve të njohur në role të paharrueshme, si edhe produksione të freskëta që shpesh bëhen hit.

Përgatiti: A.Z. /UBT News/

Continue Reading

Lifestyle

Cilat Janë llojet më të mira të Aloe Verës, bimës së mrekullueshme?

Published

on

Aloe njihet si bima e përjetësisë dhe simbol i parajsës. Vlerat e saj janë të mrekullueshme, këtë bimë mund ta kultivoni edhe në shtëpinë tuaj dhe ta keni gati për urgjenca si gërvishtje, çarje apo djegie.

A e dini se nga kjo bimë mund të përfitoni shumë edhe nëse e pini?

Aloe Vera përmban mbi 200 përbërës biologjikisht aktivë si polisakaride, vitamina, enzima, amino acide dhe minerale që promovojnë përthithjen sa më të mirë të ushqyesve për të cilat trupi ka aq shumë nevojë.

Llojet më të mira të bimës së Aloe Verës

Në botë, gjenden mbi 400 varietete të bimës së saj, por jo të gjitha janë të mira dhe të vlefshme për konsum nga njerëzit.

Shumica e këtyre varieteteve shërbejnë për dekorim, dhe vetëm pak prej tyre kanë efektet çudibërëse për mirëqenien e njeriut. Sipas një publikimi të Medical Plants of the World, varietetet më të mira të Aloe Verës janë:

Aloe Barbadensis, të cilën mund ta gjeni edhe me emrin Aloe Sabila

Aloe Arborescens

Aloe Saponaria, që mund të gjendet edhe me emërtimin Aloe Maculata

Aloe Ferox

Të dhënat e publikuara nga “The Journal of Environmental Science and Health”, tregojnë se Aloe Vera ka vlera të fuqishme në betejën kundër baktereve, virozave dhe mykut. Këto veti e bëjnë të dobishme në pastrimin e organizmit nga toksinat, në fuqizimin e sistemit imunitar. Nëse konsumoni ose përdorni Aloe Vera, do të përmirësoni disponibilitetin e vitaminës B12 në organizëm.

Kjo do të thotë se trupi do ta përthithë dhe përdorë më mirë këtë vitaminë të nevojshme.

Ajo përmban vitaminat A, C, E, acid folik, si edhe vitaminat B1, B2, B3 dhe B6. Kjo bimë e mrekullueshme përmban 20 nga 22 amino acidet esencialë për të cilat ka nevojë organizmi i njeriut, por edhe acid salicilik që lufton inflamacionin dhe bakteret.

Përveç rolit të pastrimit të organizmit, Aloe Vera përqendrohet tek largimi i toksinave nga stomaku, veshkat, shpretka, tëmthi dhe mëlçia.

Ndihmon me tretjen, ulçerën dhe inflamacionin në stomak, forcon sistemin tretës dhe ofron alternativë të shëndetshme për ata që vuajnë nga artriti. Mënyra më e rekomandueshme është të pini lëngun e bimës, të cilën mund ta rrisni vetë në shtëpi.

Kombinoni xhelin në lëngjet e preferuara të frutave dhe perimeve ose pijeni veçmas. Përdorni xhel të pastër që nxirret nga pjesa e brendshme e gjetheve të bimës. Shija mund të jetë pak e athët dhe e hidhur, përzieni me pak mjaltë dhe të përfitoni vlera të shumëfishta.

Continue Reading

Lifestyle

Si ta kaloni një të premte ndryshe dhe plot energji?

Published

on

E premtja është dita që na kujton se java e gjatë e punës po mbyllet dhe po afrohet fundjava. Por shpesh, e kalojmë duke pritur vetëm pushimin, pa e shfrytëzuar si duhet. Ja disa ide se si ta ktheni të premten në një ditë të veçantë:

Mbylle javën me diçka pozitive

Bëj një listë me gjërat që ke arritur gjatë javës e shpërbleje veten. Mund të jetë kafe speciale, një ëmbëlsirë e preferuar apo një shëtitje e qetë.

Kalon kohë me njerëzit e duhur

Organizo një darkë të thjeshtë me miqtë, dil për një koktej ose thjesht kalo pak orë cilësore me familjen. E premtja është perfekte për lidhje sociale dhe energji të mirë.

Jepi vetes pak luks

Një trajtim bukurie, një prerje flokësh, një maskë relaksuese në shtëpi apo një film i mirë – gjëra të vogla që të bëjnë të ndihesh i/e veçantë.

Shkëputu nga rutina

Në vend që të kalosh mbrëmjen në të njëjtin vend, provo diçka ndryshe: një koncert, ekspozitë, apo një shëtitje në një lagje tjetër të qytetit.

Përgatitu për fundjavën

Vendos plane të vogla për ditët në vijim, që të kesh diçka për të pritur me padurim. Kjo të jep motivim dhe energji pozitive.

Mos e shih të premten vetëm si fund të javës – shijoje si një fillim të vogël të diçkaje të bukur.

Përgatiti: A.Z. /UBT News/

Continue Reading

Lifestyle

A duhen larë foshnjat çdo ditë?

Published

on

Mund të tingëllojë e palogjikshme, por mosbërja e banjës është në fakt më e mirë për lëkurën e të voglit tuaj, kështu që nuk është e nevojshme ta lani fëmijën tuaj çdo ditë.

Akademia Amerikane e Dermatologjisë shpjegon se rekomandohet që fëmijët e moshës gjashtë deri në 11 vjeç të lahen një ose dy herë në javë, me kusht që të mos jenë të ndotur. Kjo do të ndihmojë lëkurën e foshnjës të mbrohet nga viruset dhe bakteret.

Në vend që ta lani fëmijën çdo ditë, lani me ujë të ngrohtë vetëm kur është e nevojshme. Mund t’i lani flokët me shampo një ose dy herë në javë. Akademia Amerikane e Dermatologjisë rekomandon që adoleshentët të lahen ose të bëjnë dush çdo ditë.

Para se ta fusni foshnjën në ujë, temperatura duhet të jetë rreth 37 gradë Celsius. Mos e teproni me ujë të nxehtë, pasi mund të mos jetë i përshtatshëm për foshnjën. Mbushni vaskën vetëm me rreth tre inç ujë – aq sa duhet për ta larë foshnjën dhe për ta lënë të luajë pak.

Mos e lini kurrë një fëmijë nën pesë vjeç pa mbikëqyrje në vaskë, as edhe për një sekondë.

Sigurohuni që temperatura e dhomës të jetë midis 22 dhe 24 gradë Celsius. Përgatitni një peshqir të madh ose rrobë për ta mbështjellë kur të keni mbaruar së lari. Mundohuni të gjeni një mënyrë për ta bërë larjen çdo natë më pak të lodhshme.

Mos e detyroni të lahet vetë duke pasur dy persona që e mbajnë. Mundohu të kuptosh çfarë do t’i përshtatej më mirë të voglit tënd, në mënyrë që ai të mund të shijojë larjen pa lot.

Continue Reading

Të kërkuara