Lajmet

​40 vjetori i “Pranverës shqiptare ‘81” shënohet edhe me një akademi letrare

Published

5 years ago

on

Në kuadër të veprimtarive që po zhvillohen për të shënuar 40-vjetorin e “Pranverës shqiptare ’81”, Lidhja e Shkrimtarëve të Kosovës ka mbajtur sot një akademi letrare.

Në këtë akademi letrare janë paraqitur poezi të autorëve të ndryshëm që flasin për atë periudhë të lavdishme.

Kryetari i Lidhjes së Shkrimtarëve të Kosovës, Shyqri Galica tha se ngjarjet e vitit ’81 mbeten të një rëndësie të veçantë historike. Ai tha se demonstratat e 40 viteve më parë u shndërruan në kryengritje për të kërkuar lirinë e vërtetë të shqiptarëve, që tha se gjatë kishin duruar nën thundrën jugosllave.

“Ngjarjet e vitit ’81 të shekullit të kaluar kur vajzat e djemtë më dinjitoz do t’i prijnë popullit të shumëvuajtur nën pushtimin titist, i cili dekada të tëra po masakronte dhe po torturonte një popull të tërë, të cilin më parë e kishin shkëputur nga e ëma dhe si të tillë edhe në Jugosllavi e kishin copëtuar në tri-katër pjesë, mbeten të një rëndësie të veçantë historike. Po vinte kjo periudhë pas viteve ’60 kur kishin dalë në sipërfaqe një varg dëshmish për trajtimin kriminal të popullit shqiptar nga ’45 me luftën heroike të Shaban Polluzhës dhe të heronjve të shumtë që do të sakrifikohen për liri. Për të vazhduar me heroizmat gjatë aksionit të armëve dhe dëbimit të shqiptarëve për në Turqi për të dalë një organizatë e veçantë në krye me patriotin gjithashtu tepër të veçantë Adem Demaçin për të kërkuar bashkimin e trojeve të pushtuara shqiptare në shtetin amë, Shqipërinë dhe më pas me demonstratat e lavdishme të vitit 1968 për të arritur në vitin e madh 1981, kur protestat masive pothuajse do të shndërroheshin në kryengritje do të pushtonin Kosovën për të kërkuar lirinë e vërtetë të shqiptarëve që gjatë kishin duruar nën thundrën jugosllave. Po në fund të viteve 80 dhe në vitet 90 për të dalë nga zgjedha do të arrijnë kulmin me luftën e UCCK-së për ta arritur lirinë me shumë sakrifica”, tha ai.

Ndërsa, nga Shoqata e të Burgosurve Politik, Hydajet Hyseni tha se ngjarjet e vitit ’81 vazhdojnë të jenë të një rëndësie të jashtëzakonshme për lirinë dhe pavarësinë e Kosovës.

“Duket e pazakonshme të shënohet me orë letrare një lëvizje e tillë tektonike, por me të vërtetë përvoja ka dëshmuar të vërtetën e mirënjohur se lëvizjet e mirëfillta çlirimtare krahas përkushtimit dhe bashkimit luftarak dallohen po aq mirë edhe me dimensionin e tyre autentik shpirtëror, kulturor e artistik. Për mëmëdhe, për mëmëdhe me penë e me pushkë, me pushkë e me penë, ishte një moto e rilindësve tanë prijatar, një moto që është përqafuar pastaj nga të gjithë brezat e vazhdimësisë atdhetare çlirimtare”, tha ai.

Profesori Agim Vinca ka lexuar një poezi të shkrimtarit Ilaz Bobajt, e të cilën tha se e kujton gjithmonë.

“Te varret e familjes Jashari përballë njëri-tjetrit qëndrojnë të dy palët, flasin të vdekurit e heshtin të gjallët”, tha ai.

Në këtë ngjarje është përuruar edhe librin “Format specifike të komunikimit të organizatave të fshehta shqiptare gjatë monizmit jugosllav”, të autores Rudina Zeqiri. 

Related Topics:
Continue Reading

Rajoni

Rektori Hajrizi viziton UniMarconi në Romë

Published

15 hours ago

on

November 8, 2025

By

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Continue Reading

Lajmet

​Bellingham dhe Foden rikthehen në kombëtaren e Anglisë

Published

1 day ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Sport

Vdes në moshën 24 vjeçare lojtari i Cowboys, Marshawn Kneeland

Published

1 day ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

1 day ago

on

November 7, 2025

By

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.

Continue Reading

Të kërkuara