Sport

​16 klube aludojnë në parregullsi brenda Federatës së Notit, kërkojnë zgjidhje urgjente

Në fillim të muajit maj Federata e Notit u përjashtua nga Komitetit Olimpik.

Published

on

Brenda Federatës së Notit të Kosovë ka parregullsi të mëdha në aspektin e përfshirjes së sportistëve dhe klubeve më të mira të vendit për të marrë pjesë në garat evropiane.

Këtë shqetësim e kanë ngritur në një konferencë për media 16 klube të notit në Kosovë të cilët kanë kërkuar kjo çësjtje të zgjidhet me urgjencë.

Bashkim Haxhimusa, përfaqësues i 16 klubeve të notit tha se veprimet e Federatës së Notit çuan në suspendimin e kësaj nga Komiteti Olimpik i Kosovës dhe se pasojat e kësaj sjellje po i bartin notarët e vendit tonë.

Ai shtoi se sportistët më të mirë si Eda Zeqiri dhe Mal Gashi janë përjashtuar nga pjesëmarrja në garat ndërkombëtare për shkak se janë përjashtuar nga federata dhe se atje janë dërguar atletë të tjerë jo meritorë.

Kur dihet që Federata e Notit është e suspenduar dhe ju ka marr licensa, ndërsa ajo zhvillon aktivitete sportive sikur nuk ka ndodhur asgjë. Pasoja më së shumti po i bartin sportistët kulmorë, familjarët, klubet, trajnerët dhe të tjerët. Kështu që me një përgjegjësi shumë të madhe e them se 78 përqind e garuesve të notit kualitativ gjendnen në 16 klubet që unë i përfaqësoj ndërsa 25 përqind janë ku i përfaqëson bordi i federatës. Pasojat po i vuajnë sportistët kulmorë, po iu mohohet e drejta që të jenë pjesë e garave ndërkombëtare, krahas të arriturave të veta të cilët kanë rezultate kulmorë”, tha Musa

Mal Gashi, notari më i mirë në këtë sport në Kosovë tha se kërkon sqarime mbi arsyen pse është përjashtuar nga garat evropiane edhe pse është i zgjedhur si më i miri në këtë sport.

Jam notuesi më i mirë i të gjitha kohërave në Kosovë dhe në Shqipëri. Pavarësisht që jam notuesi më i mirë, unë akoma nuk jam duke shkuar në gara ndërkombëtare. Unë nuk e di përgjigjen pse por kisha dashur ta kuptojë”, tha Gashi.

Të njëjtën kërkesë e pati edhe notarja, Eda Zeqiri e cila tha kjo po e dëmton karrierën e saj, por shtoi se pavarësisht këtyre pengesave do të vazhdojë ta bëjë maksimumin për të qenë gati kur kjo çështje të gjejë zgjidhje.

Jam Eda Zeqiri, momentalisht sportistja më e mirë në Kosovë, por fatkeqësisht jo ndër ato sportiste që po e përfaqësojnë Kosovën në garat e nivelit ndërkombëtar dhe botëror. Unë si sportiste e kam për detyrë vetëm të usahtrojë dhe të jap performancën sa më të mirë të mundshme, por fatkeqësisht po me duhet të përballem me sfida që po i paraqet në këtë rast federata me diskriminime dhe mashtrim publike vazhdimisht. Unë si sportiste do të vazhdojë të performojë në detyrën time me shpresën që i vie fundi kësaj pune”, tha Zeqiri.

Në këtë konferencë, përfaqësuesit e këtyre klubeve që të krijohet një komision nga KOK-u dhe Ministria e Sportit i cili do ta vlerësojë gjendjen dhe më pas të shpall kuvendin zgjedhor brenda kësaj federate.

Ndryshe, në fillim të muajit maj Federata e Notit u përjashtua nga Komitetit Olimpik pikërisht për shkak të këtyre mosmarrëveshjeve dhe parregullsive brenda kësaj federate.

Sport

Ronaldo bëhet sportisti më i paguar në botë me marrëveshjen e re në Arabinë Saudite

Published

on

By

Cristiano Ronaldo ka firmosur një kontratë të re dyvjeçare me klubin saudit Al-Nassr, duke u bërë sportisti më i paguar në botë. Sipas të përditshmes zvicerane “Blick”, kjo marrëveshje kap vlerën totale prej rreth 565 milionë eurosh, duke përfshirë paga, shpërblime dhe përfitime personale luksoze.

Paga vjetore e Ronaldos në këtë kontratë është afërsisht 200 milionë euro, ndërsa ai do të marrë edhe një pagesë për nënshkrim prej 27 milionë eurosh menjëherë, dhe 15 milionë të tjera nëse qëndron edhe në sezonin e dytë. Përveç kësaj, portugezi ka siguruar 15% aksione në klub, me vlerë rreth 36 milionë euro, si dhe një marrëveshje sponsorizimi për tregun aziatik me vlerë 66 milionë euro.

Bonuset për performancën në fushë janë gjithashtu të larta: për çdo gol Ronaldo do të marrë 88 mijë euro, për asist 44 mijë euro, ndërsa për fitimin e titullit kampion një bonus prej 9.4 milionë eurosh. Bonuset për fitimin e Champions League Aziatik dhe për golashënuesin më të mirë arrijnë respektivisht në 7.2 dhe 4.7 milionë euro.

Kontrata përfshin edhe shërbime dhe përfitime personale të nivelit të lartë, përfshirë avion privat në dispozicion 24/7, staf prej 16 personash që përfshin kuzhinier, trajner fitnesi dhe staf sigurie, vila luksoze në Riad, si dhe pushime të paguara në destinacionet e zgjedhura nga ylli portugez.

Kjo marrëveshje jo vetëm që vendos Ronaldon në majë të listës së sportistëve më të paguar në histori, duke tejkaluar kontratat e yjeve si Lionel Messi dhe LeBron James, por gjithashtu përfaqëson një pjesë të strategjisë së Arabisë Saudite për zhvillim sportiv dhe ekonomik, të njohur si “Vision 2030”.

Continue Reading

Sport

Drita nënshkruan me Vesel Limaj

Published

on

Drita ka zyrtarizuar transferimin e futbollistit Vesel Limaj.

Limaj ka nënshkruar kontratë dy vjeçare me Kampionin e Kosovës, me mundësi vazhdimi edhe për një vit tjetër.

Ai së fundmi ishte pjesë e Malishevës, derisa ka luajtur edhe për Ballkanin.

Drita do ta ketë në dispozicion mesfushorin kosovar nga data 1 korrik.

 

Continue Reading

Sport

Foda zbulon pse refuzoi ofertën milionëshe

Published

on

Përzgjedhësi i Kosovës në futboll, Franco Foda, ka zbuluar arsyen pse refuzoi një ofertë fitimprurëse nga Emiratet e Bashkuara Arabe.

Foda në një intervistë dhënë për KOHËN, e cila do të transmetohet e plotë në emisionin Sporti TOTAL të KTV-së, të dielën nga ora 22:15, ka pranuar se ka pasur ofertë për të marrë drejtimin e një klubi arab.

Por ka theksuar se ka plane të mëdha me Kosovën. Foda me Federatën e Futbollit të Kosovës ka kontratë deri më 30 nëntor të vitit 2025.

Vazhdimi i kontratës do të varet nga rezultatet e kualifikimeve për Kupën e Botës 2026.

“Nuk dua të flas për Al Wahdan. Për mua është me rëndësi kontrata që kam me Federatën e Kosovës deri më 30 nëntor 2025. Nëse kualifikohemi në Botëror vazhdohet kontrata deri 30 qershor 2026. Kjo është për mua me rëndësi. Ne në vitin e fundit kemi zhvilluar diçka me lojtarët, me federatën. Janë kualifikimet për Botëror para derës. Kemi mundësi të kualifikohemi në Botëror. Për këtë ka qenë me rëndësi për mua këtë kontratë ta përmbushi. Ndihem shumë mirë këtu në Kosovë, njerëzit janë shumë të sjellshëm dhe të mirë. Jemi pranuar mirë. Për këtë kam vendosur të mbetem në Kosovë”, ka thënë Foda.

Ai thotë se ka ndier përgjegjësi ndaj lojtarëve dhe Federatës për të vazhduar punën te Kosova.

“Pas dy muajsh e kemi ndeshjen e parë në Zvicër, në eliminatoret për Botëror. Është shumë me rëndësi që t’iu përmbahesh kontratave, dhe përgjegjësitë që i ke si trajner. Por, ka normalisht interesim dhe oferta kur je i suksesshëm. Kështu është biznesi i futbollit”, ka shtuar Foda.

59-vjeçari, Foda e mori drejtimin e Kosovës në shkurt të vitit 2024.

Nën drejtimin e Fodas, Kosova i ka shënuar nëntë fitore, ka edhe katër humbje. Një humbje e ka me rezultat zyrtar ndaj Rumanisë. Dy fitoret më të rëndësishme janë ndaj Islandës në plejofin e Ligës së Kombeve. Falë dy fitoreve, Kosova edicionin e ardhshëm paraqitet për herë të parë në Ligën B të Ligës së Kombeve. Foda ka folur edhe për takimin që pati me presidentin e FFK-së, Agim Ademi, në Vjenë.

Ai ka theksuar se me presidentin Ademi kanë diskutuar rreth së ardhmes së Kosovës.

“Flas shumë shpesh me presidentin, është shumë normale. Në radhë të parë jam trajner i përfaqësueses A të Kosovës, por për mua personalisht është me rëndësi që në përgjithësi në futbollin e Kosovës të zhvillohen gjërat më tutje. Kemi shikim për të tërësinë e madhe. Angazhohemi pos me përfaqësuesen A, edhe me ekipet e të rinjve U21 dhe U19. Për mua është me rëndësi që së bashku këtu të krijojmë një ide të lojës, identitet për çfarë dëshiron të qëndrojë futbolli kosovar. Ka shumë tema për të cilat flas rregullisht me presidentin. E në këtë bisedë në Vjenë ka qenë edhe për të ardhmen. Çfarë duam të zhvillojmë tutje ne këtu në Federatën e Kosovës së bashku”, ka theksuar tekniku gjerman.

Prej shtatorit, për Kosovën fillojnë kualifikimet për Botërorin 2026. Ndeshjen e parë e ka më 5 shtator ndaj Zvicrës në udhëtim. Më 8 shtator e pret Suedinë në Prishtinë. Në grupin B është edhe Sllovenia. Për gjasat e Kosovës për kualifikim historik në Botëror në një grup me Zvicrën, Suedinë e Slloveninë, se kush është lider te Kosova, se çfarë mendimi ka për Granit Xhakën e Ardon Jasharin dhe kush do të jenë prurjet e reja, do t’i mësoni gjatë intervistës që do të transmetohet në mbrëmjen e së dielës në Kohavision.

Continue Reading

Sport

Fabrizio Romano e konfirmon, Arsenali transferon një yll të Chelseat

Published

on

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Të kërkuara