Sport

​Zyrtare, shkarkohet trajneri i klubit të Superligës së Kosovës

Rezultate e dobëta në këtë fillim të sezonit ishin arsyeja pse erdhi ky vendim.

Published

on

Arsim Thaçi është shkarkuar nga posti i trajnerit të Malishevës.

Lajmi është dhenë sot nga faqja zyrtare e këtij klubi ku thuhet se rezultate e dobëta në këtë fillim të sezonit ishin arsyeja pse erdh deri te ky vendim.

FC Malisheva ka vendosur të liroj nga detyra trajnerin Arsim Thaçi pas asaj që ka qenë një fushatë kryesisht zhgënjyese për klubin këtë sezon. Në emër të të gjithëve në FC Malisheva, shprehim mirënjohje për trajnerin Thaçi për të gjitha përpjekjet e tij gjatë kohës sa ishte me klubin”, thuhet në këtë njoftim.

Pas gjashtë ndeshjeve të zhvilluara këtë sezon, Malisheva ka mbledhur shtatë pikë duke u renditur në vendin e pestë në tabelë.

Sport

SGA me pagë rekorde në NBA

Published

on

Ylli i NBA-së, Shai Gilgeous-Alexander, ka arritur marrëveshje për një kontratë super-maksimale katërvjeçare me Oklahoma City Thunder, e vlefshme deri në sezonin 2030-31, me vlerë totale 285 milionë dollarë.

Kjo është kontrata me pagën më të lartë vjetore në historinë e ligës, sipas burimeve të gazetarit Shams Charania.

Kontrata madhore e SGA-së erdhi pasi një viti të përsosur ku u shpall MVP, MVP i finaleve dhe kampion i NBA-së me OKC-në.

Continue Reading

Sport

Gjiganti anglez po përgatitë ofertë për Fabian Ruiz

Published

on

Manchester United ka identifikuar Fabián Ruiz si objektivin kryesor për përforcimin e mesfushës në këtë afat kalimtar. “Djajtë e Kuq” janë duke përgatitur një ofertë prej 50 milionë eurosh për mesfushorin spanjoll të PSG-së.

29-vjeçari ka pasur një sezon të shkëlqyer nën drejtimin e Luis Enrique, duke ndihmuar klubin parisien drejt titullit në Ligue 1 dhe sukseseve në Evropë.

Ai regjistroi gjashtë gola e njëmbëdhjetë asistime në të gjitha garat. Ruiz është vlerësuar për aftësinë për të ndërtuar lojën, vizionin e prezencën në të dyja fazat, mbrojtje dhe sulm. Profili e ka bërë atë ideal për partneritet me talentin premtues Kobbie Mainoo në qendër të mesfushës së United.

Në “Old Trafford”, shihet si lojtar i qetë, por vendimtar, që mund t’i sjellë ekuilibër e klas skuadrës në ndërtimin e fazës ofensive e kontrollin e ritmit të lojës.

PSG nuk pritet të heqë dorë nga një lojtar që ka fituar peshë në planet e klubit. Po ashtu, vetë Fabian do ta shqyrtojë me kujdes çdo ofertë, duke vlerësuar statusin që ka aktualisht në një nga projektet më serioze në futbollin evropian. Oferta e United është në tryezë, por gjithçka varet nga kërkesat financiare të PSG-së dhe gatishmëria e lojtarit për të provuar një aventurë të re në Ligën Premier.

Nëse marrëveshja finalizohet, Ruiz do të ishte një nga transferimet më të rëndësishme të verës për Manchester United, një hap i rëndësishëm për klubin që kërkon të rikthehet në majat e futbollit anglez dhe evropian.

Continue Reading

Sport

“Dukesh mirë Granit”, nënkampioni gjerman poston fotografinë e Xhakës

Published

on

Bayer Leverkuseni ka dhënë të tjera shenja që Granit Xhaka nuk do të largohet.

Nënkampioni gjerman të mërkurën ka publikuar fotografi të Xhakës duke pozuar me fanellën e re vendase të skuadrës.

Po ashtu ka publikuar një fotografi të tij me mbishkrimin ”dukesh mirë, Granit”.

Xhaka kishte dhënë shenja se e dëshiron largimin nga Leverkuseni, ndërsa Milani u angazhua për transferimin e tij.

Por ka gjithnjë e më shumë raportime se kapiteni i Zvicrës do të mbetet te Leverkuseni.

Continue Reading

Sport

Presidenti i La Ligas i shpall luftë FIFA-s për Botërorin e Klubeve

Published

on

Presidenti i La Ligës, Javier Tebas, ka shprehur sërish kundërshtimin e hapur ndaj Kupës së Botës për Klube, duke deklaruar se do të bëjë gjithçka që është në fuqinë e tij për të ndaluar zhvillimin e turneut në të ardhmen.

“Do të bëj gjithçka që është në fuqinë time për t’u siguruar që Kupa e Botës për Klube nuk do të zhvillohet më kurrë”, u shpreh Tebas gjatë një konference për shtyp të mbajtur të martën (1 korrik).

Kjo nuk është hera e parë që kreu i La Ligës shprehet kundër këtij formati të ri. Që kur FIFA shpalli projektin për një turne me 32 ekipe që do të mbahet çdo katër vjet, Tebas ka qenë një ndër kritikët më të zëshëm.

Sipas FIFA-s, edicioni i parë i Kupës së re të Botës për Klube do të organizohet më 2029, mbi 3 miliardë dollarë janë alokuar për realizim. Çdo klub pjesëmarrës pritet të përfitojë minimalisht 15 milionë dollarë, shifër kjo që ka tërhequr mbështetjen e shumë klubeve elitare në botë.

Në edicionin e parë, La Liga përfaqësohet nga dy skuadrat kryesore të Spanjës: Real Madrid dhe Atletico Madrid. Të dyja skuadrat kanë pranuar të heqin dorë nga pushimet verore për të qenë pjesë e turneut.

Pavarësisht entuziazmit të FIFA-s dhe mbështetjes nga klubet, Tebas nuk ka ndërmend të tërhiqet. Ai synon që përmes mjeteve ligjore e presionit të bllokojë këtë iniciativë, të cilën e sheh si kërcënim për kalendarin dhe ekuilibrin e garave kombëtare.

Tani mbetet për t’u parë nëse përplasja mes La Ligës e FIFA-s do thellohet, apo nëse palët gjejnë një kompromis për të ardhmen e futbollit ndërkombëtar.

Continue Reading

Të kërkuara