Lajmet

Zeqiri: PK tregoi profesionalizëm, duhet të jetë prioritet për qeverinë

Zeqiri thekson se si rezultat i kryerjes së punës në mënyrë profesionale, janë shmangur pasoja tjera më të mëdha.

Published

3 years ago

September 25, 2023

Betim Gashi

Policia e Kosovës ka arritur që dje (e diel) në mënyrë profesionale të kryejë detyrën e vet, kur u përball me terroristët serbë në veri të vendit. Kështu thotë kryetari i Sindikatës së Policisë, Imer Zeqiri, derisa shton se humbja e policit Afrim Bunjaku, i cili u vra në Banjskë të Zveçanit tregon se zyrtarët policorë nuk e kursejnë as jetën e vet.

Derisa konsideron se dje vendi u përball me agresion nga grupe kriminale të dirigjuara nga Beogradi, Zeqiri thekson se si rezultat i kryerjes së punës në mënyrë profesionale, janë shmangur pasoja tjera më të mëdha.

“Rasti që ka ndodhur… në pjesën veriore të vendit është një rast i organizuar kriminal nga grupe kriminale që ne dyshojmë çdo herë që ato janë të dirigjuara nga politika e Beogradit. Unë mund ta them shumë lirshëm që është një agresion ndaj shtetit të Kosovës e që dihet që ataku me ata që atakojnë, kushdo që e sulmon Republikën e Kosovës, janë Policia e Kosovës sepse vetëm ne kemi autorizime ligjore dhe kushtetuese për ta mbrojtur rendin, qetësinë dhe integritetin e këtij vendi, prandaj zyrtari policor, tani më i ndjeri është vrarë në mbrojtje të integritetit të Republikës së Kosovës, njëjtë edhe plagosja e zyrtarit tjetër policor. Kjo ka mundur të jetë edhe më tragjike, prandaj mund të them shumë lirshëm që Policia e Kosovës ka një strukturë mjaft profesionale dhe me përvojë për ta mbrojtur në çdo cep Republikën e Kosovës”, thotë Zeqiri.

Zeqiri thotë se është momenti i fundit që Qeveria e Kosovës të ketë prioritet Policinë, kur kjo e fundit po tregon gjithnjë profesionalizimin e saj.

“Definitivisht Policia e Kosovës duhet të jetë prioritet për Qeverinë e Kosovës duke treguar gjithë këtë profesionalizëm, gjithë këtë mund, gjithë aktivitet e gatishmëri duke mos kursyer as jetën e vet. Definitivisht, unë mendoj se jemi shtylla numër një në Republikën e Kosovës dhe vërtet duhet të trajtohemi të tillë, prandaj për Policinë e Kosovës vetëm mund të themi fjalë të mira dhe lëvdata, por duhet gjithsesi të orientohet edhe Qeveria nga Policia e Kosovës dhe t’i plotësojë të gjitha ato kushte edhe ato çfarë mungojnë. Policia e Kosovës e ka dëshmuar veten që duhet të jetë prioritet i Qeverisë së Kosovës”, vijon Zeqiri.

Kryetari i Sindikatës së Policisë së Kosovës, ka thënë se qeveria duhet të bëjë shumë edhe për familjen e policit Afrim Bunjaku, i cili u vra dje nga terroristët serbë.

“Për çdo zyrtar policor që humb jetën gjatë kryerjes së detyrës zyrtare, ashtu sikur për rastin e sotëm, ne kemi të rregulluar disa procedura, do të thotë ka përkujdesje nga vetë institucioni i Policisë së Kosovës dhe nga qeveria. Se çfarë do të bëjë qeveria nuk e di, ndërsa ne e kemi të rregulluar që i jepet një shpërblim për mundin dhe familja e tij, bashkëshortja dhe fëmijët të marrin 80 përqind të pagës bruto, kështu është vepruar edhe më herët dhe kështu do të veprohet edhe në vazhdimësi… Qeveria duhet të bëjë shumë për këtë rast, një përkujdesje e vazhdueshme unë besoj që do të ndodh”, thotë ai.

Në orët e para të mëngjesit të ditës së diel është vrarë rreshteri i Policisë së Kosovës, Afrim Bunjaku, ndërsa janë plagosur edhe policë të tjerë. Ngjarja e rëndë ka ndodhur në fshatin Banjskë të Zveçanit ku terroristë serbë kanë sulmuar patrullën policore.

Sipas informacioneve zyrtare, tre sulmues kanë mbetur të vrarë ndërsa janë arrestuar gjashtë persona.

Institucionet e Kosovës kanë deklaruar se aksioni në kërkim të sulmuesve është duke vazhduar.

Related Topics:Policia e Kosoves Zveçan Imer Zeqiri

Up Next

Pikat kufitare në Jarinjë e Bërnjak vazhdojnë të janë të mbyllura

Don't Miss

Prokurori special thotë se janë duke u lokalizuar disa shtëpi dhe automjete në të cilat dyshohet se ka armatim

lajme

Dr. Xhida Lumi ndan përvojën klinike dhe shkencore me studentët e Fakultetit të Psikologjisë në UBT

Published

20 minutes ago

June 8, 2026

ubtnews

Në kuadër të angazhimit të vazhdueshëm për të ofruar një edukim bashkëkohor dhe të ndërlidhur me praktikën profesionale, Fakulteti i Psikologjisë në UBT organizoi një ligjëratë të veçantë për studentët e programit Master, në kuadër të lëndës “Psikologji e Avancuar Zhvillimore”, të udhëhequr nga prof. Fatbardha Qehaja Osmani.

E ftuar ishte Dr. Xhida Lumi, psikiatre dhe psikoterapiste me veprimtari profesionale në Zvicër, e cila ndau me studentët përvojën e saj shumëvjeçare në fushën e shëndetit mendor, psikiatrisë së fëmijëve dhe adoleshentëve, si dhe në edukimin dhe trajnimin profesional të specialistëve të rinj.

Përmes ligjëratës me temën “Zhvillimi, Shëndeti dhe Rezilienca tek Fëmijët (Si t’i njohim, forcojmë dhe shoqërojmë fuqitë e brendshme)”, Dr. Lumi trajtoi aspekte të rëndësishme të zhvillimit psikologjik të fëmijëve, faktorët që ndikojnë në mirëqenien e tyre emocionale dhe mënyrat për të nxitur reziliencën dhe potencialin e tyre individual.

Një vëmendje e veçantë iu kushtua edhe fenomenit të migrimit dhe ndikimit që ai mund të ketë në zhvillimin emocional, social dhe psikologjik të fëmijëve, duke ofruar perspektiva profesionale dhe raste konkrete nga praktika klinike ndërkombëtare.

Studentët patën mundësinë të angazhohen në diskutime interaktive, të shtrojnë pyetje dhe të njihen nga afër me qasje moderne terapeutike dhe klinike, duke përfituar njohuri të vlefshme që ndërlidhin teorinë akademike me realitetin profesional.

Aktivitete të tilla dëshmojnë përkushtimin e Fakultetit të Psikologjisë në UBT për të krijuar një mjedis studimi dinamik, ku studentët kanë mundësi të mësojnë nga ekspertë vendorë dhe ndërkombëtarë, të zhvillojnë kompetenca profesionale të avancuara dhe të përgatiten për sfidat e profesionit në një kontekst global.

Vendi

Pas zgjedhjeve, Kurti udhëton në Austri: Do të takojë kancelarin Stocker

Published

6 hours ago

June 8, 2026

UBTNews

Kryeministri në detyrë i Republikës së Kosovës, Albin Kurti, sot ka udhëtuar për një vizitë zyrtare në Austri, vetëm një ditë pas përfundimit të procesit zgjedhor në Kosovë.

Sipas njoftimit zyrtar nga Zyra e Kryeministrit, gjatë kësaj vizite dyditore, kreu i qeverisë në detyrë do të zhvillojë takime të rëndësishme të nivelit të lartë shtetëror dhe ekonomik. Ndër të tjera, ai do të pritet në takim nga Kancelari i Republikës Federale të Austrisë, Christian Stocker, si dhe do të marrë pjesë në punimet e Forumit Ekonomik të Vjenës (Vienna Economic Forum).

Ky udhëtim zyrtar i Kurtit zhvillohet pikërisht në kohën kur në Kosovë sapo është përmbyllur procesi i numërimit të votave.

Komisioni Qendror i Zgjedhjeve (KQZ) tashmë ka përfunduar 100% numërimin e kutive të votimit (2,498 nga 2,498 vendvotime), duke nxjerrë rezultatet preliminare të zgjedhjeve të parakohshme parlamentare.

Sipas të dhënave përfundimtare të kësaj faze nga KQZ, Lëvizja Vetëvendosje (LVV) ka dalë forca e parë politike në vend duke siguruar 42,91% të votave (299,152 vota). Pas saj renditet Partia Demokratike e Kosovës (PDK) me 21,12% (147,220 vota), e ndjekur nga Lidhja Demokratike e Kosovës (LDK) me 17,58% (122,575 vota). Aleanca për Ardhmërinë e Kosovës (AAK) ka grumbulluar 7,16% të votave, ndërsa Lista Serbe ka marrë 6,18%. Në këto zgjedhje, pjesëmarrja e përgjithshme e qytetarëve me të drejtë vote arriti në 37,05%, teksa rezultatet pritet të certifikohen pasi të përmbyllen procedurat e numërimit të votave të diasporës dhe ato me postë.

Rajoni

Liqeni i Shkodrës përfshihet në UNESCO

Published

6 hours ago

June 8, 2026

UBTNews

Një lajm i rëndësishëm ka ardhur për trashëgiminë natyrore të Shqipërisë, me përfshirjen zyrtare të Liqenit të Shkodrës nga UNESCO në Rrjetin Botëror të Rezervave të Biosferës. Ky vendim shënon një hap të rëndësishëm për mbrojtjen dhe promovimin ndërkombëtar të kësaj pasurie të jashtëzakonshme natyrore.

Këtë arritje e ka ndarë me publikun edhe kryeministri i Shqipërisë, Edi Rama, i cili përmes një mesazhi u shpreh se ky është një sukses i angazhimit institucional dhe diplomatik të vendit.

“Me kënaqesinë e një tjetër lajmi të bukur për Shqipërinë e Gjelbër dhe trashëgiminë tonë natyrore, futjen e Liqenit të Shkodrës nga UNESCO në Rrjetin Botëror të Rezervave të Biosferës, rezultat i punës sonë diplomatike po edhe i kujdesit me përgjegjësi për këtë pasuri shqiptare që i shtohet thesareve të botës së mbrojtur nga UNESCO, ju uroj një javë të mbarë”, ka njoftuar Rama.

Lajmet

Përzgjidhet projekti fitues për Memorialin e Adem Jasharit në Prishtinë, “Zâni i Lirisë” merr vendin e parë

Published

6 hours ago

June 8, 2026

UBT News

Kryetari i Komunës së Prishtinës, Përparim Rama, ka njoftuar se është përzgjedhur projekti fitues për “Memorialin Përkujtimor Adem Jashari”, ku vendin e parë e ka zënë koncepti “Zâni i Lirisë”.

Sipas Ramës, projekti fitues është përzgjedhur nga komisioni profesional vlerësues dhe do të realizohet në kryeqytet, duke bartur peshën historike, kombëtare dhe emocionale që përfaqëson figura e Adem Jasharit dhe familjes Jashari.

“Zâni i Lirisë” synon të jetë më shumë se një monument përkujtimor. Koncepti është menduar si simbol i sakrificës së familjes Jashari dhe të gjithë dëshmorëve që dhanë jetën për lirinë e Kosovës.

I frymëzuar nga fjalët e njohura të Adem Jasharit, memoriali do ta shndërrojë zërin e tij në një simbol të përhershëm të lirisë, duke ruajtur kujtesën historike dhe duke përcjellë mesazhin e sakrificës ndër breza.

Sipas Komunës së Prishtinës, memoriali do të jetë një hapësirë që do të nderojë figurën e Komandantit Legjendar dhe do të shërbejë si pikë referimi për kujtesën kolektive të qytetarëve.