Vendi

Zemaj rendit sukseset e institucioneve të sigurisë

Zemaj kritikoi edhe kryeministrin Albin Kurti dhe presidenten Vjosa Osmanin për fokusimin e madh për agresionin rus në Ukrainë

Published

3 years ago

May 19, 2022

UBT.News

Deputeti i LDK-së, Armend Zemaj, ka renditur tri suksese të institucioneve të sigurisë në Kosovë.

Ai në seancën e sotme të Kuvendit, tha se shtrirja e autoritetit të policisë në veri është në interes të vendit.

Sipas tij, lufta ndaj kontrabandës dhe arrestimet e policëve të korruptuar në kufij është për t’u vlerësuar, ndërkohë shtoi si rezultate pozitive edhe luftën kundër drogave në afërsi të shkollave.

“Sa i përket sundimit të rendit dhe ligjit edhe neve na intereson shtrirja e autoritetit të policisë dhe gjitha institucioneve edhe në veri dhe kudo në Kosovë. E dyta si rezultate pozitive, ndoshta që është interes edhe mbrojtjes dhe të fëmijëve shihet që është lufta e mirë dhe pa kompromis kundër drogave. Unë e vlerësoj pozitivisht edhe me arrestimet në kufi, duke na mbrojtur nga hyrjet-daljet dhe kontrabanda e mallrave dhe materialeve tjera që ndikojnë negativisht në jetën tonë”, tha ai.

Krahas kësaj, Zemaj kritikoi edhe kryeministrin Albin Kurti dhe presidenten Vjosa Osmanin për fokusimin e madh për agresionin rus në Ukrainë, “për t’i mbuluar dështimet e tyre”.

Aktualitet

Mot me diell, temperaturat deri në 12 gradë

Published

8 hours ago

March 4, 2025

Albina Zeneli

Instituti Hidrometeorologjik bën të ditur se sot në Kosovë do të mbajë mot me diell.

IHK njofton se temperaturat minimale do të lëvizin ndërmjet -3 deri -1 gradë Celsius, ndërsa maksimalet e ditës parashihen të lëvizin ndërmjet 9-12 gradë Celsius.

Do të fryjë erë e lehtë drejtimesh të ndryshme e lehtë deri mesatare.

Aktualitet

Parashikimi i motit për sot

Published

1 day ago

March 3, 2025

Albina Zeneli

Sot në Prishtinë, moti është kryesisht me diell por me disa vranësira të shpërndara. Marsi ka filluar me temperatura kryesisht maksimale që pritet të arrijë deri në 8°C, ndërsa minimalja do të jetë -1°C.

Lagështia relative e ajrit do të jetë mesatare, dhe erërat do të jenë të lehta deri në mesatare nga drejtimi verilindor.

Edhe nesër pritet të jetë një mot i ngjashëm me minimale 0°C deri në atë maksimale 11°C. /UBT News/

Aktualitet

Numërimi i votave të diasporës! Kryeson LVV, pasohet nga LDK

Published

5 days ago

February 27, 2025

Albina Zeneli

Nga numërimi i 19 kutive të votimit prej 43 sa janë në total nga votimi i diasporës në përfaqësitë diplomatike prin Lëvizja Vetëvendosje me 81.9% të votave apo 3305, pasohet nga Lidhja Demokratike e Kosovës me 7.21% apo 291 vota.

E treta nga votat e diasporës në përfaqësitë diplomatike del Partia Demokratike e Kosovës me 5.75% me apo 232 vota, pasohet nga Aleanca për Ardhmërinë e Kosovës që ka marrë 1.54% apo 62 vota nga diaspora që votoi në përfaqësitë diplomatike në 19 shtete të botës.

Gjithsej në procesin e votimit jashtë vendit në ambasada dhe konsulata morën pjesë në votim 15,352 shtetas të Kosovës që u regjistruan për votim fizik në përfaqësi diplomatike.

Pas numërimit të votave në përfaqësi diplomatike, do të nis numërimi i votave me postë të ardhura nga diaspora.

Komisioni Qendror i Zgjedhjeve synon të shpallë rezultatet përfundimtare deri më 5 mars dhe t’i certifikojë ato deri më 18 mars.

Aktualitet

Sot pritet të miratohet buxheti për Gjilanin

Published

5 days ago

February 27, 2025

Albina Zeneli

Pushtet e opozita në Gjilan janë dakorduar që ta votojnë atë. Pajtimi u bë pasi përpjekjet e kryetarit të komunës, Alban Hyseni, për miratimin e buxhetit pa mbështetjen e opozitës dështuan.

Sot pritet të marr epilogun situata e krijuar tash e shtatë muaj me mosmiratimin e buxhetit për sivjet në Komunën e Gjilani. Seanca e Kuvendit të Komunës pritet të fillojë në orën 10:00.

Kryetari i Gjilanit, Alban Hyseni, ka bërë të ditur se pas takimit të fundit në Komitetin për Politikë dhe Financa, i është kërkuar të anuloj thirrjen për seancën urgjente të orës 16:00, e cila tashmë është anuluar.

“Si kryetar i komunës të thërras seancën e radhës urgjente, me fillim nga ora 10:00. Pika e vetme e rendit të ditës do të jetë shqyrtimi dhe aprovimi i projektbuxhetit për vitin 2025, të propozuar nga unë si kryetar i komunës”, ka thënë Hyseni.

I pari i Gjilanit përshëndet reflektimin e opozitës (LDK dhe PDK) si dhe arritjen e mirëkuptimit për të zgjidhur situatën e krijuar me buxhetin prej tashmë 7 muajsh.