Sport

Xhaka paralajmëron bashkëlojtarët e tij pas fitores ndaj West Hamit

Granit Xhaka ka paralajmëruar bashkëlojtarët e tij në Arsenal.

Published

5 years ago

December 16, 2021

Betim Gashi

Me fitoren ndaj West Ham United, Arsenali ka shkuar në kuotën e 29 pikëve dhe janë pozicionuar në vendin e katërt në tabelë që garanton pjesëmarrjen në Ligën e Kampionëve, por mesfushori Granit Xhaka u ka kërkuar lojtarëve që të jenë më të mirë në ndeshjet si mysafir nëse dëshirojnë të përfundojnë ndër katër të parët në këtë edicion të Premier Ligës.

Granit Xhaka ka paralajmëruar bashkëlojtarët e tij në Arsenal se duhet të jenë më larg shtëpisë nëse shpresojnë të sigurojnë një vend në top katërshen e Premier League.

Gunners realizuan një nga paraqitjet e tyre më të arrira të sezonit deri më tani mbrëmë, duke lënë mënjanë West Hamin në “Emirates” falë golave në pjesën e dytë të Gabriel Martinelli dhe Emile Smith Roëe.

Në ndeshjen e radhës, Arsenali përballet me Leeds United që ndodhet në pjesën fundore të tabelës dhe së fundi pësoi disfatë të thellë me rezultat 7-0 nga Manchester City.

“Ne po dukemi shumë më mirë në shtëpi, por nëse dëshiron të jesh në top katërshe, duhet të fitosh dhe gjithashtu duhet të marrësh pikët jashtë shtëpisë”, tha Xhaka për “Stadium Astro”.

“Shpresojmë se kjo mund të fillojë të ndodhë të shtunën kundër Leeds. Por po, ne duhet të përmirësohemi në ndeshjet në udhëtim, duhet të jemi më të zgjuar, më të fortë. Nuk mund të luajmë çdo herë të njëjtën lojë në shtëpi dhe jashtë saj. Duhet të jemi më të zgjuar dhe të fillojmë nga lojtarët me përvojë e deri te të rinjtë”, tha më tutje Xhaka.

Reprezentuesi i Zvicrës është njëri nga kandidatët kryesor për të marrë shiritin e kapitenit pasi Aubameyang e ka dorëzuar atë pas disa problemeve disiplinore në skuadër.

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/