Lajmet

​Von Cramon: Nevojitet transparencë e plotë ndaj pronësisë dhe financave të mediave

Sipas saj, peizazhi i mediave tregon se bizneset e politika janë të përfshira në fushatat e dezinformimit.

Published

on

Raportuesja në Parlamentin Evropian, Viola Von Cramon ka thënë se mediat në Kosovë duhet të jenë më transparente për burimet e financimit. Sipas saj, peizazhi i mediave tregon se bizneset e politika janë të përfshira në fushatat e dezinformimit.

Kështu u shpreh ajo në diskutimin e organizuar nga NDI me temën “Cenueshmëritë e qytetarëve ndaj dezinformimit: Si navigojnë demokracitë në hapësirën informuese në internet?”

Në konferencën për Integritetin e Informacionit, DISICON, po ashtu u tha se dezinformimi dhe keqinformimi janë kërcënim për shoqërinë.

Ambasadori i Tajvanit në Hungari, Shih Chung Liu ka thënë se bota po përballet me tri sfida. Ai shtoi se invazioni i heshtur i Kinës po bën përhapjen e dezinformatave.

“E tërë bota po përballet me tri sfida, konflikti, COVID dhe klima. Kur flas për konfliktin i referohem luftës në Ukrainë dhe konflikteve të mundshme ushtarake në gadishullin e Azisë, posaçërisht luftës hibride nga Rusia dhe Kina. Me COVID i referohem çrregullimit të zinxhirit furnizues global, krizës me energji, inflacionit dhe rënies ekonomike. Me këtë luftë të dezinformatave ka zvogëluar kapacitetin e qeverive dhe shoqërive civile që të adresojnë këto sfida. Me klimë, klima ka të bëjë me ngrohje globale që ka rrezikuar njerëzor në ditët tona”, ka thënë ai.

Ambasadori i Tajvanit tha se Kina po synon fuqizimin e imazhit ndërkombëtar që Tajvani është i Kinës.

“Duhet një përpjekje e bashkërenditur e komunitetit demokratik që bashkërisht të bashkërendojmë sfidat që lidhen me kërcënimet hibride të Kinë dhe Rusisë. Konferenca si kjo bashkërisht mund të na ndihmojnë në rritjen e bashkëpunimit, shkëmbimin e strategjive dhe planeve emergjente dhe një përmbajtje apo kundërshtim ndaj Rusisë dhe Kinës. Dhe e fundit më e rëndësishmja është që duhet të fuqizojmë rëndë reziliencën që gjithashtu ka të bëjë edhe edukimi medial, kontrollimin e fakteve dhe fuqizimin e integritetit”, ka shtuar ambasadori i Tajvanit.

Në diskutim, raportuesja për Kosovën në PE, Viola Von Cramon ka deklaruar se imazhi i Kosovës tregon që bizneset e politika janë të përfshira në fushatën e dezinformimit.

“Peizazhi i Kosovës tregon që bizneset dhe politika janë të përfshira në fushatat e dezinformimit, si rrjedhojë e humbjes së mekanizmit të protokollove për të luftuar dezinformatat në hapësirat e informacionit, duke lënë qytetarët në një pozitë të cenueshme dhe në vlerësimet e informacione ditore. Na duhet një transparencë e plotë ndaj pronësisë mediatike dhe financave të mediave, por edhe funksionimit e duhur të transmetuesve publik”, ka deklaruar ajo.

Viola Von Cramon ka shtuar se mediat nuk janë transparente për burimet e financimit.

“Ka shumë pare në këtë sektor që po pretendohet si ndikim nga pala e tretë. Porse nuk është fort transparente sa i përket burimit të financimit, nëse ka burime të tjera, kundërshtar të tjerë politik, akterë të tretë. Na duhet më shumë transparencë dhe rregullim, që të sigurohemi që çdo media që është aktive në Kosovë, të zbulojë burimet ashtu që mund të shohim se cili gazetar, transmetues, gazetë paguhet nga kush dhe kush mund të ketë interes në një pozitë të caktuar politike”, ka thënë ajo.

Drejtoresha e NDI në Kosovë, Nancy Soderberg e ka quajtur si kërcënim të shoqërisë, shpërndarjen e dezinformatave në publik.

“Dezinformatat, keqinformimi dhe çrregullimi i informacionit janë kërcënim ndaj shoqërisë tonë në Kosovë. Jemi këtu për të ndarë praktikat më të mira dhe për të luftuar këtë kërcënim të vërtetë. Sot do të dëgjojmë perspektivën e Tajvanit për luftimin e dezinformatave dhe për hulumtimet e tyre për qasjen e tyre… Ndikimi i huaj përbën kërcënim hibrid. Konferenca e sotme do të adresojë zhvillimin e gjeneratave të reja të komunikimit dhe teknologjisë si dhe implikimet e këtyre zhvillimeve në komunikim dhe themelet e demokracisë”, ka thënë ajo.

Konferenca për Integritetin e Informacionit DISICON është dy ditore. Dje dhe sot është diskutuar me temën “Cenueshmëritë e qytetarëve ndaj dezinformimit: Si navigojnë demokracitë në hapësirën informuese në internet?”

Aktualitet

UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia

Published

on

Rektori i UBT-së, Prof. Dr. Edmond Hajrizi, së bashku me Prof. Dr. Besnik Qehaja, dekan i Fakultetit të Shkencave Kompjuterike dhe Inxhinierisë, dhe ekipin e UBT-së, po marrin pjesë në aktivitetin përmbyllës të projektit IoT-ECO, pjesë e programit Erasmus-LS, ERASMUS-EDU-2022-CBHE, i cili po mbahet në Technical University of Sofia, në Bullgari.

Ky projekt ndërkombëtar synon zhvillimin e modeleve inovative për Internet of Things (IoT) në fushën e ekonomisë së gjelbër, duke bashkuar ekspertë dhe akademikë nga universitete të ndryshme të rajonit dhe Evropës.

Në këtë aktivitet u prezantua modeli i parë real i Digital Twin Smart City Kampus në UBT, një inovacion unik i zhvilluar mbi infrastrukturën Smart City dhe teknologjitë e avancuara nga ekipi i UBT-së. Ky model digjital funksionon si një pasqyrim virtual i kampusit dhe qytetit, duke mundësuar ndërveprim në kohë reale.

Kjo teknologji rrit ndërveprimin dhe aftësinë për të reaguar shpejt ndaj situatave, si dhe kontribuon në përmirësimin e cilësisë së jetës, efikasitetit dhe sigurisë.

Rektori Hajrizi prezantoi gjithashtu UBT Hub, duke theksuar kontributin dhe avancimet e universitetit në integrimin e IoT në mjedisin akademik dhe industrial. Ai diskutoi rëndësinë e zhvillimit të infrastrukturës digjitale dhe bashkëpunimeve ndërkombëtare për fuqizimin e inovacionit dhe edukimit teknologjik në Kosovë, me theks të veçantë te modelet inovative që janë zhvilluar dhe implementuar në fushat e IoT, inteligjencës artificiale, smart cities, smart education, mjekësisë, etj.

Programi i ngjarjes përfshin prezantime mbi modelet virtuale të IoT, integrimin me cloud, aplikimet praktike në industri, si dhe sfidat e sigurisë kibernetike në rrjetet moderne inteligjente. Përveç pjesës akademike, aktiviteti ofron edhe vizita kulturore dhe ture në Sofia, duke krijuar hapësirë për shkëmbim përvojash dhe rrjetëzim ndërkombëtar.

Continue Reading

Lajmet

Rubio shtron darkën “Transatlantike” në New York, të pranishëm edhe ministrat e Shqipërisë e RMV-së

Published

on

By

Sekretari amerikan i Shtetit Marco Rubio ka organizuar më 24 shtator atë që nihet si “Darka Transatlantike” 2025 me ministrat e jashtëm të shteteve anëtare të BE-së dhe NATO-s, Sekretarin e Përgjithshëm të NATO-s Mark Rutte dhe Përfaqësuesen e Lartë të Bashkimit Evropian Kaja Kallas.

Në këtë organizim kanë marrë pjesë gjithashtu edhe ministrat e Jashtëm të Armenisë, Azerbajxhanit, Zvicrës dhe Ukrainës, por jo edhe ndonjë përfaqësues i ndonjë shteti tjetër.

Rubio në këtë organizim kishte folur për rëndësinë e aleancave transatnaltike për ruajtjen e paqes dhe angazhimin historik të shteteve anëtare të NATO-s për të rritur shpenzimet e mbrojtjes dhe rëndësinë e angazhimit për t’i dhënë fund luftës Rusi-Ukrainë.

Në këtë darkë të shtruar në New York ka qenë e pranishme kryediplomatja shqiptare, Elisa Spiropali, e cila ka thënë se aleanca në mes të SHBA-së dhe Shqipërisë po frocohet edhe më tej në dimension politik, ekonomik dhe atë të sigurisë./D.B/EO

Continue Reading

Aktualitet

Në UBT diplomon ushtaraku i FSK-së, Major Vilson Musaj

Published

on

Ushtaraku i FSK-së, Major Vilson Musaj, student në nivelin Master në Fakultetin e Politikave Publike dhe Menaxhimit në UBT, mbrojti me sukses tezën e tij me temë: “Rëndësia e regjimenteve të këmbësorisë në Forcën e Sigurisë së Kosovës – Një perspektivë strukturore: studim krahasimor (FSK, Ushtria Amerikane dhe NATO)”.

Ky punim, i cili u realizua me përkushtim të madh, i siguroi Major Musajt diplomën dhe gradën shkencore “Master në Politika Publike dhe Menaxhim”.

Komisioni vlerësues, i përbërë nga Prof. Dr. Hajdi Xhixha (kryetare), Prof. Dr. Arian Kadriu (anëtar) dhe Prof. Dr. Bahri Gashi (mentor), e vlerësuan këtë hulumtim si të parë në format dhe strukturën e tij në këtë fushë, duke e konsideruar si një punim serioz shkencor dhe mjaft kompleks.

Prezantimi i të gjeturave, argumentimi dhe krahasimi i hipotezave u vlerësuan me performancë të lartë akademike dhe notë maksimale, duke reflektuar një strukturë të qartë operacionale ushtarake dhe qasje profesionale në trajtimin e temës.

Major Vilson Musaj, i cili u gradua në këtë gradë më 1 korrik 2025, është emëruar Oficer për Bashkëpunim me ODC dhe Iowa (Office for Defense Cooperation – Zyra për Bashkëpunim të Mbrojtjes në Ambasadën Amerikane) në Departamentin për Bashkëpunim Ndërkombëtar dhe Integrime Euro-Atlantike në Ministrinë e Mbrojtjes. Ai vazhdon të shërbejë aktualisht në këtë departament të rëndësishëm, duke kontribuar në zhvillimin dhe integrimin e Forcës së Sigurisë së Kosovës.


Continue Reading

Lajmet

Paraqiten në gjykatë shtatë të arrestuarit në operacionin “Qielli i thyer”

Published

on

By

Po mbahet seanca dëgjimore në Gjykatën Themelore në Prishtinë, pas kërkesës së Prokurorisë Speciale të Kosovës për caktimin e masës së paraburgimit, ndaj shtatë personave që u arrestuan gjatë ditës së djeshme në Prishtinë dhe Pejë, në kuadër të operacionit “Qielli i thyer”.

Të pandehurit dyshohen për veprat penale “pjesëmarrja ose organizimi i grupit kriminal të organizuar”, “blerja, posedimi, shpërndarja dhe shitja e paautorizuar e narkotikëve” si dhe pastrimi i parave.

Ata, dyshohet se kanë përdorur aplikacionin e njohur për komunikim të enkriptuar “SkyECC” për të organizuar aktivitetet e tyre kriminale.

Gjatë realizimit të urdhër kontrollit në këto lokacione është gjetur dhe sekuestruar sasi e konsiderueshme e provave materiale, dhe pasurive të specifikuara duke përfshirë 638 gramë substancë narkotike e dyshuar si kokainë, 11,065 euro para të gatshme, 34 automjete, shtatë armë zjarri, dokumente personale me identitet të rremë.

Operacioni është mbështetur nga një bashkëpunim i ngushtë ndërkombëtar, përmes shkëmbimit të të dhënave me autoritetet belge, franceze, holandeze dhe agjencinë evropiane Europol, duke siguruar koordinim të plotë ndërkufitar./D.B/KP

Continue Reading

Të kërkuara