Aktualitet

​Vdekja misterioze e kolonelit rus, Moska: E vrau veten

Ai u gjet i vdekur më 16 nëntor.

Published

3 years ago

on

Një kolonel i lartë rus i përfshirë në mobilizimin e pjesshëm të Putinit qëlloi veten pesë herë në gjoks në zyrën e komandantit të tij pasi dyshohet se mori përgjegjësinë për disa nga problemet që lidhen me pushtimin e Ukrainës, ka deklaruar Moska zyrtare derisa këtë e ka pohuar e vetja e tij, Yulia Bojko.

Vadim Boyko, 44-vjeçar, zëvendësdrejtor i Shkollës së Lartë Detare Makarov Paqësor në Vladivostok, u gjet i vdekur më 16 nëntor me plagë të shumta me armë zjarri dhe vdekja e tij u përshkrua si një vetëvrasje, shkruan jutarnji.hr.

Vetëm disa ditë pas vdekjes së bashkëshortit të saj, Yulia Bojko i shkroi një letër të hapur Putinit duke i kërkuar që të bashkohej personalisht me hetimin për vdekjen e të shoqit, të cilin ajo e përshkroi si “patriot të vendit të tij, oficer të vërtetë dhe profesionist” në fushën e tij.

Letra e shtypur me pesë faqe u shkrua më 20 nëntor, por nuk u publikua deri të dielën nga agjencia lokale e lajmeve Neës Vladivostok.

Sipas letrës së Julia-s, burri i saj ishte përgjegjës për pritjen dhe strehimin e rekrutëve të rinj në Shkollën Detare në mesin e shtatorit – rreth kohës kur Putini përshkroi një plan për të mobilizuar 300,000 rezervistë.

Që atëherë, tha e veja, burri i saj e ka kaluar pjesën më të madhe të natës në punë, duke luftuar me probleme të shumta logjistike, por nuk ka marrë mbështetje nga eprorët e tij. Në një moment, thotë Xhulia, Bojko e kuptoi se “po e trajtonin si ‘kokë turku’ për të gjitha gabimet dhe të metat”.

Më vonë, Bojkos iu dha detyra të riparonte automjetet ushtarake që do të dërgoheshin në Ukrainë, si dhe të përgatiste ushtarët e sapomobilizuar për luftim. Megjithatë, ai shpejt hasi në “probleme të mëdha”, domethënë se pajisjet ishin “të papërshtatshme” për misionin.

“Do të jeni dakord, nëse pajisjet ushtarake që janë përdorur prej vitesh si ekspozitë muzeale, tani i dorëzohen Bojkos për ta dërguar në front, ai nuk mund të korrigjojë gabimet që i ka bërë dikush tjetër me një tundje të dorës”, shkruan Julija në letër.

Bojko u përball me eprorin e tij, kreun e shkollës detare, kundëradmiralin Oleg Zhuravlev, por në vend që të merrej me problemet “fatale”, sipas Julias, shefi i burrit të saj e siguroi atë se “gjithçka do të jetë mirë”, ku më pas ai mori leje mjekësore dhe “vuri të gjithë përgjegjësinë mbi zëvendësin e tij”.

Yulia Boyko tha se burri i saj ishte i pushtuar nga stresi, se vuajti nga pagjumësia për një muaj dhe humbi më shumë se 15 kilogramë.

Në mes të nëntorit, komisarët ushtarakë të ngarkuar me hetimin e ankesave të rekrutëve e kërcënuan kolonelin me akuza penale dhe gjoba prej 100 milionë rubla (1.6 milionë dollarë) për shkak të pajisjeve ushtarake të dëmtuara.

Dy ditë më vonë, Bojko mbërriti në Shkollën Detare, hyri në zyrën e shefit të tij, u ul në tryezën e tij dhe qëlloi veten pesë herë në gjoks me armën e tij të shërbimit.

E veja e tij vuri në dukje se burri i saj nuk e kishte qëlluar veten në kokë “për t’i dhënë fund gjithçkaje sa më shpejt të ishte e mundur”, por kishte kryer “vetëekzekutim” për t’i sinjalizuar Putinit se “një fatkeqësi po ndodh, duhet bërë diçka për të dhe se atdheu është në rrezik”.

Related Topics:
Continue Reading

Aktualitet

​Kurti për pezullimin e Dialogut të planifikuar Strategjik me SHBA-në: S’mund të bëj kompromise me sundimin e ligjit në veri

Published

2 hours ago

on

September 29, 2025

By

Kryeministri në detyrë i Kosovës, Albin Kurti, gjatë qëndrimit në Shtetet e Bashkuara tha se arsyeja pse Uashingtoni ka pezulluar Dialogun e planifikuar Strategjik me Kosovës ka të bëjë me mbylljen e strukturave serbe në veriun e Kosovës, të banuar me shumicë serbe.

I pyetur i të sqaronte arsyen e vendimit të kumtuar nga SHBA-ja, Kurti tha se ai nuk mund të bëjë kompromise me sundimin e ligjit.

“Arsyeja e pezullimit të Dialogut të planifikuar Strategjik është për shkak të sundimit të ligjit në veri të Kosovës, i cili rezultoi të ishte kundër strukturave ilegale serbe dhe këtu nuk mund të bëj kompromise. Nuk mund t’ia lë këtë problem brezit tuaj. Mendoj që brezi im është ai që duhet ta përfundojë këtë”, tha Kurti.

Kurti tha se raporti Kosovë-SHBA është tridimensional: mbrojtje, zhvillim dhe diplomaci.

Përderisa në dy shtyllat e para tha se nuk ka probleme, sa i përket diplomacisë, sipas tij ka pengesa.

“Aty ku kemi disa pengesa është në diplomaci, sepse sipas meje, SHBA-ja e konsideron shumë të rëndësishme që ta tërheqë Serbinë nga hemisfera lindore sepse Serbia është e lidhur ngushtë me Moskën dhe ne, duke qenë të palëkundur në sundimin e ligjit, demokracinë, sovranitetin shtetëror dhe integritetin territorial, disa politikanë dhe diplomatë në SHBA vlerësojnë se ne nuk po e ndihmojmë SHBA-në që ta shkëpusë Serbinë nga Federata Ruse. Por, sinqerisht, ky nuk duhet të jetë problemi im”, tha Kurti, duke shtuar se ai përfaqëson interesat e Kosovës.

Më 12 shtator, Ambasada amerikane e arsyetoi vendimin për pezullimin e Dialogut me veprimet e Qeverisë në detyrë dhe me rritjen e tensioneve dhe paqëndrueshmërisë në vend.

Përmes një njoftimi, Ambasada amerikane në Kosovës tha se veprimet e Qeverisë së udhëhequr nga kryeministri në detyrë, Albin Kurti, kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta.

Kurti në SHBA tha se ai nuk është kryeministër që i thotë Policisë së Kosovës të mos e arrestojë një kriminel serb të kapur në flagrancë, sepse ky veprim mund të dënohet nga Brukseli dhe Uashingtoni./S.K/KP/

 

Continue Reading

Aktualitet

​Plani “Mbrojtja e Pyjeve”, policia sekuestron gashtë kamionë me dru në Ferizaj

Published

3 hours ago

on

September 29, 2025

By

Në kuadër të zbatimit të planit operativ “Mbrojtja e Pyjeve 2025”, njësitë policore të stacionit policor në Ferizaj, në fshatin Dardani, kanë realizuar një aksion kontrollues, gjatë të cilit janë ndaluar 6 automjete (kamionë) me targa vendore që transportonin dru.

Sipas njoftimit të policisë, gjatë kontrollit është konstatuar se shoferët e këtyre automjeteve transportonin lëndë drusore pa dokumentacionin e nevojshëm.

Automjetet dhe lënda drunore janë sekuestruar, ndërsa për procedurat e mëtejme ligjore janë njoftuar zyrtarët e pylltarisë.

Më tej thuhet se Policia Rajonale e Ferizajt, në bashkëpunim me zyrtarët e pylltarisë, do të vazhdojë angazhimin në parandalimin dhe luftimin e prerjes dhe transportit të paligjshëm të drunjve.

Njëkohësisht, ata thanë se ftojnë qytetarët të bashkëpunojnë me policinë duke raportuar rastet përmes aplikacionit “Lajmëro Policinë”./S.K/KP/

Continue Reading

Aktualitet

Java nis me mot të paqëndrueshëm

Published

3 hours ago

on

September 29, 2025

By

Sipas parashikimeve meteorologjike, moti këtë javë do të karakterizohet nga intervale me diell dhe vranësira të shpërndara.

Duke filluar nga dita e enjte, priten edhe riga të herëpashershme shiu.

Temperaturat minimale sot do të sillen nga 5 deri në 9°C, ndërsa ato maksimale do të arrijnë nga 15 deri në 18°C.

Era do të fryjë kryesisht nga drejtimi i jugperëndimit, me intensitet të lehtë deri mesatar.

Continue Reading

Aktualitet

UBT fton studiues dhe profesionistë për dorëzimin e abstrakteve në Konferencat e Shkencave Politike dhe Sigurisë

Published

17 hours ago

on

September 28, 2025

By

UBT ka kënaqësinë të ftojë studiues, akademikë, profesionistë dhe studentë të interesuar të marrin pjesë në nënkonferencat Studime të Sigurisë dhe Shkenca Politike dhe Marrëdhënie Ndërkombëtare, pjesë e edicionit të 14-të Konferencës Ndërkombëtare të UBT-së për Biznes, Teknologji dhe Inovacion 2025.

Ky edicion i fokusuar në Qëndrueshmërinë dhe Reziliencën synon të sjellë së bashku ekspertë dhe studiues për të shkëmbyer ide, përvoja dhe rezultatet më të fundit kërkimore në fushat e sigurisë, shkencave politike dhe arsimit.

Konferenca për Studime të Sigurisë

Afatet e rëndësishme:

  • Dorëzimi i abstrakteve: 10 tetor 2025
  • Njoftimi për pranimin: 17 tetor 2025
  • Dorëzimi i punimeve të plota: 14 nëntor 2025
  • Regjistrimi i hershëm: 17 tetor 2025
  • Regjistrimi i vonshëm: 20 tetor 2025

Kjo konferencë synon të krijojë një platformë ku studiues dhe praktikues mund të japin një pasqyrë të fushës, të prezantojnë rezultatet më të fundit kërkimore dhe të shkëmbejnë ide dhe përvoja në shkencat politike dhe siguri.

Temat dhe objektivat kryesore përfshijnë:

  • Siguria njerëzore
  • Paqja dhe demokracia
  • Siguria kombëtare, rajonale dhe ndërkombëtare
  • Konfliktet pas Luftës së Ftohtë
  • Çështjet e sigurisë në Ballkanin Perëndimor
  • Konfliktet ndërshtetërore dhe etnike: shkaqet dhe zgjidhjet

Dorëzimi i punimeve:

Punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6. Punimet që nuk i plotësojnë kriteret e formatit nuk do të shqyrtohen.

Konferenca për Shkenca Politike dhe Marrëdhënie Ndërkombëtare

Afatet e rëndësishme:

  • Dorëzimi i abstrakteve: 10 tetor 2025
  • Njoftimi për pranimin: 17 tetor 2025
  • Dorëzimi i punimeve të plota: 14 nëntor 2025
  • Regjistrimi i hershëm: 17 tetor 2025
  • Regjistrimi i vonshëm: 20 tetor 2025

Kjo konferencë ndërkombëtare e shqyrtuar nga kolegët (peer-reviewed) ofron një mundësi për shkëmbimin e njohurive midis studiuesve inovativë, studentëve pasuniversitarë, kandidatëve doktoraturë dhe profesionistëve në arsim dhe zhvillim, si dhe në politikë dhe marrëdhënie ndërkombëtare. Edicioni i këtij viti fokusohet në ndërtimin e sistemeve arsimore të qëndrueshme për një të ardhme të qëndrueshme.

Temat kryesore përfshijnë:

  • Politikat publike dhe arsimi
  • Ekonomia politike dhe administrata publike
  • Demokracia, migracioni dhe politikat e integrimit
  • Digjitalizimi i proceseve zgjedhore dhe anti-korrupsioni në Ballkan
  • Siguria globale dhe kërcënimet ndërkombëtare
  • Terrorizmi, krimi i organizuar transnacional, lufta kibernetike
  • Arsimi në zonat e konfliktit dhe roli i tij në parandalimin e ekstremizmit të dhunshëm
  • Rikonstruksioni arsimor pas konflikteve dhe arsimi për refugjatët

Dorëzimi i punimeve:

Ashtu si për konferencën e sigurisë, punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6 dhe punimet që nuk i plotësojnë kriteret nuk do të konsiderohen.

Continue Reading

Të kërkuara