Lajmet

​Varhelyi: Është e nevojshme të forcohet lidhja mes BE-së dhe Ballkanit Perëndimor

Ai tha se vendet e Ballkanit Perëndimor duhet të thellojnë njëkohësisht bashkëpunimin ekonomik.

Publikuar

1 vit më parë

më

Në realitetin e ri gjeopolitik, forcimi i lidhjeve mes BE-së dhe Ballkanit Perëndimor është bërë i domosdoshëm, theksoi sot komisionari Evropian për Zgjerimin dhe Politikat e Fqinjësisë, Oliver Varhelyi.

Në një videomesazh për pjesëmarrësit e Forumit Ekonomik të Vjenës, ai vuri në dukje se vendet e Ballkanit Perëndimor duhet të thellojnë njëkohësisht bashkëpunimin ekonomik për të rritur qëndrueshmërinë ndaj krizave.

Varhelyi tha se rajoni duhet të marrë parasysh mundësitë e reja që i ofron fakti që shumë kompani perëndimore po lëvizin prodhimin. Ai vuri në dukje se Evropa dhe rajoni janë në një moment kritik, kur qeveritë janë të detyruara të miratojnë paketa stimuluese për të ndihmuar qytetarët për shkak të luftës në Ukrainë, e cila po nxit inflacionin global.

Bankat qendrore, siç shpjegoi ai, rritën normat e interesit në përgjigje të inflacionit, në mënyrë që tani qeveritë dhe kompanitë të përballen me norma të larta interesi, në një kohë kur kostot janë rritur.

“Dhe nevojiten më shumë shpenzime në luftën kundër ndryshimeve klimatike, si dhe për shkak të investimeve në siguri. Situata i vë bankat qendrore para një dileme nëse masat e tyre rrezikojnë të shkaktojnë recesion dhe rrjedhimisht turbulenca politike”, tha ai.

Lufta në Ukrainë çoi gjithashtu në thellimin e marrëdhënieve midis BE-së dhe fqinjëve të saj, shtoi Varhelyi.

Ai kujtoi se BE-ja e ka integruar plotësisht Ballkanin Perëndimor në iniciativat e saj për të garantuar sigurinë e furnizimeve me energji, si dhe në iniciativat energjetike.

Ai tha se mësimi për rajonin është se duhet të bëhet më elastik dhe se duhet të investohet më shumë në digjitalizimin dhe tranzicionin e gjelbër, dhe se është e nevojshme të rritet produktiviteti.

Varhelyi thotë se me rëndësi është edhe përfshirja e kompanive nga Ballkani Perëndimor në zinxhirët e furnizimit.

Etiketa
Vazhdo të lexosh

Lajmet

PDK për rezultatet e PISA-s: Ministrja Nagavci të jap dorëheqje

Publikuar

7 minuta më parë

më

6 Dhjetor, 2023

nga

Partia Demokratike e Kosovës deklaron se PISA është pasqyra e vërtetë e qeverisjes së Albin Kurtit. Pas rezultateve të testit PISA, ku Kosova sërish doli me rezultate të dobëta, kjo parti opozitare kritikoi pushtetin aktual duke thënë se analfabetizmi qeveritar nuk arriti të reformojë sistemin arsimor në vendin tonë. Në konferencë për media u tha se ministrja e Arsimit, Arbërie Nagavci duhet të jap dorëheqje.

Deputetja e Partisë Demokratike të Kosovës, Eliza Hoxha tha se Qeveria Kurti dje ka rënë nga provimi dhe se reformat e përmendura në arsim nuk janë realizuar.

“Për çfarë cilësie mund të flasim sot, si mund të presim përmirësim të cilësisë në arsim, mënyra të reja të mësimdhënies, kur njëkohësisht Qeveria Kurti ka vendosur në pikëpyetje kredibilitetin e pothuajse secilit mësimdhënës në Kosovë. Në vend se të ju ofrojë mbështetje për zhvillim të aftësive dhe shkathtësive të kohës, siç edhe kishte premtuar, e për të cilat fëmijët e Kosovës kanë kaq shumë nevojë. Çfarë na dëshmohet neve sot është se nxënësit ngarkohen me libra dhe informata sasiore, por jo me zhvillim dhe përgatitje cilësore. Dhe kjo i atribuohet kësaj qeverie, e cila pushtetin e ka marrë duke u thirrur në reformë por me logjikën se si kanë funksionuar dhe qeverisur këto tre vite kanë dështuar jo vetëm ata, por ka dështuar edhe Kosova. PISA sot është pasqyra e vërtetë e qeverisjes së zotëri Albin Kurti”, deklaroi Hoxha.

Në konferencë për media, Hoxha shtoi se pas rezultateve të PISA-s në vitin 2018, kryeministri Albin Kurti kishte thirrur seancë të jashtëzakonshme.

“Besoj ju kujtohet të gjithëve që në vitin 2018 pasi PISA doli me rezultatet e saj për Kosovën, zotëri Kurti kishte thirrur një seancë të jashtëzakonshme duke thënë se arsimi në Kosovë është në krizë të madhe. Edhe ne besojmë se arsimi në Kosovë është në krizë të thellë, por me Qeverinë Kurti në tri vitet e fundit të qeverisjes së saj, kriza në arsim veçse është thelluar dhe këtë e vërteton rezultati i PISA-s që doli dje. Dje zyrtarisht u konfirmua se analfabetizmi qeveritar nuk arriti të reformojë sistemin arsimor në vendin tonë. Dje ministrja e Arsimit gjatë gjithë ditës u fsheh pas pandemisë COVID-19. Mirëpo, ju e dini që në programin qeveritar të Lëvizjes Vetëvendosje, fjalia e parë në bllokun që i referohet zhvillimit të arsimit i referohet përmirësimit të arsimit në situatën post-COVID”, shtoi ajo.

Tutje, Hoxha tha se pushteti aktual kishte premtuar se do të angazhohen për arsim cilësor përmes stabilizimit të gjendjes në shkolla pas pandemisë COVID-19.

“Ne po hyjmë në vitin e fundit të kësaj qeverie dhe nga 160 çerdhet e premtuara, as nuk janë afër e as nuk duken askund. As dhjetë sosh nuk janë ndërtuar tashmë. Nuk ka pasur asnjë reformë në arsimin fillor, për më tepër në vend që të bëjë reforma, qeveria zgjodhi të luftojë nga njëra anë mësimdhënësit, besoj ju kujtohet greva e vitit të kaluar e këtë vit nuk i doli zot as obligimit kushtetues dhe ligjor që të sigurojë libra falas për nxënësit e Kosovës. Po ashtu, në vend të reformës ata zgjodhën që të bllokojnë reformat në arsimin fillor. Besoj ju kujtohet lufta që ministrja Nagavci kishte bërë dikur kryetarit të Kamenicës, zotëri Kastratit në reformën e tij për arsimin fillor duke i tejkaluar kompetencat e saj dhe duke e shkelur Kushtetutën e Kosovës”, shtoi ai.

Ndërkaq, anëtari i kryesisë së PDK-së, Muzafer Shala tha se ministrja Arbërie Nagavci duhet të jap dorëheqje.

“Më e pakta që sot do të ishte dashur të bëjë ministrja e Arsimit, ish dashur të jap dorëheqje. Me gjithë ato skandalet që u përmenden të cilat i ka bërë qysh se ka ardhur në krye të Ministrisë së Arsimit. Pra, përveç kësaj Qeveria e Kosovës urgjentisht duhet të bëjë prioritet adresimin e problemeve të cilat i ka evidentuar PISA. Ne si PDK tashmë i kemi në program tonin dhe vazhdimisht bëjmë përpjekje për t’i adresuar të gjitha këto probleme dhe t’i reflektojmë në programin tonë qeverisës dhe adresimin e të gjitha këtyre problemeve. Prandaj sot ne i propozojmë nëntë pika urgjente Qeverisë së Kosovës, të cilat duhet t’i adresojë urgjentisht. E para ka të bëjë me përmirësimin e arsimit në matematikë, lexim dhe shkencë, meqë kjo është edhe bazambi të cilën nxënësit tanë duhet ta kenë fokusin”, deklaroi ai.

Ai tha se duhet të mbështeten edhe nxënësit me arritje të ulëta dhe të ketë ndërhyrje të synuara.

“Si pikë e tretë është ngushtimi i hendekut te performancës: Të bëhet përpjekje e vazhdueshme për të mbështetur ata me arritje të ulëta, duke ofruar gjithashtu sfida për ata të cilët kanë pasur arritje të larta. Si pikë e katërt është fokusi në ndarjet socio-ekonomike të cilat i ka potencuar PISA në raportin e saj, ku MASHT duhet të zhvillojnë strategji për të mbështetur nxënësit me prejardhje të pafavorshme, me kushte të vështira ekonomike, duke siguruar që ata të kenë qasje në mjetet e konkretizimit bashkëkohore dhe mbështetjen që u nevojitet për të pasur sukses”, shtoi ai.

Në mesin e rekomandimeve të PDK-së për arsimin, Shala tha se propozojnë edhe përmirësimi i disiplinës dhe mjedisit mësimor dhe rritja e përfshirjes së prindërve. Tutje, përmendi edhe investimet në digjitalizimin në sistemin arsimor.

Vazhdo të lexosh

Lajmet

Rreth 21 mijë familje me asistencë sociale subvencionohen për blerjen e lëndëve djegëse

Kjo masë është mbështetur nga pakoja energjetike emergjente e Bashkimit Evropian, ku Ministria e Financave, Punës dhe Transfereve.

Publikuar

2 orë më parë

më

6 Dhjetor, 2023

nga

Rreth 21 mijë familje me 81 mijë anëtarë në asistencë sociale do të përfitojnë nga subvencionimi për blerjen e lëndës djegëse për ngrohje gjatë dimrit, me nga 120 euro në tërësi dhe me nga 30 euro shtesë për çdo anëtarë të familjes.

Kjo masë është mbështetur nga pakoja energjetike emergjente e Bashkimit Evropian, ku Ministria e Financave, Punës dhe Transfereve, ka pranuar mbështetje financiare në vlerë prej 75 milionë euro, e që 5 milionë prej tyre janë alokuar për subvencionimin e familjeve me asistencë sociale.

Ministri i Financave, Punës dhe Transfereve, Hekuran Murati tha se familjet të cilat do të përfitojnë nga ky subvencionim nuk kanë nevojë të aplikojnë, meqenëse Qendrat për Punë Sociale kanë familjet të cilat pranojnë mbështetjen sociale. Ai potencoi se Departamenti për Punë Sociale bën përllogaritje, që për secilën familje të ndahen nga 120 euro, që është shumë ekuivalente me dy metra kub lëndë djegëse me çmimin e tregut, derisa shtoi se do të ndahen edhe nga 30 euro shtesë për çdo anëtar të familjes.

“Kjo masë është e mbështetur nga Bashkimi Evropian, nga pakoja energjetike emergjente e Bashkimit Evropian. Ne kemi pranuar një mbështetje financiare në vlerë prej 75 milionë euro ku ato mjete, njëra nga masat është edhe kjo për mbështetjen e grupeve të cenueshme për sigurimin e lëndëve djegëse për sezonin e dimrit. Në tërësi janë 5 milionë euro të alokuara për këtë masë…Sa i përket mënyrës, se si do të bëhet përfitimi, nuk kanë nevojë për aplikim meqenëse pra qendrat për punë sociale tashmë kanë familjet të cilat pranojnë mbështetjen sociale. Departamenti për punë sociale do të bëjë përllogaritjen dhe përllogaritja bëhet në formën që për secilën familje, përfitim është 120 euro, që është ekuivalent me dy metër kub me çmimin e tregut, ndërkaq për çdo anëtarë të familjes dike filluar nga kryefamiljari është 30 euro shtesë. Që nënkupton që për një familje katër anëtarshe do të ketë 120 për familjen plus 120 të tjera pra nga 30 për secila. Anëtar që i bie nga 240 euro…Subvencionimi realizohet direkt në llogarinë bankare të familjes përfituese…21 mijë familje me 81 mijë anëtarë”, tha Murati.

Ndërkaq lidhur me masën 1.2, kryeministri i Kosovës, Albin Kurti tha se me këtë shumë Qeveria do të mundësojë subvencionimin e blerjes së lëndës djegësve për familjet me asistencën sociale, me qëllim tejkalimin sa më të lehtë të dimrit. Ai potencoi se si qeveri strategjinë për mbrojtjen dhe rritjen e mirëqenies së qytetarëve e ekzekutuan në dy drejtime. Këto u bënë, sipas tij duke iu përgjigjur nevojës për të lehtësuar vështirësitë e krizave dhe duke nxitur zgjidhje të qëndrueshme për familjet në nevojë përmes punësimit në tregun e punës.

Derisa foli për arritjet, Kurti potencoi faktin për kujdesin ndaj nënave lehonë dhe fëmijëve, ku potencoi se deri më tani kanë përfituar mbi 49 mijë nëna dhe 387 mijë fëmijë.

“Bashkë na u desh të ballafaqoheni me pandeminë, pasojat e agresionit rus në Ukrainë dhe një krizë të gjithmbarshme energjetike. Faktin që u rrethuam nga një ambient shpesh herë i vështirë e i rëndë vetëm sa intensifikoj përkushtimin tonë drejt kujdesit për qytetarët…Si qeveri strategjinë për mbrojtjen dhe rritjen e mirëqenies së qytetarëve, e veçanërisht atyre që patën e kanë më së shumti nevojë ekzekutuam në dy drejtime. Më njërën anë iu përgjigjëm nevojës për lehtësuar vështirësitë e krizave të lartpërmendura shkaktuan te ekonomitë familjare. Dhe në anën tjetër nxitëm zgjidhje të qëndrueshme për këto familje përmes punësimit në tregun e punës…Kemi filluar duke e rritur asistencën sociale nga 30 për qind mbi nivelin e rregullt të saj në vitin 2021. Më pas mbështetjen e vazhduam duke dyfishuar asistencën sociale katër herë brenda viteve 2021-2022. Mandej përkrahëm me 1.4 milion euro 19 kuzhina popullore. Dhe bashkëpunuam me organizatat jo qeveritare për ofrimin e mbi 36 mijë pakove dhe rreth 350 mijë shujtave për shtresat e cenueshme të shoqërisë”, potencoi Kurti.

Shefi i Seksionit për Bashkëpunim në Zyrën e Bashkimit Evropian në Kosovë, Johannes Madsen Stenbaek tha se qëllimi i kësaj mbështetje është të përshpejtohet zhvillimi ekonomik, përmes investimit dhe financimit përmes granteve. Ai shtoi se presin bashkëpunim të mëtutjeshëm në sektorin e energjisë dhe reformat e zbatimit dhe investimeve, për të siguruar siç tha si një të ardhme më të mirë për të gjithë qytetarët e Kosovës.

“Ministria e Ekonomisë ka pranuar më shumë se mijëra aplikacione për pajisje ngrohëse dhe pajisje elektrike që përfshinë makinat për larje dhe frigoriferët dhe së fundi ka lansuar thirrjen për te lansuar bizneset me pajisje ngrohëse. Progres i madh tanimë është bërë në zbatimin e pakos sonë…Qëllimi është të përshpejtojmë zhvillimin ekonomik, përmes investimit, financimit përmes granteve si pjesë e 6 milionë euro, Kosova dhe rajoni do të përfitojë më tutje nga korniza e investimeve në Ballkanin Perëndimor…Ne mirëpresim të vazhdojmë bashkëpunimin tonë të shkëlqyeshëm në sektorin e energjisë dhe në reformat e zbatimit dhe investimeve për të siguruar një të ardhme të mirë për të gjithë qytetarët e Kosovës dhe për të sjellë Kosovën më afër BE-së”, theksoi Stenbaek.

Vazhdo të lexosh

Lajmet

Gaza një nga ‘vendet më të rrezikshme në botë’

UNRWA njoftoi se njerëzit që po ikin si pasojë e sulmeve izraelite nuk kanë ku të kthehen të sigurt.

Publikuar

2 orë më parë

më

6 Dhjetor, 2023

nga

Agjencia e OKB-së për refugjatët palestinezë paralajmëron se situata në Gaza “po përkeqësohet çdo minutë”.

UNRWA njoftoi se njerëzit që po ikin si pasojë e sulmeve izraelite nuk kanë ku të kthehen të sigurt, pasi të gjitha strehimoret janë tashmë përtej kapacitetit.

“Një valë tjetër zhvendosjesh është duke u zhvilluar në Gaza”, tha UNRWA në një postim në X, duke e quajtur të gjithë Rripin “një nga vendet më të rrezikshme në botë.

“Nuk kanë ku të shkojnë pasi strehimoret, përfshirë ato të UNRWA-s, janë të tejmbushura”./UBTNews/

Vazhdo të lexosh

Lajmet

​Biden: Nuk jam i sigurt nëse do të kandidoja përsërsi nëse Trump nuk do të ishte në garë

“Nëse Trump nuk do të kandidonte, nuk jam i sigurt se do të kandidoja”, tha ai, duke thënë se demokratët “nuk mund ta lënë atë të fitojë”.

Publikuar

2 orë më parë

më

6 Dhjetor, 2023

nga

Presidenti Joe Biden u tha donatorëve demokratë të martën se nuk ishte i sigurt se do të kërkonte një mandat tjetër nëse paraardhësi i tij, Donald Trump, nuk do të kandidonte për Shtëpinë e Bardhë, një vlerësim dukshëm i sinqertë i arsyes së rizgjedhjes së tij teksa ai hyn në një garë të mundshme me rivalin e tij të vitit 2020.

“Nëse Trump nuk do të kandidonte, nuk jam i sigurt se do të kandidoja”, tha ai, duke thënë se demokratët “nuk mund ta lënë atë të fitojë”.

Komenti, i bërë gjatë një mbledhjeje fondesh në një shtëpi private jashtë Bostonit, ofroi ndoshta arsyetimin më të ashpër deri më sot për vendimmarrjen për rizgjedhjen e Biden dhe, sipas burimeve të njohura me këtë çështje, i befasoi zyrtarët dhe këshilltarët e lartë të fushatës së Bidenit.

Fushata ishte e shpejtë në përpjekje për të shmangur shakanë e presidentit si një moment “asgjë për të parë këtu” duke vënë në dukje se Biden e ka përshkruar gjithmonë Trumpin si një kërcënim unik për vendin dhe se ai kishte shprehur mendime të ngjashme për vendimin e tij për të kandiduar për president rreth fushatës së vitit 2020.

Vazhdo të lexosh

Të kërkuara