Sport

Uta Ibrahimi i shpëton tragjedisë: Jam gjallë, por e tmerruar

Ajo ka thënë se nuk është mirë, por fakti që është gjallë mjafton për të.

Published

3 years ago

October 10, 2023

Betim Gashi

Pushtuesja e shumë majave të larta nëpër botë, Uta Ibrahimi i ka shpëtuar më të keqes nga dy ortekë në majën Shishapangma të Kinës.

Përmes një postimi në Facebook, Ibrahimi ka bërë të ditur se ishte në rrezik të madh për ta pësuar më të jetën, por fatmirësisht gjithçka përfundoi mirë në fund për të.

Ajo ka thënë se nuk është mirë, por fakti që është gjallë mjafton për të.

“Shisha Pangma 8027 m. Miqtë e mi të dashur, NUK JAM OK. Por unë jam gjallë, dhe kjo është në rregull!. Kam ëndërruar kaq gjatë për këtë mal, por për kaq shumë vite është mbyllur për shkak të tragjedive. Edhe pse është më i vogli, njihet për një nga më të rrezikshmit nga ortekët!. Shisha Pangma ishte mali i fundit për shumë alpinistë!. Kjo është ajo që ndodhi në Shisha Pangna, dhe unë ende nuk mund ta besoj dhe ta përshkruaj atë që ndodhi në të vërtetë. U tmerrova kur kuptova që orteku mori 3 persona, përfshirë Ana dhe Mingna, të cilët vdiqën!. Isha shumë e tronditur. Ndalova për një orë duke u përpjekur të kuptoj se çfarë duhet të bëj. Sigurisht që nuk dua të ngjitem!. Për 2 arsye, është shumë i pasigurt dhe për respekt të alpinistëve që vdiqën!. Zemra ime është e thyer. Nuk mund ta besoj që në vetëm 3 orë humbëm 4 njerëz, dhe unë isha kaq afër kësaj. Nuk mund ta besoj se kemi humbur shokun tim Lama. Unë jam e tmerruar”, ka shkruar Uta në fund.

Vendi

Akil Gjakova mbyll garën pa medalje në Abu Dhabi

Published

12 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

12 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

14 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/