Kronikë e zezë

​U ndalua me kokainë, një muaj paraburgim ndaj të pandehurit

Published

6 years ago

on

Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurës E.A. për shkak të dyshimit të bazuar se ka kryer veprën penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.

Sipas një komunikate të gjykatës, pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake, Mustaf Tahiri, ka vërtetuar faktin se i pandehuri dyshohet se më 4 maj të këtij viti, në Ferizaj, pa autorizim ka blerë dhe poseduar me qëllim të shitjes apo shpërndarjes substanca apo preparate të cilat janë shpallur me ligj si narkotik, në atë mënyrë që me rastin e ndaljes dhe kontrollit nga ana e Policisë së Kosovës, tek i njëjti në një pako të cigareve është gjetur dhe sekuestruar një qese me substance pluhur ngjyrë kafe e dyshuar si narkotik i llojit heroinë me peshë të përgjithshme prej 4.03 gram.

“Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit, e ka aprovuar si të bazuar dhe të njëjtit i është caktuar masa e paraburgimit në kohëzgjatje prej një muaji. Gjykata po ashtu vlerëson se janë përmbushur kushtet për caktimin e paraburgimit të përcaktuara me KPPRK-në, duke vlerësuar peshën e veprës penale, mënyrën dhe rrethanat që dyshohet se është kryer kjo vepër penale, llojin e sasisë së dyshuar narkotike e cila dyshohet se është e llojit heroinë, dhe lartësisë së dënimit që parashihet për këtë lloj të veprës penale, karakteristikat e tij personale, se i njëjti është recidivist i veprave penale të natyrës së njëjtë por edhe i një numri të madh të veprave penale kryesisht të vjedhjes, andaj ekziston rreziku real dhe potencial, se po që se i njëjti të gjendet në liri, mund të përsërisë vepra penale të njëjta apo të ngjashme”, thuhet në komunikatë.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.

Related Topics:
Continue Reading

Lajmet

Përleshje mes dy grupeve të mitur në Gjilan, dy të lënduar dhe dy të arrestuar

Published

4 minutes ago

on

November 12, 2026

By

Një përleshje mes dy grupeve të të miturve ka ndodhur në rrugën “Zija Shemsiu” në Gjilan, ku dy persona kanë mbetur të lënduar si pasojë e përdorimit të mjeteve të ftohta.

Rasti është raportuar më 11 nëntor, rreth orës 10:26. Sipas Policisë, në përleshje dyshohet se kanë qenë të përfshirë nëntë persona.

Dy të miturit e lënduar janë dërguar për trajtim mjekësor, njëri në Spitalin Rajonal të Gjilanit dhe tjetri në QKUK.

Deri më tani janë arrestuar dy të dyshuar, të cilët me vendim të prokurorit janë dërguar në mbajtje për 24 orë.

Rasti po hetohet si vrasje në tentativë dhe pjesëmarrje në rrahje.

/A.K/

Continue Reading

Lajmet

Vidhen pajisje në vlerë prej 30 mijë eurosh në objektin e braktisur të RTK-së në Obiliq

Published

6 minutes ago

on

November 12, 2026

By

Një vjedhje e rëndë është raportuar në fshatin Bakshi të Obiliqit, ku persona të panjohur kanë depërtuar në një objekt të braktisur të Radio Televizionit të Kosovës (RTK).

Sipas raportit të Policisë, nga objekti janë vjedhur një gjenerator, kontejnerë dhe pajisje të tjera, me vlerë të përgjithshme rreth 30 mijë euro.

Rasti është raportuar më 11 nëntor 2026, ndërsa me vendim të prokurorit po vazhdojnë hetimet për identifikimin e personave të përfshirë.

/A.K/

Continue Reading

Lajmet

Arrestohet zyrtari komunal në Prishtinë, dyshohet se mundësoi regjistrimin e tri pronave komunale

Published

9 minutes ago

on

November 12, 2026

By

Një zyrtar komunal në Prishtinë është arrestuar nën dyshimin për falsifikim të dokumenteve dhe keqpërdorim të pozitës apo autoritetit zyrtar.

Sipas Policisë, rasti lidhet me periudhën 2022–2023, ndërsa arrestimi është kryer më 11 nëntor 2026 nga Drejtoria për Hetimin e Krimeve Ekonomike dhe Korrupsionit, përkatësisht njësia për hetimin e falsifikimit të dokumenteve.

I dyshuari, mashkull kosovar, dyshohet se kishte vërtetuar dokumente të dyshuara si të falsifikuara, duke mundësuar që një person tjetër të regjistronte tri prona komunale në emrin e tij.

Pas intervistimit, me vendim të prokurorit, i dyshuari është dërguar në mbajtje.

/A.K/

Continue Reading

Lajmet

Dyshohet se goditi me veturë një person në Podujevë, arrestohet i dyshuari

Published

11 minutes ago

on

November 12, 2026

By

Një person është arrestuar në Podujevë, nën dyshimin për vrasje në tentativë, pasi dyshohet se ka goditur me veturë një person tjetër.

Rasti ka ndodhur më 11 nëntor, rreth orës 21:00, në rrugën “Ilir Konushevci”. Viktima ka pësuar lëndime trupore dhe është dërguar në QKUK për trajtim mjekësor.

Me vendim të prokurorit, i dyshuari është dërguar në mbajtje pas intervistimit.

/A.K/

Continue Reading

Të kërkuara