Sport

​Trajnerja e Donjeta Sadikut: Ishte e përgatitur, por i mungoi fati

Ajo ka thënë se Donjeta ishte shumë e përgatitur për të fituar medalje, por që fati nuk ishte me të.

Published

3 years ago

on

Shpresat më të mëdha për të fituar medalje në Lojërat Evropiane Kosova i kishte tek boksierja Donjeta Sadiku, por as ajo nuk ia doli pasi u eliminuar në çerekfinale.

Për ecurinë e saj në këto lojëra, ka reaguar trajnerja e Sadikut, Mariola Sallauka. Ajo përmes një shkrimi në Facebook ka thënë se Donjeta ishte shumë e përgatitur për të fituar medalje, por që fati nuk ishte me të.

“Donjeta Sadiku renditet e 5-ta në Lojërat Evropiane- Krakov 2023. Synimet tona ishin qe Donjeta te sigurojë medalje dhe të kualifikohet për Lojërat Olimpike 2024. Me një formë të shkëlqyer që shfaqi në dy meçet e para, besuam shumë që po ashtu do të kalojë dhe meçin e tretë, mirëpo fati ndonjëherë di të befasojë”, ka shkruar fillimisht Sallauka.

Ajo tutje është shprehur e bindur se normën olimpike për Paris 2024 Donjeta do ta arrij në garat e ardshme ndërkombëtare.

“Në këto meçe Donjeta tregoi cilësi në teknikë të boksit, e në përgatitje të fortë fizike e kondicionale, ku shpesh vuri në pozita të pa lakmueshme kundërshtaret e saj. E sa për performancen e Donjetes në këto lojëra, po ju përkujtojë që Donjeta ishte e vetmja sportiste që ishte më afër medaljes dhe kualifikimit. Po i lëmë pas këto lojëra vetëm me një qëllim, për të ardhmen, që të vazhdojmë të punojmë fortë për gara , ku besoj fuqishëm që kualifikimin Donjeta do ta sigurojë në garën e ardhshme kualifikuese”, ka shkruar në fund Sallauka.

Ndryshe, Kosova u kthye pa asnjë medalje nga Lojërat Evropiane që u mbajtën në Poloni.

Related Topics:
Continue Reading

Sport

Sportet dhe origjina e tyre

Published

19 hours ago

on

January 14, 2026

By

Sporti mbetet gjithnjë një fushë me shumë interes. Historikisht, e deri në ditët e sotme. Një formë e pazëvendësueshme e garës, luftës dhe argëtimit.

Në përcjellim shumë gara sportive, por a jemi ndalur ndonjëherë të mendojmë ku e kanë origjinën këto sporte:

Lojërat olimpike: Greqia

Kriketi: Anglia

Futbolli: Anglia

Tekvondo: Koreja e Jugut

Xhudo: Japonia

Shahu: Indi

Atletika: Greqia

Volejbolli: SHBA

Basketbolli: SHBA

Kabadi: Indi

Bilardo: Indi

Softball: SHBA

Ragbi: SHBA

Continue Reading

Sport

Rivaliteti më i madh në sport

Published

19 hours ago

on

January 14, 2026

By

Bota e sportit njeh rivalitete të mëdha. Kundërshtarë me cilësi të përafërta, që një kohë të gjatë maten mes vete kush është më i mirë se tjetri.

Le të shohim cilat janë rivalitetet më të mëdha:

1. Joe Frazier & Muhammad Ali (boks)

2. Ohio State Buckeyes & Michigan Wolverines (futboll i kolegjeve universitare)

3. Montreal Canadiens & Toronto Maple Leafs (hokej mbi akull)

4. Finlanda & Suedia (hokej mbi akull)

5. Real Madrid & Barcelona (futboll)

6. Seltik & Reinxhers (futboll, Skoci)

7. India & Pakistani (krikët)

8. Boston & New York Jankes (ragbi)

9. Detroid Red Wings & Chicago Blackhawks (hokej mbi akull)

10. Duke Blue Devils & North Carolina (futboll i kolegjeve universitare)

11. Los Angales Dodgers & San Francisko Giants (ragbi)

12. Edmonton Oliers & Calgari Flames (hokej mbi akull)

13. River Plate & Boca Juniors (futboll)

14. Alabama Crimson & Auburn Tigers (futboll i kolegjeve universitare)

15. Joe Luis & Max Schmeling (boks)

16. Neë York Knicks & Miami Heat (NBA basketboll)

17. Green Bay Backers & Chicago Bears (hokej mbi akull)

18. Jack Johnson & Society (boks, historikisht)

19. Los Angeles Lakers & Boston Celstics (NBA basketboll)

20. Cris Evert & Martina Navratillova (tenis)

Continue Reading

Sport

Ronaldo i frustruar, akuzon Al-Hilalin pas humbjes në derbi

Published

20 hours ago

on

January 14, 2026

By

Cristiano Ronaldo u bë protagonist i një momenti të diskutueshëm pas humbjes 3-1 të Al Nassr, të vulosur nga penalltia e shënuar nga Ruben Neves në minutën e 92-të.

Menjëherë pas golit, ylli portugez u kthye nga kamera që po e filmonte dhe bëri një gjest me dorën e djathtë, i cili u interpretua gjerësisht si shenjë që nënkupton “vjedhje”, i shoqëruar edhe me një buzëqeshje ironike.

Ky veprim shkaktoi reagime të shumta në rrjetet sociale, ndërsa disa e interpretuan ndryshe, duke pretenduar se Ronaldo kishte treguar pesë gishta për të kujtuar pesë titujt e Champions League të fituar gjatë karrierës së tij.

Në fushë, Al Hilal i drejtuar nga Simone Inzaghi triumfoi 3-1 ndaj rivalëve, duke u shkëputur në +7 pikë në krye të renditjes, pas një serie rezultatesh pozitive edhe në javët e fundit.

Cristiano Ronaldo kishte kaluar Al Nassr në avantazh të përkohshëm 1-0 në minutën e 42-të, duke realizuar golin e tij të 959-të në karrierë dhe duke iu afruar edhe më shumë shifrës simbolike prej 1000 golash. Megjithatë, ky gol nuk mjaftoi për të shmangur humbjen. Penalltia e akorduar në minutat shtesë largoi edhe më shumë Al Nassr nga objektivi i titullit kampion, duke lënë hije polemikash mbi ndeshjen.

Continue Reading

Lajmet

Stadiumi Nacional përfshihet në buxhetin 2026, ndahen 4 milionë euro

Published

2 days ago

on

January 13, 2026

By

Sekretari i Përgjithshëm i Ministrisë së Sportit, Bislim Bislimi, ka bërë të ditur se ndërtimi i Stadiumit Nacional të Kosovës është përfshirë në projektbuxhetin e vitit 2026, me një fond fillestar prej 4 milionë eurosh.

Sipas Bislimit, ky projekt do të vazhdojë edhe në vitet pasuese dhe vlera totale e investimit pritet të tejkalojë 20 milionë euro.

Ai theksoi se ndërtimi i Stadiumit Nacional konsiderohet një domosdoshmëri për zhvillimin e infrastrukturës sportive dhe për përmbushjen e standardeve ndërkombëtare.

Megjithatë, ende nuk është përcaktuar lokacioni ku do të ndërtohet stadiumi, ndërsa autoritetet kompetente pritet të dalin me vendim në fazat e ardhshme të projektit.

Continue Reading

Të kërkuara