Sport
Top pesë golashënuesit e Superligës së Kosovës, Daku i pakapshëm
Atalanta, e drejtuar nga Gian Piero Gasperini dhe me mesfushorin Berat Gjimshiti, i dha një leksion të vërtetë futbolli Juventusit, duke e mundur me rezultatin e thellë 4-0 në “Allianz Stadium” në kuadër të javës së 28-të të Serisë A.
Sfida nisi me një dominim të plotë të Atalantës, e cila përballë një Juventus të dobët, arriti të shënonte katër herë në portën e portierit Di Gregorio. Pjesa e parë përfundoi me një gol të vetëm, të shënuar nga Retegui në minutën e 29-të pas një penalltie, duke i dhënë Atalantës avantazhin 1-0.
Në pjesën e dytë, skuadra e Gasperinit vazhdoi dominimin dhe arriti të shënonte edhe tre herë të tjera. De Run, Zapakosta dhe Lukman ishin autorët e golave të tjerë që i dhanë Atalantës një fitore të pa diskutueshme. Përsa i përket mundësive të Juventusit, ata mundën të gjuajnë vetëm dy herë në portën e Atalantës, ndërsa skuadra vizituese regjistroi plot 8 gjuajtje në portë, duke pasur një kontroll të plotë të lojës.
Me këtë fitore, Atalanta ngjitet në kuotën e 58 pikëve, duke u afruar me 3 pikë diferencë nga Interi që kryeson tabelën. Në sfidën e ardhshme, Atalanta do të përballet me Interin, një ndeshje që mund të ketë ndikim të madh në luftën për kreun e tabelës./UBTNews/
Xhudistja e Kosovës, Distria Krasniqi, ka vazhduar me paraqitje të jashtëzakonshme në Grand Prix “Upper Austria”, duke siguruar një vend në gjysmëfinale.
Në çerekfinale, Krasniqi e mposhti pa asnjë telashe serben Nikolina Nisheviq, duke e përfunduar duelin për vetëm 29 sekonda me një Ippon të bukur.
Më herët, Distria pati një tjetër paraqitje të fuqishme, duke mposhtur amerikanen Jenna Schurr me Ippon pas 1 minutë e 34 sekonda luftë.
Me këtë formë të shkëlqyer, Krasniqi synon të vazhdojë rrugëtimin drejt medaljes së artë në këtë garë prestigjioz
ProCredit Superliga vazhdon me ndeshje interesante në fundjavë, ku zhvillohet java e 23-të. Kampionati po shkon drejt fundit të garave të rregullta, ku secila ndeshje është më e rëndësishme se tjetra dhe lufta për çdo pozitë në tabelë është e madhe.
Proton Cable Prizreni do të ndeshet Pejën, ku të dy skuadrat luajnë vetëm për fitore. Prizrenasit janë në vendin e tetë në renditje me pesë fitore e 17 humbje, kurse pejanët në vendin e katërt me 11 fitore e 11 humbje, transmeton KosovaPress.
Derbi prishtinas zhvillohet të shtunën mbrëma mes Borës dhe Sigal Prishtinës, dy skuadra që kanë pasur formë të lartë në vitin 2025 në elitën e basketbollit. Bora ka tri fitore në katër ndeshjet e fundit, ndërsa bardhekaltrit tetë fitore në tetë sfidat e fundit. Ky është edicioni i parë i Borës në elitë, ku kërkon “Play-off”-in, derisa renditet e shtata me tetë fitore e 14 humbje, kurse Sigal Prishtina e treta me 14 fitore e tetë humbje.
Të dielën përballen finalistët e edicionit të kaluar Golden Eagle Ylli dhe Trepça. Therandasit renditen në pozitën e gjashtë me nëntë fitore e 13 humbje, derisa mitrovicasit kanë 15 fitore e shtatë humbje, aq sa ka edhe Bashkimi, që përballet me Vëllaznimin në Gjakovë. Kuqezinjtë numërojnë 11 fitore e 11 humbje, andaj pritet një sfidë mjaft interesante.
ProCredit Superliga-Java 23
E shtunë
20:00 Proton Cable Prizreni – Peja
20:00 Bora – Sigal Prishtina
E diel
20:00 Golden Eagle Ylli – Trepça
20:00 Vëllaznimi – Bashkimi
Los Angeles Lakers regjistruan fitoren e tyre të tetë radhazi në NBA, duke mundur New York Knicks me rezultatin 113-109 pas kohës shtesë. Luka Doncic dhe LeBron James udhëhoqën skuadrën kaliforniane, me 32 dhe 31 pikë respektivisht, duke neutralizuar paraqitjen e jashtëzakonshme të Jalen Brunson, i cili shënoi 39 pikë për Knicks. Me këtë fitore, Lakers mbeten në vendin e dytë në Konferencën e Perëndimit.
Boston Celtics shënoi një fitore bindëse 123-105 ndaj Philadelphia 76ers, duke konsoliduar pozitat e tyre në vendin e dytë të Lindjes. Jayson Tatum ishte lideri i skuadrës me 35 pikë, duke dominuar në parket.
Një tjetër fitore të rëndësishme jashtë fushe regjistroi Houston Rockets, që mundi New Orleans Pelicans 109-97. Në këtë ndeshje, tre lojtarë të Houston realizuan mbi 20 pikë, duke siguruar një sukses të merituar.
Chicago Bulls arriti një fitore dramatike ndaj Orlando Magic, me rezultatin 125-123. Heroi i takimit ishte Coby White, i cili shkëlqeu me 44 pikë, duke vendosur ndeshjen në sekondat e fundit.
Atlanta Hawks triumfoi ndaj Indiana Pacers me shifrat 124-118, falë një kontributi të madh nga banka e rezervave, që siguroi 50 pikë për ekipin.
Ndërkohë, Golden State Warriors fituan një ndeshje të ngushtë 121-119 ndaj Brooklyn Nets, me Stephen Curry që udhëhoqi ekipin me 40 pikë.
Rezultatet e plota:
Orlando – Chicago 123-125
Atlanta – Indiana 124-118
Boston – Philadelphia 123-105
Brooklyn – Golden State 119-121
New Orleans – Houston 97-109
Lakers – New York 113-109
Atalanta e Gjimshitit turpëron me 4 gola Juventusin në ‘Allianz Stadium’
Trump s’përjashton mundësinë e një recesioni: Kthimi i pasurisë në SHBA kërkon kohë
ATK: 184.3 milionë euro tatime të mbledhura për janar-shkurt 2025
Kandidatit prorus, Georgescu, i ndalohet garimi në zgjedhjet presidenciale në Rumani
Carney është lideri i ri liberal dhe kryeministër kanadez
Sekretari Rubio shkon në Arabinë Saudite, për bisedime me zyrtarët ukrainas
KQZ mban mbledhjen e radhës
Sekretari i Përgjithshëm i NATO-s nesër në Kosovë, takon Osmanin e Kurtin
Sekretari i Përgjithshëm i NATO-s Mark Rutte viziton sot Sarajevën
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt