Lajmet

​Szunyog: Procesi zgjedhor në Kosovë të përmirësohet me ligj e rregulla të reja

Szunyog tha se BE është e interesuar të shoh përmirësimin e procesit zgjedhor në pajtim me standardet ndërkombëtare.

Publikuar

Kosova është përmirësuar shumë në aspektin e integritetit zgjedhor i cili nuk është vetëm detyrë e Komisionit Qendror Zgjedhor, por edhe detyrë e qytetarëve.

Kështu ka thënë shefi i Zyrës së BE-së në Kosovë, Tomas Szunyog në shënimin e Ditës Globale të Zgjedhjeve me temën: “Pjesëmarrja në zgjedhje në Republikën e Kosovës dhe roli i institucioneve”, të organizuar nga KQZ.

Szunyog tha se BE është e interesuar të shoh përmirësimin e procesit zgjedhor në pajtim me standardet ndërkombëtare.

“Nuk është vetëm detyrë e KQZ-së që të sigurojnë se zgjedhjet janë të mbajtura me integritet por është edhe detyrë e qytetarëve. Integriteti zgjedhor është shumë i rëndësishëm dhe është e rëndësishme të dimë që çdo votë shkon aty ku duhet… kemi pas edhe raste kur kemi pas disa mashtrime në zgjedhje dhe kjo ka luhatur besimin e njerëzve në proceset zgjedhore dhe në sistemet demokratike. Kosova është përmirësuar shumë në këtë fushë. Më lejoni që ta theksoj se ne jemi të interesuar që ta shikojmë përmirësimin e procesit zgjedhor në pajtim me standardet ndërkombëtare. Dëshirojë ta shikoj këtë proces të përmirësuar dhe kompletuar me një ligj të ri dhe rregulla të reja”, tha ai.

Zëdhënësi i KQZ-së, Valmir Elezi tha se KQZ ka miratuar dokumentin “trendët zgjedhore 2009-2021”, i cili është gjithëpërfshirës dhe prezanton të dhënat që u takojnë pesë proceseve zgjedhore për Kuvendin e Republikës së Kosovës dhe katër procese për komunat.

“Në pjesën e tretë të këtij dokumenti mund të themi se është pjesa më thelbësore e tij sepse paraqiten të dhënat në votime sipas 6 grupmoshave, të ndarë sipas gjinisë dhe komunave. Kjo pjesë ka një volum të madh të informacionit. Duke u mbështetur në të dhënat e analizuara, mund të konstatojmë se votuesit që i takojnë grupmoshës 18-21 vjeç, shënojnë përqindjen më të lartë të pjesëmarrjes në zgjedhje, e ndjekur nga votuesit e grupmoshës 41 deri 46 vjeç. Përqindja e pjesëmarrjes në votime në ditën e zgjedhjeve te grupmosha 18-21 vjeç, në të shumtën e rasteve ka kaluar 50 përqind”, tha ai, duke shtuar se ky dokument ofron të dhëna të detajuara për pjesëmarrjen në zgjedhje në çdo komunë dhe sipas gjinisë, përqindjen e pjesëmarrjes për cdo komunë dhe përgjatë çdo procesi zgjedhor.

Kryetari i Komisionit Qendror të Zgjedhjeve, Kreshnik Radoniqi uroj Ditën Globale të Zgjedhjeve, të zgjedhjeve duke dhënë detaje për punën e KQZ-së edhe në kohërat kur nuk ka zgjedhje, duke veçuar edhe kontributin për reformën zgjedhore.

“I kemi kushtuar vëmendje publikimeve të cilat në shumë se sa vet neve në institucion do t’i shërbejnë edhe palëve të tjera, partive politike, studiuesve, mediave, shoqërisë civile dhe vëzhguesve. Besoj shumë se edhe ky dokument që do të lanësohet sot ka këtë qëllim q do t’i shërbej palëve, pra është një dokument që ofron me mijëra të dhëna për shumë aspekte të procesit zgjedhor dhe për çdo komunë të Republikës së Kosovës…..reformën zgjedhore e shohim si një mundësi të madhe për të adresuar të gjitha sfidat me të cilat është përballur ky institucion prej kaq kohësh. Pavarësisht arritjeve të mëdha që Kosova ka shënuar gjatë proceseve zgjedhore nga viti në vit, është e natyrshme që ato të përmirësohen vazhdimisht dhe natyrisht të ndryshohen edhe ligjet për t’u përshtatur zhvillimeve”, tha ai.

Eugen Cakolli nga Demokracia në Veprim, tha se pjesëmarrja në zgjedhje tregon demokratizimin e një vendi.

“Fatkeqësisht në gjithë botën, e në veçanti edhe në Kosovë, pjesëmarrja në zgjedhje ka trendë të rënie që tregon shumë për problemet politike me të cilat ballafaqohen demokracitë sot. Në rastin e Kosovës për më keq, kemi të bëjmë me faktin që kjo pjesëmarrje e ulët në zgjedhje është e lidhur me faktin se listat nuk e reflektojnë situatën reale me numrin e votuesve të cilët janë në Kosovë”, tha ai.

Lidhur me këtë dokument dhe kontributin për organizimin e zgjedhjeve në vend, foli edhe drejtoresha për demokratizim në OSBE,Pascale Roussy.

Përndryshe, gjatë prezantimit të dokumentit, u tha se duke u mbështetur në të dhënat nga listat përfundimtare të votuesve, në secilin nga proceset zgjedhore nga viti 2009 deri më 2021, meshkujt përbëjnë numrin më të madh të qytetarëve me të drejtë vote.

Kjo diferencë sillet nga rreth 40 mijë në rreth 50 mijë më shumë votues meshkuj. Po ashtu, edhe pjesëmarrja në votime është më e lartë tek meshkujt, gjatë proceseve zgjedhore të mbajtura nga 2009 deri më 2021.

Lajmet

Kenia thotë se 238 persona janë arrestuar në ditën e protestave të dhunshme

Në protestë u plagosën 31 oficerë policie.

Publikuar

nga

Policia e Kenias tha se kishte arrestuar 238 persona gjatë protestave të dhunshme për koston e jetesës, ku u plagosën edhe 31 oficerë policie.

Protestuesit iu bashkuan demonstratave në Nairobi dhe pjesë të tjera të Kenias të hënën në përgjigje të thirrjes së liderit veteran të opozitës Raila Odinga për një ditë aksioni kundër qeverisë së presidentit William Ruto.

Policia hodhi gaz lotsjellës dhe topa uji kundër demonstruesve, disa prej të cilëve po hidhnin gurë dhe digjnin goma.

Inspektori i përgjithshëm i policisë, Japhet Koome, tha në një deklaratë se 213 persona u arrestuan në Nairobi dhe 24 oficerë u plagosën.

Në provincën e Nyanza u arrestuan 25 ndërsa shtatë oficerë u plagosën, tha ai./UBTNews/

Vazhdo të lexosh

Lajmet

ISW: Vizioni i Xi për marrëdhëniet Kinë-Rusi është ‘më i rezervuar se sa kërkon Putini’

ISW parashikon se Xi ka të ngjarë të ofrojë një “propozim më konkret” për negocimin e përfundimit të luftës në Ukrainë.

Publikuar

nga

Vizioni i Xi Jinping për marrëdhëniet midis Rusisë dhe Kinës ka të ngjarë të jetë më i rezervuar sesa ai që kërkon Vladimir Putin, ka thënë një institut me bazë në SHBA.

Artikujt e botuar nga të dy udhëheqësit përpara takimit të tyre në Moskë ofronin ide të ngjashme për fuqinë e lidhjeve të tyre, por ndryshonin kur bëhej fjalë për shkallën e marrëdhënieve të ardhshme.

Instituti për Studimin e Luftës (ISW) thotë se ndërsa Putin argumentonte se Rusia dhe Kina po shkojnë drejt një “rendi botëror shumëpolar” kundër dominimit nga Perëndimi, qasja e presidentit kinez ishte më pak e fortë – duke treguar se urdhri nuk do të ishte në mënyrë specifike kundër një Perëndimi konfrontues.

“Xi në vend të kësaj u përqendrua shumë në paraqitjen e Kinës si një ndërmjetëse e palëve të treta të zbatueshme për luftën në Ukrainë”, tha ISW.

“Retorika e Xi sugjeron se ai nuk është i prirur t’i japë Rusisë plotësisht mbështetjen ekonomike dhe politike që Rusisë i duhet për të rikthyer pengesat në Ukrainë”, shtoi ai.

ISW parashikon se Xi ka të ngjarë të ofrojë një “propozim më konkret” për negocimin e përfundimit të luftës në Ukrainë, por është “e paqartë” se çfarë do të sjellë – ose si do ta marrë Kremlini.

Mundësia që Kina të furnizojë Rusinë me mbështetje ushtarake është gjithashtu e paqartë, sipas ISW./UBTNews/

Vazhdo të lexosh

Lajmet

Etiopia hedh poshtë akuzat e SHBA-së për krime lufte

Uashingtoni akuzoi të hënën të gjitha palët në konflikt për kryerjen e krimeve të luftës.

Publikuar

nga

Qeveria e Etiopisë akuzoi Shtetet e Bashkuara për ndarje të padrejtë të fajit për krimet e kryera gjatë konfliktit dyvjeçar të Tigrayan.

Akuzat e SHBA-së ishin “partiake”, tha ministria e jashtme, duke shtuar“Deklarata e SHBA-së është nxitëse”.

Uashingtoni akuzoi të hënën të gjitha palët në konflikt për kryerjen e krimeve të luftës.

Por ai veçoi forcat etiopiane, eritreane dhe rajonale të Amharasë për krime kundër njerëzimit, pa përmendur rebelët Tigrayan.

Sekretari amerikan i Shtetit, Antony Blinken bëri thirrje të fuqishme për përgjegjësi pas kthimit të tij në Uashington.

Ai tha se Departamenti i Shtetit kreu një “shqyrtim të kujdesshëm të ligjit dhe fakteve” dhe arriti në përfundimin se krimet e luftës ishin kryer nga trupat federale si nga Etiopia ashtu edhe nga aleati i saj Eritrea, si dhe nga rebelët Fronti Popullor Çlirimtar Tigray (TPLF) dhe forcat nga rajoni fqinj Amhara.

“Shumë nga këto veprime nuk ishin të rastësishme ose thjesht një nënprodukt i luftës. Ato ishin të llogaritura dhe të qëllimshme”, tha Blinken teksa prezantoi një raport vjetor të të drejtave.

Blinken shtoi se Departamenti i Shtetit gjeti gjithashtu krime kundër njerëzimit nga forcat Etiopiane, Eritreane dhe Amhara, duke përfshirë vrasjet dhe dhunën seksuale, megjithëse ai nuk përmendi TPLF./UBTNews/

Vazhdo të lexosh

Lajmet

Më shumë se 8 mijë civilë janë vrarë në Ukrainë që nga fillimi i luftës në Rusi, thotë agjencia e OKB-së

Numri më i madh i viktimave civile u regjistrua në rajonet Donetsk dhe Luhansk.

Publikuar

nga

Të paktën 8,317 civilë janë vrarë dhe të paktën 13,892 janë plagosur në të gjithë Ukrainën që nga fillimi i pushtimit të plotë rus të vendit në shkurt 2022, tha Zyra e Komisionerit të Lartë të OKB-së për të Drejtat e Njeriut (OHCHR) në një deklaratë të lëshuar.

Numri më i madh i viktimave civile u regjistrua në rajonet Donetsk dhe Luhansk, tregojnë numrat e OHCHR.

Numrat bazohen në informacionin e mbledhur deri më 19 mars 2023, tha OHCHR, duke dhënë detajet e mëposhtme:
*Në territorin e kontrolluar nga Ukraina: 6,446 të vrarë dhe 11,374 të plagosur
*Në territoret e kontrolluara nga Rusia: 1,871 të vrarë dhe 2,518 të plagosur

Duke përmendur armiqësitë intensive, OHCHR tha se raportet nga disa vende janë të vonuara dhe shumë janë ende në pritje të vërtetimit dhe kështu “shifrat aktuale janë dukshëm më të larta”./UBTNews/

Vazhdo të lexosh

Të kërkuara