Lajmet

​Specializantët do të protestojnë, kërkojnë të kthehen në të rregullt dhe t’iu paguhen kujdestaritë

Në nëntor të vitit të kaluar rreth 1 mijë e 500 specializantë ishin bërë pjesë e sistemit publik shëndetësor në Kosovë.

Published

3 years ago

on

Të gjithë specializantët e angazhuar në Shërbimin Spitalor Klinik Universitar të Kosovës (ShSKUK) me financim nga Ministria e Shëndetësisë dhe ata me vetë financim nesër nga ora 09:00 do të protestojnë. Ata përmes këtij marshi protestues po kërkojnë që ata që janë me vetëfinancim të kthehen në të rregullt dhe të gjithëve tu paguhet kujdestaria sidomos gjatë vikendeve.

Sami Pnishi, specializant në Klinikën e Neokirurgjisë tha se marshi protestues do të nis nga Administrata e QKUK-së, drejt objektit të Qeverisë së Kosovës për të përfunduar tek Ministria e Shëndetësisë.

“Nesër në orën 09:00 specializantët me financim dhe ata me vetë financim të dy palët së bashku do të organizojmë një protestë dhe do marshojmë drejtë Qeverisë dhe Ministrisë së Shëndetësisë me qëllim që të mos neglizhohemi për kërkesat tona që janë bërë vazhdimisht në drejtim të MSH-së dhe Qeverisë. Dy pikat kryesore për të cilat ne do të protestojmë janë kalimi I specializantëve me vetëfinancim në specializantë me financim në formë të rregullt dhe pika e dytë është që të kthehen kujdestaritë siç kanë qenë dhe të paguhen çdo kujdestari sidomos edhe vikendet sepse ne jemi të obliguar me mbajtur kujdestari edhe për përgatitje sa më të mirë profesionale por edhe për shkak të kërkesës për punën që duhet me bë brenda klinikave sepse ka fluks të madh të pacientëve”, tha ai.

Ndërsa, Uran Halimi specializant me vetëfinancim në Klinikën e Kirurgjisë Orale tha se kërkesat e tyre janë legjitime

Duke e konsideruar si marsh protestues përmes të cilin kërkojnë kthimin e dinjitetit të mjekëve, Halimi tha se në kohën kur kishin nënshkruar kontratat me ministrinë e Shëndetësisë për specializim me vetëfinancim u ishte premtuar se në buxhetin e vitit 2021 do të parashihen të kthehen në të rregullt, gjë që nuk ndodhi.

Halimi paralajmëroi edhe protesta dhe bojkotim të punës në rast se nuk plotësohen kërkesat e tyre.

“Këtë vit për MSh-në janë ndarë 5 milionë euro më pak sesa vitin e kaluar përafërsisht në vitin e kaluar kanë qenë 60 milionë euro për shëndetësinë ndërsa këtë vit janë 55 milionë euro dhe me një ndarje kaq të vogël për shëndetësi ne nuk mendojmë se në këtë mënyrë mund të ndalet ikja e mjekëve nga Kosova, prandaj ne sot bëjmë thirrje që nesër specializantët dhe mjekët të tjerë të na bashkohen nga ecjen tonë[…]Kur është hapur konkursi në nëntor të vitit të kaluar për kategorinë me vetëfinancim me pretekstin që për momentin nuk kemi buxhet por në vitin 2021 do t’iu parashohim në buxhetin e vitit të ardhshëm. kjo nuk ka ndodhur për shkak të qeverisë neve politikat nuk na interesojnë dhe kemi mbetur kështu siç jemi, mirëpo prapë se prapë ne kemi qenë mund të themi të obliguar ose ta zgjedhim atë lloj specializimi ose të mbetemi dhe të largohemi tërësisht nga Kosova[…]Protesta do jetë një ditore për të enjten duke vazhduar të premten e kemi mbledhjen dhe pastaj pretendojmë edhe mendojmë që protesta do të ketë vazhdimisht por edhe bojkote”, theksoi Halimi.

Uran Halimi po ashtu tha se është koha shteti ta kthej vëmendjen ndaj specializantëve, pasi vetëm brenda këtij viti nga Kosova kanë ikur 170 specializantë.

“Që nga viti i kaluar e deri më tani Kosovën e kanë lëshuar ose janë në proces të ikjes rreth 170 specializantë kjo na bënë me dije se duhet të kthehet fokusi ndaj specializantëve për arsye se duhet të krijohen kushtet në mënyrë që ta parandalojmë ikjen e trurit. Në pikën e parë duke e bazuar argumentin tonë nga kalimi i vetëfinancimit në kategorinë e rregullt duhet të theksohet se impakti në buxhet është vetëm 600 mijë euro pra që i bie stilistikisht 0.01% e buxhetit të shtetit është një kosto e cila është e përballueshme dhe që do të zgjidhte një problem mjaft të madh”, tha ai.

Kujtojmë që në nëntor të vitit të kaluar rreth 1 mijë e 500 specializantë ishin bërë pjesë e sistemit publik shëndetësor në Kosovë. Punësimi i tyre ndodhi gjatë udhëheqjes së ministrisë së Shëndetësisë nga Armend Zemaj. 

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

2 days ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

2 days ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara