Kulturë

​Si duhet të visheni për intervistat e punës?

Published

3 years ago

on

Përshtypja e parë në intervistat e punës është shumë e rëndësishme dhe asgjë nuk ndikon në fitimin e saj sesa veshja. Dihet që kjo është diçka shumë e rëndësishme në procesin e punësimit, megjithatë ka ende kandidatë të cilët shkojnë në intervistat e punës me bluza pa mëngë, apo minifunde.

Çështja e veshjes është më e komplikuar sesa duket në fakt, jo gjithmonë është e nevojshme të vishen komplete me kollare. Megjithatë, përsëri ata që shkojnë për ta fituar punën duhet të mbesin brenda kornizave të profesionalizmit, sepse në radhë të parë, kjo është ajo që po kërkohet.

Më poshtë Akademi Pune ka disa këshilla të rëndësishem sesi duhet të visheni në vende të ndryshme të punës.

Kur jeni në dyshim mos e ekzagjeroni

Kodi i veshjes është diçka i varur. Disa kompani kërkojnë pamje shumë zyrtare, ndërsa disa të tjera kërkojnë veshje të zakonshme. Prandaj, është e rëndësishme që të hulumtoni rreth kulturës së kompanisë përpara se të shkoni në një intervistë pune. Kjo u jep të kuptojnë gjithashtu rekuterëve që, keni hulumtuar për kompaninë paraprakisht, diçka shumë e rëndësishme para intervistës.

Vërejtje: Industri të ndryshme kanë pritshmëri të ndryshme se si duhet të vishen kandidatët dhe punonjësit. Kodi i përshtatshëm i veshjes mund të ndryshojë shumë në varësi të kompanisë, industrisë dhe vendndodhjes.

Sidoqoftë, pavarësisht se çfarë veshin të gjithë në kompani, është thelbësore që të bëni kujdes të veçantë me pamjen tuaj gjatë një interviste pune. Kandidati i veshur me një kostum dhe kravatë, ose te femrat kostum me zyrar dhe taka, zakonisht do të bëjë një përshtypje shumë më të mirë sesa kandidati i veshur me xhinse dhe atlete.

Si të visheni për intervstë në kompani?

Nëse jeni duke shkuar në një intervistë pune në një kompani në një industri tradicionale, të tilla si financat, bankat ose sigurimet, duhet të zgjidhni veshje më formale. Në përgjithësi, kjo do të thotë një kostum dhe kravatë për burrat dhe një kostum pantallonash ose fund me këmishë ose bluzë për gratë.

Veshjet e burrave në intervista

Veshjet më të mira të intervistës për burrat në ambiente të tilla kanë tendencë të jenë konservatore. Burrat gjithmonë duhet të parazgjedhin të veshin një kostum. Të gjitha rrobat duhet të përshtaten mirë dhe të mos kenë njolla.

Këtu janë disa udhëzime për burrat:Veshje me ngjyra të errëta, të tilla si e zezë ose gri e errët Këmishë me mëngë të gjata e bardhë ose ngjyrë e koordinuar me kostumin Rrip lëkure Kravatë Çorape të errëta dhe këpucë lëkure më zyrtare Pak ose aspak bizhuteri Stil i flokëve i rregullt, profesional Thonjtë e rregulluar me kujdes Çantë

Veshja e duhur për gratë

Në përgjithësi, veshja e intervistave për gratë në këto lloj kompani është më e ndërlikuar dhe e larmishme sesa për burrat. Opsionet e shtuara e bëjnë grumbullimin e veshjes së intervistës pak më sfiduese për gratë sesa për burrat. Për shembull, nëse keni veshur një fustan apo fund, duhet të vendosni nëse duhet të vishni rroba të gjata ose nëse këmbët e zhveshura janë të pranueshme.

Gratë gjithashtu duhet të marrin parasysh aksesorët dhe të zgjedhin një çantë të përshtatshme. Çantat më të mira për intervista janë ato që janë profesionale dhe mjaft të mëdha, por që nuk bien shumë në sy.

Këto janë udhëzimet që duhet të merren parasysh nga femrat;Kostum në ngjyrë të errët, të zezë ose gri të errët Pantallona të gjera kostum pak më poshtë ose mbi gju Bluzë e përshtatshme Këpucë të përshtatshme Bizhuteri të duhura dhe me masë Prerje flokësh profesionale Grim i lehtë dhe sasi e kufizuar parfumi Thonjtë të pastër, të rregulluar me kujdes Çantë

Si të dukeni në vendet ku bartet veshje më e zakonshme

Kur vendi i punës ose puna është më pak formal, kodi i veshjes mund të jetë më i lehtë. Nëse nuk jeni të sigurt se çfarë të vishni, është mirë ta kontrolloni personin që do ta mbajë intervistën.

Kjo nuk do të thotë që duhet të visheni sikur po shkoni në palestër.

Këtu mund të vishni xhinse, por jo edhe të tillë si të copëtuar dhe me vrima. Pra të qëndroni ende të rregullt.

Related Topics:
Continue Reading

Kulturë

“Zjerm” ndez skenën shqiptare: Shkodra Elektronike triumfon në Festivalin e 63-të!

Published

17 minutes ago

on

December 23, 2024

By

Nata e mbrëmshme ishte një prej atyre mbrëmjeve magjike që do të mbeten gjatë në kujtesën e publikut shqiptar. Festivali i 63-të i Këngës në Radio Televizionin Shqiptar përfundoi me një shpërthim emocionesh dhe muzikë të shkëlqyer, duke kurorëzuar si fitues grupin Shkodra Elektronike me këngën e tyre të zjarrtë, “Zjerm.”

Me 143 pikë të merituara, Shkodra Elektronike jo vetëm që fitoi çmimin e parë, por gjithashtu siguroi përfaqësimin e Shqipërisë në Eurovision 2025. Kompozimi modern, teksti i fuqishëm dhe performanca emocionuese i dhuruan grupit një mbështetje të jashtëzakonshme nga juria dhe publiku.

Në garën e ngushtë për vendin e parë, Elvana Gjata me këngën “Karnaval” renditet e dyta, duke grumbulluar 135 pikë, ndërsa vendi i tretë i shkoi Alis për këngën “Mjegull,” e cila mori 59 pikë.

Edicioni i këtij viti solli një dimension të ri artistik dhe profesional. Dy çmime të rëndësishme u ndanë nga juria: Çmimi i Kritikës, i cili përfundoi në duart e Shkodrës Elektronike, dhe Çmimi për Tekstin më të Mirë, që shpërbleu mjeshtërinë në shkrimin poetik të këngëve pjesëmarrëse.

Çmimi i Kritikës vlerësoi thellësinë e kompozimit dhe interpretimit të grupit, duke dëshmuar se “Zjerm” është më shumë sesa një këngë – është një manifest artistik që ngjalli emocion dhe frymëzim. Festivalin e këtij viti e karakterizuan performanca të shkëlqyera, diversitet ritmesh dhe një konkurrencë e fortë mes artistëve, të cilët sollën pasionin dhe talentin e tyre në skenë. Skena u bë një arenë e emocioneve të gjalla, duke pasqyruar jo vetëm cilësinë artistike, por edhe shpirtin e palodhur të muzikës shqiptare.

Shkodra Elektronike drejt Eurovision 2025
Për grupin fitues, triumfi në Festivalin e Këngës është vetëm fillimi. Me këngën “Zjerm” si një simbol të energjisë dhe krenarisë kombëtare, Shkodra Elektronike do të përfaqësojë Shqipërinë në skenën e madhe ndërkombëtare të Eurovision 2025, duke sjellë me vete entuziazmin dhe përkrahjen e shqiptarëve kudo në botë.

Ky sukses është dëshmi e fuqisë së muzikës për të bashkuar dhe frymëzuar, duke dëshmuar edhe një herë se arti shqiptar ka shumë për të ofruar dhe për të shkëlqyer në skenën ndërkombëtare./UBTNews/

Continue Reading

Magazinë

Pirro i’a fshiu këngën Parashqevit, flasin nga kompania menaxhuese për të drejtat e autorit

Published

3 days ago

on

December 20, 2024

By

Lajmi që kënga ‘E duam lumturinë’ u fshi nga Pirro Çako ishte një ndër artikujt më të lexuar sot.

Publiku ka agravuar me komente të shumta në rrjet në lidhje me padrejtësinë që sipas tyre po i bëhet Parashqevi Simaku.

Ky veprim ka rikthyer vëmendjen tek artisti dhe muzikanti, që shpeshherë ka qenë nën hije të përjetshme të këngëtarëve më të njohur.

Të drejtat e këngës janë në menaxhimin e kompanisë “FOLÉ”. Ky ndryshim simbolizon hap të ri në mbrojtjen e të drejtave të artistëve shqiptarë, për të siguruar që ata të marrin atë që u takon nga puna. Pakënaqësitë e mëparshme për mënyrën si janë trajtuar të drejtat e autorit po shndërrohen në një debat më të gjerë mbi nevojën për transparencë dhe mbështetje institucionale për artistët.

Pirro Çako fshin nga YouTube këngën me 6 milion shikime të Parashqevi Simakut

UBT News ka kontaktuar me “FOLÉ” të cilët u shprehen se:

“Kënga e Parashqevit është një krijim i artistit Pirro Cako dhe të gjitha të drejtat e kësaj kënge i përkasin atij. Kemi vërejtur se kjo këngë është publikuar në disa platforma të tjera në mënyrë të paautorizuar (pirate). Si rrjedhojë, ne kemi ndërmarrë hapa ligjorë dhe kemi bërë disa kërkesa zyrtare tek YouTube për të hequr përmbajtjen e shpërndarë pa leje. Falenderojmë të gjithë ata që respektojnë të drejtën e autorit dhe mbështesin krijimtarinë artistike të mbrojtur ligjërisht. Me respekt, FOLÉ”, thanë ata. /UBT News/

 

Continue Reading

Magazinë

Angelina pranon se ndihet shpesh e vetmuar: Nuk e kam kuptuar si është të jetosh vetëm!

Published

3 days ago

on

December 20, 2024

By

Edhe pse Angelina gëzon shoqërinë e fëmijëve të saj, pranoi se ndihet e vetmuar e lidhet me personazhin e Maria Callas, të cilën e portretizon në filmin e ardhshëm “Maria”.

Jolie ka treguar për revistën Mirror se shpesh është vetëm e ndihet e vetmuar.

“Unë kam fëmijët e mi, të cilët i adhuroj, si e rritur ndihem shpesh vetëm. Ndihem e lidhur me vetminë që përjeton Maria në film. Ende nuk e kam kuptuar plotësisht si ta jetoj jetën tënde kur je vetëm. Ndoshta shumë artistët e shohin si një lloj lirie, por edhe izolimi”, tha ajo.

Angelina u nominua për Golden Globe për rolin e Marie Callas dhe filmi për këngëtaren legjendare të operës mund të shihet në kinema vitin e ardhshëm. Aktorja tregon se puna ishte emocionalisht sfilitëse, si “terapi”, se lotët në ekran ishin pasqyrë e dhimbjes dhe trishtimit të saj.

Përveç premierës, Angelina përballet me një tjetër betejë ligjore vitin e ardhshëm, Brad Pitt paditi ish-bashkëshorten për shitjen e aksioneve në vreshtin Chateau Miraval për 60 milionë euro. Pitt pretendon se Angelina shkeli marrëveshjen verbale, ndërsa ekipi ligjor pretendon se hodhi poshtë ofertën e Brad për ta blerë nga biznesi e nuk donte të nënshkruante  marrëveshje moszbulimi që ishte pjesë e marrëveshjes.

Tetë vite më parë ajo u nda nga aktori Brad Pitt, me të cilin ishte përfshirë në mosmarrëveshje të gjata ligjore për kujdestarinë e gjashtë fëmijëve të tyre dhe sot po bën një betejë ligjore me të për pronësinë e një vreshti në Francë. /UBT News/

Continue Reading

Magazinë

Pirro Çako fshin nga YouTube këngën me 6 milion shikime të Parashqevi Simakut

Published

3 days ago

on

December 20, 2024

By

Kënga “E duam lumturinë” e Parashqevi Simakut, një prej hiteve më të njohura të muzikës shqiptare, ka pësuar një ndryshim të papritur në platformën YouTube, duke shkaktuar një valë diskutimesh dhe spekulimesh në media dhe rrjetet sociale.

Pas më shumë se nëntë vjetësh në YouTube e me gati 6 milion shikime, versioni origjinal i këngës është fshirë nga kanali jozyrtar ku ishte ngarkuar. Një javë më parë, kënga kishte përjetuar rritje në numrin e klikimeve, me më shumë se 200 mijë vizita të reja.

Parashqevi Simaku, e cila është bërë simbol i muzikës shqiptare, duket se nuk ka përfituar monetarisht nga vepra e saj. Mungesa e menaxhimit të duhur të të drejtave të autorit ka qenë pengesë për shumë artistë, që çdoherë përballen me sfida në industrinë muzikore.

Fshirja e “E duam lumturinë” ka ngritur shumë pyetje. Pse u fshi kënga dhe kush është përgjegjës për këtë? Pas pak ditësh, kënga është rihedhur në YouTube, këtë herë nga kanali zyrtar i Pirro Çakos, kompozitorit të saj.

Ky veprim ka rikthyer vëmendjen tek artisti dhe muzikanti, që shpeshherë ka qenë nën hije të përjetshme të këngëtarëve më të njohur.

Të drejtat e këngës janë në menaxhimin e kompanisë “FOLÉ”. Ky ndryshim simbolizon hap të ri në mbrojtjen e të drejtave të artistëve shqiptarë, për të siguruar që ata të marrin atë që u takon nga puna. Pakënaqësitë e mëparshme për mënyrën si janë trajtuar të drejtat e autorit po shndërrohen në një debat më të gjerë mbi nevojën për transparencë dhe mbështetje institucionale për artistët.

Me këngën e saj, Parashqevi Simaku jo vetëm që ka rikthyer nostalgji te adhuruesit e muzikës tradicionale, por ka nxitur reflektim të rëndësishëm mbi sfidat që kanë artistët në botën digjitale. Pavarësisht nga fshirja e këngës, mbështetja e madhe nga publiku tregon se vlera e artit të saj është e pakontestueshme. Manifestimi i interesit të ri për këngën u ndihmua nga mediat sociale, ku fansat dhe përkrahësit e saj e kanë bërë këngën një nga temat më të diskutuara. Në një periudhë ku artistët e rinj shfaqin talentin në rrjetet sociale, rikthimi i këtij hiti të njohur tregon se arti vazhdon të ketë fuqi të madhe në krijimin e lidhjeve dhe mbështetje të ndërsjellë.

Përkundër pengesave që hasin artistët, pasioni për muzikën e traditat shqiptare mbetet i fortë. Një reflektim mbi vlerat që përfaqëson Simaku dhe këngët e saj, shërben si frymëzim për krijuesit e rinj, duke i inkurajuar të luftojnë për të drejtat e për të siguruar një vend në skenë. Me rikthimin e “E duam lumturinë”, shumë e kanë vënë re se krijuesit përpiqen të marrin kontrollin e duhur mbi punën e tyre

Ky rast shërben si levë për ndryshime, duke kontribuar në evoluimin e një skene muzikore të shëndetshme dhe më të drejtë për artistët. /UBT News/

Continue Reading

Të kërkuara