Lajmet

Selimi: Sot ose nesër dihet delegacioni që shkon në Uashington

Published

6 years ago

August 27, 2020

Esad Dujaka

Sot në Bruksel është zhvilluar takimi në nivel ekspertësh, në kuadër të dialogut mes Kosovës dhe Serbisë, që ndërmjetësohet nga Bashkimi Evropian. Ndërkohë, që më 4 shtator palët do të kenë një takim edhe në Uashington.

E pjesë e delegacionit do të jetë edhe Aleanca për Ardhmërinë e Kosovës. Këtë e ka konfirmuar ministri i drejtësisë, Selim Selimi.

Selimi ka thënë se është propozuar nga AAK-ja që të jetë pjesë e ekipit për dialog, mirëpo kjo pritet të caktohet nga kryeministri i Kosovës, Avdullah Hoti.

“Siç e dini nga AAK-ja jam i caktuar që të jem pjesë e ekipit për dialog. Listën apo personat, apo delegacionin i cili udhëton në Amerikë, më 4 shtator e cakton kryeministri Hoti, ne presim ose sot gjatë ditës ose të nesërmen të na lajmëroj se kush do të jetë pjesë e këtij delegacioni, kush do të marrë pjesë në takim dhe kush do të jetë pjesë e delegacionit që e shoqëron kryeministrin Hoti atje”, ka thënë Selimi.

Selimi ka deklaruar se qëllimi është që sa me shpejtë të ketë një marrëveshje përfundimtarë për njohje reciproke në kufijtë ekzistues.

“Ne kemi pasur një paralajmërim që do të ketë tema të zhvillimit ekonomik por delegacioni i Kosovës i ka pozicionet e përgatitura në çështjet të cilat do të diskutohen me Serbinë. Qëllimi i yni është që sa më shpejtë ta kemi një marrëveshje përfundimtare për njohje reciproke në kufijtë ekzistues, ky është pozicioni jonë, çështje të cilat e sjellin këtë marrëveshje e cila ne synojmë. Ne nga ekspert të ndryshëm, edhe nga qeveritë e kaluara, por edhe nga kjo qeveri, i kemi ato pozicionet e përgatitura”, ka thënë Selimi.

Selimi ka thënë se nuk mund të hyjë në detaje të këtyre pozicioneve por siguron që delegacioni i Kosovës është i përgatitur, pasi që është një armatë e tërë ekspertësh dhe shërbyesish civil të cilët kanë kontribuar në përgatitjen e pozicioneve të cilat do t’i ketë Kosova karshi Serbisë.

Related Topics:kryesore uashington selimi delegacioni

Up Next

6 viktima dhe 141 raste të reja me COVID-19

Don't Miss

MPB: Pavarësisht orës, gazetarët nuk pengohen në përmbushjen e detyrave të tyre

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

8 hours ago

October 30, 2026

UBTNews

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Lajmet

Akil Gjakova mbyll garën pa medalje në Abu Dhabi

Published

9 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

9 hours ago

October 30, 2026

UBTNews

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/